ئىزتىراپلىق سۇئال-جاۋاپلار

سائەت

	ئىزتىراپلىق سۇئال-جاۋاپلار   -نېمە ئۈچۈن بۆشۈك بىلەن قەبرىنىڭ شەكلى ئوخشاش؟ -چۈنكى، ھەر ئىككىلىسى ئۇيقۇ ئۈچۈن ياسىلىدۇ. پەرقى شۇكى،بىرى ۋاقىتلىق ئۇيقۇ ئۈچۈن، يەنە بىرى مەڭگۈلۈك ئۇيقا ئۈچۈن.   -نېمە ئۈچۈن ياۋايى ھايۋانلارنىڭ نەسلى بارغانچە ئازلايدۇ؟ -چۈنكى ئۇلار ھىيلىگەرلىك-ساختىلىقنى ئەسلا بىلمەيدۇ.   -«رېستۇران» دېگەن بۇ چەتئەلچە ئاتالغۇغا دەل كەلگىدەك ئۇيغۇرچە ئىسىم بارمۇ؟ -بار. «رېستۇران»نى ئۇيغۇر تىلىدا «ئىسراپخانا» دېسەك ئىسمى جىسمىغا تازا مۇۋاپىق كېلىدۇ.   -ئەڭ ئاسان ئۈگەنگىلى بولىدىغان ھۈنەر قايسى؟ -ھاراق بىلەن تاماكا.   -نىمە ئۈچۈن مەي-شاراپنىڭ ئسمى بەك تولا؟ -شەيتان 72 خىل ئۆزگەرگەن يەردە ئۇنىڭ سۈيدىكى يەتتە-سەككىز خىل ئاتالمىسا بولمايدۇ-دە.   -نىمە ئۈچۈن بەزى ئادەملەر بىر-بىرىنى ئالدايدۇ؟ -چۈنكى ئۇلار ئۆزىنىڭ ئادەملىكىدىن زېرىكتى. شۇڭا ئۇلار ئەمدى شەيتانغا ئايلىنىش پراكتىكىسى ئېلىپ بېرىۋاتىدۇ.   -بەزىلەرنىڭ باشلىقىنىڭ ئىسمىنى چاقىرماي مەنسىپىنى چاقىرغىنى نېمىسى؟ -بۇ ئۇلارنىڭ «سېنى تونۇمايمەن، پەقەت مەنسىپىڭنىلا تونۇيمەن» دەپ ئاگاھلاندۇرغىنى.   -بەزى ئادەملەر نىمە ئۈچۈن ئۆزىنى سورىمايدۇ؟ -باشقىلار سورىسۇن، دەپ.   -شەھەر بىلەن يېزىنىڭ تۈپكى پەرقى نېمە؟ -شەھەردە «بۇغداي سۆز» تولا، يېزىدا ئىسكەتسىزرەك بولسىمۇ «بۇغداي نان» تولا.   -نىمە ئۈچۈن بەزىلەر ئۆزىنى ماختاشقا شۇنچە ئامراق؟ -چۈنكى ئۇلار خوتۇنىنى ماختاپ «ئىككىنجى ئەخمەق» بوپ قالغۇسى يوق.   -كۆز ۋە قۇلاقنىڭ ئىككىدىن يارىتىلىپ، ئېغىزنىڭ بىر بوپقېلىشىدا بىرەر خاسىيەت بارمۇ؟ -ئەلۋەتتە بار. كۆزنىڭ ئىككى يارىتىلىشى، ئۆزگىنىڭ يېتەرسىزلىكىنىلا كۆرمەي، ئۆزۈڭدىكىنىمۇ كۆر، دېگەندىن بىشارەت؛ قۇلاقنىڭ ئىككى يارىتىلىشى، ماختاشنىلا ئاڭلىماي، تەنبىھنىمۇ ئاڭلاپ قوي دىگەنلىك؛ ئېغىزنىڭ بىر يارىتىلىشى، ئاز سۆزلە، ئاز يە... دېگەندىن بېشارەت.   -قىلىچ قۇدرەتلىكمۇ، قەلەممۇ؟ -بۇ نېمىنى ئۆلچەم قىلىشقا باغلىق. ناۋادا قۇدرەتنىڭ بەلگىسى كاللا كېسىش بولىدىغان بولسا، ئۇ ھالدا قىلىچ قۇدرەتلىك. چۈنكى ئۇ يۈزلەپ-مىڭلاپ ئادەمنىڭ كاللىسىنى ئالالايدۇ. بۇنىڭ ئەكسىچە، قۇدرەتنىڭ بەلگىسى ئەل رايىغا ئېرىشىش بولىدىغان بولسا، قەلەم قۇدرەتلىك. چۈنكى قەلەم مىڭلاپ-مىليونلاپ ئادەمنىڭ قەلبىنى ئالالايدۇ.   -يادرو قوراللىرىنىڭ كۆپلەپ كەشىپ قىلىنىشى نېمىدىن دېرەك بېرىدۇ؟ -دىنى رىۋايەتلەردىكى قىيامەتنىڭ پىلتىسىغا ئوت يېقىلغانلىقىدىن.   -تۈلكىنىڭ ھىيلىگەرلىكى نەدىن كېلىدۇ؟ -يولۋاس پادىشاھنىڭ زالىملىقىدىن.   -نىمە ئۈچۈن قىزلار توز قانىتىدەك كۆرىنىدىغان كۆركەم كۆڭلەكلىرىنى كىيمەي، «پادىچى شىمى» كىيىپ، سولتەك توخۇغا ئوخشاش بولىۋالىدۇ؟ -چۈنكى توزلارنىڭمۇ توخۇلارنى دورىغۇسى كېلىدىغان چاغلىرى بولىدۇ.   مەنبە:ۋىسال ستۇدىيىسى

intikam

	ئەجەب  قاتىس يېزىلغان تىمىكەن،  رەھمەت  يەنە بولسا   تارتىنماي يوللاۋىرىڭ!!!

handanjan

	بەزىلەر نېمە ئۈچۈن ئۆزىنى سورىمايدۇ؟ باشقىلار سورىسۇن دەپ،   ئاز ئەمما ئالامەت ساز جۈملە بەك ياقتۇردۇم

handanjan

	بەك بەلەن تېمىكەن رەھمەت سىزگە

forever1

	ماشدا ئىكەن.بەزىلىرىنى يادلىۋالدىم.

xabnam00

	بۇ تىما كىشىنى چۇڭقۇر ئويغا سالىدىكەن......

ۋاقتىم

	ساقلىۋالدىم.

oyl

	ناھايىتى ياخشى تېمىلارنى يوللاپسىز -بەزى ئادەملەر نىمە ئۈچۈن ئۆزىنى سورىمايدۇ؟ -باشقىلار سورسۇن ،دەپ. -تۇلكىنېڭ ھيلىگەرلىكى نەدىن كىلىدۇ؟ -يولۋاس پادىشاھنېڭ زالىملىقىدىن. يۇقارقىلار ماڭا بەكمۇ ياقتى .قالتىس ياخشى ئىكەن.داۋاملىق مۇشۇنداق ياخشى ئەسەرلەرنى يوللاپ تۇرارسىز!

handanjan

	oyl يوللىغان ۋاقتى  2013-4-11 06:25 PM ناھايىتى ياخشى تېمىلارنى يوللاپسىز -بەزى ئادەملەر  ... ئىككىمىزنىڭ ئويى بىر يەردىن چىقامدۇ نېمە؟