يېڭى بىر ھايات (نەسىر)

turklan

	يېڭى  بىر  ھايات (نەسىر)                                                            ئاپتۇرى:تۈركلان          قوياش كۈلدى ،كائىنات كۈلدى.          يېپيېڭى بىر كۈن باشلاندى .          مىنىڭ يېڭى بىر ھاياتىم باشلاندى.مەن ئۆتمۈشۈمنىڭ بەتلىرىنى قايتىدىن يازالمايمەن،كەلگۈسۈم ماڭا نەمەلۈم.ماڭا پەقەت ھازىرنىڭ ئۆزىدىكى ۋاقىت غەنىيمەت.ئىمان ئىتقادىم سۇسلىشىپ كەتمەستە،جەڭگىۋارلىقىم يوقالماستا،يۈرىكىم تېپچەكلەۋاتقان مۇشۇ دەقىقىلەردە مەن يېڭى بىر كۈننى كۈتىۋالدىم .ھاياتىم ماڭا مۇھاببەتلىك كۆز نۇرلىرى بىلەن تىكلىپ ،ئۈمۈد چاچقۇلىرىنى سۆيگۈگە چاڭقاق دىلىمغا خىسلەتلىك يامغۇرلىرى بىلەن قۇشۇپ چاچتى.      مەن بىر كۈنلۈك ھاياتىمنى داۋاملاشتۇرماقتىمەن.مىنىڭ يېڭى بىر كۈنۈم يېڭى قوياش ئىلكىدە يېڭىلاندى.بۇ بىر كۈننىڭ دىللارغا ئارام شوخ ناۋالىرىنى پەقەت ۋە پەقەت يېڭى ھاياتىملا ئاڭلىيالايدۇ.بۇرۇختۇرمىلىقنىڭ كۈنلىرى بۇ ئاۋازنى ئاڭلاشتىن مۇستەسنا.بۇنى يېڭى ھاياتىم تىمتاسلىق ئىلكىدە ئاڭلايدۇ.بۇ بىر كۈننىڭ چۇڭقۇرلىقىقغا ئاجايىپ مەنىلىك ھېكمەتلەر يۇشۇرۇنغان .ئۇ مىنى شۇنى  ئىستەشكە دەۋەت قىلىدۇ.مەن مۇھاببەتلىك ۋۇجۇدۇمنى ئەڭ سەزگۈ ھېس تۇيغۇلارغا تولدۇرۇپ ،مەنىلەر ئۈچۈن ياشىماقتىمەن .      مەن بۇ يەردە _مەن بۈگۈننىڭ قوينىدا ،يېڭى  ھاياتنىڭ  مەنىلىرى ئىچىدە .       بۇ  بىر  كۈن مەن ئۈچۈن بىر ھايات.مەن قورقۇپ ياشىساممۇ ئەجەل ھامىنى بەلگىلەنگەن ۋاقىتتا كىلىۋىرىدۇ،قورقۇنچاقلىق مىنىڭ ھاياتىمنى ئۇزارتالمايدۇ .باتۇرلۇق ھەم مىنىڭ ھاياتىمنى قىسقارتالمايدۇ.مىنىڭ ئارمىنىم شۇكى :ئىمان ئېتقادىمدا چىڭ تۇرۇپ ياشاپ يېڭى  بىر ھاياتلىق ئۈچۈن يېڭى مەنىلەر  ئىزدەش.     چۈنكى مەن -بىر ھايات، مەن ئۈچۈن بىر  كۈن مىنىڭ ھاياتىم يېڭى بىر مەنزىلىم       قاراڭغۇلۇق ئەتراپنى قاپلىدى ،قاراڭغۇنىڭ زۇلمەت  قەدەملىرى  قوياشنى  ئۆز قوينىغا  ئېلىپ ،پۈتۈن كائىناتنى قاراڭغۇ تۈن پەردىسىگە چۆكتۈردى .ئاللىقاياقلاردا ئەنسىزچىلىكتىن ۋارقىراشقا مەجبۇر بولغان ئاۋازلار ئاڭلىناتتى.        قولاقلىرىم شەپىسىز شامالنىڭ شىۋىرلىشىدەك بىر تىمتاسلىققا ئاستا ئاستا كۈنۈپ كەتتى.        مەن ھاياتىمنىڭ خولاسىسىنى چىقىرىۋاتاتتىم.بىر كۈن ئاخىرلاشقان ئىدى.بەلكى يېڭى  بىر ھايات  باشلىنىشقا تەرەددۇتلىنۋاتاتتى.         مەن بۈگۈن نىمىلەرنى قىلدىم؟           بۇ سۇئال مىنىڭ ھاياتلىقىمدىكى سىگنال .           مەن بۈگۈن ئىزدەندىم،ھەقىقەت ئىزلىدىم .ئاللاھنى  ۋە سۈيۈملۈك پەيغەمبىرىمىزنى سېغىنىپ ياشىدىم.             ھەقىقەتسىز ياشاش  نۇمۇس ماڭا.           بىر  كۈن ئاخىرلاشتى.ھاياتنىڭ بىرى ئاخىرلاشتى .مەن يېڭى ھايات  كۈتىمەن.يېڭى  بىر  كۈن ماڭا كەلگەن يېڭى  بىر  ھايات.           مەن بۇ كۈندە باشقا ئۇيغۇر شىرمەتلىرىدەك ئىز قالدۇرۇشۇم ،ھەققىي ئوغۇل بالىدەك ياشىشىم كېرەك.             مەن نامىزىمدا شۇنداق دەپ دۇئا قىلدىم.                                                      2009 -12 -26                                                       كېچە  تۈن نىسبى

saparbay

	ھەر بىر كۈن - يېڭى بىر ھايات،  ھەر بىر مىنۇت بىز ئۈچۈن غەنىمەت،  بىز بۈگۈن كەلگۈسىمىزنى بەرپا قىلىش  ئۈچۈن ياشايمىز، ھاياتلىقىمىزدا ئۆلۈم ئۈچۈن دەسمايە توپلاپ ياشايمىز !  بىر كۈنلەردە ھەممە نەرسە قېلىپ، بىز پەقەت ياخشى-يامان ئەمەللەرنىلا ئېلىپ قايتىمىز ! ...

دىلكان

	ئاللاھ رەھمەت قىلسۇن قېرىندىشىم

barghut

	ئۆتمۈش قايتا يارىتلمايدۇ... قايتا يارىتىلغان ئۆتمۈشنىڭ ئۆزى بىر ئەپسانە

intikam

	ئەجرىڭىزگە تەشككۈر  قېرىندىشىم، ئاللاھ رەھمەت قىلسۇن!،

yik

	بۇ تىما ياخشى يېزىلىپتۇ  مەزمۇنى سىغىم جەھەتتىن قىسقا ئىخچام مەزمۇنى تۇلۇق يۇرۇتۇلۇپ بەرگەن . بۇندىن كىيىنكى ئىجادىيەتلىرىڭىزمۇ ئۇتۇقلۇق بولغاي

0908220

	ئاللاھ رەھمەت قىلسۇن قېرىندىشىم