يىراق - يىقىندىكى دوستانە تور پاراڭلىرى ...

XERHAN

	ئەسكەرتىش : بۇ يەردىكىسى يۇرت ئايرىمىچىلىقى ئەمەس ، ھەم يۇرتنىڭ ئجتىمائىي تۇرمۇشىغا ۋەكىللىك قىلمايدۇ ! ئەسسالامۇ ئەلەيكۇم خوتەندىكى بۇرادەر ، زىرىكتىم مەن زىرىكتىم ، باراي دەيمەن خوتەنگە  . سۇلىرىنى يۈرەككە شەربەت قىلىپ يار قىلىپ ، ھاۋاسىنى سۈمۈرۈپ داۋا قىلاي بۇ تەنگە . ۋەئەلەيكۇم ئەسسالام ، سىزمۇ ياخشى تۇردىڭىز ، مىھمان قىلاي كەلسىڭىز گوشگىردىدە ، كۆمەچتە . باغ - ۋارانلىق ئۆيىمىز خىلى كەڭرى ھويلىمىز ، كەچتە يەيمىز لەغمەننى قالاپ ئوتنى تەمەچتە . تەمەچ قالاپ يۈرەمسىز نە زامان ئۇ كەتكىلى ، تۇتۇش قىلماي تەبىي گاز ، گاز ئوچاقلار يوقمىدى ؟ مۇھىت بۇلغاش ئېڭىڭىز سەل تۆۋەنمۇ دوسلىرىم ، بېغىڭىزدا ئوتۇنلار كەڭرى ، كۆڭۈل توقمىدى ؟ گاز بولمىسا ئۆيۈمدە ، گاز ئوچاققا نە ھاجەت ؟ مۇھىت بۇلغاپ ئۆتىمىز ، ئامال يوقكەن بۇنىڭغا . مورىمىزدىن ئىس چىقسا ھالاۋەت دەپ بىلىمىز ، سوراپ باقاي نە سەۋەپ ھەيران قاپسىز شۇنىڭغا ؟ مەن دەيمەنغۇ خەۋەردە كۆرگەن ئىدىم ئۇچۇرنى ، تەبىي گازنىڭ تۇربىسى قەشقەر - خوتەن تورلاشتى . ئوچاقكەشنىڭ بازىرى چىقتى تازا قىززىغاچ ، خۇشال بولغان ئاممىسى گاز ئوچاققا ئولاشتى . چۈشەكەپسىز بىزنىڭ ئۆي شەدە ئەمەس يېزىدا ، قورۇيىمىز شۇڭىمۇ بىتون ئەمەس كىسەك تام . خىروستالدىن نېرى بىز لەغمەن يەيسىز بەھوزۇر ، پىيالىمىز مىسلاردىن ، قاچىلىرىمىز ياغاچ جام . لازىم بولسا تەبىي گاز ئىمپورت قىلىڭ بىزلەردىن ، سېلىپ بىرەي پوچتىدىن بودەك تۇڭغا تولدۇرۇپ . پوچتا ھەققى ناۋادا ئېغىر چۈشسە مالدىنمۇ ، ئالغاچ باراي ۋە ياكى پويىزلارغا ئولتۇرۇپ . يەتتى ئەنە كۆڭۈللەر بولدى قۇرۇق كەلسىلە ، ئىناقلىقتىن سۆيۈنەر ، يايراپ كىتەر بۇ جانلا . كىرەك بىزگە ياخشى سۆز ، ياخشى گەپلەر كۇپايە ، تەگدى بىزگە كۆڭۈللەر شۇنىڭغا دەي ھەشقاللا . بوپتۇ ئەمسە ۋە لىكىن چۈشەنمىدىم بىر ئىشنى ، نە سەۋەپتىن تاملىرى كىسەك بولدى بۇ كۈندە ؟ زەي تارتىدۇ تىگىدىن قۇچقاچ ئۇۋلاپ قېتىدا ، بولمامدۇ ئۇ خەتەرلىك كىيىن ، ئەتە ئۆگۈندە ... زەي تارىتقىلى تاملارغا يامغۇر نەدە سۇ نەدە ؟ چۈشسە يامغۇر شارقىراپ سىڭىپ كىتەر شۇ ھامان . شۇڭىمىكىن ئۆي تاملار تۇرىۋىرەر شۇ پېتى ، بۇ كەمگىچە قالدىغۇ ئۇ كۈنلەردىن تىچ - ئامان . ياردەم قىلدى پارتىيە بىتون تامغا ھەسسىلەپ ، سالمىغانمۇ تاملارنى يەر تەۋرەشكە چىدامچان . خوتەن خەلقى ئەزەلدىن ئىشچان ئىدى پۇختا ھەم ، كەلگەندە گەر بۇ ئىشقا بولمىدىمۇ ئىجاتچان ؟ قوللاش ياخشى يۇقىردىن ياردەممۇ ھەم بىرىلەر ، سالالمىدۇق بىتون تام بىزگە نۆۋەت كەلمىگەچ . ياقىسىدىن سىققىلى بولمايدىكەن بىراۋنىڭ ، ئۈمۈت كۈتۈپ ئولتۇردۇق بىزگە نۆۋەت بەرمىگەچ . كىلىپ قالار نۆۋەتلەر ، ئۈمۈد يانسۇن كۆزلەردىن ، گېپىمىزگە كىلەيلى بارسام قانداق قارايسىز ؟ سىز خەلققۇ مىھماندوست كىرپىك قاپاق تۇرمەيسىز ، شۇڭىمىكىن ھەممىگە ياخشى بولۇپ يارايسىز . كەسلە ھەپتە ئون كۈندەك كەتمەي تۇرۇپ قالارسىز ، قارشى ئالماي قالدى دەپ ئويلاپ قالماڭ نەپرەتتە . دەپ قويايكى ۋەلىكىن ئالۋاڭ ، ياساق ھەم شۇنداق ، بۇ كۈنلەردە  ھاشار بار مەھەللىدە ئەترەتتە . نىمە ھاشار ،ئالۋاڭ ئۇ بۇ كۈنلەردە تۈگىمەس ، ئەتىيازدا ئالدىراش تۇرسا ئىشتىن تالغانلار . نىمە ئويلاپ سالىدۇ ، ھاشار سېلىق ، ئالۋاڭنى ؟ تېرىقچىلىق ، كۆكلەمدىن ئۈستۈن كۆرۈپ سالغانلار ... دىسەم گەپ جىق تۈگىمەس قاپىيەدە ، شىئىردا ، سۆھبىتىمىز چىرمىشار ئۈزۈم بىلەن باراڭدەك . ساراڭ ئەمەس بىز لىكىن ھۇش كاللىمىز جايىدا ، بوپ قالىمىز بەزىدە ئۆينى بىلمەس ساراڭدەك . بولدى ئەمىسە سورىماي ئۇلغايمىسۇن پاراڭلار ، بارماي قوياي خوتەنگە ئالدىراشتەك قىلىسىز . تەكلىپ قىلاي مەنلا بۇ ، كىچككىنە شەھەرگە ، جاپالاردىن قۇتۇلۇپ قايسى چاغدا كىلىسىز ؟ نىمە دەيسىز ئەمدى سىز يالتايدىڭىز سەپەردىن ؟ دەپلا قويدۇم بۇ گەپنى سىزنى بىلىپ قالسۇن دەپ . تەتۈر قىلىپ چۈشەنمەڭ ، كىلىڭ دەيمەن يەنىلا ، كەلمىسىڭىز رەنجىيمەن ، بىز ئەمەسمۇ ياخشى ئەپ . كۆڭلىڭىزنى چۈشەندىم ، نىيىتىڭىز دۇرۇسكەن ، بارسام سەيلى قىلغىلى سىز بولسىىز ئاۋارە . ھاشار - سېلىق تولىكەن بۇنى قانداق قىلىسىز ، قىلماي تۇرۇپ سەيلىگە سىزدە بارمۇ بىرچارە ؟ چارىسى شۇ پۇل ئۇنىڭ ، پۇل تۆلىسەك ساقىيار ، غەم قىلماڭ سىز ئۇنىڭدىن ۋاقىت دىگەن چىقىدۇ . ئارتۇق كەلمەس پۇل دىگەن يانجۇق كەڭرى بىراۋدا ، بىرسى توشسا ، بىرسىگە يىڭىباشتىن تىقىدۇ . بولدى ، بولدى بارمىدىم تەڭلىك بولۇپ يۈرمەڭسىز ، ۋاقىت چىقسا سىز كىلىڭ قويۇپ بىردەم ئۇياقنى . ياشاپ بېقىڭ راھەتتە بىر - ئىككى كۈن بولسىمۇ ، باققاچ تۇرسۇن ئۆيدىكى توخۇ ، كەپتەر ، تۇياقنى ... ئۇدۇم قالغان ئاتامدىن ئېتىز ، تالا ئىشلىرى ، ئۈنچىكى ئىش ، جاپالار تالدۇرالماس ھەم بىزنى . گەپ دىگەننى بىر قىلار ، ئىككى قىلماس ئەركەكلەر ، خوتەنلىك دىمەڭ بىزنى ، ئوڭدا قويىمىز سىزنى . ئۇف ، بۇ نىمە گەپ بىلمىدىم ، مەنىسىنى كېڭەيتىڭ ، ئوڭدا قويۇش مەن ئۈچۈن ۋاجىپمۇ يا بىلمىدىم . نىمە ئويدا دەيسىزكىن ماڭا ئەمدى بۇ گەپنى ، يامان سۆز ۋە ئىشلارنى سىزگە ئەسلى قىلمىدىم . چاق - چاق قىلدىم ھەي بالا بۇنى تەتۈر چۈشەنمەڭ ، دوسىتلار ئارا بۈنچىلىك گەپلەر بولار بىلەرسىز . بىرنى بىر دەپ كۆنگەن مەن گەپمۇ شۇنداق مەن ئۈچۈن ، ئىككى دىمەي جاۋاپقا ، بىرنى ئېلىپ كىلەرسىز . خوش ، بولىدۇ ماقۇلە ئىلىك ئالاي ئەمدى مەن ، دوست ، قېرىنداش ھىساپتا تۇنجى يولنى قۇرغىنىم . بىرنى ئىككى دەۋىرىپ سەۋەپ تاپسام ئۆزۈمگە ، سەت ئەمەسمۇ يالتىيىپ سۈكۈت قىلىپ تۇرغىنىم . كۈنلەر ياخشى ئىشقىلىپ توقچىلىقتا ياشايمىز ، سىزنى مىھمان قىلىشقا پۇرسەت ، ۋاقىت يىتىشەر . بىر كەلگەنلەر خوتەنگە يېقىپ قالغاچ ماللىرى ، گىلەم ، ئەتلەس شايىدىن خوجۇن قىلىپ كىتىشەر . دەۋىر بولغاچ ئازادە ، كۈنلەر خىلى ياخشىدۇر ، شۇڭىمىكىن ئىزدەشتۇق سىزمۇ ياخشى مەنمۇھەم . دوسىتلار بولسا ھەر يەردىن ، ئىتتىپاقلىق كۈچىيىپ ، بولسا ئىكەن ھەر كۆڭۈل مانا شۇنداق خاتىرجەم . ساپ سەمىمىي تىلەكلەر بولسا ئارا ئارلىقتا ، مىھمانچىلىق ، دوستچىلىق جانۇ - تەنگە تارىشار . يامان سۆزدىن غەيۋەتتىن نېرى بولۇپ دوسلۇرۇم ، ئۆتەيلى بىز ئىتتىپاق بىزگە ئاشۇ يارىشار . 2013 - يىلى 3 - ئاپرىل . ئۆز خىياللىرىم ...

دىيارىم

	ساپ سەمىمىي تىلەكلەر بولسا ئارا ئارلىقتا ، مىھمانچىلىق ، دوستچىلىق جانۇ - تەنگە تارىشار . يامان سۆزدىن غەيۋەتتىن نېرى بولۇپ دوسلۇرۇم ، ئۆتەيلى بىز ئىتتىپاق بىزگە ئاشۇ يارىشار . ئىناق -ئىجىل ئۆتسەك نېمىدىگەن ياخشى ، ئاللا خالىسا كۈنلىرىمىز بارغانسىرى ياخشىلانغۇسى . شېئىرنى بىر قوللۇق يېزىپ قويۇپسىز ھە .

تۈركيار

	نېمە بو ! قانداق شىئېر قاياجىم بو .

ANSWER

	ماۋزۇسى ھەجەب كۆزۈمگە سەت كۆرۈندى

XERHAN

	تۈركيار يوللىغان ۋاقتى  2013-4-4 12:32 AM نېمە بو ! قانداق شىئېر قاياجىم بو . كۆك رەڭدىكىسىنى  ئا شەخىس ، قىزىل رەڭدىكىسىنى ب شەخىس دەپ چۈشەنسىلە بولىدۇ . توردا پاراڭلاشتى دەپ قىياس قىلسىلا مەزمۇنى ئۇقالايلا ، ب شەخىس پاراڭلىشىش جەريانىدا مەلۇم دەرىجىدە ئۆزى ياشاۋاتقان مۇھىت ، تۇرمۇش كارتىنىسىنى سۆزلەپ بەرگەن . تۇنجى قەدەمدە سىلىنىڭ نىمىلكىنى ئۇقالماي قېلىشلىرىنى بىلگەن بولسا  تەپسىلى چۈشەنچە بىرىپ  ئا ، ب دەپ قوشۇپ قوياركەنمەن . تىما ئىنكاس تەھرىرلىگەن ىلەن ئانچە خوشۇم بولمىغاچقا تۇرىۋەرسۇن ئەمدى ، ئۇققانلار ئۇقا ، ئۇقمىغانلار سىلىگە ئوخشاش نىمىلىكىنى بىلمەي چىقىپ كىتەر ... بۈگۈن قەشقەرنىڭ ھاۋارايى توپا تۇمانلىق ئوخشايدۇ ماۋۇ ئىنكاسلىرىغا قارىغاندا ...

del_Seri

	XERHAN يوللىغان ۋاقتى  2013-4-4 12:46 AM كۆك رەڭدىكىسىنى  ئا شەخىس ، قىزىل رەڭدىكىسىنى ب شەخىس  ... بۈگۈن قەشقەرنىڭ ھاۋارايى توپا تۇمانلىق ئوخشايدۇ ماۋۇ ئىنكاسلىرىغا قارىغاندا .. ئىنكاسنىڭ ماۋۇ يىرىگە بىر كۈلەييا .

alenur

	شېئىر بولا مۇشۇنچە بولا شائىر بولا سىزچە بولا تازا قاملىشىپتۇ جۇما

dilbar

	‹‹ بۇ پاراڭ››لاردا نۇرغۇن كۆڭۈلدىكى سۆزلەر دىيىلىپتۇ..........

genralkirantis

	«ب»شەخىسىڭ ئۇمۇدىنى يەردە قۇيماي بېرىپ قۇيۇڭلار .

xarari

	شېرخان .. بەزى مىسرالاردا خوتەنلىك دوستلىرىمىزنىڭ كۆڭلىدىكى سۆزلىرىنى قىپ بېرىپسىزغۇ .. بارىكاللا ..