كەپتەر ماجراسى

xirinay0998

	تولىمۇ يېقىن ئۆتىدىغان  ئۇدۇل خوشنىمىز بار ئىدى، ھەر كۈنى ئېككى ئۈچ قېتىم دىگۈدەك ئۆز-ئارا كىرىش چىقىش قىلىپ تۇراتتۇق، تاماق سۇنۇشۇپ ، پاراڭلىشىپ ھال مۇڭ بولۇپ خۇددى ئۇرۇق-تۇغقاندەك...      بىر كۇنى دادام- ئاناملار كېسەل يوقلاش ئۈچۇن دوختۇرخانىغا كېتىپ ئۆيدە يالغۇز قالدىم، چۈشلۈك تاماق ۋاختى بولاي دەپ قالدى، ئۇلارنىڭ قارىسىمۇ كۆرۈنمەيتتى، قورساق ئاچقىلى تۇردى، يالغۇز جېنىمغا تاماق ئېتىش خوشياقماي تەييار چۆپ ئىچمەكچى  بولۇپ ئىشىك ئالدىدىكى دۇككانغا ماڭاي دەپ تۇراتتىم، ئەسسالام دەپ ئامىنە ئاچام كىرىپ كەلدى، بىز تىنىچلىق سوراشقاندىن كېيىن مەن ئۇنى ئۆيگە كىرىشكە تەكلىپ قىلدىم     -بولدى ئۇكام، رەھمەت، بىردەمگىچە يەنە كىرىمەن، چۇشتە پولۇ ئەتكەنتىم، سىلەرنىمۇ ئېغىز تەگسۇن دەپ ئەكىردىم، ئاپىڭىز يوق ئوخشىمامدۇ؟      -ھەئە، ئۇلار كېسەل يوقلاشقا كەتكەن، تېخى كەلمىدى      -ھە، ئەمسە مەن چىقاي، بۇ تاماقنى قىززىق يىۋىلىڭ ، بالىلارنىڭ دادىسى ئىشىم بار دەپ چىقىپ كەتكەن، مەن چىقىپ بالىلارغا تاماق ئۇسسۇپ بىرەي     -ھە ماقۇل ئەمسە،- مەن ئۇنىڭ قولىدىكى تاماق قاچىسىنى ئېلىپ ئۈستەلگە قويۇپلا ئۇزاتقىلى چىقتىم ۋە ئۇزۇتۇپ قويۇپلا دەرھال ئۆيگە كىرىپ تاماق قاچىسىنىڭ ئاغزىنى ئاچتىم، پاھ ھوي، نېمە دېگەن مول ھوسۇللۇق تاماق بۇ، ئۈستىگە مەن ئامراق نەرسىلەرنى بىسىپ ئېتىپتۇ، «ئەجەپ نەخ ئۈلگۈردى دىسە بۇ تاماق»ئۆزۈمچىلا شۇنداق خوش بولۇپ كەتتىم ۋە تاماقنى  ئىشتىھا بىلەن يىدىم.    ئارىدىن بەش ئون مىنۇت ئۆتكەن بولسا كېرەك، جىددىي قۇتقۇزۇشنىڭ ماشىنىسى ئەنسىزلىك بىلەن ئىشىك ئالدىدا توختىدى، «نېمە ئىش بولغاندۇ» دەپ يۇگرەپ چىقتىم...    ئاھ  خۇدا، بۇ نېمە بولغىنى ئەمدى، نېمە ئىش بۇ...    كۆزلىرىمگە ئىشەنمەي قالدىم، ئاھ قەيسەر ئاكا...    قەيسەر ئاكام(ئامىنە ئاچامنىڭ يولدىشى) باش كۆزى قان ھالەتتە ياتاتتى، ئامىنە ئاچاممۇ بۇ مەنزىرنى كۆرۇپ ئاغزىنى تۇتۇپ تۇرۇپلا قالدى، ساقچى ماشىنىسىنىڭ ئەنسىز ئاۋازى ھەم چىرقىراپ توختىشى بىلەن تەڭ ئامىنە ئاچاممۇ ئۈن سېلىپ يىغلاپ كەتتى     -بۇ زادى نېمە ئىش، ئۇ بايا ساپساق چىقىپ كەتكەنغۇ، نىمە بوپتۇ ، ئېرىمگە زادى نېمە ئىش بوپتۇ...     ئامىنە ئاچام يىغلىغىنىچە ساقچىنىڭ ئالدىغا يۈگۈردى     -ئۇ كەپتەر تالىشىپ بىرسى بىلەن ئۇرشۇپ قاپتىكەن، باشقىلار بىزگە خەۋەر قىلىپ بىز كەلگۈچە ئارلىقتا بىرسى ئۇنىڭ يەتتە يېرىگە پىچاق تىقىپتۇ، بىز دەرھال دوختۇرخانىغا ئاپاردۇق، لېكىن ئۇ بەك قانسىراپ كەتكەچكە قۇتقۇزۇش ئۈنۈم بەرمىدى...     قۇتقۇزۇش ئۈنۈم بەرمىدى دېگەن ئۆلۇپ كەتتى دىگەنلىكقۇ!!! ئەجىبا قەيسەر ئاكام راستنلا...  ئويلاشقا جۈرئەت قىلالمىدىم، نەچچە مىنۇت ئىچىدە بولۇپ كەتكەن بۇ ئىشقا ھېچ ئىشەنگۈم كەلمىدى، بىچارە ئامىنە ئاچام  ئەمدى ئېككى كىچىك بالا بىلەن تۇل قالدىما!     ئۇ راستىنلا ئۆلۇپ كەتتى، ئۆلۇم ئىشلىرىمۇ ئاخىرلىشىپ قىرىق نەزىرسى بېرىلىپ بولدى، بۇنداق تۇيۇقسىز ھەم ئېچىنىشلىق ئۆلۇم مېنى بەكلا قورقۇتىۋەتكەن ئىدى، ئۇنىڭ ئۆلۇپ كېتىشى ماڭا ئاجايىپ بىلىندى ، بىر كۈنى كەچقۇرۇن ئانامدىن سورىدىم    - ئانا، قەيسەر ئاكام ئەجەپ تۇيۇقسىزلا كېتىپ قالدى ھە، نېمە ئىش بولغان بولغىيدى شۇنچە پىچاق سېلىشىپ كەتكۈدەك     - ھەي بالام، ئاللاھ ھەممىمىزگە ئېنساپ بەرسۇن، ئۇ ئارقا كوچىدىكى بىرسى بىلەن بىر كەپتەر تالىشىپ قاپتىكەن، ئۇ بالا قەيسەرگە پىچاق ساپتۇ، مانا ئەمدى قەيسەر ئاكاڭ ئۆلۇپ كەتتى، ھېلىقى بالا  تۈرمىدە ئىكەن، بازارغا ئاپارساڭ ئەللىك كويغا يارىمايدىغان كەپتەر  ئېككى ئادەمنىڭ بېشىغا چىقتى مانا، ھەي... ھەقىقەتەن ئادەمنىڭ ئىچى ئچىشقۇدەك ئىش بولدى،     توۋا توۋا، ئاشۇ كەپتەر ئادەمنىڭ ھاياتىدىنمۇ موھىم بولغىيمىدى، بىرسى ئۆلۇپ كەتتى، يەنە بىرسى بولسا تۈرمىدە قانداق كۈن كۆرۋاتقانلىقىنى ئاۋال خۇدايىم  ئاندىن قالسا ئۆزى بىلەر...                  *                     *                     *                         *                   *   ۋقىت  چەكلىمىسى تۈپەيلى بۇ يازمام  قسقارتىلدى، سەۋىيەم چەكلىك بولغاچقا  بەزى يەرلىرىدە خاتالىق كۆرۈلگەن بولىشى مومكىن، شۇڭا ھەر قايسىڭلارنىڭ چۈشىنىشىڭلارنى ھەم تۈزىتىپ ئوقۇشۇڭلارنى تۆۋەنچىلىك بىلەن سورايمەن

lawa0998

	تىمىدىكى مەسىلە 50يۈئەنلىك كەپتەر مەسىلىسى ئەمەس ، بەلكى ھەر بىر كىشىنىڭ زۆرۈر پۇرسەتلەردىكى ‹ئاچچىقىنى يېڭىش-يېڭەلمەسلىك›مەسىلىسى بولىشى بولىشى كېرەك، مانا بۇ بىز ئىبرەت ئېلىشقا تېگىشلىك مەزمۇن. قازايى-قەدەرگە كەلسەك، ئاللاھنىڭ قەدىرىدە-بىر جاننىڭ شۇ خىل سەۋەپنىڭ ئورۇندىلىشى بىلەن قازايى پۈتۈپ باقى ئالەمگە سەپەر قىلىدىغانلىغى، يەنە بىر ئادەمنىڭ شۇ خىل ئازغۇنلىقىنى  ۋايىغا يەتكۈزۈپ ئورۇنلىشى سەۋەپلىك ھاياتىنى بۇ دۇنيادا تۇرمىدا ، ئاخىرەتتە جازاغا ئۇچرايدىغانلىغىدەك تەقدىرنى بىلىۋېلىشىمىز ھەقىقەتتۇر. بىز شۇنى ئېسىمىزدە تۇتىشىمىز كېرەككى، ھەممە نەتىجە ئاللاھنىڭ تەقدىرىدە پۈتۈلىدۇ(ئاللاھ ئاسمان-زىمىننى يارىتىشتىن ئىلگىرى كەلگۈسىدىكى باچە جانلىقنىڭ ئىختىيارى قىلمىش-ئەتمىشلىرىنى بىلگۈچىدۇر). ھاياتى دۇنيادا ئىنسان شۇ نەتىجىنىڭ جەريانىنى ئەقلى ئىختىيارى بىلەن ئورۇنلىغۇچىدۇر. <<پەقەت خالىس-دۇئالارلا-ئاللاھنىڭ تەقدىرىگە تەسىر كۆرسىتەلەيدۇ>>ھەدىس. شۇ سەۋەپلىك بىز دۇئالىرىمىز ئارقىلىق تەقدىرىمىزدىكى ئوڭۇشسىزلىقنىڭ ئاللاھ تەرىپىدىن ئاسانلاشتۇرىلىشىنى تىلىشىمىز كېرەك. مەسىلەن:<<بىزنىڭ تەقدىرىمىزدە تەقدىرنىڭ بىر مۇشكۈلات ئوقى بىزگە قارىتىلىپ ئېتىلغان بولسا، بىزنىڭ خالىس دۇئالىرىمىزنىڭ ئاللاھ تەرىپىدىن ئىجاۋەت قىلىنىشى بىلەن، تەقدىر ئوقىنىڭ سۈرئىتى ئاستىلاش ....ھەتتا تەككەندىن كىيىنكى زەخمىسى يېنىكلەش بىلەن دۇئانىڭ ئىجاۋىتى كۆرىلسە، تەقدىر ئوقىنىڭ ئەسلىدىكىدىن يېنىك  <زەخمىسى>بىلەن تېگىش بىلەن ئاللاھنىڭ مۇقەددەست تەقدىرىمۇ ئىجرا بولغان بولىدۇ>>دەپ چۈشىنىشكە بولىدۇ. مۇھەممەد سالىھ داموللا ھاجىمنىڭ <دۇئالار ۋە ئۇنىڭ خاسىيىتى>ناملىق كىتاۋىدىن ئېلىندى.

maraz886

	جانلىق ئىنكاس ....ھەقىقەتەن تىما مەزمۇنىنى يۇرۇتۇپ بىرىشكە يارايدۇ.

talat520

	جانلىق ئىنكاس ....ھەقىقەتەن تىما مەزمۇنىنى يۇرۇتۇپ بىرىشكە يارايدۇ.

tarim888

	بىز شۇنى ئېسىمىزدە تۇتىشىمىز كېرەككى، ھەممە نەتىجە ئاللاھنىڭ تەقدىرىدە پۈتۈلىدۇ(ئاللاھ ئاسمان-زىمىننى يارىتىشتىن ئىلگىرى كەلگۈسىدىكى باچە جانلىقنىڭ ئىختىيارى قىلمىش-ئەتمىشلىرىنى بىلگۈچىدۇر). ھاياتى دۇنيادا ئىنسان شۇ نەتىجىنىڭ جەريانىنى ئەقلى ئىختىيارى بىلەن ئورۇنلىغۇچىدۇر

musilina

	ئىبرەتىلك تېمىكەن..... بىردەملىك ئاچچىق ئادەمنى ئۆمۈرلۈك پۇشايمانغا قويىدۇ....

yamgurluk

	ھەي بىزنىڭ مەلىدىمۇ بىرسى مۇشۇ 10 يۇەن پۇل ئۈچۈن قان بولىشىپ بىرى ئۇ دۇنىيادا بىرى تۈرمىدە خىزمەت ئۆتەۋاتىدۇ،،مۇشۇ  خوشنىلار ئارا بەزى ئۇششاق جىدەللەرنى قىلىشمىساق بەكمۇ ياخشى ھە