مەمتىمىن ھوشۇرغا تون كىيگۈزۈلدى.

بارمان

	ئاتاقلىق يازغۇچى مەمتىمىن ھوشۇرنىڭ يېڭىدا نەشر قىلىنغان ‹‹سالچىلار››ناملىق ئىككى توملۇق رومانى نەشردىن چىقىپ  جەمىيئەتتە قىزغىن ئىنكاسلارغا سەۋەب بولدى ،ئوخشىمىغان كۆز-قاراش،پىكىرلەر خېلىدىن بېرى جىمىپ قېلىۋاتقان ئەدەبىي ئەسەرلەر توغرىسىدىكى بەس-مۇنازىرىنى قوزغىدى،2013-يىلى 13-ئاپرىل شىنجاڭ پىداگوگىكا ئۇنىۋېرستىتى خەلقئارا بىناسىدا يازغۇچى مەمتىمىن ھوشۇرنىڭ ‹‹سالچىلار››رومانىنى مەركەز قىلىپ يازغۇچىنىڭ ئىجادىيىتى ھەققىدە ئىلمىي سۆھبەت ئېلىپ بېرىلدى. شىنجاڭ پىداگوگىكا ئۇنىۋېرستىتى فىلولوگىيە ئىنىستىتوتى ئۇيغۇر تىل-ئەدەبىيات كەسپى ماگىستېر ئاسپرانتلىرىنىڭ ساھىبخانلىقىدىكى بۇ سۆھبەتكە يازغۇچى مەمتىمىن ھوشۇردىن سىرت يەنە پروفېسسور،دوكتور يىتەكچىسى ،ئاپتۇنۇم رايونلۇق ئەدەبىيات -سەنئەتچىلەر  بىرلەشمىسىنىڭ رەئىسى ئازات سۇلتان؛شائىر، ‹‹يازغۇچىلار تورى››نىڭ باشقۇرغۇچىسى ئەيبۇ ياقۇپ قاتارلىقلارمۇ ئىشتىراك قىلىپ قىممەتلىك پىكىرلىرىنى بايان قىلدى،شىنجاڭ پىداگوگىكا ئۇنىۋېرستىتى ۋەشىنجاڭ ئۇنىۋېرستىتىنىڭ ئۇيغۇر تىل-ئەدەبىيات كەسپىنىڭ ماگىستېر ئاسپىرانتلىرى، ئوخشىمىغان ساھەلەردىن كەلگەن ئەدەبىيات ئاشنالىرىدىن بولۇپ60 تىن ئوشۇق ئادەم سۆھبەتكە قاتناشتى ،ئىشتراكچىلار ئوقۇرمەن،ئەدەبىي تەنقىدچى، باھالىغۇچى،تەتقىقاتچى قاتارلىق سالاھىيەتلەردىن چىقىپ تۇرۇپ ‹‹سالچىلار›› رومانى ھەققىدە  مۇنازىرە قىلىشتى ،ئاخىرىدا روماننىڭ مۇۋەپپىقىيەتلىرى،يازغۇچىنىڭ ئىجادىيەت ھاياتى مۇئەييەنلەشتۈرۈلۈپ يازغۇچىغا تون كەيدۈرۈلدى. ئاتاقلىق يازغۇچى -مەمتىمىن ھوشۇر. يازغۇچىنىڭ نەشر قىلىنغان كىتاپلىرى. يازغۇچىنىڭ سېلىشتۇرۇلغان  ئىككى رومانى. پروفىسسور ئازات سۇلتان سۆز قىلماقتا. يازغۇچى ئۆزىنىڭ ئىجادىيەت ئۇسۇلى،تەجرىبىلىرى ھەققىدە قىسقىچە توختالدى. ماگىستېر ئاسپرانتلار سوئال سورىماقتا. يازغۇچى سوئاللارغا جاۋاپ بەرمەكتە. باشقىلار ئەستايىدىل ئاڭلىماقتا. شائىر ئەيبۇ ياقۇپمۇ پىكىر قاتناشتۇردى. يازغۇچى ئىجادىيىتى مۇئەييەنلەشتۈرۈلدى ھەمدە تون كىيگۈزۈلدى. ئەلۋەتتە ،ئۇنتۇلغۇسىز مىنۇتلار ئاپپارات كۆزىدىنمۇ پىنھان قالمىدى. تورداشلار سەمىگە:بۇ يازما پەقەت ئۇچۇر خاراكتىرى بىلەن چەكلىنىدۇ،سۆھبەت ھەققىدىكى سىن،ئۈن ۋە باشقا يازما ،سۈرەتلىك ماتىرىياللار داۋاملىق رەتلىنىدۇ ،تورداشلار بىلەن تىزلىكتە  ئورتاقلىنىشى مۇمكىن، سۆھبەتنىڭ تىزخاتىرەپۈتۈكىنىڭ بىر قىسمى ‹‹ئەپەندىم ››تورىغا يوللاندى ،نەزىرىڭىزلاردا بولغاي. http://bbs.apandim.com/forum.php?mod=viewthread&tid=3790

uyol

	مەمتىمىن ھۇشۇر ھەممىمىز پەخىرلىندىغان يازغۇچى. ئۇنىڭ ئۆزگىچە يېزىش ئۇسلۇبى ھەممە كىشىنى قايىل قىلىدۇ

XERHAN

	قۇم باسقان شەھەر قەلبىمگە ئورناپ كەتكەن ، مەمتىمىن ئاكىنىڭ ماڭا ھەممىدىن بەك تەسىر قىلغان ۋە مەن ئەڭ ياقتۇرىدىغان ئەسىرىنىڭ بىرى . ماگىستىر - ئاسپرانت قىزلارنىڭ بەزىلىرى ياغلىقنى ئىڭىكىدىن چىگىپتۇ ، ئۇنىڭغا قاراپ بەكمۇ ىۇرسەن بولدۇم ، ئۇلاردا قاندۇقتۇر ئۆزىدىن پەخرلىنىش ۋە تەكەببۇرلۇق يوقتەك ... مەمتىىمن ئاكىنى يەنىمۇ نادىر ئەسەرلەرنى بىزگە سۇنىشىنى ئۈمىد قىلىمەن .

مارشال

	يازغۇچى مەمتىمىن ھوشۇر ئاكىمىز يوقاپ كەتكىلى ئۇزۇن بولغان ئىدى.‹‹سالچىلار››رومانى چىقىپ يەنە بىر قېتىم كىتاب ئوقۇش قىزغىنلىقىنى بارلىققا كەلتۈردى. بۇ قەلەم ساھىبىنىڭ تېخىمۇ ياخشى ئەسەرلەرنى يېزىشىغا،تېنىنىڭ سالامەت بۇلۇشىغا تىلەكداشمەن.

rahmansaykin

	ئازات سۇلتان مەكتەپ مۇدىرى تۇرۇپمۇ يەنە كىچىككىنە بىر سىنىپقا ئۇرۇنلاشتۇرۇپتا بۇنى ؟ يوغانراق زالغا ئۇرۇنلاشتۇرۇپ ، كۆپرەك ئادەمنىڭ قاتنىشىشىغا پۇرسەت يارىتىپ بەرمەمدۇ ؟ قۇسۇر چىقارمىدىم ، ئويلىغىنىم خالاس .

Danggal

	ئاددى سورۇن،ئاددى پالىيەت ...ھەممە ئاددىلىق ئىچىدە  بىزنىڭ ئۇلۇغۋار كىشىللىرىمىز ئىزلىرى بار...مۇبادا ئۇ قولىدىن پوق كەلمەيدىغان بىرە ئەمەلدار ،پۇلدار ۋە ياكى ئارتىس بولسا ئىدى كۆزنى قاماشتۇردىغان ئېسىل مەيدانلارغا ئاپىرىپ ھەشەمەتلىك تون كەيدۈرۈپ داغ-دۇغا قىلىپ ‹ئۇھ› دىگۈدەك ھالىمىز قاملىغۇچە پاي-پىتەك بوپ كىتەتتۇق-تە! 2007-يىلى ئۇنۇڭ ئاددى خانىسىدە قىلغان ‹ نوقۇل ئەدىبى قىزقىشقىلا بېرىلىپ كىتىپ ساراڭ بوپ كىتىدىغانلار بار...ياخشىسى سەنمۇ بىرە ئىش بىلەن شۇغۇللۇنۇپ بەر...› دىگەنلىرى ئېسىمدىن چېقمايدۇ.

بارمان

	ئازات سۇلتان مەكتەپ مۇدىرى تۇرۇپمۇ يەنە كىچىككىنە بىر سىنىپقا ئۇرۇنلاشتۇرۇپتا بۇنى ؟ يوغانراق زالغا ئۇرۇنلاشتۇرۇپ ، كۆپرەك ئادەمنىڭ قاتنىشىشىغا پۇرسەت يارىتىپ بەرمەمدۇ ؟ قۇسۇر چىقارمىدىم ، ئويلىغىنىم خالاس . ئۇلۇغ ئادەملەرنىڭ سورۇنلىرى ئاددىي بولىدۇ،ئالتۇن سازلىققا تاشلانسىمۇ ئالتۇنلىقىنى يوقاتماس؛بۈيۈكلۈكنى سان بىلەن ئۆلچەيدىغان جۇڭگۇچە تەپەككۇردىن ساقلانساق دىمەكچىمەن، ئېينىشتىيىن ‹‹نىسپىيلىك نەزەرىيىسى››دىن دوكلات بەرگەندە زالدا پەقەت بەشلا ئادەم بار ئىدى، بۇ  سورۇندىكىسى ئۇنىڭدىن ئون نەچچە  ھەسسە جېق،شۇلارنىڭمۇ كۆپ قىسمى دوستلىرىدىن ئاڭلاپ قاتناشقانلار ،پىكىر  قىلىشقا توغرا كەلسە پائالىيئەتنىڭ شەكلىنى باھالىماي ،مەزمۇن ھەققىدە(‹‹سالچىلار ››رومانى ھەققىدە)قىممەتلىك ئوخشىمىغان پىكىرلەرگە ئىنتىزارمىز .ئاتىكاچىلىقىم ئۈچۈن ئۆزرەممۇ بىللىدۇر. ئەسلى پىلاندا13 نەپەرئادەم قاتنىشىدىغان

HENRY

	بۇ ئاكىمىزنىڭ ئەسىرىنى ئىزدەپ يۈرۈپ ئوقۇيمىز ، بەك ئىسىل ئەسەرلەرنى يازىدۇ ،، اللاھ  ئاكىمىزنىڭ تىنىنى سالامەت ئۆمرىنى ئۇزۇن قىلسۇن ..

dilbar

	مەمتىمىم ئاكىنىڭ ئەسەرلىرى ھەقىقەتەن يۈرەك يۈرەككە  تېگىدۇ...بۇ پائالىيەت قارىماققا ئاددىدەك بولسىمۇ ئەھمىيىتى ئىنتايىن چوڭقۇر ئىكەن...تېنىگە سالامەتلىك تىلەيمەن