چانىمايمەن (چانايمەن دەپتىكەن -شۇڭا)

kalamiy

	* چانىمايمەن ( يېقىندا يوللانغان چانايمەن دىگەن ناخشا تېكىستىنى ئوقۇغان ۋە ناخشىسنى ئاڭلىغاندىن كىيىن ) ئاپتورى : ئوبۇل ئوغلى قەلەمىي كۆڭلۈڭ بولدى تەئەللۇق ھەددىم ئەمەس چانىمايمەن . چۈشەندۈرمە بولدى بەس قىلىپ ھەۋەس چانىمايمەن . چىن يۈرەكتىن سۆيگىنىم ھەقىقەتتۇر ئۆلگىچە ، قوشۇلمىسا قاندىشىڭ بولۇپ بىر پەس چانىمايمەن . * ئاتا- ئانا ڭ ئۇنمىسا ئاڭلا چوقۇم گېپىنى . رازىلىقىنى بەرمىسە زورلىمايمەن -چانىمايمەن . ئۇلار رازى  خۇدامۇ  مەمنۇن ئىدۇر ھەسسىلەپ، ئۇلار بولماي سەن نەدە ئۇھلىمايمەن چانىمايمەن . * كېرەك بولسا بېرەتتىم سېنىڭ ئۈچۈن جاننىمۇ، كىرەلەيتىم كىر دىسەڭ ئوت ۋە  تۇمان  سۇغىمۇ . ئىچەلەيتىم ئىچ دىسەڭ سۇنساڭ  زەھەر ئوغىمۇ ... مەندەك بول دەپ ساڭا ئور كولىمايمەن  چانىمايمەن . * ئويلىغىنى بار بەلكىم كۆزلەپ ۋاقتى - پەيتىڭنى  ، ئۆز يېنىدا كۆرۈشنى ئويلاپ تاجۇ - تەختىڭنى . مەيلى كۆرسەم كۈلكىلەر ئويناقلىغان  ئەپتىڭنى . مەنسىز تاپساڭ خۇشاللىق  ئويلىمايمەن چانىمايمەن . * مۇھەببەتنىڭ سوتى يوق سوتلىشىپمۇ يۈرمەيمەن . قالدىڭ بەلكىم ئامالسىز بۇنى سەندىن كۆرمەيمەن . ئارتۇق ئويلاپ ئەمدى مەن- ئەمەس خىيال سۈرمەيمەن . كىمگە تەگسەڭ تېگىۋەر توسىمايمەن- چانىمايمەن *

XERHAN

	بۇنىڭغا نىمە دەي ئەمدى ؟.... مەتتوختى ساتتارنى تەلىپ قىلايلى ئەمدى بۇنى ناخشا قىلىپ ئوقىغىلى ...

!UYGHURJAN

	sumbulahan يوللىغان ۋاقتى  2013-4-19 09:49 PM قانداق مەتۇ ناخشىبۇ؟ ناخشا غۇلجىدىن چىقىدۇ ، ئۈرۈمچىد ... شۇنداق پىچەت قەشقەر خەلق ناخشىللىرى بارغۇ . سىلى دېگەن بۇزۇلغان ناخشىلار ۋاڭبا( تورخانا ) خەلق ناخشىللىرى...........!

$$$xair$$$

	ئەسسالامۇ ئەلەيكۇم باھارلىق مۇنبەر ئەھلى ياخشىمۇسىزلەر!... مەن بولسام بۇ شېئىرنىڭ ئاپتورى:ئەنىۋەر ئەمەت ئەزىز بولىمەن. ئەسلىدىلا بۇ شېئىرنىڭ سىرىتلارغا تارقىلىپ كېتىشىنى پەقەتلا خالىمايتىم، بولۇپمۇ مۇنبەرلەرگە... لېكىن دوسلۇرۇمغا ئۈندىداردىن ئەۋەتكەن سەۋەنلىكىمدىن بۇ شېئىر قىسقىلا بىر ئىككى كۈن ئىچىدە تارقىلىپ پۈتكۈل شىنجاڭنى قاپلاپ كېتىپتۇ، ھەتتا ناخشا بولۇپ ئېيتىلىپ چىقىپتۇ. مەن بۇ شېئىرنى مۇنبەردە تارقىلىشنى خالىمايتىم، چۈنكى مۇنبەردا كاللىسىدا ئاز تولا سۈيى بار قۇسۇرچى، كاللىسى 20سانتىمىتىردىن ئارتۇق يەرگە ئىشلىمەيدىغان نۇرغۇن تورداشلار مەۋجۈت. ئەمدى ئىش بۇ دەرىجىگە كەلگەندە نىمە ئۈچۈن بۇ شېئىرنى يازغانلىقىمنى بىر چۈشەندۈرۈپ ئۆتەي: 1-بىزنىڭ يېزىۋاتقان شېرىمىز بەكمۇ كۆپ مۇھەببەت تېمىلىرى كۆپ سالماقنى ئىگەنلەيدۇ ئەمما ھەممىسى بىر قېلىپتا، خۇددى بىر ئىككى گەپ سۆزنى ئاملاشتۇرۇپ قويغاندەكلا، ئېپادىلەش ئۇسۇللىرىدا پەقەتلا يېڭىلىق كۆرۈلمىدى. شۇڭا كۆپ قىسىم تورداشلار ‹شېئر› دىسە بېشى ئاغرىيدۇ. ئوقىسىمۇ يەنىلا ئۆزگىچە ئۇسلۇپلارنى يارتالايدىغان ‹مۇھەممەتجان راشىدىن›... دىگەندەك ساناقلىق بىر نەچچە شائىرىمىزنڭكىنى ئوقۇيدۇ، چۈنكى ئوخشاش نەرسىنى يەنە ئوخشاش ئىپادىلەش ئۇسۇللىرىنى قوللىنىۋەرسە، ھەر تەتىلدە ‹غەرىپكە ساياھەت›نى قويغاندەكلا بىر ئىش. شۇڭا تورداش ياكى ئوقۇرمەنلەرگە مۇھەببەتنى ۋە تەشنالىقنى ئەسەببى ئۇسۇلدىن پايدىلىنىپ ئىپادىلەش مەخسىتىدە يازدىم. 2-بىزنىڭ ئاتاقلىق شائىرلىرىمىز بىزگە مەنىۋى زوقلارنى بەرگىنى بىلەن ئۇلار ھازىر قىز-يىگىتەر ئوتتۇرسىدىكى مۇھەببەتكە قىززىقمايدۇ، چۈنكى بۇ دەۋىر ئۇلارنىڭ مەنىۋىيتىدىن يىراق، يازاي دىسىمۇ بۇرۇنقى ئۆتمۈشتىكى مۇھەببەت ھېسلىرىنى يازىدۇ، ئەمما ھازىرقى جەمىيەتتىكى ياشلارنى چۈشەنمەيدۇ يازغانلىرى ئۇلارنىڭ يۈرىكىگە دەل تەگمەيدۇ. ئۇلارنىڭ تۇرمىشىدىن يىراقلىشىپ كەتكەن شئېرلار ھەممە ئادەم ئۆزىنىڭ تۇرمىشىدىكى نەرسىلەرگە ئېتىبار بېرىدۇ، شۇڭا مىڭ بۇرۇنقى ئەسلىمىلەرنى يازغان بىلەن ھازىرىقى جەمىيتىمىزنىڭ ياشلىرىنىڭ تۇرمۇش ئۇسۇلىنى ئۆزگەرتەلمەيدۇ، شۇڭا ئۇلار ئېتىبارسىز قارايدۇ. شۇڭا ھازىر زامان ياشلىرىنىڭ تۇرمۇشىنى تەتقىق قىلىش ئارقىلىق ئۇلارغا بىر كۆز ئالدىدىكى ھەممىسىگە تونۇشلۇق مۇھەببەت كارتىنىسى سىزىپ بېرىش مەخسىتىدە يازدىم. 3-ھازىرىقى ياش يىگىتلىرىمىز خېنىم مىجەز بولۇپ كەتتى، ئۇلاردا جاسارەت كەمچىل، ھەققىقى مۇھەببەت كەمچىل، ئاسمان ئۆرۈلۈپ كەتسىمۇ تەۋەككۈل قىلالايدىغان ھېچنىمىدىن قورىقمايدىغان باتۇرلۇق كەمچىل. شۇنداق بولغانلىقى ئۈچۈن قىز بولسۇن ئۇغۇل بولسۇن ئۇلارغا ھەققى بىر سەۋدا ئاشىقنىڭ قىياپىتىنى كۆرسىتىپ بېرىش ۋە ئۇلارغا ئۇنتۇلۇپ كەتكەن ئاشۇ ئەركەك پۇرىقىنى ھېس قىلدۇرۇش مەخسىتىدە يازدىم. 4-نۇرغۇن ئاتا-ئانىلاردا ئۆز مەنپەتىنى ۋە ئابرويىنى دەپ ئىككى ياشنىڭ ھېسىياتىنى كۆزگە ئىلمايدىغان ئەھۋاللار بار، ئەسلى بىر ئۆي دىگەننى ئاشۇ ئاتا-ئانىلىرى ئەمەس ئىككى ياش تۇتىدىغان گەپ. ئائىلىدە مۇھەببەت بولمىسا مىللەتنىڭ ئىز باسارلىرى بولغان پەرزەنىتلەر قانداق بولۇپ چوڭ بولىدۇ. ئۇلار ئائىلىدىن كۆڭلى سوۋۇپ جەمىيەتتە يامان ئىشلارغا ئارلىشىدىغان، مەكتەپتىن قاچىدىغان، لۈكچەك، ئوغرى، يانچۇقچى... ھېچ بولمىسا ياخشى ئوقىماي يېرىم ساۋاتلىق بولۇپ، بىر تېكىسنىڭ مەزمۇنىنىمۇ ئوڭشاپ چۈشىنەلمەي ھە دىسىلا ئاغىزىنى بۇزۇپ ئىنكاس يوللايدىغان ئاشۇ مۇنبەرداشلاردەك، ئۇيقۇ ھالىتىدىكى ئىز باسارلارغا ئايلىنىپ قالماسمۇ، بۇ ئىشنىڭ دائىرىسى ناھايتى كەڭ تورداشلار... مۇھەببەتلىك ئائىلە گەرچە جاپالىق بولسىمۇ ئۇ پۇتكۈل گۈزەل ھاياتنىڭ كېلىش مەنبەسى، ئارزۇ-ئۈمۈتلەرگە تولغان تۇرمۇشنىڭ باشلىنىش نۇختىسى شۇڭا بۇ توغرىسىدا كىتاپخانلىرىمىزنىڭ ۋە ئاتا-ئانىلارنىڭ دېققىتىنى قوزغاش ۋە ئىدىۋى تەربىيە بېرىش مەخسىتىدە بۇ شېئىرنى يازدىم. 5-بۇ ئېنىقلا بىر ساتىرىك شېئىر. ئاۋۇ تىللاپ تۇرۇپ ئىنكاس يازغان قېرىنداشلىرىم، تېخى قولىغا تولۇقسىز سىنىپنىڭ ئەدەبىيات كىتابىنى ئېلىپ ساتىرىك شېئىر دىگەننىڭ قانداق بولىدىغانلىقىنى ئوقۇپ باقمىغان ئوخشايدۇ. ھېچبولمىغاندا ‹ئەلشاھ› توردىشىمىزنىڭ‹مۇنبەردىكى شائىرلارغا ئىككى كەلىمە سۆز› دىگەن تېمىسنىمۇ كۆرمىگەن ئوخشايدۇ. ھەجىۋى شېئىرلار رېئال تۇرمۇشتىكى خەلق مەنپەئتىگە زىيانلىق بولغان ناچار ئادەم،  يامان ئىللەت ، قالاق ئىددىيە ۋە ھەرخىل بولمىغۇر قىلىقلارنى پاش قىلىش، مەسخىرە قىلىش خاراكتىرىدە يېزىلغان شېئىرلار ھەجىۋى شېئىرلار دەپ ئاتىلىدۇ.  ( بۇ شېئىرلار بەك كۆپ ئۇچرايدۇ ، تەپسىلى توختالمدىم ). (ساتىرا دەپمۇ ئاتىلىدۇ) .........‹‹چاناش››.... بۇ ئېنىقلا بومۇغۇر ئىش ئەمما لېكىن ئاشۇ سەلبى قىلىقلارنى پاش قىلىشتىكى ئەڭ مۇھىم نۇقتا.   ئەمدى بۇ توغرىسىدا جىق سۆزلىگۈم يوق. رەخمانجان ئاۋۇت ئۆزھال ئەپەندىنىڭ بۇ ناخشىنى ئېيتىپ چىقارغانلىقىنى مەن شەرەپ دەپ ئويلايمەن.

ARKA

	شىئېر  تىكىستى بىلەن ناخشىنىڭ مەزمۇنى ئوخشىمايدىغۇ ؟،...