ھەققانىي:قېنى تورداشلار‹‹قاچمايدۇ››دىن ئويۇن باشلاندى

akkani

	قاچمايدۇ (سۆز ئويۇنى) چارۋىچى قويدىن قاچمايدۇ، ياش باللا تويدىن قاچمايدۇ. توخۇ داندىن قاچمايدۇ، ھېچكىم ناندىن قاچمايدۇ. يىقىلغان چېلىشتىن قاچمايدۇ، يەپ كۆنگەن ئېلىشتىن قاچمايدۇ. غەيرەتلىك جەبرىدىن قاچمايدۇ، سەنئەتچى سەھنىدىن قاچمايدۇ. ئۇسۇلچى داپتىن قاچمايدۇ، پوچى لاپتىن قاچمايدۇ. ئىرادىلىك خەتەردىن قاچمايدۇ، كىراكەش سەپەردىن قاچمايدۇ. ئۆچكە جاڭگالدىن قاچمايدۇ، دوقچى جاڭجالدىن قاچمايدۇ. دېھقان جاپادىن قاچمايدۇ، بېلى بوش ساپادىن قاچمايدۇ. كالا ھەلەپتىن قاچمايدۇ، ھېچكىم شەرەپتىن قاچمايدۇ. تىجارەتچى بازاردىن قاچمايدۇ، شېيىخ مازاردىن قاچمايدۇ. پەرۋانە چىراقتىن قاچمايدۇ، ئەلاچى سىناقتىن قاچمايدۇ. ياخشى ئات ئېگەردىن قاچمايدۇ، كاۋاپچى جېگەردىن قاچمايدۇ. بوياقچى رەڭدىن قاچمايدۇ، ھارۋىكەش دەڭدىن قاچمايدۇ. قاغا تېرەكتىن قاچمايدۇ، سازچى غېجەكتىن قاچمايدۇ. ياغاچچى يىلىمدىن قاچمايدۇ، ئەقىللىق بىلىمدىن قاچمايدۇ. چىۋىن مەينەتتىن قاچمايدۇ، ھەسەتخور غەيۋەتتىن قاچمايدۇ. ****** ئاپتۇرى ۋە يوللۇغۇچى: ئابدۇۋەلى راخمان ھەققانىي 1985-يىلى يېزىلغان.

TaRKiN

	ئاشىق مەشۇقتىن قاچمايدۇ، تەركىن مۇنبەردىن قاچمايدۇ

kariguja

	بۇلبۇل -غۇنچىدىن قاچمايدۇ . ھاراقكەش -يۇندىدىن قوي قوزىدىن  قاچمايدۇ كىپەز غوزىدىن دۇتتار تارىدىن قاچمايدۇ مەدرىس قارىيدىن

forever1

	سۆزمەن گەپتىن قاچمايدۇ. ئەمەلدار نەپتىن قاچمايدۇ.

handanjan

	دېھقان يەردىن قاچمايدۇ قىزلار ئەردىن قاچمايدۇ

ئۆل

	زابۇي ھاراقتىن قاشمايدۇ ، بەڭگە تاماكدىن قاشمايدۇ . مەن تاماقتىن قاشمايمەن

nazigul8

	تورخۇمار توردىن قاچمايدۇ. تىلخۇمار سۆزدىن قاچمايدۇ. پۇلخۇمار پۇلدىن قاچمايدۇ. گالخۇمار نەپتىن قاچمايدۇ.

شاتيار

	ئۆستەڭ سۇدىن قاچمايدۇ. ماشىنا مايدىن قاچمايدۇ. مۇنبەر تىمىدىن قاچمايدۇ، تىما ئىنكاستىن قاچمايدۇ.

handanjan

	ئۆل يوللىغان ۋاقتى  2013-4-11 06:50 PM زابۇي ھاراقتىن قاشمايدۇ ، بەڭگە تاماكدىن قاشمايدۇ . مە ... زابوي ھاراقتىن قاچمايدۇ ئاچكۆز تاماقتىن قاچمايدۇ مەن ياڭاقتىن قاچمايمەن

يولتۇز

	ئۈيى يۇق ئەسكى تۈرمىدىن قاچمايدۇ ياخشى ساقچى دىلۇدىن قاچمايدۇ نادان خەلىق نەغمە ناۋادىن قاچمايدۇ ھۈكۈمەت بەك ئادىل  ئەمەلىيەتتىن قاچمايدۇ