تۇغۇلغان كۈن سوۋغىسى (ھېكايە)

ahsaxum

	تۇغۇلغان كۈن سوۋغىسى ھېكايە ھېيتنىڭ ئالدىراشلىقىنى تۈگۈتۈپ تۇرشىمىزغا مانا خىزمەت بىزگە ئاغزىنى <<ھا>> ئېچىپلا تۇرغان ، ئالدىراشلىق ئىچىدىن ئارام ئالدىغانغا ، كەڭرەك تىنىدىغانغا ، ھەتتا ئېچىلىپراق كۈلىدىغانغىمۇ راستىنى ئېيتسام بانا ئىزدەيدىغان بولۇپ قالغان ئىدىم . بېرەر بانا بولمىسا تۇرمۇش ھەلەكچىلىكدە كۈلۈشكىمۇ ۋاقىت چىقمايدىغاندەكلا تۇيۇلاتتى . ئەنە شۇنداق ۋاقىتلاردا ئوقۇغۇچلۇق ۋاقىتلىرىمنى تاتلىق ئەسلەيتتىم ، بىراق بۇ قۇرۇقلا ئەسلىمىدە . ناشتىنى چالا-بۇلا قىلىپلا چاپاننى قولۇمغا ئالدىم . ۋە - خوتۇن ، سىلىمۇ گاچچىدە چىقارسىلەر ، بالىلارنى ئويغۇتۇپ قىلىپ بولغىچە بالا باقىدىغان قىز بالىمۇ كېلىپ قالار . شۇلارنى دېدىمدە ئايالىمنىڭ نىمە دىيىشىنىمۇ ئاڭلىماي سىرىتقا ئۆزۈمنى ئاتتىم . سىرىت شۇنداق سوغۇق ، ھەمما ياق ئاپپاق ، بەلكىم بۇ ئاقلىق مۇشۇ شەھەردىكى ھەممە مەينەتچىلىكنى يۈتۈپ كەتمەكچى بولغاندەك ئاسماندىن لەپىلدەپ چۈشۈۋاتاتتى . بالا ۋاقىتلىرىمدا شۇ يېزىدا بولىدىغان بولسامزە ھېلقى كەپسىز ئاغىنلىرىم بىلەن قارغا بۇلنۇپ ، بىر - بىرمىزنى بېسۋېلىپ ئىچىلىرىگە قار تىقىپ ، قار ئېتىشىپ ئويناپ .... ئەنە شۇ خىياللر بىلەن مەكتەپكىمۇ كېلىپ قالدىم ، شەھەر باللىرى ئاجايىپتە ، قوللىرىغا قېلىن پەلەيلەرنى كىيىپ ، ئۆزلىرىمۇ شۇنداق قېلىن كىيىنىپ گۈرجەك ، سۈپۈرگىلەرنى كۆتۈرۈپ مەكتەپ ئىچىنى تازلاۋاتقان ئىدى ، بۇ كۆرنىشنى كۆرۈپ يېزا مەكتەپ باللىرىنىڭ ئاشۇ قۇلاقلىرىغىچە قىزىرىپ تۇرسىمۇ قوللىرىنى ھوردىغىنىچە ، بىر-بىرنى قوغلاپ يۈرۈپ قار بىلەن سوقۇشلىرى ، مەكتەپ قوڭغۇراقلىرىغا قىلچە پىسەنت قىلماي ، ئوقۇتقۇچىلارنى بۇلارنى سىنىپقا سولاپ بولالماي ئاخىرى ئۆزلىرىنىڭمۇ بىزگە قېتىلىپ قار ئېتىىپ ئويناشلىرى كۆز ئالدىمغا بىر-بىرلەپ كەلدى . ئىشخانىغا كىرىپلا پار بار تەرەپكە يىغىلىپ بىر نەرسىلەرنى كۇسۇرلىىشۋاتقان ، تاپشۇرۇق تەكشۈرگەچ گازىر چېقىۋاتقان ئوقۇتقۇچىلارغا كۆزۈم چۈشتى ، باشلانغۇچ مەكتەپ بولغاچقىمىكىن ياكى باشقا سەۋەبتىنمىكىن مەنمۇ ھورۇنلۇشۇپ كېتىۋاتاتتىم ، بۇرۇن ئانچە مۇنچە بىر نەرسىلەرنى يېزىپ نەشرىياتقا ئەۋەتەتتىم ، بىراق يېققىندىن بۇيانقى ھورۇنلۇقۇم سەۋەبلىك ئۇمۇ تاشلىنىپ قالدى . بىراق كىتاپ ئوقۇش دىگەن بۇ <<نىجىس>> كېسەلدىن ھېچ قۇتۇلالمايتتىم . قولۇمغا نەچچە ئوقۇغان بولساممۇ بىراق يەنىلا شۇنداق قىزىقىپ ئوقۇيدىغان <،ئىزدىنىش>> روماننىڭ ئىككىنجى قىسمنى قولۇمغا ئالدىم دە كىتاپنىڭ ئىچىگە چۆكۈپلا كەتتىم ..... - دەرىس ئۆتمەمسىز ؟ بېشىمنى كۆتۈرۈپ ھەيرانلا قالدىم . ئالدىمدا ئايالىم تۇرتتى . - ۋوي ، سەن قاچان كەلدىڭ ؟ ئايالىم ماڭا قاراپ كۈلۈۋېتىشكە ئازلا قالدى ، بىراق ئىشخنىدا شۇنچە جىق ئوقۇتقۇچىنىڭ ئالدىدا ئۆزىنى تۇتۇۋالغاچ - بىر سائەت بولاي دىگەندۇ - بىر سائەت ؟؟- قولۇمدىكى سائەتكە قاراپ ھەيرانلا قالدىم - ئاپلا - شۇنداق دىگىنىمچە ئۈستەلدىكى ماترىياللارنى يۇغۇشتۇرۇپلا ئىشخانىدىن چىقتىم . سىنىپ ئىچى شۇنداق جىمجىت -سالام مۇئەللىم - ئوقۇغۇچىلارنىڭ بىردەك توۋلىشىدىن سەل كەيپىياتىم كۆتۈرۈلدىمۇ ، دەرىس ئۈستىلىگە چىقىپلا بالىلارنى ئولتۇرۇشقا شەرەتلىدىم ۋە يوقلىما قىلدىم ..... بىر كۈنلۈك خىزمەت جىددىيمۇ ئەمەسمۇ بىلمەيمەن ، بىراق بىر ئىشلارغا ۋاقتىم يەتمەيۋاتقاندەك ، بىر ئىشلارنى قىلالمايۋاتقاندەك ، ئۆزۈم شۇنداق جىددىيدەكلا سېزىمەن . بۇ سېزىمىمنىڭمۇ مېنى ئالداۋاتقانلىقىنى بىلسەممۇ بىراق ئۆزۈمنىڭ نىمە ئىشقا ۋاقىت ئاجىرتالمايۋاتقانلىقىمنى بىلمەيمەن . ئۆيگە كىرىپ ئۈچ ياشقا كىرگەن قىزىم مۇنىسە نى بىر تىزىمغا ، تۆت ياشلىق ئوغلۇم فىردەۋىسنى بىر تىىزمغا ئېلىپ ئەركىلەتكەچ تىلىۋزور كۆرۈپ ئولتۇردۇم ، ئايالىم بولسا تاماق ئېتىۋاتاتتى .   - ھەي قانال يۆتكىمە ، ھازىر خەۋەر باشلايدۇ - ئوغلۇمغا شۇنداق دېدىم ، بىراق ئۇ تىزگىنەكنى قولتىقىغا قىسىۋېلىپ ماڭا بەرمىدى . ئايالىم تاماقنى ئېلىپ چىققاچ ماڭا قاراپ - كىچىك بالىدىنمۇ بىر نەرسە تالىشىدىغانغا سىز كىچىك بالىدىنمۇ كىچىكما؟ - دېدى ۋە يەنە ئاشىخانا ئۆيگە كىرىپ كەتتى . بۇرۇندىن خەۋەر كۆرپ كۆنۈپ قالغاچقىمۇ ئوغلۇم بىلەن قىزىم قىزقىپ كۆرۋاتقان كارتوننى دەپ خەۋەرنىڭ مەرىدىن كەچتىم . تاماق يىگەچ ئوغلۇمنىڭ يەنە قانال يۆتكەۋاتقىنىغا ئىچىم پۇشتى . - كارتون تۈگىگەن بولسا ئەمدى خەۋەر كۆرەيلى ، قانداق ؟ ئۇ خۇددى گېپىمنى ئاڭلىمىغاندەك تىلىۋزوردىكى ئارماننىڭ ئېلاننى يادىلاۋاتاتتى .بەزى بىر ئېلانلارنى تىلىۋزور بىلەن تەڭ دەپمۇ چىقاتتى . ئۇلارغ قاراپ ئازىراق ئىچىم پۇشتى . ئايالىم بولسا ئۇلارغا مەستلىكى كېلىپ كۈلۈپ تۇراتتى . ئۇلاردىن ئايرىلىپ ياتاق ئۆيگە كىرىپ كېتىشنى ئويلۇدۇم ، بىراق بىر ئائىلە كىشىلىرىنىڭ بىر كۈندە پەقەت نەچچە سائەتلا بىر يەردە تۇرالايدىغننى ئويلاپ يەنىلا مەنمۇ ئۇ ئىككىسىنىڭ تاتلىق قىلىقلىرىنى كۆرۈپ ئولتۇردۇم . بىر ئازدىن كىيىن <<تەلەپ-تەقدىم>> نى باشلىدى . ئوغلۇم بىر يېنىمغا قىزىم بىر يېنىمغا كېلپ ئولتۇردى ، ئۇلارغا ھەيران قېلىپ ئايالامىغا قارىدىم ، باشقا چاغدا بۇ <<تەلەپ-تەقدىم>>پىروگىراممىسىنى باشلاپ بولغىچە قانال يۆتكەيلى دەپ غەلۋە قىلىدىغان ئىككىسنىڭ بۈگۈن جىمجىتلا ئولتۇرغىنىغا ھەيران قېلىۋاتاتتىم . بىرىنجى بولۇپ ئېيتىلغان ناخشا << ئانا >>دىگەن ناخشا ئىدى ، ناخشىنى ئاڭلاپ تۈگۈشىگىلا دىكتۇر ئايالنىڭ << تۆۋەندە تەلەپ قىلىنغان ناخشا ، ئابدۇللانىڭ <<تۇغۇلغان كۈن>> دىگەن ناخشىسى ، بۇ ناخشىنى ئوماق پەرزەنت فىردەۋىس ۋە مۇنىسەلەر دادىسى شەۋكەتنىڭ 30 ياشلىق تۇغۇلغان كۈنىگە ئاتاپ ، كۈنلىرىنىڭ خۇشال ، ئائلىسىنىڭ ئېناق بولىشىغا  تەلەپ قىلغان ، قېنى تۆۋەندە ناخشىدىن ھوزۇرلىنايلى >> . - دادا ، تۇغۇلغان كۈنىڭىزگە مۇبارەك بولسۇن . كۆزلىرىمگە لىققىدە ياش كەلدى ، ئۆزۈممۇ ئۇنتۇپ قالغان تۇغۇلغان كۈنۈمنىڭ مۇشۇ سەبىي ، ئوماق باللىرىمنىڭ ئۇنتۇپ قالمىغانلىقىنى ، ھەتتا ماڭا شۇنداق ياخشى سوۋغاتتىن بىرنى ئاتا قىلغىننى كۆرۈپ ئىچ-ئىچىمدىن خۇغال بولىۋاتاتتىم ، ئۇلارنى باغرىمغا چىڭ باستىم . - دادا ، ھېيتلىق پۇللىرىمىزنى يىغىپ بۇ ناخشىنى ساڭا ئاتاپ تەلەپ قىلدۇق- ئوغلۇمنىڭ ئاشۇ ئوماق سۆزلىرى مېنى سۆيۈندۈردى . - رەھمەت ، رەھمەت بالام . ئايالمنىڭمۇ كۆزلىرى لىق ياش ئىدى . بۇندىن باشقا يەنە نىملەرنى دىيىشنى بىلمەيتتىم . - بالىلار ئۇخلىدىمۇ ؟ - ئايالىم ياتاق ئۆيگە كىرىشىگىلا سوردۇم . - ھەئە ، ھېكايە ئېيتىپ بېرىڭ دەپ يامان خاپا سالدى . - شۇڭا ئۆزۈم بىرنى توقۇپلا ئېيتىپ بېرىپ چىقتىم . - ماڭىمۇ بېرەرنى توقۇپ ئۇخلۇتۇپ قوياي دەپ كىرىپسەن دە ، قېرى تۈلكە . ئايالىم بۇ گېپىمنى ئاڭلاپ كۈلۈپ كەتتى . ئۇ كارۋاتقا چىقىپ ياتتى . ئۇنىڭمۇ چارچىغىنى مانا مەن دەپ چىقىپ تۇراتتى . مەنمۇ ئارتۇق گەپ قىلماي ياتتىم . بىراق كۆزلىرىمگە ئۇيقۇ كەلمەيتتى . نىمىگدۇر ئىچىم بىر خىل ئاچچىق ئىدى .... ئايالىمنىڭ يەڭگىل تىنىشىدىن ئۇنى ئوخلاپ بولدى دەپ جەزىم قىلدىم ، پۇتۇمنىڭ ئۇچىدا دەسسەپ ياتاق ئۆيدىن چىقتىم دە ، مېھمانخانا ئۆيگە قاراپ ماڭدىم . تىلفۇننىڭ يېنىغا كېلىپ ئۆزۈمگە يادا بولۇپ كەتكەن تىلفۇن نۇمۇرنى بىر قۇر يادىلىدىم ، ياندۇرۇپ يەنە يادىلىدىم ، ئاندىن تىلفۇن كونۇپكىلىرنى بىر-بىرلەپ يادىلىغان نۇمۇرلارغا باستىم . - ۋەي ، شەۋكەت بالام ، تۇغۇلغان كۈنۈڭگە مۇبارەك بولسۇن . - تىلفۇن ئىچىدىن چىققان ئاۋازدىن ئىچىم بىر خىل ئاچچىق بولدى ، يۈرۈكۈم ئاغزىمغا تىقىلىپلا قالغان ئىدى ، كۆزلىرىمدىن ياش تاراملاپ ئاقاتتى . - ئانا مېنى تۇغقان كۈنۈڭگە ھەم مۇبارەك بولسۇن - شۇلارنى ئارنلا دىيەلىدىم . - كېلىن بالا ساقمۇ بالام ، نەۋرىلىرىمچۇ ؟ كېلەر قېتىم خەت سالغاندا رەسسىمنىمۇ قېتىپ سالغىن بالام ، ئۇلارنى كۆرگۈم كەلدى . - ھەممىسى ساق ئانا ..... - ئېسەدەشكە باشلىغان ئىدىم ، ئىچىمدە بىر خىل ئازاپ مېنى قىينايتتى .  ئۇنىڭغا نۇرغۇن گەپلىرىمنى ئېيتىشنى ئويلىساممۇ ئېيتالماي كەلگەن ئىدىم ، ئېيتالمايتتىم . ئۇ تىلفۇندا چىچقاق ئوغلاقنىڭ تۇغقانلىقىنى ، كەپتەرنىڭ يۈزدىن ئاشقىننى ، توختىماي سۆزلەيتتى . ئانامنىڭ يەنە نىملەرنى دىگىننى بىلمەيمەن ، مېنىڭ ھەم نىمە دەپ جاۋاپ بەرگىنىمنى بىلمەيمەن ، ئىچىم شۇنچىلىك ئاچچىق ئازاپقا تولغان ئىدى . تىلفۇننى قويۇپ ئېسەدەپ يىغلىۋەتتىم ، تىزلىنىپلا ئولتۇرۇپ قالدىم ، كۆز ياشلىرىم ھېچ ماڭا بويسۇنمايتتى . - دادا ، بىي يېيىڭ ئاغيىدىما ؟ - قىزىمنىڭ سورغان سۇئالدىنلا ئاندىن ئېسىمگە كەلدىم ، ئايالىم ھەم يېنىمدا تۇراتتى ، قىزىمنى باغرىمغا چىڭ بېسىپ پېشانىسىگە سۆيۈپ - ياق ، قوزام ، ھېچ يېرىم ئاغرىمايدۇ . كارۋاتقا چىقىپ ياتتىم . ئايالىممۇ يېنىمدا يېنىك پۇشۇلداپ ياتاتتى . - ئۇخلىدىڭمىزما  ؟ - ئۇ بېشىنى مەن تەرەپكە بۇراپ شۇنداق سورىدى - ياق- دېدىم - ئەتە يېزىغا چىقايلى . - ئۇ شۇنداق دىگەچ قولۇمنى تۇتتى . - ئانىمىزنى كۆندۈرۈپ ياندۇرۇپ كېلەيلى ، ئۇنمىسىمۇ ياندۇرۇپ كېلەيلى ، بۇرن ئۆينى كىچىك دەپ ئۇنىمىغان ئىدىم ، ئەمدى چوڭ ئۆيگىمۇ چىقتۇق . ئۇنى ياندۇرۇپ كېلەيلى . ئايالىمغا قاراپ ھەيرانلا قالدىم . راست ئۇ بۇرۇن ئۆيىمىز كىچىك چوڭ ئۆيگە كۆچۈپلا ئانىڭىزنى ياندۇرۇپ كېلەيلى دىگەچكە مەنمۇ ئارتۇق گەپ قىلالمىغان ئىدىم . - مانا بۇ ماڭا بەرگەن ئەڭ چوڭ سوۋغاڭ بولدى . ماشىنا بېكەتتىن قوزغالدى ، ئىچىمدە بىر خىل خۇشاللىق پاتمايتتى . << خەپ يېزىغا بارسام قانغۇدەك قار ئېتىشىپ ئوينىۋالمىسام ....>> ئىچىمدە شۇنى تەكرارلايتتىم ......

MiRul

	خەپ يېزىغا بارسام قانغۇدەك قار ئېتىشىپ ئوينىۋالمىسام قار ئېتىشىپ ئوينامدۇق مەنبۇ بەك ئامراقتىم بولمىسا....... ئەپسۇس ياز كەپ قالدى دە

tekdirim

	تىمىغا مۇناسىۋەتسىز بىر گەپ قلاي ، كەچۈرەرسىلەر. باش رەسىمنى قانداق چىقىرىدىكەن ، مەن خېلى ھەپىلىشىپمۇ چىقىرالمىدىم . تورداشلارنىڭ ياردەم قىلىشىنى سورايمەن ، باشقۇرغۇچى ئەپەندى ياردەم قىلسىمۇ بولدۇ .

0908220

	ياخشى

xirinay0998

	مەنمۇ ئۆگىنىپ قويسام بولامدۇ نېمە مۇنداق سوۋغاتنى...

handanjan

	بەلەن يېزىلىپتۇ

handanjan

	بەلەن يېزىلىپتۇ

قاھىر

	ياخشى يېزىپسىز قېرىندىشىم .

arzu710

	ئاخىرى  يۇقما؟؟؟؟؟؟؟؟؟؟؟؟؟؟؟؟؟