اللە مىنى ھەر ۋاقت كۇرۇپ تۇرىدۇ دەپ ئىتىراپ قىلامسىز؟

jangqi

	ئەسسالامۇ ئەلەيكۇم . سىز قۇرئان كەرىم ئۇقۇپ باققانمۇ ؟ قۇرئان كەرىمنى قانچىلىك چۈشنىسىز ؟ قۇرئاندىكى تۆۋەندىكى ئايەتلەرنى مۇلاھىزە قىلىپ بىقىڭ . ناھايىتى شەپقەتلىك ۋە مېھرىبان ﷲ نىڭ ئىسمى بىلەن باشلايمەن بىر ﷲ دىن باشقا ھېچ ئىلاھ يوقتۇر؛ ﷲ ھەمىشە تىرىكتۇر، ھەممىنى ئىدارە قىلىپ تۇرغۇچىدۇر؛ ئۇ مۈگدەپ قالمايدۇ، ئۇنى ئۇيقۇ باسمايدۇ؛ ئاسمانلاردىكى ۋە زېمىندىكى ھەممە نەرسە ﷲ نىڭ (مۈلكى) دۇر؛ ﷲ نىڭ رۇخسىتىسىز كىممۇ ﷲ نىڭ ئالدىدا شاپائەت قىلالىسۇن؛ ﷲ ئۇلارنىڭ ئالدىدىكى (يەنى دۇنيادا قىلغان)، كەينىدىكى (يەنى ئۇلار ئۈچۈن ئاخىرەتتە تەييارلىغان) ئىشلارنىڭ ھەممىسىنى بىلىپ تۇرىدۇ؛ ئۇلار ﷲ نىڭ مەلۇماتىدىن (ﷲ) ئۇلارغا بىلدۈرۈشنى خالىغان نەرسىلەردىن (يەنى پەيغەمبەرلەرنىڭ تىلى ئارقىلىق بىلدۈرگەن نەرسىلەردىن) باشقا ھېچ نەرسىنى بىلمەيدۇ، ﷲ نىڭ كۇرسى (مەلۇماتى) ئاسمانلارنى ۋە زېمىننى ئۆز ئىچىگە ئالىدۇ. ئاسمان-زېمىننى ساقلاش ئۇنىڭغا ئېغىر كەلمەيدۇ. ئۇ يۇقىرى مەرتىۋىلىكتۇر، ھەممىدىن ئۇلۇغدۇر.(255) (سۈرە بەقەرە 255-ئايەت) دىندا (ئۇنىڭغا كىرىشكە) زورلاش يوقتۇر، ھىدايەت گۇمراھلىقتىن ئېنىق ئايرىلدى، كىمكى تاغۇت (يەنى ﷲ دىن باشقا بارچە مەبۇد) نى ئىنكار قىلىپ، ﷲ غا ئىمان ئېيتىدىكەن، ئۇ سۇنماس، مەھكەم تۇتقىنى تۇتقان بولىدۇ، ﷲ (بەندىلىرىنىڭ سۆزلىرىنى) ئاڭلاپ تۇرغۇچىدۇر، (ئىشلىرىنى) بىلىپ تۇرغۇچىدۇر.(256) .(سۈرە بەقەرە 256-ئايەت) ياخشىلىق قىلماسلىققا، تەقۋادار بولماسلىققا ۋە كىشىلەرنى ئەپلەشتۈرمەسلىككە قەسەم قىلىش شەكلى بىلەن (ئۇلارنى قىلىشقا) ﷲ نى توسالغۇ قىلماڭلار (يەنى ﷲ بىلەن قەسەم قىلىشنى ياخشى ئىشلارنى قىلماسلىقنىڭ سەۋەبى قىلماڭلار)، ﷲ (سۆزلىرىڭلارنى)ئاڭلاپ تۇرغۇچىدۇر، (ئەھۋالىڭلارنى) بىلىپ تۇرغۇچىدۇر.(224) (سۈرە بەقەرە 224-ئايەت) ئۇ ئەۋلادلار بىر-بىرى بىلەن قانداشتۇر، ﷲ (بەندىلەرنىڭ سۆزلىرىنى)ئاڭلاپ تۇرغۇچىدۇر، (بەندىلەرنىڭ نىيەتلىرىنى) بىلىپ تۇرغۇچىدۇر .(34) (سۈرە ئال ئىمران 34-ئايەت). كىمكى (قىلغان ئەمەلى بىلەن) دۇنيانىڭ نېمىتىنى تىلەيدىكەن، (ئۇنىڭغا ئېيتىپ قويغىنكى) دۇنيا ۋە ئاخىرەتنىڭ نېمىتى ﷲ نىڭ دەرگاھىدىدۇر (بەندە ئۆز پەرۋەردىگارىدىن دۇنيا ۋە ئاخىرەتنىڭ نېمىتىنى تىلىسۇن). ﷲ (بەندىلىرىنىڭ سۆزلىرىنى)ئاڭلاپ تۇرغۇچىدۇر، (بەندىلىرىنىڭ ئەمەللىرىنى) كۆرۈپ تۇرغۇچىدۇر.(134) (سۈرە نىسا 134-ئەيەت) كېچە ۋە كۈندۈزدە جىم تۇرغان (ياكى ھەرىكەتلىنىپ تۇرغان) شەيئىلەرنىڭ ھەممىسى ﷲ نىڭ مۈلكىدۇر، ﷲ (بەندىلىرىنىڭ سۆزلىرىنى) ئاڭلاپ تۇرغۇچىدۇر، (ئۇلارنىڭ ئەھۋالىنى) بىلىپ تۇرغۇچىدۇر.(13) . (سۈرە ئەنئام 13-ئايەت) پەرۋەردىگارىڭنىڭ سۆزى ناھايىتى راستتۇر ، ناھايىتى توغرىدۇر، ئۇنىڭ سۆزىنى ئۆزگەرتەلەيدىغان ھېچ كىشى يوقتۇر. ﷲ (بەندىلەرنىڭ سۆزلىرىنى) ئاڭلاپ تۇرغۇچىدۇر، (ئەھۋالىنى) بىلىپ تۇرغۇچىدۇر.(115) (سۈرەئەنئام 115-ئايەت) (شۇ نەرسە ﷲ نىڭ قۇدرىتىنىڭ ئالامەتلىرىدىندۇركى) ﷲ كېچىنى كۈندۈزگە، كۈندۈزنى كېچىگە كىرگۈزىدۇ (شۇنىڭ بىلەن كېچە-كۈندۈزنىڭ ئۇزۇن-قىسقا بولۇشى پەسىللەر بويىچە نۆۋەتلىشىپ تۇرىدۇ)، ﷲ (بەندىلىرىنىڭ سۆزلىرىنى) ئاڭلاپ تۇرغۇچىدۇر، (ئەھۋالىنى) كۆرۈپ تۇرغۇچىدۇر.(61) (سۈرە ھەج 61-ئايەت). شۈبھىسىزكى، ﷲ ھەممىنى ئاڭلاپ تۇرغۇچىدۇر، ھەممىنى بىلىپ تۇرغۇچىدۇر .(220) .(سۈرە شۇئارە 220-ئايەت). كىمكى ﷲغا مۇلاقات بولۇشنى ئۈمىد قىلىدىكەن،(بىلسۇنكى) ﷲنىڭ (بۇنىڭغا بەلگىلىگەن) ۋاقتى چوقۇم يېتىپ كېلىدۇ، ﷲ (بەندىلىرىنىڭ سۆزلىرىنى)ئاڭلاپ تۇرغۇچىدۇر،(بەندىلىرىنىڭ تاشقى ۋە ئىچكى ئەھۋالىنى) بىلىپ تۇرغۇچىدۇر.(5) (ئەنكەبۇت سۈرىسى 5-ئەيەت) ﷲ سېنى(نامازغا)قوپقىنىڭدا كۆرۈپ تۇرىدۇ.(218)ناماز ئوقۇغۇچىلار ئارىسىدىكى (سەجدىگە بارغانلىق، رۇكۇغا تۇرغانلىق ۋە قىيامدا تۇرغانلىق) ھەرىكىتىڭنى كۆرۈپ تۇرىدۇ.(219)شۈبھىسىزكى، ﷲ ھەممىنى ئاڭلاپ تۇرغۇچىدۇر، ھەممىنى بىلىپ تۇرغۇچىدۇر .(220) (سۈرە شۇئارە 218-219-220-ئايەتلەر). راستتىنلا ئۇلار(يەنى كاپىرلار) (رەسۇلۇللا ، قۇرئان ئوقۇۋاتقاندا ئۇنىڭ يېنىدىن ئۆتكەنلىرىدە) ئۇنىڭدىن يوشۇرۇش ئۈچۈن يۈز ئۆرۈيدۇ، راستلا ئۇلار كىيىملىرى بىلەن چۈمكىنىۋالغانلىرىدا ، ﷲ ئۇلارنىڭ يوشۇرۇن ۋە ئاشكارا ئىشلىرىنى بىلىپ تۇرىدۇ، ﷲ ھەقىقەتەن دىللاردىكىنى بىلگۈچىدۇر.(5) (سۈرە ھۇد 5-ئايەت) ﷲ ھەقىقەتەن ئاسمانلاردىكى ۋە زېمىندىكى غەيبنى بىلگۈچىدۇر. ﷲ ھەقىقەتەن دىللاردىكى سىرلارنى بىلگۈچىدۇر.(38) (سۈرە فاتىر 38-ئايەت) ﷲ كۆزلەرنىڭ خىيانىتىنى ۋە دىللاردىكى يوشۇرۇن نەرسىلەرنى بىلىپ تۇرىدۇ.(19) (سۈرە غاپىر 19-ئايەت) ﷲ كېچىنى كۈندۈزگە كىرگۈزىدۇ، كۈندۈزنى كېچىگە كىرگۈزىدۇ، ﷲ دىللاردىكى سىرلارنى بىلگۈچىدۇر.(6) (سۈرە ھەدىد 6-ئايەت) سىلەر سۆزۈڭلارنى مەخپي قىلىڭلار ياكى ئاشكارا قىلىڭلار (ﷲ ھامان ئۇنى بىلىپ تۇرىدۇ). ﷲ ھەقىقەتەن دىللاردىكى سىرلارنى بىلگۈچىدۇر.(13) (سۈرە مۇلىك 13-ئايەت) قەبرىلەردىكى ئۆلۈكلەر (سىرتقا) چىقىرىلغان،دىللاردىكى سىرلار ئاشكارا قىلىنغان چاغدا، ئۇلارنىڭ ھەممە ئەھۋالىدىن پەرۋەردىگارىنىڭ ھەقىقەتەن خەۋەردار ئىكەنلىكىنى (بۇ نادان ئىنسان) بىلمەمدۇ؟ .(9) (سۈرە ئادىيات 9-ئايەت) .................................... يۇقاردىكى ئايەتلەر نىمنى چۈشەندۇرىدۇ؟ باشتىكى ئايەت- سۈرە بەقەرە 255-ئايەتتىكى <<بىر ﷲ دىن باشقا ھېچ ئىلاھ يوقتۇر؛ ﷲ ھەمىشە تىرىكتۇر، ھەممىنى ئىدارە قىلىپ تۇرغۇچىدۇر؛ ئۇ مۈگدەپ قالمايدۇ، ئۇنى ئۇيقۇ باسمايدۇ؛ >> - دىگەن كەلىمىلەر اللەنىڭ ھەمىشە تىرىك ئىكەنلىكىنى ، مەڭگۈ ئۆلمەيدىغانلىقى، مۈگىدەپ قالمايدىغانلىقى ، چارچىمايدىغانلىقى شۇنداقلا ئۇخلىمايدىغانلىقىنى چۈشەندۇرىدۇ . كىيىنكى ئايەتلەردىكى <<ﷲ (بەندىلىرىنىڭ سۆزلىرىنى) ئاڭلاپ تۇرغۇچىدۇر، (ئەھۋالىنى) كۆرۈپ تۇرغۇچىدۇر.-ﷲ ھەقىقەتەن دىللاردىكى سىرلارنى بىلگۈچىدۇر.>> دىگەن كەلىملەر اللەنىڭ ھازىرنىڭ ئۈزىدە 7 مىلياردتىن ئارتۇق ئىنساننىڭ نىمە دەۋاتقانلىقى ، نىمە يەۋەتقانلىقى ، نىمە ئىش قىلۋاتقانلىقنى ئۇلارنىڭ دىللىرىدا نىمىلەرنى ئۇيلاۋاتقانلىقىنى بىلىپ تۇرىدۇ .- دىگەننى چۈشەندۇرىدۇ . خوش -سىز بىر اللەدىن باشقا ھىچ ئىلاھ يوق ، ئۇ اللە ھەمىشە تىرىكتۇر ، مۈگىدەپ قالمايدۇ ، چارچىمايدۇ ، ئۇخلىمايدۇ .ئۇ اللە يەر شارىدىكى بارلىق ئىنسانلارنىڭ نىمە ئىش قىلۋاتقانلىقىنى ، نىمە ئىش قىلماقچى بولغانلىقىنى ، بۇرۇن نىمە ئىش قىلغانلىقنى - مەسچىتلەردە ناماز ئۇقۋاتامدۇ -بۇتقا چۇقۇنۇۋاتامدۇ -ياكى چىركاۋلارغا بىرىپ ئولتۇرۋاتامدۇ - كىملەرگىدۇ زۇلۇم سىلۋاتامدۇ ياكى زۇلۇمغا ئۇچراۋاتامدۇ ، قۇي گۇشى يەۋاتامدۇ ياكى چوشقا گۈشى يەۋاتامدۇ ؟ ھىجاپلىنۋالدىمۇ ياكى يىرىم يالىڭاچ كىيىم كىيۋالدىمۇ ؟ ياخشى گەپ قىلۋاتامدۇ ياكى يامان گەپ قىلۋاتامدۇ ؟ كاللىسىدا نىمە ئۇيلاۋاتىدۇ؟ . سائەت قانچىدە ئۇخلايدۇ ؟ نەچچىدە تۇرىدۇ ؟ شۇلارغا ئوخشاش- مىنىڭمۇ نىمە ئىش قىلۋاتقانلىقمىنى ، نىمە يەۋاتقانلىقمنى ، نىمىلەرنى ئويلاۋاتقانلىقمنى ، بىرەۋنى تىللاۋاتامدىم ياكى ياخشى گەپ قىلۋاتامدىم ، نامازنى ۋاقتىدا ئادا قىلۋاتامدىم ياكى ئادا قىلماي بىغەم يۇرۋاتامدىم ، كىتاپ ئۇقۇدۇممۇ ، نان يىدىممۇ ؟ تىجارەت قىلدىممۇ ؟ بىروۋغا قارا چاپلاۋاتامدىم ياكى ئاقلاۋاتامدىم ؟  كومپىيۇتىرنىڭ ئالدىدا ئولتۇرۇپ ئۇيۇن ئۇيناۋاتامدىم ياكى كىنو كۈرۋاتامدىم ؟ ...................قاتارلىق ھەممە ئىشىلارنى بىلىپ تۇرىدۇ . دىگەننى ئىتراپ قىلامسىز ؟ مەنبە قۇرئان كەرىم تەرجىمىسى ۋە مەن .

pak-nur

	نىمىشقا ئىتراپ قىلمايدىكەنمىز .  پۇتۇن ئالەمنى ياراتقان ئاللاھ كىچىككىنە يەر شارىدا نىمە ئىش بولىۋاتقانلىقىنى بىلىدۇ.  پەقەت گۇناھىمىزنىڭ جازاسىنى قىيامەتكە كىچىكتۈرگەچكىلا بولىۋاتقان ئىشلار بۇ.  بولمىسا يەر شارىدا بولىۋاتقان گۇناھلار غا ئاسماندىن 10 20 يىل تاش ياغسىمۇ ئازلىق قىلامىكىن.

jangqi

	مۇشۇ تىمىغا يانداش ماۋۇ رەسىملىك تىمىنىمۇ كۇرۇپ قۇيۇڭ ... /thread-90151-1-1.html

adam-balisi

	ﷲ كېچىنى كۈندۈزگە كىرگۈزىدۇ، كۈندۈزنى كېچىگە كىرگۈزىدۇ، ﷲ دىللاردىكى سىرلارنى بىلگۈچىدۇر.(6) (سۈرە ھەدىد 6-ئايەت)

ushqol

	قۇرئان كەرىم دىگەن ئاللاھنىڭ سۆزى ، ئاللاھنىڭ سۆزىنى  نىمىشقا ئىتراپ قىلمىغۇدەكمىز . ئاللاھنىڭ دىللىرىمنى يورۇق قىلىشىنى ، ھەقنى كۆرسىتىشىنى ھەقنى ئاڭلىتىشىنى تىلەيمەن .

XERHAN

	ئوڭ مورىمىزدە بىر پەرىشتە ، سول مۆرىمىزدە بىر پەرىشتە ، قىلغان ياخشى ئەمەل ، ياخشى ئىشلارنى ، ياخشى نىيەتلەرنى ۋە يامان ئىش ، يامان نىيەتلەرنى خاتىرلەپ ماڭۇركەن . ئوڭ مۆرىمىزدىكى پەرىشتە شۇئان يازۇركەن ، سول مۆرىمىزدىكى پەرىشتە توۋە قىلىشقا پۇرسەت قالدۇراركەن ، ئىنسان توۋا قىلماي ئۆزىنى رۇسلىمىسا ئاندىن يازۇركەن . ئاللاھ ئەلۋەتتە بىزنىڭ قىلغان ، ئەتكەنلىرىمىزدىن خەۋەردار بولۇپ تۇرغۇچى !

jangqi

	XERHAN يوللىغان ۋاقتى  2013-4-7 07:20 PM ئوڭ مورىمىزدە بىر پەرىشتە ، سول مۆرىمىزدە بىر پەرىشتە  ... اللە نىسىپ قىلسا مەلۇم مەزگىلدىن كىيىن مۇشۇ ياخشى ياماننى خاتىرلەپ تۇرىدىغان پەرىشتلەر توغرىسىدا تىما يوللايمەن .

XERHAN

	jangqi يوللىغان ۋاقتى  2013-4-7 08:01 PM اللە نىسىپ قىلسا مەلۇم مەزگىلدىن كىيىن مۇشۇ ياخشى يام ... بىر ئىش بەكمۇ ئىچىمگە كىرىۋالدى ، ھەر قېتىم مۇشۇنداق ئىسلامىي تىمىلارنى كۆرگەندە تېخىمۇ بەك ئىچىم ئۆرتىنىپ كىتدۇ . ئادەم خاتا سۆزلەپ سۆزلەپ قويۇشتىن بەكمۇ ئىھتىيات قىلسا بولغۇدەك ، ئاخىرقى ھىساپتا ئاللاھ ھامان كەچۈرەر ، چۈنكى ئاللاھ بەكمۇ مىھرىبان ھەم تۆۋبىنى قوبۇل قىلغۇچى !

jangqi

	XERHAN يوللىغان ۋاقتى  2013-4-7 08:14 PM بىر ئىش بەكمۇ ئىچىمگە كىرىۋالدى ، ھەر قېتىم مۇشۇنداق  ... سىز دىگەن ئىشلارنى سىزدىن بەكرەك بىلمەن. ......... مۇنبەردىكى بەزىبىر ئىنسانلار بىلەن سەن پەن دىيشىپ قالغان ۋاقىتتا پاسسىپ ئورۇنغا چۇشۇپ قىلىشتىن ساقلىنىش ئۈچۈن مۇششۇ ئىسىممدا تىزىملاتقان  .

XERHAN

	jangqi يوللىغان ۋاقتى  2013-4-7 08:26 PM سىز دىگەن ئىشلارنى سىزدىن بەكرەك بىلمەن. ......... مۇنبەر ... سىزنى نىمىنى كۆزدە تۇتۇپ دەۋاتىسىز ، مەن سىزنىڭ ئىسمىڭىزنى كۆزدە تۇتمىدىم . ھەم سىزدىن بىلىمىم كۆپمۇ دىمىدىم ، مەن باشقا بىرگەپنى قىلىۋاتىمەن ، ئاشكارى دىيىشكە بولمىغانلىقى ئۈچۈن سىز خاتا چۈشىنىپ قالغان ئوخشايسىز .