تاشقى پىرۋۇت ۋاكالىتچىلىرىنىڭ كۆپتۇرمىچىلىكى

kulak

	تاشقى پىرۋۇت ۋاكالىتچىلىرىنىڭ كۆپتۇرمىچىلىكى    مەن تاشقى پىرۋۇت بازىرىغا كىرگەندىن بۇيان زىيانمۇ تارتىپتىمەن پايدىمۇ ئاپتىمەن ،كۆپرەك ئالتۇن كۈمۈش سودىسى بىلەن شۇغۇللانغاچقا ، بىر مەزگىل مەلۇم ئۇيغۇر شىركەت ۋاكالەتچىلىكىدىكى ئالتۇن كۈمۈش كاپالەت نەخ مال سودىسى بىلەن شۇغۇللاندىم .   ئاقىۋەتتە ھىساپ پارتىلىتىپ ،زىيان تارتتىم ئاندىن زىيىنىمنى ئىزلىۋىلىپ بۇ كاپالەت نەخ مال سودىسىن بەدەر قاچىتىم .يىقىندىن بۇيان كۆپ قىسىم قىرىنداشلىرىمىز ئۇيغۇر شىركەتلەر ئارىسىدا كاپالەت نەخ مال سودىسىغا ۋاكالەتچى بولغان دوستلىرىمىزنىڭ ھەددىدىن زىيادە كۆپتۇرۇپ تەشۋىق قىلىپ ،ئۇلارنى مەۋھۇم پايدىغىلا قىزىقتۇرۇپ ھىساپ پارتىلاشتەك ئالاھىدىلىكنى يۇشۇرۇپ ۋە ياكى يۇزەكىلا چۇشەنچە بىرىپ، كىشىلەرنىڭ ئازغىنە پۇلىغا كۆز قىزارتىۋاتىدۇ ،ئەمەلىيەتتە ئۇلارغا شۇ تاشقى پىرۋۇت ۋاكالەتچىلىكىدىن ئۇنچىلىكمۇ كۆپ پايدا قالمايدۇ ، ئەمما شۇ كىچىككىنە پايدىنى دەپ ئۆزىنىڭ قىرىندىشىنىڭ زىيان تارتىشى ،ئاچچىق ئازابىدا ئوتقا چۇشكەن قىلدەك تولغىنىشى بىلەن قىلچە كارى بولمايۋاتىدۇ .  تىخى يىقىندا بىر قىرىندىشىمىزنىڭ نالىسىگە قولاق سالدىم : ئۇنىڭ دىيىشىچە ئۇ تور ئارلاۋىتىپ مەلۇم تاشقى پىرۋۇت ۋاكالەتچىسىنىڭ توربىكىتنى زىيارەت قىلىپتۇ ،ئۇنىڭدا نەچچە مىڭ يۇەن بىلانلا نەچچە كىلو ئالتۇننىڭ سودىسىنى قىلغىلى بولىدىغانلىقى پۇل تاپماقنىڭ نەقەدەر ئاسانلىقى ،ئەگەر شۇ ۋاكالەتچىدىن ھىساپ ئاچسا ،سودا جەھەتتىن يىتەكلەپ ،پايدىغا يۇزلەندۇردىغانلىقى يىزىلغانىكەن .ئۇ دوستىمىز قىزىقسىنىپ شۇ ۋاكالەتچىگە تىلفۇن ئۇرۇپتۇ .قارشى تەرەپ ھەقسىز ھىساپ ئاچىدىغانلىقى سودا جەھەتتىن يىتەكلەپ دەرس ئۈگىتىدىغانلىقى نەچچە مىڭ يۇەن بىلەنلا نەچچە يۇز گىرام ئالتۇننىڭ نەچچە كىلو كۈمۈشنىڭ سودىسىنى قىلغىلى بولىدىغانلىقى سۆزلەپتۇ . نەتىجىدە تىخى ئەمدىلا توي قىلىپ تۇرمۇشىنى قامداش غىمىدە يۇرگەن بۇ يىگىت مەزكۇر ۋاكالەتچىدىن ھىساپ ئىچىپتۇ .باشتا 5000يۇەن بىلەن خىلى ئوبدانلا پايدا ئاپتۇ ،ئەمما كىيىن بازارنىڭ چوڭ تەۋرىنىشىگە ئۇچراپ قىلىپ زىياننى تىزگىنلىگۇچە ھىساۋاتى پارتلاپ كىتىپتۇ .ئۇ نىمشىقا بۇنداق بولدىغانلىقىنى ھىلىقى ھىساپ ئىچىپ بەرگەن ۋاكالەتچىدىن سورىغاندا ، ئەسلى مەبلەغ يىتىشمىسە پارتلايدىغانلىقىنى ئىيتىپتۇ .ئۇ زىياننى تولۇقلىۋىلىش ئۇچۇن باشقىلاردىن قەرز ئلىپ يەنە 10000يۇەنلىك سودا قىپتۇ .ئۇ سودا قىلغانسىرى زىيانغا مىڭىپ ئۇ 10000يۇەنمۇ يوق بوپتۇ .ئاتالمىش سودىغا يىتەكلەيدۇ ،كۇندىلىك ئانالىز يوللىنىدۇ دىگەن گەپلەرنىڭ ھەممىسى ئەمەلىيەتتە بىر قىتىملىق قارماققا ئىلىندۇرۇش ئىكەنلىكىنى ھىس قىپتۇ .   قىسقىسى ئۇ باشقىلاردىن قەرز ئىلىپ زىيىنىمنى تولۇقلايمەن دىگەنسىرى ئەكسىنچە تىخىمۇ زىيانغا پاتتى .كىشىنىڭ تىخىمۇ غەزىپىنى قوزغايدىغان يىرى شۇكى ،ھىلىقى ۋاكالەتچى زىيان تارتىشنىڭ ھەممىنى ئۇ قىرىندىشىمىز دۆڭگەپ قويۇپ، ئۆزىنىڭ ھىساپ پارتلايدىغان تەرىپىنى دىمىگەنلىكىنى بوينىغا ئالمىغان .شۇنداق قىلىپ بۇ قىرىندىشىمىز 15000يۇەن زىيان تارتقان .   ئاخىردا دەيدىغىنىم ،تاشقى پىرۋۇت سودىسىغا ۋاكالەتچىلىك قىلىش يامان ئىش ئەمەس ،ئەمما قانداقتۇر شۇ تاشقى پىرۋۇت سودىسىدا ھىساپ ئاچقان كىشىلەرگە ئىشنىڭ ھەقىقى ماھىيىتىنى ،ھەقىقى كۆرىنىشىنى بىلدۇرسە ،ھىساپ ئاچقۇچىلارمۇ ئۆزىنى دەڭسەپ ئىش قىلاتتى .ھىچنىمىدىن بىخەۋەر ھىساپ ئاچقۇچىلارغا پايدىلا ئالغىلى بولدىغاندەك خۇددى زىيان تارتمايدىغاندەك ھىساپ پارتلىمايدىغاندەك ھەددىدىن زىيادە كۆپتۇرۇپ تەشۋىق قىلىشى نۇرغۇن قىرىنداشلىمىزنى ئوچۇقلا ھاڭغا ئىتتىرگەنلىك بىلەن باراۋەر .شۇڭلاشقا دوستلىرىمىزنىڭ بەك ئالتۇن كۈمۈش سودىسى قىلغۇسى بارلارنىڭ سودا سانائەت بانكىسى ۋە قۇرۇلۇش بانكىسىدىن نەخ ئالتۇن كۈمۈش سودىسى قىلىشىنى تەۋسىيە قىلىمەن .قىرىنداشلىرىمىزنى يەنە ئەسكەرتىمەنكى ،كاپالەت نەخ مال سودىسىغا ھەرگىز يىقىن كەلمەڭ ،بولمىسا ئۇ سىزنى چوقۇم ئوڭدا قويىدۇ ...          مەنبەسى : ئۆزۇم

biniz

	ناھەق ئىشلارنى كۆرگەندە ئىككى ئېغىز ئەسكەرتىش بولسىمۇ بېرىپ قويىدىغان كىشلەر كۆپىرەك بولسكەن دەيمەن .

بانكىر

	زىياننىڭ ئىقىپ توختاش نۇقتىسى قەيەر ياكى قايسى شەخىسنىڭ ياقچۇقىدا.

ataullah

	كىچىككىنە پايدىنى كۆزلەپ ئۆز قېرىدىشىنى ھاڭغا ئىتتىرىپ ، كۆڭلى تاتامدىغاندۇ شۇ پايدىنى خەجلەشكە…

KAXTEXIA

	بۇ بىر مەنپى سودا ئاخىرى زىيان بىلەن ئاخىرلىشىدۇ ،كىرىپلا قالسىڭىز قىمارغا ئوخشاش چىقالمايسىز ، بىز بىرىنجى ئەۋلات تاشقى پروۋوت ئوينىغۇچىلار ھەممىمىز  ۋەيران بولغان ،قېرىنداشلارنىڭ يىراق تۇرشىنى ئەسكەرتىمەن ...