مۇئەللىمگە يېلىنغان كۈنلەردە

zulhayri

	مۇئەللىمگە يېلىنغان كۈنلەردە بەلكىم مۇئەللىم ئوقۇغۇچىغا ياردەم قىلسا قىلىدىكىن، ھەرگىزمۇ ئۆزىگە يالۋۇرىدىغان ئەھۋالغا قويمايدۇ،دەپ ماۋزوغا قاراپ ھەيران قالغانسىز.ئويلاۋاتقانسىز... مانا ئىچكىرسىگە كېلىپ ئوقۇۋاتقىلىىمۇ تۆت يىل بولاي دەپتۇ. ئەگەر ئىككى يىل تەييارلىق ئوقىمىغان بولسام بۇ يىل پۈتتىرەر بولغىيدىم. بۇ مەنىسىز كۈنلەر دەپ ئىككى يىللىق تەييارلىق ھاياتىمنىمۇ باھار شامىلى ئۇچىرۋەتكەن غازاڭدەك ئۆتكۈزۋەتتىم.باشقىلار ئېنگىلىزتىلىنى بىلىپ تۇرۇپ بىلمەيمەن دەپ شۇنچىلىك تىرىشىپ ئۆگۈنۈپ كەتتى.مەن بولسام ، ئىلگىرى ئازراقمۇ ئۆگەنمىگەن تۇرۇپ تىرىشىپمۇ قويمۇدۇم.دوستلىرىم بىلەن بازار چۆگىلەپ،شەھەر كۆرۈپ يۈردۇم. مېنىڭغا ئوخشاش ئالىي مەكتەپكە ئۆتىۋېلىپلا ئۆزىنى قويۋېتىدىغانلار ھەقىقەتەن ئاز ئەمەس.خۇددى بۇ بىزنىڭ ئەڭ ئاخىرقى نىشانىمىزدەك،شۇنچىلىك غەمسىز... شۇنداق قىلىپ ئۆزۈمنىڭ تۆت يىلىلىق مەكتىىۋىمگىمۇ كەلدىم، بىرىنجى قېتىم مەكتەپكە قەدەم باسقاندا ،مەكتەپ كۆزۈمگە شۇنچىلىك سوغۇق،ئوقۇغۇچىلىرىمۇ شۇنچىلىك سوغۇق تەسىر بەردى.ئىلگىرى ئوقىغان تەييارلىق مەكتىۋىمگە قىلچىلىك ئوخشىمايدۇ.ئۇمەكتەپكە تۇنجى كىرگىنىمدە مەيلى ئۇيغۇربولسۇن مەيلى باشقا مىللەتتىكىلەر بولسۇن باشقىلارغا شۇنچىلىك ئوچۇق چىراي ،نەرسە-كېرەكلىرىمنى كۆتۈرشپ،يول كۆرسىتىپ دېگەندەك.ئۇمەكتەپتە شۇنچىلىك ياخشى ئوقۇتقۇچى-ئوقۇغىچىلارنى ئۇچراتتىم.پۇللىڭىز ،ھەتتا بانكا كارتىڭىز ئاپتوماتىك پۇل ئېلىش ماشىنىدا قالسىمۇ سىزنىڭ پۇلىڭىزنى ئېلىۋالمايدۇ.سىزنى ئىزدەپ قايتۇرۇپ بېرىدۇ.مەن بۇ ئىشلارنى  باشقىلاردىن ئاڭلاپلا قالماي بەلكى ئۇچراتقان.بۇ كەلگۈسىدىكى ھەقىقىي لاياقەتلىك ئوقۇتقۇچىلار ئىدى.( بۇ پىداگوكىكا ئۇنۋىرسىتى) لېكىن،بۇ مەكتەپچۇ؟ كېلىپلا بىر نەرسىلىرىم ، پۇللىرىم ئۈتۈشكە باشلىدى. شۇڭىمىكىن ئۆزۈمنىڭ مەكتىۋى پەقەتلا كۆزۈمگە سىغمىدى. سىنىپ مەسۇلىمنىڭ تۇنجى دېگەن گېپمۇ ئەڭ ياخشىسى قايتىپ كېتىڭلەر،بۇمەكتەپنى پۈتتۈرۈپ كېتەلمەيسىلەر،بېرىپ قايتا ئالىي مەكتەپ ئىمتىھانى بېرىڭلەر دېگەن مەنىدە بولدى.شۇ چاغدا بىللەكەلگەن  بىز نەچچە ئۇيغۇر قىزۋالا ئۆلگۈدەك بولدۇق.ئىككى يىل تەييارلىق ئوقۇپ بولۇپ ئەمدىلىكتەقايتا ئالىي مەكتەپ ئىمتىھانى بېرەرمىشمىز ئوقۇتۇش ئىشخانىسىغا  شۇجىنى ئىزدەپ كىردۇقتە.بىز كېتىمىز دېدۇق، شۇ ئوقۇتقۇچىنىڭ دېگەن بارلىق گەپلىرىنى ئېيتىپ بەردۇق ،بۇ شۇجى بەكلا ياخشى ئىكەن ،شۇ زامات تېلفون قىلىپ ئىشلارنى ئوڭشاپ بەردى.لېكىن،ئىككى قىزۋالا شۇ باھانە بىلەن كەسىپ يۆتكىلىپ كەتتى.مەن بۇ كەسىپنى ياخشى كۆرگەندىكىن قالدىم. بىرىنجى مەۋسۈمدىلا بىر پەندىن قالدىم.تېخى ئوچۇق پەن. دۆتمىكىن دېمەڭ، ئوچۇقتىن-ئوچۇق قەستەن قالدۇرۇپ قويغىنى ئىدى.قانچىلىك يىغلاپ سالغىنىمنى ئۆزۈم بىلىمەن.يوقىرى يىللىقتىكى كەسىپداش ئاچاش توسىۋالمىسا مەكتەپ شۇجىىسىنى ئىزدىمەكچى ئىدىم، گەرچە ئىلگىرلا بۇ مۇئەللىمنىڭ نەچچە يىلدىن بېرى ئۇيغۇرنىلا ئەمەس ،باشقا مىللەتكىلەرنىمۇ  شۇنداق قەستەن قالدۇرۇپ قويىدىغانلىقىنى ئاڭلىغان بولساممۇ بەكلا ئېغىر كەلدى. ئەمدى قانداق قىلىش كېرەك؟بىر قېتىمدىلا ئۆتۈشنىڭ ئامالىنى قىلىش كېرەك.بولمىسا مەكتەپ پۈتتۈرۇش كېنىشكىسىنى ئالالمايمەن ،پۈتۈن خىيالىم ئەنە شۇنۇڭدا ئىدى.  شۇنداق قىلىپ تەتىلگەچىقىشتىن بالدۇر ئۇنى ئىزدىدىم .خىجىل بولماي جاۋابىنى كومپىيوتېردا كۆرسەتمەسمۇ.تېخى يازالماپسەن دىيىشلىرىچۇ.تېخى. يازغىنىمنى ئېنىق بىلىپ تۇرۇپ.چىداپ تۇردۇم ئەمدى بۇ كۈنلەرگە ئەمدى نېمە دىيىش كېرەك؟ پارا ئالمامدىكىن دېسەم ئىشخانىسى ئوقۇغۇچىلارنىڭ سوۋغاتلىرى بىلەن توشۇپتۇ، شۇنى بىلىپ قالدىمكى،ئۇ مەندىن پارا ئەمەس، بەلكى ، مېنىڭ يالۋۇرشىمنى تەلەپ قىلغانىكەن. بېشىمنى شۇنچە تۆۋەن قىلسىام ، ئۇ شۇنچە خوش.لېكىن، مەن ئۇنىڭ ئالدىدا ئىت ئەمەس ئىدىم. تولۇق ئوتتۇرىدا ،3-يىللىقىنى قايتىلغان ۋاقتلىرىم كۆز ئالدىمغا كەلدى.شۇ چاغدىمۇ كۈڭلۈم ئۇ مەكتەپكە بارما دەپ بىر خىل شۇملۇقنى سەزگەنىدى. لېكىن،كىچىك دادامنىڭ دەۋىتى بىلەن، ئۇ مەكتەپنىڭ بالىلارنى ئۆتكۈزۈش نىسپىتى  يوقىرى دىيىشى بىلەن ئۇ مەكتەپكە باردىم،تېخى، يول مېڭىپ . مەيلى، مەن  نەگىلا باراي،ئۆزۈمنىڭ ئۆتەلەيدىغىنىمغا ئشەنچىم كامىل ئىدى.چۈنكى، مەن سىنىپنىڭ ئالدى بولۇپ كەلگەن، ئۇنىڭ ئۈستىگە، ئۇ مەكتەپتە بىر مەۋسۈمىگىلا 1500يۈەن ئوقۇش پۇلى تاپشۇرشىم كېرەك، دادامنىڭ ئېتىزدا ئاران ئىسىقلاردا جاپا تارتىپ تاپقان پۇلىنى بىكاردىنلا بەرگىم كەلمىدى، باشقا يەردە قايتىلغان بولسىام 200يۈەن ئىدى. مېنىڭ سىنىپ مەسۇلىم دەل كىچىك دادامنىڭ تولۇق ئوتتۇرىدىكى ساۋقدىىشى ، مېنى مۇشۇ مەكتەپكە ئېلىپ كىرگەن ئوقۇتقۇچى ئىدى .قىزلارغا شۇنچىلىك قوپال ،ئوغۇللارغا شۇنچىلىك سىلىق. توۋا، ئۇنىڭ قىزى قانداق كۈن كۆرەر؟دەپ ئويلاپمۇ قالاتتىم ،كىيىنشى،مېڭىش قىياپەتلىرى ،دەرس سۆزلىشى لۈكچەكنىڭ ئۆزى ئىدى.قانداق بولۇپ ئوقۇتقۇچى بولۇپ قالغانىدۇ؟بىر دەرس سۆزلىيەلىگەن بولسا ئىدىكى كاشكى، ئاددىيسى ئوقۇتقۇچىنىڭ كەسىپ ئەخلاقىدىن سۆز ئاچقىلى بولسا ئىدى،قايىل ئىدىم.شۇڭا بىز بىر سىنىپ بالا ئۇنى ساراڭ دەيتتۇق. ئالدىراش ئىچىدە،دەرس تەييارلاش بىلەن مانا ئىمتىھانغا بىر ھەپتە قالدى دېگەن كۈنلەردە 6 -ئاينىڭ 30-كۈنى.بىز كۈندىلىك ئادەت بويىچە سىرتقا چىقىپ ئۆگۈنۈش قىلىش ئۈچۈن ماڭدۇق،بىر چاغدا دوستۇم: -رەسىم چۈشۈپ كەلمەمدۇق؟ مەن بىرئاز تۇرىۋېتىپ -ھەي ، بولمامدىكىن،ئا ساراڭ سان ئېلىپ قالسا تۈگىشىمىز -نېمىگە ئەنسىرەيسەن؟نەچچە كۈندىمۇ ئالمىىدىغۇ،ئالغان تەغدىردىمۇ مېنىڭ رۇخسىتىم بارغۇ،بىللە باردۇق دېمەمدىم. ئۆزۈمگىممۇ ئۆگىنىش قىلىش خوشياقماي تۇرغان ئىدى،ئۇنىڭ ئۈستىگە ئارامغا بىرەر كۈن قويۇپ بەرمىگىلى نەچچە ھەپتە بولۇپ قالغان ئىدى. شۇنداق قىلىپ ئىككىمىز ئايلىنىپ يۈرۈپ قايتىپ كەلسەك سان ئېلىپتۇ.نۇرغۇن بالا يوقكەنمىش، سىنىپ باشلىقى ماڭا ئۆچ بولغانلىقى ئۈچۈنمۇ ئىسمىمنى بىرىنجى ئورۇنغا يېزىپ قويغان ئىكەن بىزنىڭ ئۇ ساراڭ مۇئەللىم ئىسمىمنى چاقىرىپلا .ئاچچىقلاپ كېتىپتۇ ئەتىسى ئەتتىگەن ئۇ كىرىپلا: -تۆنۈگۈن قاچقانلار تۇرىشە   بىز تۇرىشىمىزغىلا ئۇ شۇنداق تېز ئۇدۇل مېنىڭ ئالدىمغا كېلىپلا مۈرەمدىن شۇنداق قاتتىق ئىتتىرىپ: _ ماڭ بوپاڭنى ئېلىپ ھازىر يوقال ئۇ شۇنداق دەپ بولۇپلا چىقىپ كەتتى،مەن ئۇنىڭ قاتتىق ئىتتىرىشىدىن ھەتتا ئارقامغا مۈدۈرلۈپ كەتتىم، ئاچچىقتىن بوغۇلۇپ،ئاچچىق كانىىيىمگە كېلىپ ئەتراپىپدىكىلەرنىڭ نېمىلەرنى دېيىشكىنىنى ،قولۇمدىن تارتىىشلىرى خىيالىمغا كىرىپ چىقمىدى،ئەزەلدىن بىرسىدىن مۇنداق ئاھانەتكە ئۇچراپ باقمىغان كۆڭلۈم شۇنچىلىك شۇنچىلىك پىچاقتا تىلغاندەك ئاغرىدى، مەن ئاچچىقىم بىلەن پارتىدىكى پۈتۈن كىتابلىرىمنى ئالدىم دە ، سىرتقا يۈگەردىم، كىتابلىرىم قولۇمدىن چۈشسىمۇ كارىم بولمىدى،پەقەت بىر دوستۇمنىڭ بىرىنجى قەۋەتكە چۈشكەندە قولۇمدىن تارتتىپ مېنى قۇچاقلاپ تۇرىۋالغاندىلا ئاندىن مەن ئۇنىڭغا ئېسىلىپ ئۆكسۈپ-ئۆكسۈپ يىغلاپ كەتتىم. ئۆزۈمگە شۇنچە يىغلىما دەپ توختىتالمىدىم، ئىرادەم يېشىم ئالدىدا تىك تۇرالماي قالدى، دوسلىرىم ئالدىدا قاچان يىغلاپ باققان؟ قاچان باشقىلارغا كۆز يېشىمنى كۆرسىتىپ باققان؟مانا، بۇقېتىمقى يىغام بارلىق كۆڭۈلسىزلىكلەرنىڭ  مۇقەددىمىنى باشلاپ بەردى... نەچچە قېتىم ئۆيگە كېتىمەن دەپ ماڭغىنىمدا دوستلىرىم تۇپەيلى تۇتىلىپ قالدىم، ئۇلار دەرسكەچىقماي ماڭا پوستا تۇردى .پەقەت چۈستىن كېيىن بولغاندىلا ئۇلارنى ئاران مەجبورلاپ يۈرۈپ،ئالداپ دەرسكە قوغلۇدۇم.خىيالىم پەقەت كېتىش ئىدى. بىر چاغدا ئۇ مۇئەللىمنىڭ ئاۋازىنى ئاڭلىدىم، ئورنۇمدىن شۇنداق قوپىشىمغا ئۇ ئىشىكنى تېپىپلا كىردى،ئۇنىڭ يەنە بىر قېتىم مېنى ئىتىرىپ يۈرىشىدىن قوغدىنىش ئۈچۈن مەنمۇ شۇ ھامان ئۈستەلنىڭ يەنە بىر تەرىپىگە ئۆتىۋالدىم، ئۇنىڭ شۇ چىرايىدىن  بولسا مېنى چايناپ پۈركىۋەتسە. ئۇ قولىنى ماڭا شۇنداق قارىتىپ تۇرۇپ: - ھە؟ نېمىشقا دەرس چىقمىدىڭ؟ بۇ گەپنى ئاڭلاپ بەكمۇ كۈلگۈم كەلدى، گەرچە مېنى سەنلەپ گەپ قىلىۋاتقان بولسىمۇ مەن يەنىلا ئۇنى ئوقۇتقۇچى دەپ: -مېنى كەت دېمىللەمۇ؟ كېتەي دەۋاتىمەن. - يىغىشتۇر ،ماۋۇ نەرسىرىڭنى .ئىمتىھان كۈنى نەدە يېتىپ بەرسەڭ شۇ يەردە يېتىپ بەر - يىغىشتۇرسام يىغىشتۇردۇم مەن شۇنداق دەپلا يىغىشتۇرۇشقا باشلىدىم ،ئۇ يەنە سۇزلەشكە باشلىدى - ئاش بەرگىنىمگە مۇش بەردىڭ، سېنى بۇ مەكتەپكە مەن ئەكەلگەن يەنە قوغلىۋېتالايمەن،ھە،ئالدىنقى يىلى قانداق موللاق ئاتتىڭ؟ بۇ قېتىممۇ ئىمتىھاندا شۇنداق موللاق ئاتىسەن ماۋۇ گېپى مۈرەمدىن ئىتەرگىنىدىنمۇ بەكرەك ئېغىر كەلدى .شۇنداق بولسىمۇ قىلچىلىك چاندۇرماي نەرسەمنى تەق قىلىپ مېڭىشقا تەمشەلگىنىمدە  ئۇ: - ئۆيۈڭدىكىلەر ئېلىپ كەتسۇن ئۇشۇنداق دەپ بولۇپلا تېلفوننى ئېلىپ بىزنىڭ ئۆيگە تېلفون قىلدى، شۇ چاغدىلا مەن ئەنسىرەشكە باشلىدىم.بىر چاغلاردا تېلفون ئېلىندى،ئاپامنىڭ ئاۋازى - ئۆيدە ئەر كىشى يوقمۇ؟( ئاپامنىڭ نېمە  دېگىنىنى ئاڭلىيالمىدىم) قىزلىرىنى مەكتەپكە كېلىپ ئاۋاپ  كەتسىلە ئۇ شۇنداق دەپ بولۇپلا تېلفوننى قويىۋەتتى،شۇ چاغدا خىيالىمغا كەلمىگەن ھېچ بىر ئىش قالمىدى،ئاپامنىڭ مۇشۇ تاپتا نېمىلەرنى ئويلاۋاتقانلىقىنى پەرەز قىلىشىم  ئەسلا مۇمكىن ئەمەس، ئاپام ھەر قېتىم ياتاققا ماڭغان چېغىمدا قىلغان نەسىھەتلىرىنى ئويلاپ ئۇنىڭ ئالدىدا ئاپامنىڭ بېشىنى ئەگكەندىن كۆرە ،ئۆزۈمنىڭ بېشىنى ئېگىشنى قارار قىلدىم ،دە: <مۇئەللىم، خاپا بولمىسلا بولدى،مەن خاتا قىپتىمەن> دېدىم. بۇ گەپنى بەكمۇ تەستە چىقاردىم،لېكىن ئۇ خوش بولدى ، شۇنىڭ بىلەن دەرسكە ۋاقتىدا چىقىشىمنى ،ئاپاپغا تېلفون قىلىپ قويىدىغىنىنى دەپ چىقىپ كەتتى. كەچتە ئاپامغا تېلفون قىلىپ سورىغىنىمدا،ئويلىغانلىرىمنىڭ پۈتۈنلەي ئەكسنى  ئاڭلاپ ھەيران قالدىم، مېنىڭ ئىش چىقارمايدىغىنىمنى،ماڭا ئىشىندىغانلىقى ئۈچۈن ئازراقمۇ باشقا خىيال قىلماي مېنىڭ تېلفونىمنى ساقلىغانلىقىنى ئېيتتى. شۇ چاغدا مەن شۇنچىلىك قەيسەر ئىدىم ،لېكىن ، بۈگۈنكى كۈنلۈكتىچۇ؟ھازىر مانا مەن ئۇ مۇئەللىمنىڭ دېگىنىنىڭ ئەكسىنچە  ئالىي مەكتەپكە ئۆتتۈم،لېكىن ،مۇشۇ تاپتا مەن يەنە بىر مۇئەللىمگە دۇچ كەلدىم ، باشقىلار مېنىڭ ياتىقىمدىكىلەر نەچچە ھەپتە دەرسكە چىقمىسا گەپ يوق ،مەن بىر سائەت دەرسكە چىقمىغانلىقىم ئۈچۈن  توپتوغرا جاۋاپ يېزىپمۇ ئىمتىھاندا  قالدۇرۇپ ،ھەي، راست ئادىللىق يوق ، نېمىشقا مۇشۇنداق ئادەملەردىن ئادىللىق تەلەپ قىلىپ يالۋۇرىسەن؟ھىندىستان پۇقرالىرىغا ئادىللىق بېرەلىدىمۇ؟قانۇن ئىجرا قىلىغان شۇساقچىلىرىچۇ؟ بىر دۆلەت ، قانۇن بېرەلمىگەن ئادىللىقنى مۇشۇ بىر ئادەم؟بولدى ،بەس .باشقىلاردىن ئۈمۈد كۈتمە. شۇ مۇئەللىمىڭ مۈرەڭدىن ئىتەرگەندە شۇ يېقىن ساۋاقدىشىم دەپ ئويلىغان ئادەملىرىڭ  نېمە قىلدى؟ سېنى كۈلۈپ مازاق قىلدى ، مانا بۈگۈنچۇ؟مۇشۇ ئىمتىھاندىن قالغىنىڭدىچۇ؟ ئېرىشكىنىڭ نېمە بولدى؟قېرىنداشلىرىڭ سېنى مازاق قىلدى ، ھەتتا كۆزگە ئىلمىدى ،ئادىللىقنى پەقەت بىر ئاللا بېرەلەيدۇ،بولدى، بەس، ئاللاغا يالۋۇر.كىشىگە يېلىنما .كىشىدىن ئۈمۈد كۈتمە. ئۆزۈمگە شۇنداق دەپ،جەينىماز ئۈستىگە چىقتىم.بىردىنبىر دوستۇم بولغان ئاللاھقا دەردىمنى تۆكۈپ دۇئا قىلدىم. مەن يولۇمنى تېپىۋالدىم،روھىي ئوزۇقۇمنى ،ئىرادەمنى تېپىۋالدىم، شۇنداق دەيمەنكى ،باشقىلارغا سېنى باش ئەگدۈردىغان ،مازاق قىلىدىغان پۇرسەتكە ئىگە قىلما (باغداش مۇنبىرىگىمۇ يوللىغان ، مۇنبەرداشلارنىڭ پىكىر-تەكلىپلىرىنى ئاڭلاپ باقسام دەيمەن)

handanjan

	بەكلا ياخشى يېزىپسىز，توغرا دەيسىز，پەقەت ئۇلۇغ ئاللاھلا ئەڭ ئادىلدۇر，شۇڭا سىز دېگەندەك ئاللاھقا باش ئىگەيلى，ئاللاھقا يالۋۇرايلى.

arkam@ak

	بەك   بەلەن يېزىپسىز.

marhaba77

	شۇنداق ئوبدان يىزىپسىز.يولىڭىزنى تاپالىغانلىقىڭىزدىن بەك خوش بولدۇم.

akbar0997

	ئىچكىرى تولۇق ئوتتۇرا مەكتەپ ھاياتىڭىزدىكى بېشىڭىزدىن ئۆتكەن ئىشلارنى يېزىپسىز قارىغاندا . ياخشى ئوقۇڭ ،

abdul915

	شۇ بىر نەرسە ئېنىقكى،  خەنزۇ ۋە باشقا مىللەت ئۇقۇتقۇچىلىرىنىڭ ئېزىشىگە تاقەت قىلىپ،  ئالىي مەكتەپ ھەياتىمنى تاماملاپ،  ئاخىرىدا دىپلوم ئالماي تۇرۇپلا بەرگەن تۆت ئىمتىھاننىڭ ھەممىسىدىن ئۆتۈپ،  خىزمەتنىڭ قايسىسىنى ئىشلەپ قايسىسىدىن ۋاز كېچىش توغرىسىدا باش قاتۇرىدىغان ئىش چىقتى،  ھەممىمىزنىڭ رىسقىنى ئاللا ئۆزى بېرىدۇ، غەم قىلماڭلار قېرىنداشلىرىم،  ھەرگىز بوشاشماڭلار،  ئۆزۈڭلارنىڭ يارىلىشىڭلارنق بىلىڭلار.

pahiri

	تىرشىپ ياخشى ئۇگۇنۇڭ. بۇ كۇنلەرمۇ ئۈتۈپ كىتىدۇ.

iltebir

	ئالى مەكتەپكە چىقسىلا ھىساپ ئەمەس. ئۇلار نېمە ئۈچۈن پاسسىپ ئۆگىنىش پوزىتسىيىسىدە بۇلىدۇ؟ چۈنكى ئۇلارنىڭ كىچىگىدىن ياخشى ئۆگىنىش ئادىتى يېتىلمىگەن.ئۇلار كىچگىدىن ئانا تىلدا تەربىيەلىنىپ ئالى مەكتەپكە كەلگەندە يات تىلدا تەپەككۇرى يىتىلمىگەچكە مۇشۇنداق ئەھۋالدا قالغان.ئەگەر سىزنىڭ بالىلىرىڭىز، ئۇرۇق تۇققانىلىرىڭىز باشلانغۇچتائوقۇغان بولسائۇلار يات تىلدا دەرسىلەرنى قانداق ئېلىپ كىتىۋاتىدۇ شۇلارنى چۈشىنىپ بېقىڭ.بىنانىڭ ئۇلى ياخشى بولمىسا ئۇزاققا پايلىمايدۇ.

mahatjan

	بالىلارنى تەربىيلەشتە ئائىلە، مەكتەپ،جەمىيەت يۈكسەك مەسئۇلىيەتچانلىق بىلەن ماسلاشمىسا ئاشۇنداق ئەھۋاللار كۆرۈلىدۇ.