بالا تەربىلەش

galwang

	بالىلارغا ئادەتلەندۈرۈش زۆرۈر بولغان ئىشلار: دوكتورە ھەنا ئەسسەنېئ بالىڭىزنى تۆۋەندىكى ئىشلارغا ئادەتلەندۈرۈڭ! 1‏- شەيتان بالىڭىزنىڭ تامىقىغا شېرىك بولماسلىقى ئۈچۈن تاماقتىن بۇرۇن بىسمىللاھ ۋە تاماقتىن كىيىن ئەلھەمدۇ لىللاھ دېيىشكە ئادەتلەندۈرۈڭ. بۇ بالىنىڭ تەۋھىد ئەقىدىسىنى كۈچەيتىدۇ. ئەگەر بالىڭىزدىن بىر لوقما تائام چۈشۈپ كەتسە، شەيتانغا تاشلاپ بەرمەستىن، بالىڭىزغا ئۇنى ئېلىپ تازىلىۋەتكەندىن كىيىن يېيىشكە بۇيرۇڭ. چۈنكى پەيغەمبەر ئەلەيھىسسالام شۇنداق بۇيرىغان ئىدى. 2‏- ئەگەر بالىڭىز يېقىلىپ چۈشسە ۋاقىرىماڭ، بەلكى ئۇنىڭغا بىسمىللاھ دەپ ئورنىدىن تۇرۇشنى ئېيتىڭ، ھەر قېتىم يېقىلىپ چۈشكەندە بىسمىللاھ دەپ قوپۇشنى تەلەپ قىلىڭ. 3‏- بالىڭىزغا، خۇسۇسەن قىزىڭىزغا شەرمى - ھايا ئۆگىتىڭ، ئەۋرىتىنى يىراق كىشىلەردىنلا ئەمەس بەلكى يىقىن كىشىلەردىنمۇ يېپىشىنى ئۆگىتىڭ، ئەۋرەتنى يېپىش مەسىلىسىگە قاتتىق ئەھمىيەت بېرىڭ، ئەۋرەتنى يېپىشنىڭ پەرز ئىكەنلىكى ۋە ئۇنىڭغا قاراشنىڭ ھارام ئىكەنلىكىنى كىچىكىدىن باشلاپ چۈشەندۈرۈڭ. ئالدى بىلەن ئۆزىڭىز كىيىم ئالماشتۇرغاندا بۇ ئىشلارغا دېققەت قىلىڭ. 4‏- بالىڭىزنىڭ سىزنى ئانا دېمەي ئىسمىڭىز بىلەن ئاتاپ چاقىرىشىغا رۇخسەت قىلماڭ. بولمىسا سىزنىڭ ھۆرمىتىڭىز تەدرىجىي تۆۋەنلەپ كېتىدۇ. يەنە ئاتىسىنىمۇ دادا دېمەي ئىسمى بىلەن ئاتاپ چاقىرىشىغا ھەرگىز يول قويماڭ. بۇ چوڭ ئەدەپسىزلىك ھېساپلىنىدۇ. 5‏- بالىلارغا خاس بوياق، رەسىم كىتاب، دەپتەر - قەلەم ۋە پايدىلىق ھېكايە كىتابلارنى سېتىۋىلىش ئارقىلىق بالىلارنى ئوقۇش - يېزىشنى ياخشى كۆرىدىغان قىلىپ تەربىيىلەڭ، كىتاپ ئوقۇشقا ۋە خەت يېزىشقا كۆندۈرۈڭ. ئوقۇش سايمانلىرى بىلەن ھەپىلىشىپ، شۇلارنى ئېستىمال قىلىپ كۈنگەن بالا بۇ نەرسىلەردىن قانداق پايدىلىنىشنى بىلىدۇ ۋە قىزىقىدۇ. ئوقۇپ يىزىپ كۆنمىگەن بالىنىڭ، كىتاپ ئوقۇسا بېشى، خەت يازسا قولى ئاغرىيدۇ. نەتىجىدە بىلىمسىز - جاھىل چوڭ بولۇپ قالىدۇ. 6‏- بالىڭىزنى كىيىم - كىچەكلىرىنى پاكىز رەتلىك كېيىشكە ئادەتلەندۈرۈڭ. ئانا بولغۇچى كىيىملىرىنى رەتلىك ۋە پاكىز كەيسە بالىلىرىمۇ شۇنداق كىيىدۇ. بالىنىڭ پاكىزلىقى ئانىنىڭ پاكىزلىقىنىڭ دەلىلىدۇر. 7‏- بالىڭىز بار جايدا باشقىلارغا بالىڭىزنىڭ كەپسىزلىكى ھەققىدە شىكايەت قىلىپ بەرمەڭ. ئەگەر بالىڭىز سىزنىڭ باشقىلارغا ۋايساپ سۆزلەپ بەرگەنلىكىڭىزنى ئاڭلىسا، كۆڭلىدە ئۆزىنىڭ غەلبە قىلغانلىقىنى ۋە سىزنىڭ ئۇنى باشقۇرۇشتىن ئاجىز كەلگەنلىكىڭىزنى ھېس قىلىدۇ ۋە تېخىمۇ ھەددىدىن ئاشىدۇ. چۈنكى ئۇ بۇ سۆزنى ئاڭلاشتىن ئىلگىرى سىزدىن ئەيمىنەتتى. 8‏- بالىڭىز غا خاس بىر خاتىرە دەپتەر ئېلىپ بېرىپ ھېكمەتلىك سۆزلەر، ھېكايە، شېئىر ۋە تېپىشماقلارنى يېزىشقا ئادەتلەندۈرۈڭ. بالىڭىزنى ئۆزى خالىغان گېزىت - ژورنال ۋە كىتاپلارنى كۆچۈرۈپ يېزىشىغا قويۇپ بېرىڭ. ھەر قېتىم ئۈچ بەت يېزىپ بولغاندا، ئۇنىڭدىن ئوقۇپ بېرىشنى تەلەپ قىلىڭ، پايدىلىق بولغانلىرىنى قالدۇرۇپ، پايدىسىز نەرسىلەرنى يازغان بولسا، ئۆچۈرېۋىتىشكە بۇيرۇڭ. بۇ ئۇسۇل ئارقىلىق بالىڭىزدا ئوقۇش، يېزىش، مەلۇمات دائىرىسىنى كېڭەيتىش ۋە ياخشى بىلەن ناچارنى پەرق ئېتىش ئىقتىدارى يېتىلىدۇ. بۇ يېزىقچىلىق ئىقتىدارى ئۇنىڭ ئىستىقبالى ئۈچۈن پايدىلىق.

Umidim

	يەتتىنجىسىگە ئوخشىمايدىغان بىر نۇقتىدىن قارىساق ، ئەگەر ئىرادىسى ئاجىزراق بالا بولۇپ قالسا ، ئادەم كۆپ يەردە ئۇنىڭ شىكايىىنى قىلغىنىڭىزنى ئاڭلىسا ، ئاتا-ئانام مىنى ياقتۇرمايدىغان ئوخشايدۇ ياكى مەن ئاشۇنداق ئەسكى ئوخشايمەن دەپ ئۆزنى كەمسىتىدىغان ، چۈشكۈنلىشىپ كىتىدىغان ئەھۋال يۈز بىرىشى مۇمكىن . بەلكى سىز بۇ خىل تەنقىدلەش ئارقىلىق ئۇنىڭغا نۇمۇس تۇيغۇسى ھىس قىلدۇرماقچى ، بالىنىڭ بۇنداق قىماسلىقىنى ھىس قىلدۇرماقچىدۇرسىز ، لىكىن ئەكسىچە يامان ئاقىۋەت كىلىپ چىقىشى مۇمكىنچىلىكىنىمۇ ئويلاپ قويۇشىڭىز كىرەك

ikrema

	ئەسسالامۇ ئەلەيكۇم .... ئاللا خالىسا شۇنداق تەربىيلەيمەن ......! بىزدە مۇشۇ بالا تەربىيلەشكە ئائىت مەخسۇسلاشقان تور بېكەت يوق ..... ئەمما بەسەيلەرنىڭ بەك كۆپ . كەسىپلەشكەن تور بېكەت قۇرۇلغان بولسا بەك ياخشى بولاتتى . ياخشى تېمىللىرىڭىز مۇنبەردىن ئۈزۈلۈپ قالمىسۇن .

korul

	ياخشى يازمىكەن ،مەنمۇ خېلى نەرسىلەرنى بىلىۋالدىم....رەھمەت.

awran

	بالىلارنى تەربىيەشتىكى ئۈلگەبولغىدەك

ARZUY

	رەھمەت . مەنمۇ  بىلىۋالدىم .

mucajan

	anatil33 يوللىغان ۋاقتى  2013-4-2 11:59 AM ئاتا-ئانامغا بىر كۆرسىتىپ قويىدىغان تىمىكەن بۇ ئەسلى، ... ھەي بۇنداق دېمەڭ.   ئاتا-ئانىڭىزنىڭ سىزنى ساق-سالامەت چوڭ قىلىپ ،كومپىيوتىردا  مۇشۇنداق  شىكايەت قىلالىغىدەك تەربىيەلىگەنلىكىگىمۇ رازى ئەمەسمۇ سىز .

uyghur.biz

	ھازرىقى بەزى باللا بالا ئەمەس بىر بالا قازا بولدى،ئۇلۇغ ئاللاھ ھەمىمىزگە ئىنساپ،ئىمان ئاتا قىلغايسسەن

yik