سەن بىلەرسەنمۇ ؟ (غۇنچە )

gunqa

	سەن ئۈچۈن تۆككەن كۆز ياشلىرىمنى سەن بىلەرسەنمۇ ؟ توغرا ، سەنمۇ مەن ئۈچۈن ئازاپ چەكتىڭ ، مەن ئۈچۈن بەلكىم نەچچە - نەچچە تۈننى ئۇيقىسىز ئۆتكۈزگەنسەن . بىراق ،سەن ئۇيقۇسىز ئۆتكۈزگەن شۇ تۈندە سىنىڭ ئاشىقىڭنىڭمۇ سەن ئۈچۈن ياش تۆكۈپ ئۇيقۇسىز ئۆتكىنىنى سەن ئۇخمايسەن . سەن مىنى جازالاشقا ھەقلىقسەن ، چۈنكى مەن سىنى ھەم ئۆزۈمنى قىيناپ سەندىن ئايرىلغان ئىدىم . بىراق ، سەن بۇنىڭ ھەقىقى سەۋەبىنى كۆز يېشىمنىڭ ھەقىقى سەۋەبىنى بىلمەيتىڭ . ئەجىبا سەنچە مەن سىنى سۆيمەسمەنمۇ ؟ سىنى سۆيمىگەن بولسام بىرئۆمۇرلۈك بەختىمنى ساڭا دوغا تىكمىگەن بولاتتىم . سەن بۇلارنى ئويلاشتىڭمۇ ؟        سەن ماڭا ئۆزۈڭنىڭ ئۆزگە بىلەن بىللە ئۆتۈشنى تاللىغىنىڭدا دىگىنىڭدە كۆزۈمدىن ياشلدر ئەمەس قانلار ئاقتى ، يۈرەكلىرىم پىچاق تىلغاندەك ئاغرىدى . مەن ساڭا ئىشىنەتتىم ، سىنىڭ مىنى ساقلايدىغىنىڭغا ئىشىنەتتىم ، مەن ھەممىنى ئورۇنلاشتۇرۇپ قويغان ئىدىم . سەن پەقەت نەچچە كۈنلا ساقلىغان بولساڭ سىنى خوشال قىلغان ھالدا يېنىڭغا قايتىشنى پىلانلىغان ئىدىم . پۈتۈن خىياللىرىمنى ، پىلانلىرىمنى قۇرۇق چۇشكە ئايلاندۇردۇڭ . ماڭا ئارمان بولۇپ كىتىپ قالدىڭ . سىنىڭ ئۆزگە بىلەن ھەر قېتىم كۆز ئالدىمدا پەيدا بولۇشۇڭ مىنى قانچىلىلك ئازاپلايدىغىنىنى بىلەمسەن ؟ قولۇڭغا پىچاق ئالغىن مىنى بۇ ئازاپتىن قۇتۇلدۇرغىن ، مەن ساڭا بەخىت تىلەپ كىتىپ قالاي ... ئەنە شۇ چاغدا ئۆزۈڭنى ھەقىقى بەخىتلىك ھېس قىلىسەن ، مىنىڭ سىنى نەقەدەر سۆيۈدىغىنىمنى ھېس قىلىسەن ...        مەن ھېلىكەممۇ ساڭا بەخىت تىلىدىم . بىراق ، سەن بۇنىڭغا ئىشەنمە . چۈنكى ، مەن سىنىڭ مەن بىلەن بىرگە بەخىتلىك بولۇشۇڭنى چىن دىلىمدىن ئارزۇ قىلىمەن ، ھەرگىز باشقىلار بىلەن بىللە بەخىتلىك بولۇشىڭنى قۇبۇل قىلالمايمەن . كەچۈر مىنىڭ شەخسىيەتچىلىگىمنى ، مىنىڭ ساڭا بولغان مۇھەببىتىم مىنى شەخسىيەتچى قىلدى . مىنى كەچۈر ... مەن ھازىرمۇ سىنىڭ يېنىمغا قايتىپ كىلدىغىنىڭغا ئىشىنىمەن ، بەلكىم بۇ مۇمكىن بولمايدىغان بىر ئىش بولىشى مۇمكىن . بىراق مەن يەنىلا ساقلايمەن . سىنىڭ ماڭا بەرگەن بۇ جازايىڭنى قۇبۇل قىلىمەن . چۈنكى مەن بۇ جازاغا لايىق بولمىسا سەن ماڭا بۇ جازانى بەرمىگەن بولاتتىڭ . سىنىڭ مەن ئۈچۈن ئىنتايىن ئادىل ئىكەنلىكىنى بىلىمەن .       مەن بۈگۈن كەچتە ئاينى يەنە كۆرمۈدۈم ، بۇرۇن ھەر كۈنى سەن بىلەن بىللە ئاينى كۆرەتتىم . ئەمدى سەن بولمىغاچقا ئايمۇ چىقماپتۇ . ئەڭ پاقىراق يۇلتۇزنى ھەر دائىم سەندىن تالىشاتتىم ، سەن ئاسماندىكى يۇلتۇزلارنىڭ ھەممىنى ماڭا بەرگەن ئىدىڭ ، مىنى كەچۇر . ئەمدى ئۇ يۇلتۇزلارنى سەندىن تالاشمايمەن ، سەن بولمىساڭ يۇلتۇزلارمۇ مىنى خۇشال قىلالمايدىكەن . مەن پەقەت سىنىلا تالىشىمەن پەقەت سىنىلا ... قارا ، يەنە بىر تال يۇلتۇز مېڭىۋاتىدۇ ئۇ يۇلتۇزمۇ ياكى كېچىدىكى ئايرىپۇلانمۇ مەن ئايرىيالمىدىم ماڭا ياردەم قىلامسەن ؟ دوختۇر مىنى يەنە كۈندە مەيدانغا چىقىپ يۈگۈرۈپ بەر دەيدۇ ، مەن بىلەن بىللە يۈگۈرشۈپ بېرىدىغان سەن يوق مىنىڭ يۈگۈرگۈم كەلمىدى . قارا ، يەنە پويىز ئۆتىۋاتىدۇ ، ئۆيگە كەتكۈم كەلدى دىسەم ماڭا تەسەللى بېرىدىغان سەن يوق مەن يىغلىدىم ، يېشىمنى سۈرتىدىغان سەن يوق ئۆزۈمنى بۇ چوڭ شەھەردە تولىمۇ يالغۇز ھېس قىلۋاتىمەن . مىنى كەچۈرگىن ، مەن ھەممىنى ساڭا چۈشەندۈرمەن . مىنى بۇنداق يالغۇز قويمىغىن بۇلامدۇ ؟ سەن بىلىسەن مەن يالغۇزلۇقتىن قورقىمەن ، مىنىڭ يالغۇزلۇققا كۆنگۈم يوق . چۈنكى مەن سەن بار چاغلارغا كۆنۈپ قالغان ئىدىم . يامغۇرلادا مەن سىرىتتا تۇرۇشقا ئامراق ئىدىم ، سەن گەرچە يامغۇرنى ئانچە ياقتۇرمىساڭمۇ مەن بىلەن بىرگە تۇراتتىڭ ئەمدى سىنى يامغۇردا قويمايمەن . مەن گەپ ئاڭلايمەن يۈگۈرۈپ يامغۇرغا چىقىۋالمايمەن . قايتىپ كەلگىن بۇلامدۇ ؟ سىنى سېغىندىم تولىمۇ سېغىندىم سېغىنىشىمنى تەسۋىرلەشكە تىللىرىم ئاجىزلىق قىلىدۇ . يۈرەكلىرىمنى ساڭا چۇشەندۈرۈشكە ئاجىزلىق قىلغان كۆزلۈرۈمدىن ياشلار قۇيۇلماقتا ... مەن كۆز ياشلىرىمنى يۈتۈپ تۇرۇپ سىنى ساقلايمەن . مەن ئۆزۈمنىڭ قانچىلىك ساقلىيالايدىغىنىمنى ئۇقمايمەن بىراق تاكى ساقلىيالىغۇچە سىنى ئۆز ئورنۇمدا ساقلايمەن .                       مىنى كەچۈرگىن ، سىنى ساقلايمەن ..... مەنبە : قەلبىم

awran

kalamiy

	چىن يۈرەكتىن تامغان چىن تامچىلار كۆپىنچە ھاللاردا كىشنى ئىختىيارسىز شۇ كىشى دۇنياسىغا باشلاپ كېتىدۇ ..غۇنچە نىڭ مىسرانىم مۇنبىرىدە پورەكلەپ ئېچىلىپ خۇشپۇراق چېچىشىغا تىلەكداشمەن ..ئۈمىدۋار بولۇڭ ..

handanjan

	بەك ياخشى چىقىپتۇ

qizilpachaq

	مەن بىلدىم.

xahuyghur

	قارغاندا  ئاشىقلىق دەردىدە    بەك ئازاپلىنىپ كەتتىمۇ نىمە ؟؟؟ مېنىڭچە  بۇنداق قىلىشنىڭ ئۆزمۇ   بىر ئەخمىقىانىلق ئىش .... توۋا  بىر ئادەم ئۈچۈن  كىچە - كىچە  ئۇخلىماپتۇ ،لېكىن ئاللاھ  يولدا  ئاللاھ قا ئىبادەت قىلىپ ئۇخلىيالمىغان كۈنلىرى بارمىدۇ ؟ بۇ ئاشىق قىزنىڭ ؟ توۋا  بۇ جەميەت نىمە بوپ كەتتكىن؟

kakkuk11

	مېنى كەچۈرگىن سېنى ساقلايمەن

lokmanhakim

	مۇھەببەت ئۆلمەس،قېرىماس بىر تېما

ئۆل

	يالغان .بۇنداق يازىملار ئۆزىنى ئۆزى ئالداش خالاس ..قارشى تەرەپىنمۇ ئالداش