تەشكىلگە تاياندىم(سۆزئويىنى)

mahatjan

	تەشكىلگە تاياندىم                                   (سۆز ئوينى)        تۈنۈگۈن، تاغ تەرەپتىكى تاۋۇز تېرىغان تاشلىقنى تەرەكتۇردا توپا توشوپ تۈزلەپ،تەبىئى تېرىلغۇمىزدىن تېرىقنى تاللاپ تېرىغانتىم،تەۋەيىمىزدىكى توختى تىرەكنىڭ تەنتەك توخۇلىرى تەپ-تارتماستىن،تەمبۇرنىڭ تارىسىدەك تىرناقلىرىدا تېرىقلىرىمنى توختىماستىن تاتىلاپ تىتىۋىتىپتۇ.تۇرمۇشتا تېرىق تېرىشتىن تاپقان تاپاۋەتكە تاينىۋاتسام؛تېرىقنى تارىم تەۋەسىدىن تاپالماي،تارباغاتايدىكى تۇققانلاردىن تەستە تېپىپ،تارازىدا تارتىپ،تۇپراقنىڭ تۇزلۇق توپىسىنى تەڭشەپ،تالانتلىق تېخنىكلارغا تاينىپ تۈجۈپىلەپ تېرىغان تۇرسام،توخۇلار تەرپىدىن توساتتنلا تۈگىشىپ،تۇرمۇش تەمىناتىم تۇيۇقسىز تۆۋەنلىسە،تەئەججۈپلەنمەي تۇرالامدىم.     تەئەججۇپلەنگەنلىكنىڭ تەسىرىدە تەرسالىقىم تۇتتى،تەپەككۇرۇم تىزلەشتى،تاقىتىم تاقىلداپ توپا توشۇيدىغان تەرەكتۇرنىڭ تۆمۈر توچىيدەك تاراقشىدى.توختى تىرەكنى تېپىپ،تېرىقلىرىمنى تۆلەتكۈزۈشنى تايىن تاپتىم.تۇرمۇشتا تاپاۋەت تۆۋنلىسە تۈگۈمەس تاپا-تەنىلەر تۇغۇلۇپ،تاتلىق تاماقلارمۇ تەدرىجى تۇزسىز،تەمسىز تېتىيدىكەن،تاتلىق تۇققانلارنىڭ تەلەتىمۇ تۆمۈردەك تاتىرىدىكەن،تولا تاكاللىشىدىغان،تىللىشىدىغان تەرتىپسىز تۇرمۇش تېپىلىپلا تۇرىدىكەن.تەنلىرىم تىكەنلەشكەندەك،تەڭپۇڭلۇقۇم تۆۋەنلىگەندەك تۇيۇلدى.تىتىلداپ تۇرالماي، توختى تىرەكنى تاپتىم، توختى تىرەكنىڭ تەلۋىلىكى تۇتتى،تامدەك تاتىرىپ تىنالماي تۇرسام، توختى تىرەك تەپ-تارتماستىنلا تېرىقلىرىمنى تۆلىمەيدىغانلىقىنى تەكرار تەكىتلەۋەدى. تاكاللاشتۇق،تىللاشتۇق،تاڭ-تۇڭ تەستەكلىشىپ،تەخەيدەك تىپىشتۇق.توختى تىرەككە تەڭ تۇرالماسلىقىمدىن تەمتىرىدىم.تەشەببۇسكارلىقىممۇ،تاكتىكىللىرىممۇ تۈگدى.تېنىمگە تىگىۋاتقان تاياقلارنى تورمۇزلىيالمىدىم.     تىراگىدىيەلىك تىياتىرنىڭ تاماششىبىنلىرى تەرەپ- تەرەپتىن توپلاشتى،تاماششىبىنلارنىڭ تەمكىنلىرى تەلىم-تەربىيە تىللىرىدا تەربىيلىسە،تەرسالىرى توپولاڭدىكى توغاچتا تۇماقلىرىنى تولدۇردى.تېرىقلىرىمنى تۆلەتكۈزۈش تەمايىم توزغاقتەك توزۇپ تىرىكتىم،تەسەۋۋۇرۇمنى تەقدىرگە تايانماي،تەدبىرگە؛ توغرىراقى تەشكىلگە تايىنىشقا تۇراقلاشتۇردۇم.       تەسەۋۋۇرۇمنىڭ تۈرتكىسىدە ،توختى تىرەكنىڭ توخۇسى تاتىلىۋەتكەن تېرىقلىرىمنىڭ تەپسىلاتىنى تەشكىلگە تونۇشتۇرۇپ،تېرىقلىرىمنى تۆلۈتۈش توغرىسىدىكى تەلىۋىمنى تەكىتلىدىم. تەشكىل،تېرىقنى تاتىلىغان توخۇغا،توخۇنى تەربىيلىگەن توختى تىرەككە تېرىقچىلىقنىڭ تۈزۈملىرىنى تەپسىلى تونوشتۇرۇپ تاتلىق تىل تاۋۇشلىرىدا تەربىيلىدى.توختى تىرەكمۇ تەرسالىقىنى توختۇتۇپ تېرىقلىرىمنى تۆلىدى.     تورداشلار،تونۇشلار،تۇققانلار،تىياتىرخانىغا توپلاشقان تاماششىبىنلار تۇرمۇشتىكى تالاش-تارتىشلاردا تەشكىلگە تايانمىغاندا،تۇرمۇشتىكى تەشۋىشلەرنىڭ تۈگمەيدىغانلىقىنى تولوق تونۇدۇم.           مەنبە؛ئاغىنەم مەمەت ئابلىمىت ئاتچاپا.ئاغىنەمنىڭ ھاۋالىسىغا ئاساسەن يوللۇدۇم

muhabbatsiman

	قايىلمەن جۇمۇ سىزگە ئاكا.

BATUR72

	muhabbatsiman يوللىغان ۋاقتى  2013-4-2 12:05 PM قايىلمەن جۇمۇ سىزگە ئاكا. تەشكىلگە توختىماي  تاينىپ تېرىق تېرىڭە تاغا !!

sabak

korul

	قاملىشىپتۇ...ت...ت....ت....ت....ت...ھەي يازاي دىسەم يازالمىدىم

سائەت

	سىزگە قول قويدۇم

marziya0997

forever1

	شۇڭىمۇ بىزنىڭ يېزقىمىزدە-بۇ !ياشاپ كەت باشقا تىل يېزىقلاردا يوققۇ دەيمەن بۇنداق سۆز ئويۇنى .رەھمەت سىزگە.

mahatjan

	{شۇڭىمۇ بىزنىڭ يېزقىمىزدە-بۇ !ياشاپ كەت باشقا تىل يېزىقلاردا يوققۇ دەيمەن بۇنداق سۆز ئويۇنى .رەھمەت سىزگە.14:}