مالىيە بۆلىمىگە كىرىش (مىكرو ھېكايە) [ئىجادىيىتىم]

pahtikar

	يۈرۈكۈم ئۆز كونتىروللىقىنى يوقاتتى، ئۆپكەم ئۆرۈلۈپ، ئاغزىم گەپكە كەلمەي پۇتلىرىم كالۋالاشماقتا ئىدى. ئۆز بۆلۈمىمدىن مەكتىۋىمىزنىڭ مالىيە بۆلىمىگىچە بولغان ، 10 مېتىرچە كېلىدىغان ئوتتىردىكى ئىككى ئىشخانە ئارىلىقى پىلسىرات كۆۋرىكىدەك بىلىنىۋاتاتتى. ئۆز تەرىمنىڭ مىۋىلىرىنى ئۈزۈشكە قادىر بولالايمەنمۇ - يوق؟ بىر خىل ئىچكى ھودۇقۇش جېنىمنى ئىكەكلەۋاتاتتى.  راستىنى ئېيتسام ھەر قانداق ئادەمگە، ئوقۇغۇچىلىرىمنىڭ ئاتا - ئانىسىغا ، جەمئىيەت كاتتىلىرىغا دادىللىق بىلەن يۈزلىنەلەيدىغان جاسارىتىم نەلەرگە كەتتىكىن ... ئۇھ ! ئاخىر مالىيە بۆلۈمىگە كىردىم. ئۇلار ، مېنىڭ تەبئىيلىكىمنى يوقاتقان ئۈچ ئادەم ئۆز سالاپىتى بىلەن نورمال ئولتىراتتى. يېقىنلاشتىم ، تىزلىرىم، لەۋلىرىم ، دىماقلىرىم بىلگۈسىز تىترەپ تۇرسىمۇ. نېمىشقا؟ چۈنكى مەن بۇ يول لېنىيىسىدە بىر چىغىر يول پەيدا قىلىپ بولغان ئىدىم. ئۇلار تىكىلىپ ئولتۇرغان ئېكىرانىدا سان - سېفىرلا ئۆزگۈرۈپ تۇراتتى. تۇيۇقسىز ئۇلار ئورۇنلىرىدىن تۇرۇپ كېتىشتى. ئۇلارنىڭ لەۋلرىمۇ تىترەيدۇ، چىرايى مەن كۆرۈپ باقمىغان ئىپادىلەرگە تولغان، راسىت مەن بۇ خىل ئىپادىنى ئەزەلدىن كۆرۈپ باقمىغان ئىدىم. مەن قورقۇپ كەتتىم . ئۇلاردىن ئەيمىنىدىغانلىقىم راسىت ، لېكىن ئۇلار كىمدىن ئەيمىنىۋاتىدىغاندۇ؟ ھوشۇمنى تېپىپ بولغىچە مەن ئىنتىزار بولغان ، ئائىلەمنى تۇرمۇش كاپالىتىگە ئىگە قىلىدىغان ئىش ھەققىم ئالقىنىمدا پەيدا بولدى. مەن تېخىمۇ چۈشىنىكسىز بىر ھودۇقۇش ئىچىدە ئۇلارنىڭ ئالدىدىن تېز ، پەۋقىلادە تېز سۈرئەت بىلەن سىرتقا چىقىپ بولدۇم. بۇ شىرىن چۈشتىن ئويغۇنۇپ كەتكۈم يوق ئىدى. ئۇ ئۈچ گەۋدىگە يولۇقۇپ قېلىشتىن ئەنسىرەيىم. .. ئائىلەمگە بېرىپ باشقا ھېچ نېمىنى ئويلىماستىن خوتۇن - باللىرىمغا چېھرىمدىن باھار ھەدىيە قىلدىم. خوشاللىق بىلەن چۈشتىن كېيىن خىزمەتكە كېچىكىپ قالدىم ، مەكتەپكە كەلسەم بۆلۈملەردە ئىنسان يوق، بۇ نېمە ئىشتۇ دەپ ئىزدىدىم. ئەسلىدە ھەممەيلەن يىغىن زالىدا ئىكەن. يەنە پۇل تۇتقۇزۇپ قېلىشتىن ئەنسىرەپ جېنىم چىقتى. نەپسىپ ئىشتىگلەپ يىغىن زالىغا ئۆزەمنى ئاتتىم . قورقۇپ كەتتىم ، كىرىشىمگە ھەممەيلەن دۈررىدە تۇرۇپ كېتىشتى. خۇددى توي قىلغان يىگىت - قىزنى قارشى ئالغاندەك... ئەسلىدە مەن مودىر بولۇپ ئۆستۈرۈلۈپتىمەن . خەپ ، يەنە ماڭا ئوخشاش بىچارىلەر ئۇ بۆلۈمگە كىرىپ مودىر بولالامۇ؟

KETMEN

	ياخشى يىزىپسىز . تىخىمۇ تىرىشىڭ

xahzada517

	بۇ سەل خىيالى  بوپ قالدىمۇ قانداق؟؟؟

sabak

maxaalla

	چۈشەنمىدىم  !!!!!!!!!!!!!!!!!!!!!!

tatlik0999

	مەن مىكرو ھېكايىنى بەك ياخشى كۆرەتتىم ،بىراق بۇنى چورتلا چۈشنەلمىدىم . بەلكىم كاللام توختاپ قالدىمىكىن .

AYGUZAL007

	مىكرو ھېكايە ئەمەس، خىيالىي ھېكايە

saray1

	خىزمەتنىڭ بىسىمىدىن ئۆزىڭىزنىڭ ئۆستۈرۈلگەنلىكىڭىزنى بىلمىگۈدەك بوپ كىتىپسىز دە؟