پادىشاھنىڭ پۇشايمان قىلىشى

DARITYAMAN

	ھېكايە                                                                                بۇرۇن ئاسمان پادىشاھلىقىدا بىر ئادىل پادىشاھ ئۆتكەن ئىكەن ، ئۇنىڭ دۆلىتى باي ، خەلقى باياشات ياشايدىكەن ، كۈنلەرنىڭ بىرىدە پادىشاھ مۇنداق بىر چۈش كۆرۈپتۇ . پادىشاھ ۋەزىرى بىلەن ھەشەمەتلىك چاھارباغدا شاراپ ئىچىپ ئولتۇرسا ئەتراپىدىكى كېنىزەك ۋە شاھزادىلەر قان قۇسۇپ ئۆلۈشكە باشلاپتۇ . پادىشاھ بۇ ئەھۋالدىن چۈچۈپ كىتىپتۇ ۋە ئۆزىنىڭمۇ قورسىقى ئاغرىپ جان تالىشىشقا باشلاپتۇ ، دەل شۇ چاغدا ئاسمان پادىشاھلىقىدىكى بارلىق ئاياللار سورۇنغا كىلىشىپتۇ . ئۇلار بۇ دەھشەت كۆرنىشتىن ھۇزۇرلىنىپ كۈلۈشكە باشلاپتۇ . ئۇلارنىڭ ئىچىدىن بىرى پادىشاھنىڭ ئەتراپىنى ئايلىنىپ يۈرۈپ . پاھ پادىشاھنىڭ جىنى ئەجەپمۇ تەستە چىقىدىكەن ھە دەپتۇ .    پادىشاھ سىلەر ، بۇ شاراپقا ئوغا ئارلاشتۇرۋىتىپسىلەر ، ھۇ ھارامزەدىلەر دەپ ۋارقىراپتۇ . ئاياللار ئوغا ئارلاشتۇرغان شاراپنى ئىچتىڭىز ، ھازىرلا ئۆلىسىز ، دىيشىپ يەنە كۈلۈشكە باشلاپتۇ ، پادىشاھ ئۇلارغا ئالايغىنچە جان ئۈزۈپتۇ . پادىشاھ چۈچۈپ ئويغانسا بۇ چۈشى ئىكەن . شۇ كۈندىن باشلاپ پادىشاھنىڭ ئۇدا ئۈچ كۈن چۈشى بۇزىلۇپتۇ . تۆتىنچى كۈنى ئامالسىز قالغان پادىشاھ ھەممە ۋەزىرلەرنى ئوردىغا چاقىرىپ ، ھىلىقى كۆگەن چۈشىنى ئىتىپ تەبىر بىرىشكە بۇيرۇپتۇ . ۋەزىر - ۋۇزرالار بىردەم غولغولا قىلىشقاندىن كىيىن ، ئوڭ قول ۋەزىر دەس ئورنىدىن تۇرۇپ ، ئىي پادىشاھى ئالەم اللاھ بەندىلىرىنىڭ بىشىغا كىلىدىغان قىسمەتلىرنى چۈش ئارقىلىق بىشارەت بىردىكەن ، ئىھتىيات قىلغايلا دەپتۇ . بۇ گەپنى ئاڭلىغان پادىشاھ تاماقمۇ يىمەي ، بىرەرسىگە گەپمۇ قىلماي ، كۈندىن - كۈنگە چۈشكشنلىشىپ تۈگىشىشكە باشلاپتۇ . پادىشاھنىڭ بۇ ھالىنى كۆرگەن سول قول ۋەزىر پادىشاھنىڭ ھالىغا چىداپ تۇرالماي پادىشاھقا مۇنداق بىر ئەقىل كۆرسىتىپتۇ . پادىشاھىي ئالەم دۆلىتىمىزدىكى ئاياللارنىڭ كۆڭلى بۇزلۇپتۇ ، شۇڭا دۆلىتىمىزدىكى بارلىق ئاياللارنى يەرگە تاشلىۋەتسەك ئىش پۈتىدۇ دەپتۇ ، شۇنىڭ بىلەن پادىشاھ ھەممە ئاتارمەن - چاپارمەنلەرنى چاقىرىپ ھەممە ئاياللارنى تۇتۇپ كىلىشكە بۇيرۇپتۇ . بۇ چاپارمەنلەر دۆلىتىدىكى ھەممە ئاياللارنى يىغىپ كىلىپ ، بەزىلىرنى تاشپاقىغا ، بەزىلىرنى تۆگىگە ، يەنە بەزىلىرنى قۇشقا ئايلاندۇرۇپ قويۇپ يەرگە تاشلىۋىتىپتۇ ، ئاياللارنىڭ ئاھۇ - زارى زىمېننى قاپلاپتۇ ، ئەڭ ئاخىردا نۆۋەت پادىشاھنىڭ قىزىغا كەپتۇ ، پادىشاھ بۇ گۈزەللىكتە تەڭدىشى يوق قىزىغا شۇنچە ئامراق بولسىمۇ ، ئۇنىمۇ پەرمانغا بىنائەن يەر يۈزىگە تاشلاشقا مەجبۇر بوپتۇ ، چاپارمەنلەر بۇ قىزغا ناھايتى ئىتبار بىلەن قاراپ ، بىر تۇخۇمنىڭ ئىچىگە سولاپ دۇمىلتىۋىتىپتۇ ، شۇنىڭ بىلەن ئاسمان پادىشاھلىقىدا ئاياللار پۈتۈن تۈگەپتۇ ، تۈمەنمىڭ يىگىتلەر توي قىلماي بويتاق پىتى قىرىپتۇ . گۈزەل باغۇ - بوستانلار قۇرۇپ كىتىپتۇ ، ھويلا ئاراملانى ئەخلەت بىسىپ كىتىپتۇ ، ئاۋات بازار چۆللىشىپتۇ ، پۇقرالار ئۆلۈپ ، ئادەملەر كۈندىن - كۈنگە ئازلاپ كىتىپتۇ .    شۇنداق كۈنلەرنىڭ بىرىدە پادىشاھ ۋەزىر - ۋۇزرالىرنى ئوردىغا يىغىپ ئاپەتنىڭ سەۋەبىنى سۈرۈشتۈرۈپتۇ ، لىكىن بۇ توغىرلۇق ھېچكىم ئىنىق بىر نەرسە دىيەلمەپتۇ ، پادىشاھ ئوڭ قول ۋەزىرگە ئاپەتنىڭ سەۋەبىنى تىپىپ چىقىشقا پەرمان چۈشۈرۈپتۇ ، ئاسمان پادىشاھلىقىنىڭ ۋەزىر - ۋۇزرالىرى قىرىق كىچە - كۈندۈز يول يۈرۈپ يەرگە چۈشۈپتۇ . ئۇلار قىلىن بىر ئورمانلىق ئىچىدە كىتىۋاتسا يوغان بىر تاش پاقا ئۇچراپ قاپتۇ ، شۇ زامان تاش پاقىغا زۇۋان كىرىپ ؟ ئەي ئادەملەر بۇ ئۇرمانلىققا نېم ۋەجىدىن كىلىپ قالدىڭلار دەپتۇ  . بىز يولۇچى دەپ جاۋاپ بىرىپتۇ . ھەم تاشپاقىدىن يول سوراپتۇ ، تاشپاقا ئۇلارنى قىلىن ئورمانلىقتىن ئوچۇقچىلىققا ئىچىقىپ قويۇپ .  ئۇلاردىن سىلەر نەدىن كەلدىڭلار دەپ سوراپتۇ . ئۇلار ئاسمان پادىشاھلىقىدىن دەپ جاۋاپ بىرىپتۇ . تاشپاقا بىر ئوھ تارتىپ قويۇپ باياتىن دىگەن بولساڭلار سىلەرنى ئىچىقىپ قويمايىتتىم دەپ بىرنى ئالىيۋىتىپ يولىغا كىتىپ قاپتۇ . ۋەزىرلەر ھىچنىمىنى ئاڭقىرالماي يولىنى داۋاملاشتۇرۇپتۇ . ئۇلار كىچە - كۈندۈز يول يۈرۈپ يەنە بىر دەريانىڭ بويىغا كىلىپ قاپتۇ . ئۇلار ئۇيان ئويلاپ بۇيان ئويلاپ دەريادىن ئۆتۈشنىڭ ئامالىنى ئىزدەۋاتسا قارشى قىرغاقتا ئۇچۇپ يۈرگەن تۆگە قۇش ئۇلارنى كۆرۈپ يىنىغا كىلىپ قونۇپتۇ . ھەمدە ۋەزىرلەرنى دەريادىن ئۆتكۈزۈپ قويۇش ئۈچۈن دۈمبىسىگە مىندۈرۈپ ئىلىپ مىڭىپتۇ . ماڭغاچ ئۇلارنىڭ ئەھۋالىنى سوراپتۇ ، ئۇلار ئاسمان پادىشاھلىقىدىن كەلگەنلىگىنى ئىتىپتۇ ، بۇ گەپنى ئاڭلىغان تۆگىقۇش بىرلا سىلكىنىپ ئۈستىدىكىلەرنى دەرياغا چۆكۈرۋىتىپتۇ . ئۆزى بىر تاقىلاپلا قىرغاققا چىقىۋاپتۇ . ۋەزىرلەر مىڭتەستە قىرغاققا چىقىپتۇ . بىراق تۆگە قۇشنىڭ نىمە مەخسىدى بارلىقىنى بىلەلمەپتۇ . ئۇلار يەنە بىر قانچە كۈن يول يۈرگەندىن كىيىن بىر چاھارباققا كىلىپ قاپتۇ ، ئۇلار باغنىڭ مەنزىرسىدىن ھەيران بولۇپ تۇرغىنىدا باغ ئىچىدىن بىر قىزنىڭ ئاۋازى ئاڭلىنىپتۇ ، ئۇلار شۇنداق قارىغۇدەك بولسا چىرايىدىن نور يىغىپ تۇردىغان بىر ساھىپ جامال تۇرغىدەك ئۇلار سالام - بەجا كەلتۈرگەندىن كىيىن . سىز كىم بولسىز دەپ سوراپتۇ ، مەن ئاياللار پادىشاھى بولىمەن دەپ مىيقىدا كۈلۈپتۇ ، سىلەر ئاسمان پادىشاھىنىڭ ئادەملىرىغو دەيمەن ؟ - دەپ سوراپتۇ .                                                                        سىز بىزنى قانداق بىلىسىز ؟ - دەپ سوراپتۇ . قىز قاتتىق كۈلۈپ كىتىپتۇ - دە :                                       مەن سىلەرنىڭ نەدىن كەلگەنلىگىڭلارنىلا ئەمەس يەرگە چۈشكەندىن كىيىن نېمە پاجىيەگە يولىققىنىڭلارنىمۇ بىلىمەن . دەپتۇ قىز ، سىز قانداق بىلىسىز دەپ سوراپتۇ ۋەزىرلەر . قىز دەپتۇ مەن ئەسلىدە ئاسمان پادىشاھىنىڭ مەلىكىسى ئىدىم . شاھ دادام سىلەردەك نادانلارنىڭ گىپىنى ئاڭلاپ ئاياللارنى يەر يۈزىگە تاشلىۋەتكەن . شۇڭا ئاسمان پادىشاھلىقىنىڭ كۈنى تەس بولۇپ ئۆزى ۋەيران بولدى . دۆلەتنىڭ گۈللىنىشىدە ئەرلەرنىڭ تامىقىنى ئىتىدىغان ، كىر - قىتىنى يۇيدىغان ، ئىتىزدا مۆرىنى - مۆرىگە تىرەپ ئىشلەۋاتقان بالا بىقىۋاتقان ئاياللارمۇ بولمىسا بولمايدۇ ، ئەلۋەتتە . ئاياللارنى تۆگە قوش بىلەن پاقىغا ئايلاندۇرۇپ قويسا ئۇ دۆلەت ۋەيران بولماي نېم بولماقچى ، شاھ دادام بىزنى يەرگە تاشلىۋەتكەندىن كىيىن كىنزەكلىرىم بىلەن مانا بۇ باغنى بەرپا قىلدىم دەپتۇ . ۋەزىر ئاسمان دۆلىتىگە قايتىپ بارغاندىن كىيىن بولغان ئەھۋالنى ئەينەن مەلۇم قىپتۇ ، پادىشاھ يەر يۈزىدىكى ھەممە ئاياللارنى ئاسمان دۆلىتىگە قايتۇرۇپ كىلىشكە پەرمان چۈشۈرۈپتۇ . ئاياللارنى قايتۇرۇپ كەلگەندىن كىيىن پادىشاھ ئۇلاردىن يىغلاپ تۇرۇپ كەچۈرۈم سوراپتۇ . شۇنىڭ بىلەن بۇ دۆلەت قايتا گۈللىنىپتۇ .

KARAMAT147

	ئەلۋەتتە يىڭى بىر ھاياتلىقنى ئاللانىڭ ئىزنى بىلەن يوروق دۇنياغا چىقارغۇچى ،ھەمدە ئەرلەر ھۆكۆمەت ئشىغا كەتكەندە ئۆي ئىشلىرىنى قىلىدىغان ،ھويلا ئاراملارنى سۈپۈرۈپ تازىلايدىغان ،قىسقىسى بىز ئەرلەر ئۈچۈن يىرىم دۇنيا بولغان ئاياللار بولمىسا ھەر قانداق بىر پادىشالىق ۋەيران بولىدۇ ئەلبەتتە !.

0998xayda

	بۇھىكايىدە نىمە مەزمۇن با؟؟؟؟

0998xayda

	بۇھىكايىدە نىمە مەزمۇن با؟؟؟؟

nazila998

	ئاياللار بولغاچ يارالدى دۇنيا پارلاپ كۈلدى سەھەردە قۇياش تەبىئەتكە رەڭ كىردى بەرنا بار گۈزەللىك سىلەرگە تۇتاش

KARAMAT147

	0998xayda يوللىغان ۋاقتى  2013-4-2 10:44 PM بۇھىكايىدە نىمە مەزمۇن با؟؟؟؟ بۇ ھىكايىنى تولوق ئوقومىدىڭىزمۇ ؟بىر تالمۇ ئايال كىشى بولمىغان دۇنيانى بىر تەسەۋۋۇر قىلىپ بىقىڭا ،شۇ ھامان ھىكايىنىڭ مەزمۇنىنى تاپالايسىز .

yik

	ئەھمىيەتلىك تىما

AYNAZI

	تەبىئەت قۇنۇنىيتىگە بۇزغۇنچىلىق قىلسا شۇنداق بولدېغان گەپ شۇ .

bahaderhan

	0998xayda يوللىغان ۋاقتى  2013-4-2 10:44 PM بۇھىكايىدە نىمە مەزمۇن با؟؟؟؟ ئاياللارنى قەدىرلەڭ، ئۇلارنى تۈگەقۇش، تاشپاقا...قاتارىدا كۆرمەڭ. بولمىسا ۋەيران بولىسىز ،دىگەن مەنا بار.

фросс

	ھە .... خانىم قىزلار بولمىسا شۇ كۆپىيەلمەي ئۆلۈپ تۈگەيدۇ!