ئانىسىنى قۇتقۇزۇۋالغان ئوغلاق

basut

	ئانىسىنى قۇتقۇزۇۋالغان ئوغلاق         چېن جىڭخۇا   يېقىندا،مالەن كەنتىدە تىجارىتى ئىنتايىن ياخشى بولۇۋاتقان بىر قوي گۆشى شورپىخانىسى تۇيۇقسىز تىجارەتتىن توختاپ،دائىملىق خىرىدارلىرىنى ۋە ئەل-جامائەتنى ھەيران قالدۇرغان.مۇخبىر ھەممىدىن خەۋەردار بىر كىشىدىن ئەھۋال ئىگىلەش ئارقىلىق،يېقىندا بۇ شورپىخانىدا كىشىنى ھەيران قالدۇرىدىغان ۋە          تەسىرلەندۈرىدىغان بىر ۋەقەنىڭ، يەنى ئۆچكە بىلەن ئوغلاقنىڭ ئۆلۈم ئالدىدىكى بىر-بىرىگە بولغان چوڭقۇر ئانا-بالىلىق مىھرى-مۇھەببىتى ئىپادىلەنگەن تەسىرلىك ۋەقەنىڭ يۈز بەرگەنلىكىنى ئىگىلىگەن،شۇ ۋەقەدىن كېيىن خوجايىننىڭ كۆڭلى ئىنتايىن بىئارام بولۇپ،ئەڭ ئاخىرىدا بۇ شورپىخانىنى تاقاش قارارىغا كەلگەن.   ئاشخانا ئالدىدا قوي (ياكى ئۆچكە)سۇيۇش بۇ ئاشخانىنىڭ قائىدىسى بولۇپ،بۇنداق قىلىشىدىكى مەقسەت،خىرىدارلىرىغا ئۆزلىرىنىڭ يېڭى گۆش ئىشلىتىدىغانلىقىنى نامايەن قىلىش ئىدى، ئەمما خەۋەردار كىشىنىڭ مۇخبىرغا ئېيتىپ بېرىشىچە، يېرىم ئاينىڭ ئالدىدا، شورپىخانىنىڭ خوجايىنى جاۋ خوجايىن بىر دېھقاندىن بىرى چوڭ، بىرى كىچىك ئۆچكە سېتىۋالغان ، بۇ كۈنى جاۋ خوجايىن چوڭ ئۆچكىنى سويماقچى بولۇپ،قاسساپقا تەييارلىق قىلىشنى بۇيرۇيدۇ، قاسساپ پىچىقىنى ئۇزۇن ئۈستەلنىڭ ئۈستىگە قويۇپ قويۇپ،ئاشخانىغا جاۋۇر ئېلىپ چىققىلى كىرىپ كېتىدۇ، قاسساپ جاۋۇرنى ئېلىپ چىقىپ قارىسا پىچاق يوق،ئاشخانىدىكىلەردىن سورىسا ھىچكىم كۆرمىگەن.   بۇ چاغدا،ئۆچكە كۆزلىرىدىن ياش ئاققان ھالدا كىچىك ئۆچكىنى يالاۋاتقان،كىچىگى بولسا يەردە ياتقان ھالدا چوڭىغا قاراۋاتقان،كۆزلىرىدىن ئاققان ياش بولسا يۈزلىرىنى ھۆل قىلىۋەتكەن ئىدى.   بۇ مەنزىرىنى كۆرگەن قاسساپ دەرھال جاۋ خوجايىننى چاقىرىپ چىققان،  بۇ مەنزىرىنى كۆرۈپ خوجايىننىڭ كۆڭلى ئىنتايىن يېرىم بولغان ھەمدە ھېلىقى دېھقاننىڭ،" بۇ ئىككى ئۆچكە ئانا-بالا" دېگەن سۆزىنى ئېسىگە ئالغان، بۇ ئەھۋالدىن، بۇ ئىككى ئۆچكىنىڭ ھەر ئىككىلىسىنىڭ ئۆزلىرىنىڭ ئۆلۈم ئالدىدا تۇرۇۋاتقانلىقىنى بىلىپ،ئۆزئارا ۋىدالىشىۋاتقانلىقىنى سەزگەن خوجايىن چوڭ ئۆچكىنىڭ سويۇلغانلىقىنى كىچىكىگە كۆرسەتمەسلىك ئۈچۈن ،كىچىكىنى تارتىپ ئارقا ھويلىغا ئېلىپ چىقماقچى بولغان.   كىچىك ئۆچكىنى تارتىپ تۇرغۇزغان دەل شۇ چاغدا،قاسساپ باياتىن ئۆزى ئىزدەپ تاپالمىغان پىچاقنىڭ دەل كىچىك ئۆچكىنىڭ ياتقان يېرىدە تۇرغانلىقىنى كۆرگەن، ئەتراپتىكىلەرنىڭ ھىچقايسىسى بۇ پىچاقنىڭ كىچىك ئۆچكىنىڭ ئاستىغا قانداق كېلىپ قالغانلىقىنى بىلمەيدىغانلىقىنى، ھەمدە بۇ پىچاقنى چوقۇم كىچىك ئۆچكىنىڭ ئانىسىنى قۇتۇلدۇرۇش ئۈچۈن ئېپكېلىپ ئاستىغا تىقىۋالغانلىقىنى ئېيتىشقان.   ئىلگىرى كالا،ئات قاتارلىق ھايۋانلارنىڭ ئۆلتۈرۈلۈشتىن بۇرۇن يىغلايدىغانلىقىنى ئاڭلىغان،ئەمما شورپىخانا ئېچىۋاتقىنىغا بەش يىلدىن ئارتۇق ۋاقىت بولغان جاۋ خوجايىننىڭ بۇنداق ئىشنى كۆرۈشى بىرىنچى قېتىم بولغاچقا،قاتتىق ئىككىلىنىپ قالغان ھەمدە قاسساپقا ئۆچكىلەرنى سويماسلىقنى ئېيتقان.   نەچچە كۈن ئۆتۈپ كەتسىمۇ،ئانا-بالا ئۆچكىلەرنىڭ كۆز ياش تۆككەن كۆرۈنۈشى جاۋ خوجايىنىڭ كۆز ئالدىدىن زادىلا كەتمىگەن ھەمدە كۆڭلىنى ئىنتايىن بىئارام قىلغان، نەچچە كۈنلۈك كەسكىن ئىدىيىۋى كۈرەشتىن كېيىن،جاۋ خوجايىن ئەڭ ئاخىرىدا قوي گۆشى شورپىخانىسى ئاچماسلىقنى ۋە بۇندىن كېيىن بۇ كەسپ بىلەن شۇغۇللانماسلىقنى قارار قىلغان.     خەنزۇچە"تاللانغان نەسىرلەر" دېگەن ژورنالنىڭ2013 -يىللىق4-سان كېيىنكى يېرىم ئايلىق سانىدىن ئېلىپ تەرجىمە قىلىندى. تەرجىمان __ ئۆزەم.

xomtak

	mihir muhabbat adamladila ams balki ahywanladimu boldu .

naildin

	بىر جان بولغانىكەن ئۇنىڭ ھەر  قاندىقىدا مېھىر-مۇھاببەت بولىدۇ!

akyupurmak

	ھەر كۈنى قوي- كالا سۇيىۋاتقان ئادەملەر ئەڭ تاش يۈرەك ئادەملەر. مەن تۇخۇ-كەپتەر سويغان يەردىمۇ تۇرالمايمەن

musilina

	نېمە دېگەن تەسىرلىك ھېكايە بۇ،شۇ كۆرۈنۈشلەرنى كۆز ئالدىمغا كەلتۈرۈپ،ۋۇجۇدۇم تىترىدى.....

1arman

zoklann

	قۇرۇق گەپ،ئاللاھ ھايۋانلارنى ئىنسانلارنىڭ پايدىلىنىشى ئۈچۈن ياراتقان. ئىنسانلارنىڭ قولىدا ئاللاھنىڭ ئىسمى ئېيتىلىپ زەبى قىلىنىش شەرىپىگە ئېرىشكەن ھەر قانداق ھايۋان راھەتلەنگەن ھالدا كۆز يۇمۇدۇ. بۇ بىر ھەقىقەت. ئەمدى يۇقىرقى ۋەقەلىككە كەلسەك؛ ئەقىللىق ئوغلاق ئۆزلىرىنىڭ خىتايلارنىڭ قولىدا ھارام ئۆلۈپ كېتىدىغىنىنى ئوويلاپ ئېچىنىپ يىغلىغان. ئەمدى پىچاقنى تىقىۋېلىشىگە كەلسەك؛ بەلكىم بىرەر مۇسۇلمان كېلىپ قېلىشىنى كۈتكەن بولىشى مۈمكىن.

zoklann

	akyupurmakھەر كۈنى قوي- كالا سۇيىۋاتقان ئادەملەر ئەڭ تاش يۈرەك ئادەملەر. مەن تۇخۇ-كەپتەر سويغان يەردىمۇ تۇرالمايمەن گۆش يىمەيدىغان ئوخشىمامسىز خان؟؟؟؟

saray1

	akyupurmak يوللىغان ۋاقتى  2013-4-19 10:19 PM ھەر كۈنى قوي- كالا سۇيىۋاتقان ئادەملەر ئەڭ تاش يۈرەك ئا ... ئەگەر قاسساپلار تاش يۈرەك بولسا سىز ئاشخانىلارغا كىرگەندە ياكى ئۆيدە تاماق يىگەندە گۆش يىمەمسىز؟ئەگەر يىسىڭىز شۇ يىگەن گۆشنىڭ ھايۋان گۆشى ئىكەنلىكىنى بىلمەمسىز؟سىزنىڭچە قايسى تاش يۈرەكلىك؟