قىزىقارلىق ماقال-تەمسىللەر(1)

awran

	قىزىقارلىق ماقال-تەمسىللەر(1) ئا-ھەرىپىدىن باشلانغان ماقال-تەمسىللەر: 1.ئارىسالدى ئېشەكنى بۆرە يەر مەنىسى : ئىش قىلغاندا كەسكىن بۇلمىسا ئاقىۋەتتە زىيان تارتىپ قالىدىغانلىقىنى كۆرسىتىدۇ. 2.ئاشناڭغا ئىشىنىپ ئەرسىز قالما مەنىسى : ئۆي تۇتقاندا ساداقەتمەن بۇلۇش ، ھېسىياتقا بېرىلىپ ئائىلىنى ۋەيران قىلماسلىقنى كۆرسىتىدۇ. 3.ئاغزىدا كۈلكە-چاقچاق ، قۇينىدا پالتا-پىچاق مەنىسى : ئېغىزىدا كۈلۈپ قويۇپ ئەمەلىيەتتە سۇيقەست ،ھىيلە-مىكىر ئىشلىتىشنى كۆرسىتىدۇ. 4.ئالتە ئاي ئاتقان پاختا بىر چاپانغا يەتمەپتۇ مەنىسى : بىھۇدە كۈچ سەرىپ قىلىپ ،ئۈنۈمىنى كۆرەلمەسلىكنى كۆرسىتىدۇ. 5.ئالا ئىنەكنىڭ بالىسى چالا قۇيرۇق مەنىسى : پەرزەنتلىرىنىڭ ئەخلاق-پەزىلەت جەھەتتە ئاتا-ئانىسىنىڭ يامان ئىللەتلىرىنى دوراپ چىققانلىقىنى كۆرسىتىدۇ. 6.ئالتە تەڭگەم بار ، ئات ئالىمەن . يەتتە  تەڭگەم بار ، قىز ئالىمەن مەنىسى : ھە دېسە ئىشقا ئاشمايدىغان خام-خىياللارنى قىلىشىنى كۆرسىتىدۇ. 7.ئالتىنچى ئايدا ئالتە چاپان ،ئون ئىككىنچى ئايدا كالتە  چاپان مەنىسى : كىيىنىشتە پەسىلگە قاراش ، ئەمەلىيەتكە ئۇيغۇن بۇلمىغان ئىشىنى قىلماسلىقنى كۆرسىتىدۇ. 8.ئالدىرىغاندا ئېرى خۇتۇنىغا تەزىم قىپتۇ مەنىسى : ئالدىراقسىانلىق بىلەن ئىش قىلىپ ، مەقسىتىگە يېتەلمەسلىكنى كۆرسىتىدۇ. 9.ئالدىرىغان ئىت تامغا سەكرەپتۇ   مەنىسى : يامان ئىش قىلىپ قۇيۇپ ، ماڭارغا يۇل تاپالمىغاندا قالايمىقان دوقۇرۇپ ، ئەخمىقانە ئىش قىلىشنى كۆرسىتىدۇ. 10.ئالغاندا بىسمىللا ،بەرگەندە ئەستاغپۇرۇللا مەنىسى : خەقتىن قەرز ئالغاندا خوشال بولۇپ ، بېرىدىغان چاغدا خاپا بولۇشنى كۆرسىتىدۇ. 11.ئاھ دېسە ئۆپكىسى كۆرۈنەر مەنىسى : بەك نامىراتلىشىپ كەتكەنلىكنى كۆرسىتىدۇ. 12.ئاتىسى ئاتالمىغان قوڭغۇزنى ، بالىسى ئېتىپتۇ توڭگۇزنى مەنىسى : كېيىنكىلەرنىڭ بۇرۇنقىلاردىن ئېشىپ چۈشىدىغانلىقىنى ئىپادىلەيدۇ . 13. ئاسمان بېسىۋالسا ئاستىدا يېتىپ مانتا يەر مەنىسى : ھەممە ئىشتا بىپەرۋا ئادەملەرنىڭ مىجەزىنى كۆرسىتىدۇ. 14.ئاشىنى سىڭگەندە ماختا ، خۇتۇننى ئۆلگەندە ( ماختا ) مەنىسى : ھەر قانداق خۇلاسىنى ئەمەلىي نەتىجىسىگە قاراپ چىقىرىشنى كۆرسىتىدۇ. 15.ئاشقان -تاشقان بارات تازنىڭ مەنىسى : كىشىلىك تۇرمۇشتا ھەممە ياخشىلىققا ئاتىقى بار كىشىلەر ئېرىشىۋېلىپ ،جاپا تارتقان بىچارىلەرنىڭ تۈزۈككىنە بىر نەرسىگە ئېرىشەلمەي بىر چەتتە قېلىشنى كۆرسىتىدۇ. مەنبە: شىنجاڭ خەلق سەھىيە نەشرىياتى نەشىر قىلىنغان <قىزىقارلىق ماقال-تەمسىللەر > دېگەن كىتابتىن ئېلىندى. داۋامى يەنە بار .

rahmansaykin

	ئاۋات خەلىق ماقال تەمسىللىرىدىن ئارىيە ........    چەينەك ئالساڭ چەپچەكلىكنى ئال ،    خۇتۇن ئالساڭ ....................

0998xayda

	ئۈستىدىكى بۇرادەر تەمسىلىڭىزنىڭ ئاخىرىنى يۈتىۋىتىپسىزغۇ ياكى ئاخىرى دىگىلى بولمايدىغان گەپمىتى؟؟؟

azizrosul

	چاپىنىدا تۈت يانچۇق،خەجلەي دىسە بىر پۇل يوق.   ئېلىشتا ياپىر،بېرىشتا كاپىر.   كۇندىزى مەندەك ئەر يوق،كەچلىكى ياتقىلى يەر يوق.   بېخىل چۈچۈرە يىسە،ساناپ يەر.   قۇشناچىم گۈش يىمەيدۇ،يىسە بوش يىمەيدۇ.

mahatjan

	ئات ئايلىنىپ ئوقورىنى تاپار. ئات ئايلىخانغا يول سارىخانغا. ئادەمنىڭ ئالىسى ئىچىدە.

handanjan

	مەن ماقال تەمسىلگە خېلى ئامراق

rahmansaykin

	0998xayda يوللىغان ۋاقتى  2013-4-10 10:22 PM ئۈستىدىكى بۇرادەر تەمسىلىڭىزنىڭ ئاخىرىنى يۈتىۋىتىپسى ... ھە ، سىزنى كەلتۈرۈپ باقسۇن دەپ قۇيۇپ قويدۇم .

buraqixi

	0998xayda يوللىغان ۋاقتى  2013-4-10 10:22 PM ئۈستىدىكى بۇرادەر تەمسىلىڭىزنىڭ ئاخىرىنى يۈتىۋىتىپسى ... شۇنىمۇ ھېس قىلالمېدىڭىزمۇ؟ دېمەكچى  ئۈستىدىكىگە قاپىيەلەشتۈرۈپ،ئاياللارنىڭ كۆكسىنى دېمەكچى.

BaG~ZaDa

	ئۆزۇڭ نى ئەر چاغلىساڭ ئۆزگىنى شېر چاغلا مەرىتنى مەيداندا سىنا تامچە،سۇ ئالقانچە يەرنىڭ تەشۈىشى دىھقاندىدۇر. تىنىچلىقى يوق ،بۇ ئالەمنىڭ تەشۋىشى سۇلتاندىدۇر.

سەفەر

	يەكچەشمىنىڭ شەرىگە بارساڭ  ، بىر كۆزۈڭنى قىسىۋال . ئاتاڭ ئۆلسە ئۆلسۈن ، ئاتاڭنى كۆرگەنلەر ئۆلمىسۇن .