ئانا تىلغا خىيانەت،تۇز كورلۇق ھەم جىنايەت

akbar0997

	ئانا تىلغا خىيانەت،تۇز كورلۇق ھەم جىنايەت تۇرئەخمەت راخمان (تۇلپارى) تۇغۇلۇپ مەن ئانامدىن، ئەللەي بىلەن تۇنجى رەت،        ئۇيغۇر تىلى نازۇك تىل، بۇلاق كەبى سۈزۈك تىل، نۇر ئېلىپ پاك ۋۇجۇدۇم، تاپتىم چەكسىز ھىدايەت.          تەشنالىققا قانىدۇ، ئۇنىڭ بىلەن چاڭقاق دىل. سۆيگۈ بەردى ئانا تىل چەككىنىمدە رىيازەت،               تەسۋىرلەيدۇسۈرەتتەك بولسىمۇ قىلياكى پىل، ئانا تىل ئۇ ئەسلىدە، بىزگە يۈكسەك ئىجازەت،             شۇڭا دەيمەن ئەي خەلقىم ئانا تىلنىئۇلۇغ بىل، ئانا تىلغا خىيانەت، تۇزكورلۇق ھەم جىنايەت.               ئانا تىلغا خىيانەت، تۇزكورلۇقھەم جىنايەت. چۈچۈك تىلدا گۇڭۇرلاپ، ئانا دىدۇق ئەركىلەپ،           مەھمۇد، يۈسۈپ بوۋىمىز،ئانا تىلدا نۇرچاچقان، ئاق سۈت بەرگەن ئانىمىز ئەللەي ئەتكەن پەپىلەپ.         بەيگىسىدە ھېكمەتنىڭ زەپەر قۇچۇپ يول ئاچقان. ‹‹دادا مىنى ھاپاش قىل ››دىدۇق يەنە ھەجىلەپ،              تەۋپىق روھى شۇ تىلدا جاھالەتكە ئوق ئاتقان، قېنىمىزغا شۇ تىلدىن مېھىر سىڭگەن ھەسسىلەپ،           دېمەككى شۇ ئانا تىل، ئەسلىمىزگەتۇتاشقان، ئانا تىلغا خىيانەت، تۇزكورلۇق ھەم جىنايەت.              ئانا تىلغا خىيانەت، تۇزكورلۇق ھەم جىنايەت. بىز شۇ ئانا تىل بىلەن«نان» دىيىشنى ئۆگەنگەن،         پەرھات شىرىن كۆڭلىنى ئانا تىلدا بىلدۈرگەن، ئاتا- ئانا مىھرىنى، ئۇزۇق قىلغان چۈشەنگەن.            پاك مۇھەببەت مەنزىلى، ۋىسالىغايەتكۈزگەن. يېغلىغاندا ئانا تىل بۆشۈكىگە بۆلەنگەن،                  ئۇ بىزنى گاھ يىغلىتىپ،شاتلاندۇرۇپ كۈلدۈرگەن، يىقىلغاندا «دادا» دەپ باغرىغا چىڭ يۆلەنگەن،            ھىس تەپەككۇر، تەسەۋۋۇر دېڭىزىغاچۆمدۈرگەن، ئانا تىلغا خىيانەت، تۇزكورلۇق ھەم جىنايەت.              ئانا تىلغا خيانەت، تۇزكورلۇق ھەم جىنايەت. شۇ ھەقىقەت ھەممىمىز ئېلىپبەگە يۇلۇققان،                كۆكتات دىمەي سەي دىدۇق، كەش ئورنىغا خەي دىدۇق، ئۇنىڭ ئۆچمەس نۇرىدىن دىلىمىزنى يۇرۇتقان.           قالدى چۇكا مۇڭسىراپ، كويزا بىلەن يەيدىدۇق. ئۇ بىر خىزىر ئەمەسمۇ ئاق قارىنى تۇنۇتقان،            گۈرجەك دىيىش تەسمىكىن، قېنى تېشاڭ ئال دىدۇق، مۇناپىقلىق ئەمەسمۇ ئانا تىلنى ئۇنۇتقان!               ئەبجەش بولدى تىلىمىز،زەيكەشلىككە باشلىدۇق، ئانا تىلغا خىيانەت، تۇزكورلۇق ھەم جىنايەت.            ئانا تىلغا خىيانەت، تۇزكورلۇق ھەم جىنايەت. ئانا تىل ئۇ مىھرىبان، قاياشىمىز ئەمەسمۇ؟                     مۇڭلانمىسۇن ئانا تىل، ئۇنىتۆردە قويايلى! دىلىمىزنى ياشناتقان سىردىشىمىز ئەمەسمۇ؟                     ئۇنىڭ بىلەن تارىخنى ئەتىمىزگە ئۇلايلى ! بىلسەڭ ئەسلى ئانا تىل يىلتىزىمىز ئەمەسمۇ؟                   تىل سېھرىدىن كۈچ ئېلىپ جاسارەتكە تولايلى! ئەجداد روھى كۈلگەندە نۇر چاچىمىز ئەمەسمۇ؟                 ئانا تىلنىڭ ۋارىسى، ئىز باسارى بولايلى! ئانا تىلغا خىيانەت، تۇزكورلۇق ھەم جىنايەت.                   ئانا تىلغا خىيانەت، تۇزكورلۇق ھەم جىنايەت. ئاپتۇر: ئاقسۇ شەھەر قۇمباش يېزا ئوتتۇرا مەكتەپ تىل-ئەدەبىيات ئوقۇتقۇچىسى

handanjan

	ئانا تىلنى قوغداشنى ھەممىمىز ئۆزىمىزدىن باشلايلى

akbar0997

	بۇ مۇخەممەسنى مەكتىپىمىزنىڭ تىل ئەدەبىيات ئوقۇتقۇچىسى تۇرئەخمەت راخمان يازغان بۇلۇپ 22-نەۋرۇز كۈنى ئوقۇتقۇچى ئوقۇغۇچىلار بىرلىكتە مۇخەممەسنى دېكلىماتسىيە قىلدۇق . https://uyghur-archive.com/misranim/thread-102452-1-1.html

forever1

	ئاناتىل-ئۇ ئانامنىڭ تىلى!

ata.ata

	ئانا تىلىمىزنى قوغدىغانلىق ئۆزىمىزنى قوغدىغانلىقتۇر !...

Gvlbargi0999

	ئانا تىلىم-جانۇ-تېنىم،ياخشى يېزىلغان شېئېركەن.

vmvdwar-uyhur

	ئۇلۇغ ئاللاھ نىئمەت قىلىپ بەرگەن بۇ تىلنى باشقىلارنىڭ پايخان ،ۋەيران قىلىشىغا قاراپ تۇرمايلى .ئانا تىلنى قوغداش يۇلىدا ئىزدىنەيلى .ئەمەلىي ھەركەت قىلايلى .ئاممىۋى ئاپتۇبۇستا بىر ئۇيغۇر قىز ئەبجەش بىر تىلدا سۆزلىگەن ئىدى ،بىر يىگىت ياكى ئۇيغۇرچە يا بولمىسا پۈتۈنلەي خەنزۇچە سۆزلەشنى ئېيتتى بىراق قىزچاق يىگىتكە شۇنداق سەت گەپتىن بىرنى قىلدى ،بىراق يىگىت قىلچىمۇ خاپا بولماستىن ،كەچۈرۈڭ مەن سىزنى ئۇيغۇرىدىن تۈرەلگەن ئۇيغۇرمىكىن دەپتىمەن ،دەپلا ماشنىنىڭ ئاخىرى تەرەپكە كەتتى .بىچارە قىز نۇمۇستىن ئۆلدى ،چۈنكى ھەممە تەرەپ-تەرەپتىن بۇ قىزنى ئەيىبلەشكە ھەتتا بەزىلەر تىل سېلىشقا ئۈلگۈردى .تاشپاقىدەك بېشىمىزنى ئىچىمىزگە تېقىۋېلىپ ئاھ ئۇرغاننىڭ ،غەزەپلەنگەننىڭ ھىچقانداق پايدىسى يوق .

TUTIYA1983

	ئاپىرىن ،ياخشى شىئىر.