توردىكى «ئاقما ئۇچۇر»لارغا كۆز قارىشىم!

otyurak203

	توردىكى ئاقما ئۇچۇرلارغا كۆز قارىشىم!       ئەسسالامۇ ئەلەيكۇم ئەزىز قېرىنداشلار ئۇلۇغ ئاللاھ ھەممىڭلارنىڭ ئەزىز تېنىنى  سالامەت قىلسۇن !      ئەمدى رەسمىي گەپكە كەلسەم ، ئىنتېرنىت تورى ۋە توردىن پايدىلىنىپ ئۇچۇر  ئالاقە يەتكۈزىدىغان بىرقىسىم دىتاللار بىزنىڭ يەنىمۇ كۆپ ئۇچۇرلاردىن خەۋەردار بولۇشىمىزدا ناھايىتى چوڭ رول ئوينىدى(مەسىلەن :تېڭشۈن شېركىتىنىڭ ئۈندىدار، كوت كوت قاتارلىق دىتاللىرى ۋە باشقا مىكرو بىلوگلار ، ھەرقايسى ئۇچۇر ئالاقە توربىكەتلىرى، ئۇيغۇر ئۇلىنىش تورى ۋە باشقا ئۇنىۋېرسال توربىكەتلەر). بۇنىڭ  ياخشى - يامان تەرەپلىرىنى مەن كۆپ سۆزلىمىسەممۇ  ھەممەيلەنگە ئايان ، شۇنىڭدەك يىقىنقى يىللاردىن بۇيان«ئاقما ئۇچۇرلار» ئەدەپ قالدى، بۇنداق دىسەم «بۇ ئۇچۇرلار  نەرىڭىزگە پۇتلاشتى؟»دەپ سورىشىڭىز مۇمكىن ، ئەلۋەتتە  ماڭا  پۇتلاشتى شۇڭا بۇ تېمىنى  يازدىم، ئەمدى «قانداق پۇتلاشتى؟ »دەپ سوراڭ، توختاڭ بۇنىڭغا ئالدىرىماي  جاۋاب بېرىمەن .      ئالدى بىلەن مەن چۈشەنگەن ئاقما ئۇچۇرغا بىر چۈشەنچە  بېرەي: ئاقما ئۇچۇر - خەت ياكى يېزىق شەكلىدە ھەرقايسى ئالاقە ۋاستىلىرىنىڭ ياردىمى ئارقىلىق كۆپ قىسىم كىشىلەر  ئورتاق ئىشلىتىدىغان مەلۇم بىر ئالاقە دائىرىسىگە تارقىتىلىپ شۇ كىشىلەرنىڭ دىققەت ئىتىبارىنى  قوزغايدىغان ، ئاقما ئۇچۇر مەزمۇنى بويىچە مەلۇم بىر خىل ھەرىكەت قىلىشقا ئۈندەيدىغان بىرخىل ئۇچۇر شەكلى.     نەچچە كۈن ئىلگىلى مۇنداق بىر قانچە «ئاقما ئۇچۇر » نى تاپشۇرۇپ ئالدىم : 1 .ئۇيغۇر يېزىقىمىز دۇنيا تىل تەكشۈرۈش كومىتېتى تەرىپىدىن« يوقىلىش گىرداۋىغا بېرىپ قالغان تىل» تىزىملىگىگە كىرگۈزۈلۈپتۇ ، شۇنىڭ ئۈچۈن بىز بار كۈچىمىز بىلەن ئانا  تىلىمىزنى قوغدىشىڭىزنى  تەۋسىيە قىلىمىز        (ئۈندىدار دوستلۇق چەمبىرىكى ئۇچۇرى)    ئەي ئەقىللىق قېرىنداشلىرىم ئويلاپ  بېقىڭلار ، سۆيۈملۈك ئۇيغۇرتىلىمىز كۈندىن -كۈنگە قەدىرلىنىشكە ئېرىشىۋاتقان ھەتتا ئاپتوماتىك پۇل ئېلىش ماشىنىسى ، مىكروسوفىتنىڭ ئاساسلىق خەت ئالاقە ساندۇقى ۋە مەشغۇلات سېستىمىسى ، گۇگۇل شېركىتى مەھسۇلاتلىرى قاتارلىقلارغا كىرگۈزۈلۈپ كۈندىن - كۈنگە تەرەققىي قىلىۋاتقان مۇشۇنداق ئۇلۇغ بىر تىلنىڭ ئىسمىنى ئاپلاپمۇ  باقمىغان بىر تەشكىلات  تەرىپىدىن بىر تىزىملىككە قوشۇلۇشى ئەقىلگە سىغامدۇ؟ بوپتۇ بۇنى ئانا تىلىمىزنى قەدىرلەش ئۈچۈن بىر تەشۋىقات سۈپىتىدە توقىغان بىر گەپمۇ دەيلى ، بىزگە مۇشۇنداق ئەپقاچتى گەپ ئارقىلىق تەشۋىق قىلىشتىن باشقا چارە  تېپىلماي قالارمۇ ؟ 2. مەلۇم بىر شەھەردىن پالانىجان ئۈيدىن چىقىپ  كەتكەن، ھازىر ئاپىسى ئاپتونوم رايونلۇق مەلۇم دوختۇرخانىدا ئېغىر  كېسەل ئازابىدا  قىينىلىۋاتىدۇ ، بالىنى كۆرگۈچىلەرنىڭ خەۋەر قىپ  قويۇشىنى ئۈمىد قىلىمىز . تېلفۇن :1380000000  (ئۈندىدار دوستلۇق چەمبىرىكى ، كوت كوت توپى )     ئەمدى دەڭ «بۇ بىر جان ئازابىدا بالنستتا قىينىلىۋاتقان ئايالنىڭ ئوغلى بىلەن كۆرۈشىۋېلىشى ئۈچۈن  ياخشى كۆڭۈل بىلەن تارقىتىلغان بىر ئۇچۇر تۇرسا، بۇ نەرىڭىزگە  پۇتلاشتى ؟» .  دوستۇم ئېغىر بېسىق  بولۇڭ ، ماڭا پۇتلاشقىنى ئۇچۇر مەزمۇنى ئەمەس ، ئەلۋەتتە  مەنمۇ بىر ھىسىياتلىق ئادەم ، بۇنداق ئىشلارنى كۆرسەم ھەرگىز قاراپ تۇرمايمەن ، ئوبدان دىققەت قىلسىڭىز بۇ ئۇچۇرنى ئەۋەتكۈچى پەقەت ئۇچۇر مەزمۇنىنى ئەۋەتتى لىكىن تۇنجى قېتىم مۇشۇ ئۇچۇرنى تارقاتقان ۋاقتىنى سىز كۆردىڭىزمۇ؟ يەنە ئويلاپ  بېقىڭ ياخشى نىيەت بىلەن تارقىتىلغان بۇ ئۇچۇر پەقەت شۇ دەسلەپ تارقىتىلغان ۋاقتى قوشۇپ يېزىلمىغانلىق سەۋەبلىك توردا تارقىلىپ يۈرىۋاتقىلى نەچچە يىل بولغاندۇ ؟       مەن ئۆتكەن يىلى بىر قىزنىڭ ئىچكىرىدە تېپىۋېلىنغانلىقى ھەم ئاتا-ئانىسىنى تېپىشىپ بېرىش توغرىسىدىكى بىر ئۇچۇرنى كۆرگەنتىم ، بۇ ئۇچۇردىمۇ شۇنداق خاتالىق سادىر قىلىنغان ، مەن ئۈلۈشكۈن شۇ ئۇچۇرنى يەنە  تاپشۇرىۋالدىم . بۇنداق  بولىۋەرسە بۇ ياخشى نىيەتلىك ئۇچۇرلار  ئەلۋەتتە  ئەخلەت ئۇچۇرغا ئايلىنىدۇ.     بولدى جىق  سۆزلىمەي ، گەپنى يۇغۇشتۇراي . ئاساسلىق  مەقسىدىم مۇشۇنداق ئاقما ئۇچۇرنى يوللىغۇچىلار  ۋە تارقاتقۇچى قېرىنداشلىرىمىزغا تۆۋەندىكى بىرقانچە تەۋسىيەرىمنى سۇنماقچى: بىرىنجى ، قېرىندىشىم  سىز بىر تەشۋىقاتچى ، شۇنداق بولغانىكەن تەشۋىقاتىڭىزنىڭ كىشىلەرنى قايىل قىلالىشى ،ئەمەلىيەتچىللىكى  بولۇشى ، ئۇيدۇرما بولماسلىقىنى تەۋسىيە قىلىمەن . ئىككىنجى ، ئاقما ئۇچۇرلارنى يوللىغان ۋە تارقانقان ۋاقتىڭىزدا ئومۇمنىڭ مەنپەئەتىنىمۇ  كۆزلەپ قويسىڭىز ، سىزنىڭ تەتۈر تەشۋىقاتىڭىز تۈپەيلى نۇرغۇنلىغان قىرىنداشلار گۇناھقا شىرىك بولمىسۇن ، ئەگەر ئۇنداق بولمىغاندا ئاشۇلارنىڭ گۇناھى پۈتۈنلەي سىزنىڭ زىممىڭىزگە يېزىلىدۇ.(دىن دىن پايدىلىنىپ توقۇلما پەيدا قىلغۇچىلارغا) ئۈچىنچى ، بولسا ئېغىر كۆرمەي ئۇچۇر  يوللىغان ۋاقتىڭىزدا كالىندارغا بىر قارىۋەتسىڭىز ۋە شۇ چىسلانى مۇشۇ ئۇچۇرنىڭ كەينىگە قوشۇپ قويسىڭىز ، مىھرىبان قېرىنداشلىرىمىزنىڭ يەنە ئۇقۇشماستىن شۇ چىسلا قويۇلمىغان ئۇچۇرلارنى تەكرار يوللاپ ئەخلەت ئۇچۇر پەيدا قىلىشنىڭ  ئالدىنى ئالسىڭىز . ئاخىرىدا ئەقىللىق  تورداشلىرىمىز ۋە چىچەن خەلقىمىز «ئاقما ئۇچۇر» لاردا  يەنە قانداق سەۋەنلىكلەر ساقلانغانلىقىنى مەندىنمۇ ياخشى بىلىدۇ دەپ قارايمەن ، «ئاقما ئۇچۇر»نىڭ رولىغا سەل قارىمىساق ، مۇشۇ توغرىسىدا يەنە پىكىرى بار قېرىنداشلىرىمىزنىڭ ئىنكاس  شەكلىدە  داۋاملىق  پىكىر بېرىشىنى ئۈمىد قىلىمەن. جىق كوتۇلداپ  بېشىڭلارنى ئاغرىتىپ قويدۇم ، تۈزىتىشلىرىڭلارغا  تەشنامەن. مەنبە : ئۆز قەلىمىم 2013-يىلى 4-ئاينىڭ 15-كۈنى

wenas

	راست دەيسىز!سىز دىگەن بۇ ئۇچۇرلارنى مەنمۇ كۆرگەن.ھېلىقى «دۇنيا تىل تەكشۈرۈش كومىتىتى...............»دىگەن ئۇچۇرنى بىر نەچچە قېتىم تاپشۇرۋالدىم.يەنە ھېلىقى ئىچكىرىدە تېپىۋېلىنغان ھېلىقى قىز توغىرلىق ئۇچۇرنىمۇ نەچچە قېتىم كۆرۈپ ھەيران قالغانتىم،تېخى بىرنەچچە كۈننىڭ ئالدىدا كوت كوت توپتا بۇ ئۇچۇرلانى يەنە تاپشۇرۋالدىم لېكىن بەك ھەيران قالدىم،بۇ ئۇچۇرلار مەڭگۈ ۋاقتى ئۆتمەيدىغان ئۇچۇرلارمىدۇ؟؟

azrat705

	ھازىر توردا ياخشى نىيەت بىلەن يوللانغان ئەمما جەمئىيەتتە ناچار تەسىر پەيدا قىلىدىغان ئۇچۇرلار خېلىلا كۆپ

كۇشان

	بىزنىڭغۇ مۇشۇنداق ئاقما ئۇچۇر تىپىش ،گەپ تىپىش ئاقنى قارا قىلىشتىن باشقا ئىشنى قىلىشتىن باشقا خۇشاللىق تاپالمايدىغان مىللەت بولقالدۇق.

rahmansaykin

	توغرا گەپ قىپسىز .

urann

	ئالدى بىلەن سىزنىڭ بۇخىل ئۇچۇرلارغا بولغان كۆز قارىشىڭىز توغرا ئەمەس،ھەتتاكى ئۇنى ئاقما ئۇچۇر دەپ ئاتىشىڭىزمۇ خاتا،بۈگۈنكى كۈندە ئېنتىرنىتنىڭ ئومۇملىشىشى بىلەن ئۇچۇرنىڭ تارقىلىش سۈرئىتى،تارقىلىش شەكلى ئۆزگەردى،ھەر بىر شەخىس بىر تاراتقۇغا بىر خەۋەر مەنبەسىگە ئايلاندى،سىزنىڭ ئاقما ئۇچۇر دەپ ئاتىۋالغىنىڭىز دەل سىزنى ئۆز ئىچىگە ئالغان يېڭى تاراتقۇلارنىڭ ئۇچۇرلىرى،ئەگەر سىز شەخىس ئۇچۇرىنىڭ ئەنئەنىۋى تاراتقۇلارغا قارىغاندا نوپۇزى يوق ئىشەنچىسىز دەپ قارىسىڭىز مەن سىزگە بۇ ئەنئەنىۋى تاراتقۇلارغا قارىغاندا تېخىمۇ تېز تېخىمۇ ئەركىن تاللاشچانلىقى تېخىمۇ يۇقىرى دەپ جاۋاپ بېرىمەن،يول بويىدا كېتىۋېتىپ قاتناش ھادىسىسىنى كۆرگەن بولسىڭىز دەرھاللا دوستلۇق چەمبىرىكىگە مىكرو بىلوگ ۋە ھاۋاكازالارغا شۇ ۋاقىتىڭ ئىچىدە يوللىيالايسىز،يەنە كېلىپ نېمە دەپ يېزىش ئەركىنلىكى سىزدە،ئا ب نى قەستەن باستۇرىۋەتتى دەمسىز،ب يۈگرەپ كېلىپ ئا نىڭ ماشىنىسىغا سوقۇلدى دەمسىز،ئەركىنلىك سىزدە،يەنە كېلىپ بۇنى خالىغانلار كۆرىدۇ،خالىمىغانلار كۆرمەيدۇ،گەپنى خۇلاسىلىسەك،بىزدە كۆپ قىسىم كىشىلەر ئۆزىنىڭ رولىنى توللۇق چۈشىنىپ بولالمىدى،ئۇچۇرنى پاسسىپ تارقىتىدۇ،يەنى ئۆزى مۇستەققىل تارقاتقان ئۇچۇردىن كۆرە ھەيۋەتلىك ئىسىم قويۇلغان،ئۇيغۇر بولساڭ،مۇسۇلمان بولساڭ ۋە يەنە ئاللىقانداق بولساڭ بولساڭ تارقات دېگەن ئۇچۇرنى كۆرسىلا ئويلاشمايلا تارقىتىدۇ،مۇشۇنىڭ تەسىرىدە ساختا جامائەت ئېقىمى پەيدا بولىۋاتىدۇ،شۇڭا بۇ بىر ئۇزۇن يول،كىشىلەرنىڭ بۇنى قوبۇل قىلىپ ئۆز رولى ۋە ئورنىنى چۈشىنىشىگە جەرىيان كېتىدۇ. شۇڭا،قىززىقمىغان ئۇچۇرنى دادىڭىز ئەۋەتكەن بولسىمۇ كۆرۈپلا قويۇڭ،تارقاتماڭ،راست يالغانلىقىنى بىلەلمىگەن ئۇچۇرنى ئاستا ئۆچۈرۈپ تاشلاڭ،قانداقتۇر مىللى روھنى دىننى روھنى ئۇرغۇتۇش ئۈچۈن ئويدۇرۇپ چىقىلغان ساختا خەۋەرنى كۆرسىڭىز پاش قىلىپ قويسىڭىزمۇ بولىدۇ،چۈنكى ئۇنداق ئۇچۇرلارنىڭ ھېچكىمگە پايدىسى تەگمەيدۇ

otyurak203

	urann يوللىغان ۋاقتى  2013-4-16 03:58 PM ئالدى بىلەن سىزنىڭ بۇخىل ئۇچۇرلارغا بولغان كۆز قارىشى ... ئالدى  بىلەن سىزنىڭ قىممەتلىك ۋاقتىڭىزنى چىقىرىپ تېمامغا ئىنكاس  قايتۇرغىنىڭىزغا  رەھمەت! باشتىن كېلەيلى، سىز كۆز قارىشىمنىڭ خاتالىقىنى  تىلغا  ئاپسىز ،بۇنىڭغا مەن قوشۇلىمەن ،چۈنكى ھەر كىشىنىڭ ئۆز ئالدىغا خاس كۆزقارىشى بولىدۇ. «ئاقما ئۇچۇر» دەپ ئاتىشىڭىز خاتا دىدىڭىزما ؟   خاتالاشمىسام مەن شۇ خەتنىڭ ئىككى  يېنىغا چىرايلىق قىلىپ قوش تىرناق ئەپ قويغان ، باشلانغۇچ مەكتەپنىڭ ئۇيغۇر تىلى دەرسلىگىدە ئېنىق قىلىپ بۇ قوش تىرناقنىڭ مەنىسى ۋە ئىشلىتىلىشى سۆزلەنگەن ، ئۇنتۇپ قالغان بولسىڭىز يەنە بىر كۆرۈپ  چىققان بولسىڭىز. قارىسام سىز مېنىڭ مەقسىدىمنى مكرو بلوگ ، ئۈندىدار دىگەندەك ئۇچۇر ھەمبەھىرلىنىش دىتاللىرىنى سۆكۈۋاتقان ئوخشايدۇ دەپ چۈشىنىپ  قاپسىز، خاپا  بولماي تېمىنى يەنە بىر ئوقۇپ چىققان بولسىڭىز . ئاخىرقى گېپىڭىزگە مەن قوشۇلىمەن ، ئەۋەتتە  ناتوغرا دەپ قارالغان ئۇچۇرنى دادام ئەۋەتكەن بولسىمۇ ھە لا  دەپ كۆرۈپلا  قويىمەن ، سىزمۇ ھەم شۇنداققۇ ؟ گەپلىرىم ئېغىر كەتكەن بولسا كۆڭلىڭىزگە  ئالماڭ ، راست گەپنى قىلسام مۇشۇنداق ناتوغرا ئۇچۇرلار خېلى ئۇزۇنغىچە باشقىلارنى ئاۋارە قىپ يۈردى شۇڭا  بۇ تېمىنى يوللىدىم. ئەلۋەتتە  سىز دىگەندەك شۇنداق يىڭيېڭى ھازىرلا يۈزبەرگەن ھەرخىل ئىش - ۋەقەلەردىن بىز دەرھاللا خەۋەردار بولالايمىز ، ھەم شۇنداق كىشىلىرىمىز باركى شۇنداق ياردەم ئۇچۇر لىرىنى كۆرسىلا قولىدىن كېلىشىچە ياردىمىنى ئايىمايۋاتىدۇ، ياخشى ئۇچۇرلاردىن ئورتاق بەھرىمەن بولىۋاتىمىز ، بۇنىڭ ياخشى تەرەپلىرىگە كۆز يۇمغىلى بولمايدۇ . مەن قەتئىي ئۇچۇر تارقاتماڭلار دىگىنىم ئەمەس ، بولسا مەن ئۈستىدىكى تېمىدا سۆزلەپ ئۆتكەن بىر قانچە نوقتىغا دىققەت  قىپ قويساق دىگەن مەقسەتتە،  توغرا  چۈشەنسىڭىز.

urann

	otyurak203 يوللىغان ۋاقتى  2013-4-16 05:07 PM ئالدى  بىلەن سىزنىڭ قىممەتلىك ۋاقتىڭىزنى چىقىرىپ تېم ... ياقەي،ئىككىلىمىزنىڭ قارىشى ئوخشاشكەن،پەقەت ئىپادىلەشتە پەرىق باكەن،سىزگە ئىنكاس يېزىپ ئولتاسام خېلى داڭلىق ئالىي مەكتەپنى پۈتتۈرگەن ساۋاقدىشىم ھېلىقى ئۇيغۇر تىلى نەسلى يوقىلاي دەپ قاپتۇيەي دېگەن ئۇچۇرنى توپقا يوللاپ ئولتۇرىدۇ.تېخى ئاتايتىن خەنچىگە ئۆرۈپ(خەنلەردىن ياردەم سورىغىنى ئوخشايدۇ)نېمە دەيمىز ئەمدى،خاتا ئۇچۇرلارنى كۆرگەندە توغرىسىنى تارقاتساق تېخى بەزىلەر ۋاي ئۇنداق ئەمەس مۇنداق دەپ خاتاسىغا ئېسىلىۋالىدىكەن.قوش بىسلىق شەمشەر دېگەن شۇدە

كۇشان

	ئەسىر يوللىغان ۋاقتى  2013-4-16 05:47 PM گەپنى مىللەتكە تاقىمايلى ماقىما؟ ماقە