مەن كۈندە تاماكا تاشلايمەن

BATUR72

	م.ئوغلان مەن كۈندە تاماكا تاشلايمەن ! ئەتىگەندە ئاستا ئورنۇمدىن تۇردۇم ،بىر خىل بىئاراملىق،گېلىم قىمىلدايتتى،بىرخىل كۈچ مىنى ئاستا تارتمىنى ئاختۇرۇپ تاماكىنى ئېلىشقا ئىتتىرەتتى.توۋا..،نىمە دىگەن ئارام تاپقانلىق ھە،تۈتۈن ئاسماندا ماڭا ئۇسۇل ئويناپ بېرىۋاتىدۇ ،تىنىمدە بىرخىل راھەت تۇيغۇ .ئاچچىقلىرىممۇ تۈگىدى ،غەزىپىممۇ تۈگىدى،ئىچىم سىقىلىشمۇ تۈگىدى،لىكىن...... ئاخشام تېخى دادام قېشىمغا كىردى ،ئۆيدىكى تۈتۈننى كۆردى-دە ،ئاچچىقىدا ، ــ بىزنىڭ ئەۋلادتىن  سەندىن بۆلەك بەڭگى چىقىپ باقمىغان  ،سىنىڭ قېشىڭغا كىرەي دىسىمۇ ئچى سىقىلىدۇ ئادەمنىڭ ،تاماكىنى تاشلىۋەت بالام،ــ دىگەن ئىدى . ئانام ئاستا كىردى ،مىھرىبانلىق بىلەن، ــ سەن مىنىڭ نەزىرىمدىكى بۈركۈتسەن ،بۈركۈت ئەگەر زىيانلىق نەرسىنى كۆرسە دەرھال ئۆزىنى چەتكە ئالىدۇ ،ئۆزىنىڭ ئولجىسىنى كۆرسە پۈتۈن كۈچىنى ئىشقا سېلىپ ئېرىشىدۇ ،بالام سەن مىنىڭ ئۈمۈدۈم ،بۇنى تاشلىۋەتكىن،ــدېدى. ئاھ.....! نىمە دىگەن ئۈمىدلىك سۆزلەر بۇ .مەن چوقۇم تاشلايمەن ،چوقۇم.... سىڭلىم ئوماق مېڭىپ قېشىمغا كىردى،كىچىك بولغاچقا بەك ئامراق ئىدىم ،مەن ئۇنى سۆيۈپ كەتتىم ،ئېغزىمدىن چىققان پۇراقتا ئۇ ھۆتىلىپ كەتتى ـ دە ،يىغلاپ يۈرۈپ قولۇمدىن بوشۇنۇپ چىقىپ كەتتى،يۈرۈكۈم شۇررىدە بولۇپ قالدى. ياق،مەن بۈگۈن تاماكا تاشلايمەن .مەن چوقۇم ئىرادىگە كىلىشىم كىرەك ،مەن دىگەن ئوغۇل بالا ،چوقۇم تاشلايمەن . خۇشال سىرتقا چىقتىم ،جاھان شۇنچە گۈزەل ،ئائىلە قوروسى ئالدىدىكى  گۈللەر شامالدا باشلىرىى لىڭشىتىپ مىنى قارشى ئېلىۋاتاتتى ،ئاسمان كۆپكۆك ،پاھ...،بۇلار نىمە دىگەن گۈزەل ،ئەگەر تاماكىنىڭ ئىسى كاللامنى قاپلىۋالمىسا مەن قانچىلىغان مۇنداق گۈزەللىكلەردىن ھوزۇرلىناتتىم-ھە ، مەن بۈگۈن تاماكا تاشلايمەن ،مەن گۈزەللىكتىن ھوزۇرلىنىمەن ،چوقۇم ،بىر ئىرادىگە كەلدىم . بىر بوۋاي بىر موماي بىلەن بىر بىرىنى يۆلىشىپ كوچىدا كىتىپ بارىدۇ ،ئۇلارنىڭ كۈلكىسى نىمىدىگەن مۇھەببەتكە تولغان ،گەرچە قېرىغان بولسىمۇ مۇھەببىتى ئۇلارنىڭ قەبىنى قېرىتالماپتۇ ،لىكىن مىنىڭ نىمە كۆرسەم مۇنداق بىر نىمە كۆرمىگەندەك سوغۇق چىرايىم ،مۇھەببەت تۈتۈنگە ئايلىناي دىگەن قەلبىم ،مەن ئۇلارغا ھەۋەس قىلىمەن .ئەگەر بوۋاي تاماكا چىكىپ شۇنداق قېرىغۇچە كىسەل بولۇپ قالغان بولسا ئۇلار مۇشۇنداق بەخىتلىك بولالامدۇ ؟ موماي بۇ چاغدا يىغىدىن بۆلەك ھېچ نەرسىگە ئېرىشەلمەيدۇ.مەنمۇ بىر كۈنى ئۆز سۆيگۈنۈم بىلەن شۇنداق بەخىتلىك بولارمەن ،لىكن تاماكا چەكسەم بىرنىمە دىمەك تەس مەن كەلگۈسى بالامنىڭ بەختى ،ئايالىمنىڭ خۇشاللىقى،ئۆمرۈمنىڭ ئۇزۇنلىقى ئۈچۈن تاماكا تاشلايمەن . شۇنداق ئويلار بىلەن چىرايىم خۇشاللىققا تولدى ،شۇنداق ئۈمىد بىلەن قەدەم باستىم .كىتىپ باراتتىم ،تۇيۇقسىز بىر دوستۇم كەلدە-دە ،ــ ئاداش كىلە بىرەردىن تارتايلى ،ــدېدى.مەن ئىككىلەندىم ،ئۇنى رەنجىتكىم يوق ئىدى.لىكىن مەن بىر ئىرادىگە كەلگەن .«ياق» بۇ سۆزنى شۇنداق غەيرەت بىلەن ئېغزىمدىن چىقاردىم. ئۇ ھەيران قالدى ، ـ مەن تاماكا تاشلىدىم ،ـ دېدىم. ئۇ يەنە ، ــ مەنمۇ كۈندە بەش قېتىم تاشلايمەن ،تولا مىنىڭ ئالدىمدا ئويۇن قويما ،چىكىمىز كىلە ،ــ دېدى. خۇمارىممۇ تۇتقان ئىدى .ئىچكى دۇنيارىمدىكى بىر خىل كۈچ مىنى تاماكىنى ئېلىشقا زورلىدى ،«ياق » دىگەن سۆز ئىچىمدە ئۇرۇش قىلۋاتىدۇ ،شۇ ھەۋەس بىلەن ئۇرۇش قىلىۋاتىدۇ ، شۇ بىردەمنىڭ ئىچىدە قايسىسىنىڭ يېڭىپ چىقىشى نامەلۇم،مەندە جۈرئەت شۇنداق كەمچىلمۇدۇ ؟مەن «ياق»دىيىشتىن قورقامدىمەن؟  بۇ جەڭ ئىچىمدە بىر نەچچە سىكنۇت داۋاملاشتى .لىكىن مەن يەنە دېدىم ، ــ ياق،سەن مىنى دوستۇم دەپ بىلسەڭ مىنى ھۆرمەت قىل ،مىنى قوللا ،مەن تاماكا تاشلىدىم . ــ دېدىم قەتئىي ئاۋازدا . ــ ئەكەل قولۇڭنى ئاداش ،مەنمۇ بۇ نىجىسنى تاشلاشقا ئىرادە باغلىدىم ،بىز بىللە تاشلايلى،ــ دېدى ئۇ قولىدىكى تاماكىنى ئۆچۈۋېتىپ. كەچ بولدى ،مەن دېرىزىدىن شۇنچە بەڭگىلەرنى كۆردۈم ،«ئۇلارغا مەندىن ئۈگۈنۈڭلار  » دىگۈم كەلدى .مەن تاماكا تاشلاشنى ئىرادە قىلىپ تاماكا ۋە چاقماقنى ياستۇق ئاستىدىن تارتما ئىچىگە سالدىم .... ئەتىسى ئەتىگەن ئورنۇمدىن تۇردۇم ،تارتمىنى ئاچتىم ،يەنە شۇ ئىس  مىنى ئۆز قوينىغا ئالدى ..... مۇشۇنداق تەرىقىدە تاماكىنى كۈندە تاشلايمەن ئەتىگىنى يەنە چىكىمەن .مەن نىمىدىگەن ئىرادىسىز ! ئىزدەندىم ،زادى نىمە ئۈچۈن؟ بەلكىم مىنىڭ خاراكتىرىم مۇشۇنداقتۇ،شۇڭا تاماكا دەل مەندەك كىشىنى بوزەك قىلىدىغاندۇ، كاللامدا مىڭ خىل سۇئال .مىنى بىرسى يەنە تاماكا چىكىشكە زورلىغاندەك ،يەنە قولۇمنى باشقۇرالماي چىكەتتىم. مەن تاماكا تاشلايمەن ،كۈندە تاشلايمەن .توختىمايمەن ............ ( بىر دوستۇم ئېغزىدىن)      2013.04.06

duran18

	مىنى مۇشۇنداق ئىچىش چىكىشتىن يىراق قىلىپ ئۆستۈرگەن خۇداغا مىڭ شۈكرى ھازىر تاماكىنى 20 كۈن ئىچىدە تەلتۆكۈس تاشلاتقۇزىدىغان دورا چىقىپتۇ 15 كۈن ئىچىدە ئۆپكىدىكى قالدۇق نىكوتىننى چىقىرىپ تاشلاپ تاماكا چىكىش ئاسارىتدىن قۇتۇلدۇرىكەن لىكىن ھەممە ئىش ئادەمنىڭ نىيەت ئىرادىسىغا باغلىقتە

yidayat164

	ئەسسالامۇ -ئەلەيكۇم! دوستىڭىزغا تەۋسىيە ئىرادىسى چىڭ بولسۇن!بەڭگى دوسلىرىدىن مۇناسىۋەتنى ئۈزسۇن

sayim

	ھە شۇ قۇرۇق قىپىنى ياكى .چىكىپ بولغان كويۇندىنى تاشلامسىز

kurax114

	تاشلىۋەتمەي  يانچۇققا  سېلۋېلىڭ  .مۇھىت  بۇلغۇنۇپ كەتمىسۇن

Hacker

	تاماكا تاشلايمەن ،ئىككىنجىلەپ چەكمەيمەن دىسە،چوقۇم تاشلىغىلى بولىدۇ ،ئۆزىنىڭ ئىرادىسىگە باغلىق ...

nul

	تاشلاش تاشىماسلىق  نىيەتكە باغلىق

awatbag

	بۇتېمىڭىزنى كۆرۈپ يىغلاپ تۇرۇپ جاينامازدائولتۇرۇپ تەۋبەقىلىپ،ھاراق تاماكىدىن قەتئى قول ئۈزىمەن دەپ قەسەم قىلغان تۇرۇپ ئارىدىن بىرمەزگىل ئۆتۈپلايەنەشۇئىشنى قايتاتېپىۋالغان دوستۇم كۆزئالدىمغاكەلدى.