ئاياللارغا مۇناسىۋەتلىك ھەدىسلەر !

kugul

	ئاياللارغا مۇناسىۋەتلىك ھەدىسلەر ( ناھايتى شەپقەتلىك ۋە مىھرىبان ئاللانىڭ ئىسمى بىلەن باشلايمەن) پەيغەمبەر ئەلەيھىسالام « دۇنيانىڭ ئۆزى بىر بايلىق ،شۇ بايلىقنىڭ ياخشىسى سالىھ ئايال » دىگەن .( مۇسلىم رىۋايەت قىلغان . ئەنەس رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛ ئايال كىشى چۈشىدە ئەركىشى تاپقاننى تاپسا ،» يەنى ئىھتىلام بولۇپ ،مەنئىي سۈيىنى كۆرسە » غۇسلى قىلسۇن ،يۇيۇنسۇن .سەمۋىيىد توپلىغان ،سەھىھ . تەلەق ئىبنى ئەلى رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛« بىرىڭلار ئايالىدىن ھاجىتىنى ئادا قىلماقچى ،ھىسسىياتىنى قاندۇرماقچى بولسا ،گەرچە ئۇ ئايال تونۇر ئۈستىدە نان يىقىۋاتقان بولسىمۇ دەرھال كەلسۇن ،يەنى ھاجىتىنى ئادا قىلسۇن .» ھاكىم تەبرانى توپلىغان ،سەھىھ . ئەبۇ ھۇرەيرە رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛« ئەر كىشى ئايالىنى كۆرپىگە چاقىرسا ،ئايالى ئۇنىمىسا ،ئەر ئۇ ئايالغا غەزەپ قىلىپ يىتىپ قالسا ،پەرىشتىلەر ئۇ ئايالغا تاڭ ئاتقۇچە لەنەت قىلىدۇ » ئەھمەد ،ئەبۇ داۋۇد ،بەيھاقى توپلىغان ،سەھىھ . ئەبۇ ھۇرەيرە رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛ئايال كىشى ئېرىنىڭ كۆرپىسىدىن ئاداۋەت بىلەن تەرىك ئىتىپ ئاتا-ئانىسىنىڭ ئۆيىدە قونۇپ قالسا ،ياكى ئېرىنىڭ تەلىپىنى رەت قىلىپ ،قونۇپ قالسا ،بۇ ئايالغا تاڭ ئاتقۇچە پەرىشتىلەر لەنەت قىلىدۇ .« چۈنكى ئۇ ئىتائەت قىلمىدى ،ھەققىنى ئادا قىلمىدى » ئەھمەد ،بەيھەقى توپلىغان ،سەھىھ . ئەبۇ ھۇرەيرە رەزىيەللاھۇ ئەنھودىن ؛ پەيغەمبەر ئەلەيھىسالامدىن ،ئاياللارنىڭ قايسىسى ياخشى ؟ دەپ سورالدى .پەيغەمبەر ئەلەيھىسالام جاۋاپ بېرىپ « قارىسا خۇرسەن قىلدىغان ،بۇيرىسا ئىتائەت قىلدىغان ،كۈڭلى ياقمايدىغان ئىشلار تۇغرىلىقمۇ ،مال-مۇلۇك تۇغرۇلۇقمۇ ،قارشىلاشمايدىغان ،ئېرى يوق چاغلاردا ئۆزىنى ھەر جەھەتتىن ساقلىيالايدىغان ئايال » دىگەن.ھەدىس. ئىبنى ئابباس ،ئىمران ،ئىبنى ھۈسەييىن رەزىيەللاھۇ ئەنھۇلاردىن ؛ پەيغەمبەر ئەلەيھىسالام مۇنداق دىگەن : جەننەتكە قاراپ چىقتىم ،جەننەت ئەھلىنىڭ كۆپچىلىكى پېقىرلار ئىكەنلىكىنى كۆردىم . دوۋزاخقا قاراپ ،دوۋزاخ ئەھلىنىڭ كۆپچىلىكى ئاياللار ئىكەنلىكىنى كۆردىم.بۇخارى ،مۇسلىم ،ئەھمەد ،تىرمىزى توپلىغان .سەھىھ ئائىشە رەزىيەللاھۇ ئەنھۇدىن ؛پەيغەمبەر ئەلەيھىسالام مۇنداق دىگەن: ئايال كىشى ئېرىنىڭ ئۈيىدىن سەدىقە ئېھسان قىلسا ،مالنى بۇزمىسا ، بۇ ئايالغا سەدىقىنىڭ ساۋابى ،ئېرىگە كەسىپ قىلغاننىڭ ساۋابى ، مالنى ساقلىغۇچى خەزىنچىگە شۇنىڭغا ئوخشاش ئەجىر ،ساۋاپ بار ،زادى كاملىمايدۇ ،ھەممىسى ئوخشاش .بەيھەقى ،نەسەئى ،ئەبۇداۋۇد ،ئىبنى ماجە ،تىرمىزى توپلىغان .سەھىھ ئەبۇ ھۇرەيرە رەزىيەللاھۇ ئەنھۇدىن ؛پەيغەمبەر ئەلەيھىسالام مۇنداق دىگەن ؛ ئايال كىشى بەش نامىزىنى ئوقۇسا ،رامىزان ئىيىدا روزا تۇتسا ،ئەۋرىتىنى ھارامدىن ساقلىسا ،ئېرىگە ئىتائەت قىلسا ،ئۇنىڭغا جەننەتكە ،جەننەتنىڭ ئىشىكلىرىدىن قايسىسىدىن كىرىشنى خالىساڭ كىرگىن دىيىلىدۇ . ئىبنى ھەببان توپلىغان .سەھىھ ئەبۇ مۇسا رەزىيەللاھۇ ئەنھۇدىن : پەيغەمبەر ئەلەيھىسالام مۇنداق دىگەن : قانداق بىر ئايال ئەتىر ئىشلىتىپ ،بىرەر جامائەتنىڭ يىنىدىن ئۈتسە ئۇلار ئۇ ئايالنىڭ خۇشپۇراقلىرىنى تاپسا ، ئۇ ئايال زىنا قىلغۇچى ھىساپلىنىدۇ .ئەبۇ داۋۇد ،تىرمىزى ، ئىبنى ماجە توپلىغان .سەھىھ ئۇسەيدىلئەنسارى رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛ « ئى ئاياللار ! ئەرلەردىن كېيىنرەك مىڭىڭلار ،يولنىڭ قاپ ئوتتۇرىسىدا مېڭىشىڭلار دۇرۇس بولمايدۇ ،سىلەر دىگەن يولنىڭ بىر چىتىدە مىڭىشىڭلار لازىم .( يەنى ئىپپەتلىك ،ھايالىق بولۇش ) » ئەبۇ داۋۇد توپلىغان ،سەھىھ . ئىبنى ئابباس رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛«جەننەت ئەھلىنىڭ ئاياللىرىنىڭ ئەڭ ئەۋزىلى ،خۇۋەيلىدنىڭ قىزى ،خەدىچە ،يەنى پەيغەمبەر ئەلەيھىسالامنىڭ تۇنجى ئايالى .پەيغەمبىرىمىزنىڭ قىزى پەتىمە رەزىيەللاھۇ ئەنھا . ئىمراننىڭ قىزى مەريەم . فىرئەۋىننىڭ ئىمان ئېيىتقان ئايالى مەزاھىمنىڭ قىزى ئاسىيەدۇر .» ئەھمەد ،تەبرانى ،ھاكىم توپلىغان ،سەھىھ . ئوقبەت ئىبنى ئامىر رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛« ھەقىيقەتەن سەۋەپسىز ،ئۆزرىسىز ئېرىدىن خۇلئى ( يەنى تويلۇق مىھرى بېرىپ ،ئاجرىشىش كىلىشىمنى ) تەلەپ قىلغۇچى ئاياللار ،سەۋەپسىزلا ئۇرۇش-جىدەل ،دە-تالاش قىلىدىغان ،تولا دەۋالىشىدىغان ،خۇسۇمەتچى ئاياللار دەل مۇناپىق ئاياللاردۇر ،( ئۇنى قويۇۋىتىڭ ! )» تەبرانى توپلىغان ،سەھىھ . ئائىشە رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛ « ئايال كىشى ئېھتىلام بولسا ،چۈشىدە مۇناسىۋەت قىلىپ ،ھۆللۈكنى ،مەنىي سۈيىنى كۆرسە ،غۇسلى تاھارەت يۇيۇنامدۇ ؟ دەپ سورالغاندا ،پەيغەمبىرىمىز شۇنداق غۇسلى قىلىدۇ ،يۇيۇنىدۇ ،ھەقىقەتەن ئاياللار ئەرلەرگە ئوخشاشتۇر ،مۇشۇ ھۈكۈمدە تىخىمۇ ئوخشايدۇ دىگەن » ئەھمەد ،تىرمىزى ،نەسەئىي ،ئەبۇ داۋۇد توپلىغان ،سەھىھ . مۇئاۋىيە رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛« ھەقىقەتەن بەنى ئىسرائىللار ،ئاياللىرى يالغان چاچ سالغاندا ھالاك بولۇپ كەتكەن ،( ئاياللارنىڭ يالغان چاچ سېلىشىدەك پىتنە-پاسادقا ،دۇچ كەلگەن ھالاك بولۇشى سەۋەبى شۇدۇر ) » بەيھەقى ،نەسەئىي،تىرمىزى ،ئەبۇ داۋۇد توپلىغان ،سەھىھ . ئائىشە رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛« ھەقىقەتەن چاچ ئۇلىغان ،ئۇلاتقانلارغا لەنەت قىلىندى .( بۇ ئىش ھارام ئىكەن ھۈنكە لەنەت بار ) بەيھەقى توپلىغان ،سەھىھ . ئەبۇ ھۈرەيرە رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛« ھەقىقەتەن مەن سىلەرگە يىتىم بىلەن ئايال كىشىدىن ئىبارەت ئىككى ئاجىز كىشىلەرنىڭ ھەققىنى ،ئېغىر گۇناھ دەپ ھېساپلايمەن ( يەنى ھارام دەپ قارايمەن ،ئايەتتە ھارام دىيىلگەن ) » ھاكىم بىلەن بەيھەقى توپلىغان ،ھەسەن . سەۋبان رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛« قايسى بىر ئايال ھېچبىر چاتاقسىز ،ئۆزرىسىز ،ئەيىپسىز تالاق قىلىشنى سورىسا ،بۇنداق ئايالغا جەننەتنىڭ پۇرىقىمۇ ھارامدۇر ،( ئۇ جەننەتكە كىرىش تۈگۈل پۇرىقىنىمۇ پۇرىيالمايدۇ ) » ئەھمەد ،تىرمىزى ،،،توپلىغان ،سەھىھ . ئىبنى ئابباس رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛ « بىر قىتىم توي قىلغان تول ئايال ئۆزىگە ئۆزى ۋەلىدىنمۇ بەكرەك ھەقلىقراق بولۇپ ،ئىگە بولالايدۇ ،ئىزنى سورالمايدۇ ،( يەنى ۋەلىسىز نىكاھلانسا بولۇۋىرىدۇ ) توي قىلمىغان قىزچاق ،نىكاھ ئىشىدا ئىزنى-رۇخسەت سورۇلۇپ ،رازىلىقى ئېلىنىدۇ.ئۇنىڭ جىم تۇرۇشى رازى بولغانلىقىدۇر ،( بۇنىڭغا ۋەلى ئىگە بولغۇچى لازىم )مۇسلىم ،مالىك ،تىرمزى،،،،توپلىغان ،سەھىھ . ئەبۇ ھۈرەيرە رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن ؛ « يىتىم قىزچاقنى ئەرگە بېرىش تۇغرىسىدا ئۇنىڭ ئىزنى ،رۇخسىتى ،رازىلىغى ئېلىنىدۇ .ئەگەر ئۇ جىم تۇرسا ،بۇ ئۇنىڭ رازىلىغىدۇر ،ئەگەر رەت قىلىپ ئۇنىمىسا ،ئۇ چاغدا نىكاھ بۇ قىزغا دۇرۇس بولمايدۇ ،( مەجبۇر قىلىنغان نىكاھ قايتۇرۇلىدۇ ) » ئەبۇ داۋۇد ، نەسەئىي،ھاكىم توپلىغان ،سەھىھ . ئەبۇ ھۈرەيرە رەزىيەللاھۇ ئەنھۇدىن ،پەيغەمبەر ئەلەيھىسالام مۇنداق دىگەن؛« دوۋزاخ ئەھلىدىن ئىككى سىنىپ بار بولۇپ ،مەن تىخى ئۇلارنى كۆرىپ باقمىدىم ( يەنى بۇندىن كىيىن چىقىدۇ ) بىرسى كالنىڭ قۇيرۇغىدەك قامچىلارنى كۆتۈرۋىلىپ كىشىلەرنى ئۇرىدىغان كىشىلەردۇر ،( يەنى زالىملار ) يەنە بىرسى بولسا ،ئەمەلىيەتتە كىيىم كىيۋالغان ،ئەمما ئۆزىنىڭ كىيىمى نىپىز ،بەزى جايدا بولمىغاچقا يالىڭاچ ھېساپلىنىدىغان ياكى زىننەت كىيىمنى كىيۋالغان تەقۋالىق كىيىمدىن يالىڭاچ ياكى نئىمەت كىيىمنى كىيىۋالغان شۈكرىدىن يالىڭاچ ،ياخشى كىيىمنى كىيىۋالغان ،ياخشىلىقدىن يالىڭاچ ،بەزى يېرىگە كىيىم كىيىۋالغان بەزى يېرى يالىڭاچ ئاياللاردۇر .تائەتتىن مايىل ،مېڭىشىدا كىبرە قىلىشىدا مايىل ،ئەرلەرگە مايىل ھەم ئەرلەرنى مايىل قىلغۇچى ،قەلىبنى پىتنە-پاسادقا مايىل قىلغۇچى بېشى ،چىچى تۆگىنىڭ لوكىسىدەك چېچىنى مۇڭگۇز چىقىرىپ گەدىنىگە تۈگۈپ ،باشقىلارغا كۆرسەتكۈچى ئاياللار بولۇپ ،بۇلار جەننەتكە كىرەلمەيدۇ ،ھەتتا جەننەتنىڭ پۇرىقىنىمۇ پۇرىيالمايدۇ .( جەننەتنىڭ پۇراقلىرى 500يىللىق مۇساپىدىن تىپىلىدۇ ) « ئەھمەد ،مۇسلىم توپلىغان ،سەھىھ . شەيىخ زەندانى بۇ ھەدىسنى مۆجىزە قاتارىغا تىزغان . پەيغەمبەر ئەلەيھىسالام مۇنداق دىگەن ؛« ئاياللارنىڭ كىيىمى كەڭرى ئازادە ئۆزىنى تاشلاپ تۇرىدىغان بولۇشى لازىم .ئايال كىشى ئۆزىنى نامەھرەمدىن ،ھەرخىل ناشايان ئىشلاردىن ئۆزىنى پاك ساقلىشى لازىم .ئەر كىىشلەرنى جەلىپ قىلغۇدەك ھالەتتە ئۆزىنى ،چاشلىرىنى ،كىيىملىرىنى ھەرخىل قىلىپ چىققان ئاياللار ھەرگىزمۇ جەننەتكە كىرەلمەيدۇ » ئىمام ئەھمەد رىۋايىتى . ئەبۇ ئۇزەينەت ،سەلمەن ،يەسسار رەھمەھۇللادىن ،پەيغەمبەر ئەلەيھىسالام مۇنداق دىگەن ؛« ئاياللىرىڭلارنىڭ ئەڭ ياخشىسى مۇسۇلمان پەرزەنىتنى كۆپ تۇغۇدىغان پەقەت ئېرىنىلا ياخشى كۆرىدىغان كۆيۈمچان ،ئىتائەتچان ،قولغا يىقىن ئايالدۇر .پەقەت ئۇ ،ئاللاھدىن قورقۇپ تەقۋادار بولسىلا ،ئاياللىرىڭلارنىڭ ئەڭ يامىنى جاھىلىيەت ئاياللىرىدەك ياسىنىدىغان ،كىيىم كىيىشتە چاچ ،بويۇنلىرىنى ئوچۇق قويۇپ ،نىپىز كىيىم كىيىدىغان ،ھارام ئىشلارنى خىيال قىلدىغان ۋە باشقىلارغا خىيال قىلدۇرىدىغان ئاياللار بولۇپ ،ئۇلار مۇناپىقتۇر ،ئۇلاردىن جەننەتكە كىرىدىغانلىرى پەقەت خۇددى باشقا قاغىلارغا نىسبەتەن پۇتىدا ئاق بار ،ئاق پاچاق قاغىلار ناھايتى ئاز بولغۇنىدەك ،ئىنتايىن ئازدۇر .( كۆپىنچىسى دوۋزاختا بولىدۇ ،چۈنكى ،ناشۈكرى ،مۇناپىقتۇر ) » بەيھەقى توپلىغان ،سەھىھ . ئىبنى ئابباس رەزىيەللاھۇ ئەنھۇ دىن رىۋايەت قىلىندۇكى ،پەيغەمبەر ئەلەيھىسالام مۇنداق دىگەن ؛«ئاللاھتەئالا ئەرلەردىن ئاياللارنىڭ مىجەز-خۇلقىنى يۇقتۇرۋالغانلارغا ،ئاياللاردىن ئەرلەرنىڭ مىجەز-خۇلقىنى يۇقتۇرۋالغانلارغا لەنەت قىلدى » « ئەرلەردىن ئۆزىنى ئاياللارغا ئۇخشىتىۋالغانغۇچىلارغا ۋە ئاياللاردىن ئۆزىنى ئەرلەرگە ئوخشۇتىۋالغۇچىلارغا رەسۇلۇللاھ لەنەت قىلدى » ( بۇخارى رىۋايەت قىلغان ) ئەبۇ ھۈرەيرە رەزىيەللاھۇ ئەنھۇدىن رىۋايەت قىلىندۇكى ئۇ مۇنداق دىدى ؛« ئاياللارنىڭ كىيىمىنى كىيىۋالغان ئەرلەرگە ،ۋە ئەرلەرنىڭ كىيىمىنى كىيىۋالغان ئاياللارغا پەيغەمبەر ئەلەيھىسالام لەنەت قىلدى .» ( ئەبۇ داۋۇد رىۋايەت قىلغان ) پەيغەمبەر ئەلەيھىسالام مۇنداق دىگەن؛«ئاياللارغا ياخشىلىقنى تەۋسىيە قىلىپ تۇرۇڭلار ،ھەقىقەتەن ئۇلار قوۋرۇغىدىن يارتىلغان ،چۇقۇمكى قوۋرۇغىنىڭ ئۈستى تەرىپى ئەگرى بولىدۇ .ئەگەر ئۇنى تۈزلەيمەن دىسەڭ سۇندۇرۋالىسەن ،ئەگەر ئۆز مەيلىگە قويۋەتسەڭ ئەگرى تۇرغىنى تۇرغان ،شۇڭىمۇ ئاياللارغا نەسىھەت قىلىپ تۇرۇڭلار » .( بىرلىككە كەلگەن ھەدىس ) پەيغەمبەر ئەلەيھىسالام مۇنداق دىگەن؛« ئەگەر بىرەر ئادەمنى بىرەرسىگە سەجدە قىلىشقا بۇيرىسامتىم ئەلۋەتتە ئايال كىشىنى ئۆز ئېرىگە سەجدە قىلىشقا بۇيرۇتتىم » .( ئىبنى ماججە ۋە ھاكىم رىۋايەت قىلغان ) پەيغەمبەر ئەلەيھىسالام مۇنداق دىگەن؛« قايسى بىر ئايال ئېرىنى رازى قىلىپ دۇنيادىن كەتسە شۇ ئايال جەننەتكە كىرىدۇ » .( ئىبنى ماججە رىۋايەت قىلغان ) يەنە بىر ھەدىستە ؛«ئېرى بار ئايالنىڭ ئېرىنىڭ رۇخسىتىنى ئالماي تۇرۇپ روزا تۇتۇشى ( يەنى نەپلە روزا تۇتۇشى ) ۋە ئۆيىگە بىرەر ئادەمنىڭ كىرىشىگە رۇخسەت قىلىشى ھالال ئەمەس » .( بۇخارى رىۋايەت قىلغان ھەدىس ) پەيغەمبەر ئەلەيھىسالام مۇنداق دىگەن؛« سىلەرنىڭ ھەممىڭلار بىر پادىچى سىلەر ،ھەر بىرىڭلار ئۆز پادىسىغا مەسئۇل ،ئىماممۇ بىر پادىچى ۋە ئۆز پادىسىغا مەسئۇل ،ئەرمۇ ئەھلى-ئاياللىرىغا بىر پادىچى ،ئۇمۇ ئۆز پادىسىغا مەسئۇل ،ئايالمۇ ئېرىنىڭ ئۈيىدە بىر پادىچى ۋە ئۆز پادىسىغا مەسئۇل ،خىزمەتچى-مۇلازىم ئۆز خۇجايىننىڭ مال-مۈلكىدە بىر پادىچى ۋە ئۆز پادىسىغا مەسئۇل ،دېمەك ھەممىڭلار بىر پادىچى ۋە ئۆز پادىسى تۇغۇرلۇق مەسئۇلىيەتكە تارتىلغۇچىسىلەر » .( بىرلىككە كەلگەن ھەدىس ) « سەھىھ ھەدىسلەر توپلىمى 1-قىسىم » دىن ئىلىندى .

بانكىر

	قۇرئام كەرىم  ۋە پەيغەمبەر ئەلەيھىسالامنىڭ بىزگە يىتىپ كەلگەن ھەدىسلىرىگە، بارلىق ئەر - ئاياللار بۇيسۇنغان بولسا، بۇ ئالەم نەقەدەر گۈزەل بولغان بولاتتى. ھازىر ئەرلەردىن بەكرەك ئاياللار قۇرئان ۋە ھەدىستىكى شەرىئەتلەرگە بۇيسۇنماس بولۇپ كەتتى. بۇنىڭ ئەڭ مىسالى: ئاياللارنىڭ ھازىرقى دەۋىردە بارا- بارا يالىڭاچلىنىشى بۇنىڭغا تۈپكى مىسال بولالايدۇ. 6 بەت كەپتۇ، بىسىپ تەييارلاپ قويدۇم، خوتونۇمغا ئوقوشقا، ھەدىستىكى شەرىئەتلەرنى جان دىلى بىلەن ئورونداشنى دەپ قوياي.

handanjan

	بەك ئېسىل تېمىكەن رەھمەت…يېنىمدىكىلەرگە يەتكۈزىمەن

handanjan

	بانكىر يوللىغان ۋاقتى  2013-4-8 11:46 PM قۇرئام كەرىم  ۋە پەيغەمبەر ئەلەيھىسالامنىڭ بىزگە يىتى ... توغرا ئېيتىسىز قېرىندىشىم.

mahatjan

	يالغۇز ئاياللارغىلا ئەمەس ئەرلەرگىمۇ،ھەممىمىزگە تەربىيۋىي ئەھمىيتى بەك يۇقۇرى تىېما ئىكەن .

kurax114

	بانكىر يوللىغان ۋاقتى  2013-4-8 11:46 PM قۇرئام كەرىم  ۋە پەيغەمبەر ئەلەيھىسالامنىڭ بىزگە يىتى ... سىز مۇنۇ ھەدىسنى  ئۇقۇپ باقسىڭىز بولغىدەك  ،،،، پەيغەمبەر ئەلەيھىسالام مۇنداق دىگەن؛« سىلەرنىڭ ھەممىڭلار بىر پادىچى سىلەر ،ھەر بىرىڭلار ئۆز پادىسىغا مەسئۇل ،ئىماممۇ بىر پادىچى ۋە ئۆز پادىسىغا مەسئۇل ،ئەرمۇ ئەھلى-ئاياللىرىغا بىر پادىچى ،ئۇمۇ ئۆز پادىسىغا مەسئۇل ،ئايالمۇ ئېرىنىڭ ئۈيىدە بىر پادىچى ۋە ئۆز پادىسىغا مەسئۇل ،خىزمەتچى-مۇلازىم ئۆز خۇجايىننىڭ مال-مۈلكىدە بىر پادىچى ۋە ئۆز پادىسىغا مەسئۇل ،دېمەك ھەممىڭلار بىر پادىچى ۋە ئۆز پادىسى تۇغۇرلۇق مەسئۇلىيەتكە تارتىلغۇچىسىلەر » .( بىرلىككە كەلگەن ھەدىس )   دىمەك  قوي  باققۇچى  چۇقۇم  قويغا نەسئۇل بۇلۇشى كېرەك ،،،قوي باشقىلارنىڭ  زىرائىتىگە  زىيان  سالسا  قوينى  تىللىغۇلۇقمۇيا .ياكى مال باققۇچىنىمۇ  ،،،

بانكىر

	kurax114 يوللىغان ۋاقتى  2013-4-8 11:56 PM سىز مۇنۇ ھەدىسنى  ئۇقۇپ باقسىڭىز بولغىدەك  ،،،، پەيغە ... مۇنبەردىكى ئىنكاسىم خاتاما؟

ئابباس

	كىتاپ ئوقۇپ خاتىرە قالدۇر غىنىڭىز بەك ياخشى بوپتۇ ئاللا ھ رەھمەت قىلغاي

tarimlih

	ھەقىقى بەخىتلىك ئائىلىئە ئايالى ھەقىقى مۇسۇلمان بولغان ئەركەكنىڭ ئائىلىسىمىكىن دەيمەن؟