يامغۇر ئازابى (نازۇك)

0999nazuk

	يامغۇرلۇق ئاشۇ كۈن ھېلىمۇ ئېسىمدە، بىز كۆرۈشكەن شۇ كۈنى تۇيۇقسىز يامغۇر يېغىپ كەتتى. مەن سومكامدىن كۈنلۈكمنى ئالدىمدە، ئۇنى ساڭا تۇتتۇم. سەن مېنى ئاستا يېنىڭغا تاتتىڭ، بىز كۈنلۈكنىڭ ئاستىدا بىللە ماڭدۇق، كېتىۋاتىمىز، مەن بۇرۇن ئانچە نەزىرىمنى سالمىغان بۇ كوچىلار، مانا ئەمدى ياپ-يېشىل گۈزەل كوچىغا ئايلاندى. بۈگۈن بۇ كوچىدا ئىككىمىزدىن باشقا ئادەم يوقتەك شۇنداق ئەركىن مېڭىپ كېتىپ بارىمىز.شىرىلدىغان يامغۇر ئاۋازى قۇلىقىمغا مۇڭلۇق مۇزىكىنىڭ ئاۋازىدەك تۇيۇلدى، توۋا مەن بۇرۇن يامغۇرلۇق كۈنلەرنى ياخشى كۆرمەيىتتىم، ئەمدىلىكتە بۇ يامغۇرلۇق كۈنگە نىسبەتەن ئاجايىپ بىر خىل شېرىن سېزىم پەيدا بولدى، بۇ مۇھەببەتنىڭ خاسىيىتىمىدۇ............. ئاشۇ يامغۇرلۇق كۈن ئىككىمىزنىڭ مۇھەببىتىنىڭ شاھىدى ئىدى، شۇنىڭدىن بېرى يامغۇردىنمۇ قوقماي كۆرىشىدىغان بولدۇق، ئوتلۇق ۋىسالغا زارىققان قەلبىمىزدىن بىر- بىرىمىزنى قانچىلىك ياخشى كۆرىدىغىنىمىز كۆزلىرىمىزدىن ئىپادىلىنىپ تۇراتتى. بىز بىر- بىرىمىزگە مۇھەببەتلىك كۆزلىرىمىز بىلەن قارىدۇق. ھەممە نەرسە شۇنچىلىك گۈزەل، ھاۋامۇ شۇنچىلىك ساپ بىلىنەتتى. بىزنىڭ شېرىن سۆزلىرىمىز تۈگەيدىغاندەك ئەمەس، سەن خۇددى مېنىڭ ئۇچۇپ كېتىشىمدىن ئەنسىرگەندەك بېلىمدىن چىڭ تۇتىۋالغان ئىدىڭ. ،مېنىڭ ، بۇ سۆيگۈمىزنى ئالەمگە تەنتەنە قىلغۇم كەلدى. مۇھەببەتنىڭ مېھرى ئاجايىپ ئىسسىق بولىدىكەن ھە! بىز مۇزلىغىنىمىزنىمۇ بۈلمەي دېڭىز بويىدا مۈرەڭگە بېشىمنى قويغىنىمچە دېڭىزنىڭ يامغۇر يېغىۋاتقان ھالىتىنى تاماشا قىلىپ ئولتۇردۇق. دېڭىزدىن كۈۋەجەپ چىققان دولقۇنلارنىڭ ئاۋازى ، خۇددى بىزگە ئاتاپ ناخشا ئېيتىۋاتقاندەك بىلىنەتتى. بىز شۇنداق تاتلىق مىنۇتلارنى ئۆتكۈزىۋاتقان پەيىتتە ، سەن ئاستا قولۇمنى تۇتۇپ تۇرۇپ، مەندىن كەچۈرۈم سورىدىڭ. مەن ھەيرانلىق ئىلكىدە ساڭا قارىدىم، سېنىڭ نىمە ئۈچۈن مەندىن كەچۈرۈم سورىغىنىڭنى بۈلەلمەي قالدىم. سەن مۇھەببىتىمىزدىن ۋاز كېچىشنى ئېيىتقان ۋاقتىڭدا، يۈرىكىمنىڭ چوڭقۇر ھاڭغا چۈشۈپ كېتىۋاتقانلىقىنى ھىس قىلدىم، مەن ئورنۇمدىن قانداق تۇرغىنىمنىمۇ بۈلمەيمەن، خۇدۇمنى بۈلمەي يۈگرەپتىمەن، بەلكىم سېنىڭدىن يىراقراق يەرگە بېرىپ ئاۋازىمنى قويىۋىتىپ ساراڭلارچە ۋاقىراپ يىغلىۋىلىش ئۈچۈندۇ، ياكى بەلكىم قەلبىمنى قاتتىق لەرزىگە سېلىپ ئەشەددى قورقۇنۇچلۇق سۆزلىرىڭنى قايتا ئاڭلىماسلىق ئۈچۈندۇ...... كېتىۋاتىمەن، يۈگرەۋاتىمەن، ھەممە يەر ئازاپ بىلەن يۇغۇرۇلغاندەك.... مۇھەببىتىمىزگە گۇۋاھ بولغان بۇ يامغۇرمۇ نالىلىرىمغا چىدىمىغاندەك تېخىمۇ كۈچەپ ياغماقتا، توختىماي ئاققان كۆز ياشلىرىمغا قوشۇلۇپ دەريا ھاسىل قىلىپ ماڭماقتا.... ماڭا شادلىق ئاتا قىلغان بۇ يامغۇرنىڭ،يامغۇر ياغقاندىكى شۇ شېرىن مىنۇتلارنىڭ مەڭگۈ داۋام قىلىشىنى، يېقىملىق ناخشىدەك ماڭا ئارام- بەخىش ئېتىشىنى ئارزۇ قىلاتتىم. لېكىن بۇ شادلىق مەندىن بارغانسىرى يىراقلاپ كەتتى، مەن يالغۇز قالدىم. شادلىقتىن كۈلگەن شۇ تۇيغۇلار مەندىن بارغانسىرى يىراقلاپ بارماقتا. كۆزۈمدىن يامغۇر بىلەن تەڭ ياشلار قۇيۇلۇشقا باشلدى، مەن ئۆزەمنى بۇ ئازاپلاردىن قۇتۇلدۇرۇش ئۈچۈن يامغۇر سۈيىگە چېلىنىپ تۇردۇم، شۇ يامغۇر سۈيى بىلەن قەلبىمدىكى شۇ ئازاپلىرىمنىڭ تەڭ يۇيۇلىشىنى ئارزۇ قىلدىم. ئۈستۈمگە تامچىغان يامغۇردىن توڭلاپ شۈمشەيسەممۇ، سېغىنىشنىڭ ئازابى بۇ توڭلاشلارنى بېسىپ كەتتى. مەيلى مەن سەن ئۈچۈن توڭلاشقا رازى، سەن بىلەن ئۆتكەن شۇ ئەسلىمىلەر ئۈچۈن مەڭگۈ مۇشۇنداق تۇرۇشقا رازى. مەن خيال قىلىۋاتىمەن، يامغۇردا يىراقلارغا نەزەر تاشلاۋاتىمەن، يامغۇرنىڭ تەبىئەتكە ئاتا قىلغان گۈزەللىكىدىن ھوزرۇ ئېلىۋاتىمەن، يەنە سىېنىمۇ ئەسلەۋاتىمەن، شۇ گۈزەل ئەسلىمىلەرنى ئەسلەۋاتىمەن، سەنمۇ ئەسلەۋاتامدىغانسەن.... مەن ھازىر يامغۇردا يالغۇز يۈرۈپ كۆنۈپ قالدىم، ھىچقىسى يوق، ئىنسان نىمىگە كۆنمەيدۇ دەيسەن. مەن ھەممىگە كۆندۈم ، يەنە ھەممىنى چۈشەندىم، سەن ئۆزۈڭنىڭ بەخىتسىزلىكىڭنى ماڭا تاڭغۇڭ كەلمىدى، مېنىڭمۇ بەخىتسىز بولۇپ قېلىشىمنى خالىمىدىڭ، مېنىڭ بەخىتلىك بولۇشۇم ئۈچۈن ئۆزۈڭنى مەندىن تاتتىڭ، لېكىن بىلسەڭ ئىدىڭ، سەن مېنىڭ بەختىم ئىدىڭ، لېكىن سەن خالىمىدىڭ سېنى سېغىنىۋاتىمەن ، شۇ تاپتا يامغۇردا ھۆل بولغان ئۈستىبېشىم بىلەنمۇ پەرۋايىم پەلەك. سەن بۇنى ھېس قىلالارسەنمۇ... كۆز ئالدىمدا غايىۋانە خياللار بىلەن سەن بىلەن سىردىشىۋاتىمەن. يەنە، ئوتلۇق سۆيۈشنىڭ تەپتى كەتمىگەن لەۋلەر بىلەن تاتلىققىنا كۈلۈۋاتىمەن ........... لېكىن ھايات يەنە داۋاملىشىۋىرىدىكەن، مەنمۇ قەدەملىرىمىنى ئاستا ئېلىپ كەلگۈسىگە قاراپ مېڭىش ئالدىدا تۇرىۋاتىمەن، ئازاپلارنىڭ روھىمنى ئاستىن- ئۈستىن قىلىشىنى خالىمايمەن. ئاچچىق ئازاپ ھاياتنىڭ ئېكىكى ئىكەن، مەن تاغلارنى تالقان قىلغۇدەك ئىرادە ، قەيسەرلىك بىلەن ئۆزۈمگە يول ئاچىمەن، مۇھەببەتتىن ئازار يېگەن كۆڭلۈمنى ئاق كۆڭۈل كىشىلەرگە مېھرىبانلىق قىلىش ۋە نۇرغۇن ساخاۋەتلىك ئىشلارغا قارىتىمەن. نازۇك..................

kalamiy

	نەسىرىڭىزنى ئوقۇۋېىتىپ تاتلىق بىر خىيال مېنى قاياقلارغىدۇر ئېلىپ كەتتى . چىن يۈرەكتىن تامغان ھاياجانلىق تۇيغۇلار ئۈزۈلۈپ قالمىغاي

patkak

ap~qilam

	تۈنۈگۈن ياغقان يامغۇردا مەنمۇ شۇنداق شىرىن ئىزگۈخىيال ئىچىگە شۇڭغۇپ كەتكەنىدىم ، يامغۇرغا چىلىشىپ تازا  تاماشا قىلىۋاپتىمەن  لېكىن سىز يامغۇردىن خوشاللىق ئەمەس بەلكى ئازاپ ئىزلەپسىز ئەمەسمۇ

kumkazi

	سىز خاسىيەت سامىلاق (يالپۇز) شۇمۇ ؟   ماۋۇ ئەسەر يېزىشىڭىز  ئەجەپ ئوخشاپلا تۇرىدا ،،،

ئۆل

	ۋاي نىمانداق ئېسل چىقتى بۇ ..ئاجايىپ شېرىن لىرىكا بوپتۇ ..مۇزىكىنىڭ كەپ كەتكىنى تېخى ..راسلا قالتس ..بەكلا ياقتۇردۇم ..

iptihar2014

	ئەجەپ ياخشى يىزىپىسز بولسا چۇشۇركىدەك قىلىپ يوللىغان بولسىڭىز بەك ياخشى بولاتتى

magrurjan

	بەك ئىسىل چىقىپتۇ ئەسىرىڭىز چەكسىز ھۇزۇرلاندىندىم  مۇزىكىمۇ بەك ماس كەپتۇ

nazigul8

	بەكلا لېرىك ئىسىل چىقىپتۇ، ھەر بىر رەسىمدىن شۇ قۇرلار ئۆزلىكىدىن مۇزىكىغا تەڭكەش بوپ، مۇڭلۇق ئاۋازدا سۆزلەۋاتقاندەك بىلىنىپ كەتتى. بۇ يامغۇردىكى يۈرەك تىۋىشلەر بەك ياخشى ئىپادىلىنىپتۇ.

samatjan0998

	پاھ  نىمدىگەن ھىسسياتلىق  سۇرەتلەر بەك ياخشى ماسلاشتۇرۇلۈپتۇ،،،