باش سۈرئىتىمگە...

qaraxani

	باش سۈرئىتىمگە... (ساتىرا) قاراخان   سىزگە ئوخشاش مۇنبەرلەرگە تۈنجى قېتىم كىرگەندە، بېشى يوق بىر <<چەۋەنداز>>دەك ئېزىپ -تېزىپ يۈرگەندە، بىر <<قونچاق>>نىڭ  باش  سۈرئىتى ماڭا<<جىن>>دەك چاپلاشتى، تورداشلىرىم باش سۈرەتتىن بىرنى تاپقىن دىگەندە . خېلى ئاڭلىق بىر ئاغىنەم جىددى قاراپ بۇ ئىشقا ، ئۇخلىماستىن كېچە-كۈندۈز قۇلاق سالدى تىۋىشقا. قالتىس چىچەن بولغاچ ،ئاۋۋال سوراپ كۆردى ئۆزۈمدىن، سىز ئۆزىڭىز ئامراق زادى قايسى كۇينى چېلىشقا؟ دىدىم شۈندا ئىككىلەنمەي ‹‹لۇشۈن››دىگەن  كۈي  كېرەك، ‹‹ئۇيغۇر››چە كۈي تۇرالامدۇ قېنى  ئۇندىن  يۈكسەكرەك ، ئۇنىڭ كۈيى ،خۇيىدىن  مەشرىق   تاپقان   ھۇشىنى، دىدىم ماڭا ‹‹گۈەن سەي››دىكى ئاشۇ يۇۋاش ئۇي* كېرەك . خاھىشىمغا ،ئىرادەمگە ئاڭلىق قاراپ  توردىشىم، باش قاتۇردى باش سۈرئەتكە بىكار كەتمەس قان تەرى . باشقىلارغۇ   تەتۈر  قاراپ كەتتى بىردىن ئۆپكىلەپ، ئۇيغۇر بەتكە  كىرگۈزمەڭلار! دىدى مېنى  ياش- قېرى. بىر بۇرادەر قايناپ كەتتى باش سۈرئەتكە قاراپلا، ئارىمىزغا ئۈسۈپ كىرىپ نەدىن ئۈندى << قەللاپ>>لار. ئۇيغۇرچە باش ،دوپپىلار چىقمامدىكەن يۇرتۇمدىن، <<قاراخان>>غا قانداقلارچە ياراپ قالدى يات  باشلار . يەنە بىرى  ،قايناپ دىدى  باشقىلارغا قېتىلىپ ، <<قەھىرمان>>دەك قىياپەتكە كىرىۋاپتۇ  پېتىنىپ؟ تۇرسا بىزدە <<لوتۇن >>بىلەن<<ئا.خالىق>>نىڭ سۈرئىتى، نىمە كەپتۇ <<لۇشۈن>>دىگەن باش سۈرەتكە ئېسىلىپ.     دىدىم ئاخىر قېرىنداشلار مېنى <<لۇشۈن> دەپ تۇرۇڭ ، تىلىم قايماق ،دىلىم مايماق كەتسە، ئەسكە  سەپ  تۇرۇڭ. ئىرق،جىنىس،مىللەت ئۈچۈن ‹‹ئورتاق باش››نى تاپقۇچە، دىدىم دوستۇم  غەملىرىمنى تېرىكمەستىن يەپ تۇرۇڭ؟ ماڭا تاپا قىلىپ يۈرگەن غەمگۈزارلار   ئاز   ئەمەس، ھەر كاللىدا ھەر خىيالكەن مەندە كاللا ‹‹تاز›› ئەمەس. ‹‹تاش››قا،تېگىپ ئەقىل تاپقان، بۇ‹‹ بېشىم››غا، نە ئامال، كەچۈرۈڭلار مەندە ئەگەر، بولسا ئەقىل ‹‹ساز›› ئەمەس!    كەمزۇلۇمنىڭ ئىزمىسىنى ئەتتىم تاقاپ بوغۇزغا، تېشىم ئىسسىق بولسىمۇ ،ئىچىم سوغۇق تومۇزدا. نادان ئۇيغۇر تەڭ كېلەلمەس تىلى ياتغا بەزىدە، تىلى ياتنى چوڭ بىلسەممۇ ئەسۇ-يادىم <<ئوغۇز>>دا. ئاسمىغان بىر قازاننىڭ يىدىم مىننەت ئېشىنى، قاراخانغا سوۋغا قىلدىم <<لۇشۈن>> تاغام  بېشىنى. ئۇزاق ئۆتمەي بۇ بېشىمدا يەنە تۈگمەن چۆگىلەپ، چېكىۋالدىم ئەگرى قىلىپ <<كوڭ يىجى>>دەك << نېشى>>نى. قالپىقىمغا يارىشا<< قىرغىز>> بولۇپ ئۆتەلمەي ، ئاراڭلاردىن چۈشۈپ قالسام بىرەر قامۇس پۈتەلمەي. <<قاراخان>>غا، <<لۇشۈن>>دىن  <<ئۇدۇم >> قاپتۇ دەۋېرىڭ، دورا بەرسەم ساقىيىپلا كەلسە -كەلمەس <<يۆتەلمەي>>. <<دوست دۆلەت>> ياكى دوستلار ئەجەپلەنسەڭ  ئەجەپلەن، شېئىرىمنى<< دورا>> رېتسىپ دىسەم ئاچچىق  غەزەپلەن. <<كىچىككىنە ۋەقە>>گە ، يۇرتتا  غەليان كۆتۈرۈپ، <<ياۋا گىيا>>دىسەڭ مېنى يۇلىۋېتىپ شەرەپلەن! ئۇيغۇرلاردىن لۇشۈن چىقماس دىگەنلەرنى مات قىلاي، لۇشۈندىن چوڭ بۇرۇت قويۇپ،  قەلىمىنى ئات قىلاي. شىبلىت ئەمەس خېيىم بىلەن دەسسەپ تۇرۇپ مۈرەڭگە، نەھايات <<تىل  بازار>>ىنى مەنمۇ بىر كاسات قىلاي! مېنى داھى <<سەركەردە>>دەپ ئەسلىمىسۇن ئۆلگەندە، <<نىگارىم>>مۇ يىغلىمىسۇن قارا يەرگە كۆمگەندە. باش سۈرەتكە لايىق جاۋاپ بەرگۈدەك كۈچ-كۈيۈم بار، مېنى قوللاپ،قوزغايدىغان ئېلىم ھەقنى سۆيگەندە! 2012-يىلى12-ئىيۇل 1>.  <<يۇۋاش ئۇي كېرەك*>> لۇشۈننىڭ : <<كالا بولۇپ باش ئېگىمەن سەبئى بالىلارغا، غەزەپ بىلەن ھومىيىمەن قەبىھ زالىملارغا>> دىگەن مىسراسىغا ئىشارە. 2>.     <<دوست دۆلەت ئەجەپلەنمەكتە>><<دورا>><<يۇرتۇم>><<بەخت تىلەش>><<كىچىككىنە بىر ۋەقە>><<ياۋا گىيا>><<كوڭيىجى>> لار لۇشۈننىڭ ھېكايە فېليەتونلىرى... 3>.<<سەركەردە>>  -رەئىس ماۋزېدوڭ لۇشۈننى پۇرېلىتارىياتنىڭ مەدەنىيەت سەركەردىسى دەپ تەرىپلىگەن....

handanjan

	سۈرئىتىم ئەمەس سۈرىتىم、شېئىرىڭىزدىن ھوزۇرلاندىم

qaraxani

	handanjan يوللىغان ۋاقتى  2013-4-8 10:07 PM سۈرئىتىم ئەمەس سۈرىتىم、شېئىرىڭىزدىن ھوزۇرلاندىم رەھمەت،ھۈشيارلىقىڭىزغا.

bojalar

	ئەجەپ كەلتۇرۇپسىز  باركاللا

nazigul8

	بىر باش سۈرەتنى ئىلىمنىڭ سىمۋولى قىلىپ، ئۇنى پەقەت بىر مىللەتنىڭ سىمۋولى دەپ قارىۋالمىساقلا، شۇ باش سۈرەتكە لايىق بىلىمىمىزنى بېيىتالىساقلا شۇ يېتەرلىك. شېئىرىڭىزنىڭ ئاخىرقى مىسرالىرىدىن ئۈمىتۋارلىق ئۇرغۇپتۇ، لۇشۈننىڭ باش سۆرىتىنى باش سۆرەت قىلغانغا، مەيلى باشقىلار قاندا قارىسۇن، ئىشقىلىپ ياخشى شېئىرلار ئۈزۈلمىسۇن! ئۇلارغا ياخشى شېئىرلار ئەڭ ياخشى جاۋاپ بولالايدۇ.

guzal417

	قالتىس شېئىر بوپتۇ.

joda☠

	قالتىسقۇ ..

yik

shoubiznis

	بۇ بالىلار قاچانلا قارىسا سۈرئەت بىلەن سۈرەتنى ئالماشتۇرۇپ قويىدىكەن دەيمەن