تىلەمچى ئايال

dilnaz911

	كىچىكىمىزدىن بىللە ئويناپ چوڭ بولغان دوستۇم ئوقۇش پۈتتۈرگەندىن كىيىن داۋامىلق ئۆرلەپ ئوقۇپ بىلىم ئاشۇرۇش ئۈچۈن چەت ئەلگە ئوقۇشقا چىقماقچى بولۇپ تەييارلىق قىلىۋاتاتتى،شۇ سەۋەپ بۈگۈن يېقىن ئۆتىدىغان بىر نەچچەيلەن ئۇنى ئۇزىتىپ قويۇش ئۈچۈن بىللە تاماق يىيىشكە دىيىشىپ قويغان ئىدۇق. ئىشتىن بالدۇرلا چۈشۈپ  دىيىشىپ قويغىنىمىز بويىچە خەلىقئارا چوڭ بازاردا دۇكان ئاچىدىغان دوستۇمنىڭ يېنىغا كەلدىم ۋە ئۇنىڭ ئىشتىن چۈشۈپ دۇكانىنى تاقىشىنى ساقلىغاچ پاراڭلىشىپ ئولتۇردۇق. دۇكانغا بىردىنلا 35-36 ياشلار چامىسىدىكى ئوتتۇرا بويلۇق بۇغداي ئۆڭ قويۇق قارا قاشلىق بىر ئايال كىرىپ كەلدى ۋە كىرىپلا قاتتىق ئۈن سېلىپ يىغلاپ كەتتى،بىز نىمە بولغىنىنى بىلەلمەي بىر بىرىمىزگە قارىشىپ تۇرۇپ كەتتۇق،بىر ھازادىن كىيىن ئايال يىغىسىدىن توختاپ دۇكان ئىچىدىكى كىرىسلۇغا كېلىپ ئولتۇردى ۋە كىچىك لاتا سومكىسى ئىچىدىن 6ياشلار ئەتىراپىدىكى بىر ئوغۇل بالىنىڭ رەسىمىنى چىقاردى ۋە:      -بۇ مېنىڭ ئوغلۇم ،ئاق قان كېسلىگە گىرىپتار بولۇپ ئۈرۈمچىگە داۋالاتقىلى ئەكەلگەن ،يولدىشىم 2ئاينىڭ ئالدىدا قاتناش ۋەقەسىدە ئۆلۈپ كەتتى،قىيىنئانام بىلەن ئىككىمىز بارلىق نەرسە كېرەكلىرىمىزنى سېتىپ بولدۇق لېكىن يەنىلا داۋالىنىش خىراجىتگە يەتكۈزەلمىدۇق،دوختۇرلار پۇلنى تۆلىمىسەڭلار دوختۇرخانىدىن چىقىڭلار دەيدۇ ،بىچارە بالام شۇ ھالەتتە ياتىدۇ ،ئاق مەسچىتتىكى ساخاۋەتچىلەر ئاز تولا ياردەم قىلدى لېكىن يەتمىدى ،شۇڭا ئامالسىز ئالدىڭلارغا كېلىپ قالدىم ،مەندىن يانمىسا ئۇلۇغ ئاللادىن يانا،ياردەم قولۇڭلارنى سۇنساڭلار....... دەپ ئۆكسۈپ ئۆكسۈپ يىغلاپ كەتتى. ئايالنىڭ ھالىغا ۋە يىغىسىغا قاراپ ئىچىم تولىمۇ سېرىلدى،گەرچە جەمئىيىتىمىزدە بۇ خىل ئۇسۇلدا ئالدامچىلىق قىلىۋاتقانلارنىڭ سانى كۆپىيىپ كېتىۋاتقان بولسىمۇ لېكىن ئايالنىڭ شۇ كۆز ياشلىرىغا قاراپ ئىشەنمەسلىككە ئامال بولمىدى،بىراۋنىڭ ئالدىغا يېلىنىپ بېرىشمۇ ئاسان ئىش ئەمەستە؟،،،،،،،، دوستۇم ئىككىمىز مەسلىھەتلىشىپ بۇ ئايالغا ياردەم قىلىش نىيىتگە كەلدۇق ۋە يېنىمىزدىن پۇل چىقارغاندىن سىرت باشقا قوشنا دۇكاندىكى ياخشى نىيەتلىك كىشىلەرنىمۇ بۇ ئىشقا سەپەرۋەر قىلدۇق،جەمئىي يىغىلغان 985يۈەن پۇلنى ئايالغا تۇتقۇزدۇق ۋە نەچچە كۈندىن كىيىن بالىسىنى يوقلاپ بارىدىغانلىقىمىزنى ئېيتىپ يولغا سالدۇق. خىيالىمىزدا ئايالغا ئازغىنە بولسىمۇ كۆڭلىمىزنى يەتكۈزەلىگەنلىكىمزدىن خوش بولدۇق. كەچتە قىزلار بىلەن يىغىلىشىپ بىرگە تاماق يىيىشتۇق،تاماقتىن كىيىن ئارىمىزدىن بىرسى: -بىزنىڭ بۇنداق يىغىلمىقىمىز ئاسان ئەمەس،خىزمەت ،تۇرمۇش ھەلەكچىلىكى بىلەن ئالدىراش بولۇپ كېتىپ،بىر بىرىمىزنى ئۇچىرتىش تەس ،شۇڭا ۋاقىت تېخى بالدۇركەن،قەھۋەخانىغا بېرىپ پاراڭلىشىپ ئولتۇرۇپ كېلەيلى>> دېدى،بۇ پىكىرگە ھەممەيلەن قوشۇلدى گەرچە ئۆيگە بالدۇرراق قايتىشنى ئويلىغان بولساقمۇ،دوسلىرىمىزنىڭ كۆڭلىنى ئاياپ ماقۇل بولدۇق. قەھۋەخانا ئىچى  غەرىپچە بېزەلگەن بولۇپ  پاكىز ،ئازادە موھىتى كىشىگە باشقىچە تەسىر بېرەتتى،بولۇپمۇ ھاراق شاراپسىز دېگەن ئىككى خېتى تېخىمۇ بېخەتەرلىك تۇيغۇسى بېرەتتى،راستىنى ئېيىتقاندا رايونىمىزدىكى بەزى ئاشخانا رېستۇران مۇزىكىلىق ئارامگاھ،قەھۋەخانا دېگەندەك ئاممىۋى سورۇندىكى قالايمىقانچىلىقلار ئادەمنى بىزار قىلاتتى،سەل كەچ قېلىپ شۇ يەرلەرنىڭ ئالدىدىن ئۆتۈپ قالسا ھېلىقى مەس -ئەلەس قايىتقان كىشىلەرنىڭ قىلىۋاتقان قىلىقلىرى ،،،،،،،،،،،،،،،ھەي دېمەيلا قوياي. بىر ئازدىن كىيىن سۇخانىغا چىقىـپ قولۇمنى يۇغاچ سۇخانا ئەينىكىگە قاراپ تۇرسام،كەينىمدە مودا كىينىۋالغان ياش ئايال ھەدەپ بىرسىگە ئەركىلەپ سۆزلەۋاتاتتى،ئايالنىڭ ئاۋازى بەكلا تونۇش ئاڭلىنپ سۇخانا ئەينىكىدىن ئۇنىڭغا قارىدىم،راسلا چىرايىمۇ تونۇش كۆرۈندى.ئۇ تىلفۇندا : -شۇ ئەمەسمۇ مەنمۇ بۇ يەردىكى سودىلىرىم تۈگىسىلا يېنىڭىزغا بارىمەن مەنمۇ سىزنى سېغىندىم،بارغاندا  كۆرىشەيلى   ئۆزىڭىزنى  ئاسىراڭ  ................................... ئۇنىڭ شۇ گەپلىرى قۇلۇقۇمغا كىردى،كەينىمگە ئۆرۈلۈپ چىقىپ كەتمەكچى بولۇپ ئۇنىڭ چىرايىغا قارىدىم، ۋاي خۇدايىم ،ئۇ بۈگۈن دۇكانغا كەلگەن ھېلىقى تىلەمچى ئايال ئەمەسمۇ؟خاتا تونۇپ قالمىغاندىمەن، ئۇنىڭ ھېلىقى بىچارە ئەپتىدىن ئەسەرمۇ يوق،قىسقا قارا يوپكىسىغا ماسلاشتۇرۇپ كىيىۋالغان قىزىل كوپتىسى،قېنىق سۈرۈلگەن لەۋ سۇرۇخ،بۈدرە قوڭۇر چاچلىرىدىن ھېچكىم ئۇنىڭ بايىقى ھالىتىنى تەسەۋۇر قىلالمايىتتى. ئايال مېنى كۆرۈپ ھېچ ئىش بولمىغاندەك بېشىمدىن ئايىغىمغىچە بىر قارىۋېتىپ سۈزۈلگىنىچە چىقىپ كەتتى،مەنمۇ ئۇنىڭ كەينىدىن چىقتىم،ئۇ مۇلازىمەت ئورنىغا بېرىپ كۈتكۈچىگە بىر نېمىلەرنى دەپ قويۇپ ئوڭ تەرەپتىكى تۆت كىشىلىك ئورۇنغا بېرىپ ئولتۇردى،ئۇ يەردە ئۇنىڭدىن باشقا يەنە 48-49ياشلار ئەتىراپىدىكى ئىككى ئەر يەنە 26ياشلار ئەتىراپىدىكى بىر قىز ئولتۇراتتى ،كۆزلىرىمگە ئىشەنمەي بېرىپ دوستۇمنى يانغا تارتىپ بولغان ئىشلارنى ئېيىتتىم،لېكىن ئۇ گەپلىرىمگە بىر ئىشىنىپ بىر ئىشەنمەي قالدى ۋە ئىستاكان سوراشنى باھانە قىلىپ مۇلازىمەت ئورنىغا بارغاچ ئۇلارغا سەپ سالدى،ۋە تېزلا قايتىپ كېلىپ قايناپ سۆزلەپ كەتتى،توغرا ئىككىلىمىز توغرا تونىغان ئىدۇق،دەل شۇ ئايال. بىزنىڭ تونۇپ قالغىنىمىزنى بىلىپ قالدى بولغاي تېزلا مېڭىشقا تەمشەلدى،دوستۇم شۇ ھامان تۇتىۋالغىنىمغا قارىماي ئايال ئولتۇرغان جوزا ئالدىغا كەلدى ۋە: -نۇمۇسسىز تىلەمچى ،بايا ساڭا بەرگەن پۇللار ساڭا بولغان سەدىقە بولسۇن ..دەپلا ئۈستەل ئۈستىدىكى ئىستاكانغا قۇيۇلغان سوغۇق سۇنى ئايالنىڭ يۈزىگە چىچىۋەتتى،لېكىن ئايال ئىنتايىن ئاچچىقلانغان ھالدا: -نېمە كارىڭ سەن خەقنىڭ ،بىڭسىڭ بولسا سەنمۇ شۇنداق پۇل تاپ ،،،دېگىنىچە سومكىسىنى كۆتۈرۈپ چىقىپ كەتتى،بىللە كەلگەن باشقىلارمۇ خۇددى بىر نەرسىنى سەزگەندەك گەپ سۆز قىلىشماي چىقىپ كېتىشتى........ توۋۋا دەيمەن،نېمە دېگەن قاملاشمىغان ئايال بۇ؟قېنى ئۇنىڭ بايا يىغلاپ كەتكەن يىغىسى؟قېنى ئۇنىڭ ھېلىقى تەسىرلىك ھېكايىسى؟ نۇمۇسسىزلارچە ئېيىتقان ھازىرقى سۆزلىرىچۇ تېخى ،قېنى ئۇنىڭ ئاياللىق غورۇرى，，，，，，，，，，，，，，，，，，，， بۇ تېخى 1ئاينىڭ ئالدىدا يۈز بەرگەن ئىش ،شۇنداق ساختىپەزلەرنىڭ ھېيلىسىدىن ساقلىنايلى!

خۇشفال

	توۋا خۇدايىم ....باشقىلارنىڭ ھىسداشلىقىغا ئىرىشىشنى بىر خىل كەسىپ قىلىۋالغانلارمۇ ئىنتايىن كۆپ ھە ئارىمىزدا...توۋا دېمىسەك بىكار دە...

nur010

	جاھان تەرەققى قىلغانسىرى بەزى ئادەملەرمۇ  قاملاشمايلا قېلۋاتدىغۇ زادى، بۇرۇن بولسا چەتئەلدە،كېيىن بولسا جۇڭگۇغىمۇ خەنلەر ئارسىدىمۇ بىرمەزگىل بۇلۇنۇپ ئۆتكەن بۇنداق شەرمەندە ئىشلار ئەمدلىكتە بىزلەرگە  ھەي.............................

ئۆل

	نىمە دەيدىغاندۇ ؟ توۋا بۇ ئادەملەر .تېخى خىجىل بۇلۇش ئۇ ياقتا تۇرسۇن سەكرەپ كەتكىنى كۆرۈڭ

atlan028

	جەمئىيتىمىزدىكى مۇشۇنداق بىر قىسىم مۇناپىقلارنىڭ دەستىدىن ھەقىقىي ياردەمگە موھتاج قىرىنداشلىرىمىز  نىڭ  دەل ۋاقتىدا ياردەمگە ئىرىشىشى تەسكە توختاۋاتىدۇ.

زېلال

	توۋا ئادەمنىڭ ئەقلى يەتمىگۈدەك ئىشلاركەنغۇ بۇ

umurnisa

	ھەقىقى مۇھتاج ئادەم باشقىلاردىن يۈز-تۇرانە بىر نەرسە سوراشتىن ھېيىقىدۇ.باشقىلارنىڭ ئالدىغا قول سوزۇپ بارالىغان ئادەمنىڭ قولىدىن ھەر بالا كېلىدۇ. مەن شۇنداق قارايمەن. [ئىچىدە روزا تۇتۇپ تېشىدا ھېيت ئويناپتۇ] دىگەن گەپ بار ئەمەسمۇ!

marhaba77

	nur010 يوللىغان ۋاقتى  2013-4-3 09:51 PM جاھان تەرەققى قىلغانسىرى بەزى ئادەملەرمۇ  قاملاشمايلا ... شۇڭا ھازىر ئۇ خەققە باش قويۇپ يىلىنسىمۇ ،ئايلىنىپ ئۆتۇپ كىتىدۇ.شۇنداقلارنىڭ كۆپلىكىدىن ھەقىقى ھاجەتمەنلەرگىمۇ ئىچ ئاغرىتىدىغانلار ئاز....

guljanat

	توۋااااا  ماۋۇ ئىشنى كورۇڭ ئەمدى نىم بولۇپ كەتتى جاھان، ئۇلار ۇ دۇنيادا قاندا ق بولۇپ كىتەمەن دەپ ئويلىمامدىغاندۇ ،