قايتىدىن پۇرسەت كەلسە قانداق قىلاتتىڭىز؟

فائزە

	ئالىي مەكتەپ ھاياتىمدا نۇرغۇن ئىشلارنى،نۇرغۇن كىشىلەرنى ئۇچراتتىم.بەزىلەردىن سۆيۈنۈپ ئۆزەمگە ئۈلگە قىلسام،بەزىلەردىن ئېچىنىپ ئۆزەمگە تېخىمۇ قاتتىق تەلەپ قويدۇم.بەزى ئىشلاردىن ھەيران بولسام،بەزى ئىشلاردىن خوشال بولدۇم،بەزى ئىشلارغا توۋۋا دىسەم،بەزى ئىشلاردىن تەسىرلەندىم...مەيلى،قانداقلا بولمىسۇن،ئالىي مەكتەپ ھاياتىم خېلى مەنىلىك ئۆتىۋاتىدۇ دەپ ئويلايمەن...ئەسلى، ئالىي مەكتەپ ھاياتىنى قانداق ئۆتكۈزۈش توغرىسىدا جەمىئىيەتكە چىقىپ بولغان دوستلىرىمنىڭ پىكىرلىرىنى  ئەمەلىيىتىمگە بىرلەشتۈرۈپ ئويلىغانلىرىمنى بىر تېما قىلىپ يوللاشنى ئويلىغانىدىم.لېكىن ئالدى بىلەن مۇنبەرداشلار بىلەن قىسقىچە ئورتاقلىشىپ بېقىشنى تاللىدىم.  چۈنكى كۆپنىڭ كۆرگىنى،بىلىدىغىنى كۆپ بولىدۇ ئەمەسمۇ. ئۇنىڭ ئۈستىگە بەزى سەرخىل ئىنكاسلارنىڭ ئەمدى ئالىي مەكتەپكە چىققان،ياكى ئالىي مەكتەپتە ئوقۇۋاتقانلارغا پايدىسى تىگىپ قالارمىكىن دەپ ئويلايمەن. مەقسەتكە كەلسەم:      مەلۇم سەۋەپلەر تۈپەيلى ئالىي مەكتەپ ئىمتىھانىغا قاتنىشالمىغان بەزى ئادەملەردىن باشقا، كۆپىنچىمىز ئالىي مەكتەپ ئىمتىھانىنى باشتىن كەچۈردۇققۇ دەيمەن.ئەمما، ئالىي مەكتەپ ئىمتىھانى ئاياغلاشقاندىن كېيىن،بەزىلەر ئۆزى ئارزۇ قىلغان مەكتەپنىڭ ئۆزى ئارزۇ قىلغان كەسپىگە قوبۇل قىلىنسا،بەزىلەر ئۆزى ئارزۇ قىلغان مەكتەپنىڭ ئارزۇ قىلمىغان كەسپىگە قوبۇل قىلىندى.يەنە بەزىلەر بولسا ئۆزى ئارزۇ قىلمىغان مەكتەپنىڭ ئۆزى ئارزۇ قىلغان كەسپىگە قوبۇل قىلىنغان بولسا،بەزىلەر ئۆزى ئارزۇمۇ قىلمىغان مەكتەپنىڭ ئارزۇ قىلمىغان كەسپىگە قوبۇل قىلىندى.ھەتتا بەزىلەر مەلۇم سەۋەپلەر تۈپەيلى ئالىي مەكتەپلەرگە قوبۇل قىلىنمايمۇ قالدى. ھەر ئادەمنىڭ تاللىشى ھەرخىل بولغىنىدەك،ئالىي مەكتەپلەرگە قوبۇل قىلىنماي قالغانلارنىڭ بەزىلىرى قايتا ئوقۇشنى تاللىغان بولسا،بەزىلىرى چەت ئەللەرگە چىقىش،مەخسۇس دىن ئۆگىنىش، مەخسۇس تىل ئۆگىنىش، مەخسۇس ھۈنەر ئۆگىنىش،ئۆز ئالدىغا ئىگىلىك تىكلەش،سودىگەرچىلىك،يەر تېرىش.....دىگەندەك ھەرخىل ئۇسۇللارنى تاللىدى.     ئالىي مەكتەپلەرگە قوبۇل قىلىنغانلار بولسا،ھەرخىل ئۇلۇغ ئارزۇ-ئارمانلارنى كۆڭلىگە پۈكۈپ،ھەرخىل نىشانلار ئۈچۈن پىلان تۈزۈپ ئالىي مەكتەپكە كەلدى.ئەمما ئاخىرىدا ئالىي مەكتەپ ھاياتىنى ھەرخىل ئۇسۇلدا تاماملىدى...بەزىلەر ئالىي مەكتەپ ھاياتىدىن ئۆكۈنسە،بەزىلەر ئالىي مەكتەپ ھاياتىدىن پەخىرلەندى.................      ئالىي مەكتەپتە ئوقۇشتىن ۋاز كەچكەن،ئوقۇش پۈتتۈرگىلى بىر نەچچە يىل بولغان ياكى ئوقۇش پۈتتۈرۈش ئالدىدا تۇرغان قېرىنداشلاردىن سوراپ باقسام،ئەگەر سىزگە قايتىدىن ئالىي مەكتەپتە ئوقۇش پۇرسىتى نېسىپ بولسا(بۇغۇ مۇمكىن بولمايدىغان ئىش،ئەمما پەرەز قىلىپ باقساق يامىنى يوققۇ دەپ ئويلايمەن)،سىز قانداق ئۇسۇلدا ئالىي مەكتەپ ھاياتىڭىزنى تاماملاشنى خالايسىز؟(مەسىلەن:ئوقۇشتىن ۋاز كېچىپ باشقا ئىش قىلىشنى خالامسىز؟ ياكى ئۆزەم ئارزۇ قىلغان مەكتەپكە،خالىغان كەسىپكە ئۆتىۋالدىم دەپ كۆپىنچە ۋاقتىڭىزدا كەسپىڭىزنىلا تىرىشىپ ئۆگىنىپ باشقا بىلىملەرنى رەت قىلامسىز؟ياكى خالىمىغان مەكتەپ خالىمىغان كەسىپكە ئۆتۈپ قالدىم دەپ بەل قويىۋىتەمسىز ياكى بەل قويىۋەتمەي ئەكسىچە،كۆپىنچە ۋاقتىڭىزنى ئۆزىڭىز قىزىقىدىغان نەرسىلەرنى كۆپلەپ ئۆگىنىشكە قارىتامسىز؟ياكى ئالىي مەكتەپ ھاياتى ئەركىن،ئىمتىھانلاردىن قالمىساملا بولدى دەپ قاراپ كۆپىنچە ۋاقتىڭىزنى ئويناش،يىغىلىش بىلەن ئۆتكۈزەمسىز؟ ياكى كۆپرەك شەھەر كۆرۈۋالاي دەپ،كۆپىنچە ۋاقتىڭىزنى ساياھەت قىلىشقا قارىتامسىز؟ ياكى دەرستىن سىرت، ئۆزىڭىز قىزىقىدىغان ھەرخىل تەربىيلەش كۇرىسلىرىغا قاتنىشىپ تۇرامسىز؟ياكى كۆپىنچە ۋاقتىڭىزنى ھەرتۈرلۈك  مۇسابىقىلەرگە تىزىملىتىپ ئارتۇقچىلىقلىرىڭىزنى نامايەن قىلىشقا ئاجرىتامسىز؟ياكى ھەرخىل لاياقەتلىك گۇۋاھنامىلەر ئۈچۈن كۆپرەك ۋاقىت ئاجرىتامسىز؟ياكى كۆپىنچە ۋاقتىڭىزنى دەرىستىن سىرت كىتابلارنى ئوقۇشقا،پەننىي -دىننىي بىلىملەرنى ئىزدىنىشكە ئاجرىتامسىز؟ ياكى كۆپىنچە ۋاقتىڭىزنى دەرىستىن سىرت پۇل تېپىشقا ئاجرىتامسىز...........دىگەندەك ھەرخىل پەرەزلەر.) ئويلىغانلىرىڭلارنى قىسقىچە ئېيتىپ باقساڭلار دىگەن ئۈمىدتىمەن.   مەقسىتىم بۇنداق خىيالىي تېمىنى يوللاپ ۋاقىت ئۆتكۈزۈش ئەمەس،بەلكى،ياخشى پىكىرلەر ئارقىلىق ئازراق بولسىمۇ پايدىنلىش قىممىتى يارىتىش.ھەممىلا تېمىدىن پۇتاق چىقىرىدىغان بەزى مۇنبەرداشلارنىڭ  قالايمىقان ئىنكاس يازماسلىقىنى ئۈمىد قىلىمەن.   مەنبە:خىيالىم

ئۆل

	ئەگەر شۇنداق بولسا مەن كەسپىمىنى ئالماشتۇرغان بولاتتم ..

يۇلغۇن520

	ماڭا ئالى مەكتەپتە ئوقۇش نىسىپ بولماپتىكەن ئەگەر شۇنداق پۇرسەت بولغان بولسا چوقۇم ھەممىنى قايتىدىن باشلايتتىم لىكىن تولىمۇ ئەپسۇس .............

durdan

	ئالىي مەكتەپنى پۈتتۈرگىنىمگە ئانچە ئۇزۇن بولمىغان بولسىمۇ ئوقۇغۇچىلىق ۋاقتىمنى بەك سېغىندىم. ئەگەر مەندىن سورىسىڭىز كۆڭلىڭىز خالىغان ئىشنى قىلىڭ،بۇ ھەرگىز بىكار ئويناپ يۈرۈڭ دىگەنلىك ئەمەس،ئەڭ ئاۋال ۋاقىتنى ئۇتۇشنى ئۆگىنىڭ. مەيلى سىز ئوقۇش ھاياتىڭىزنى قانداقلا ئۆتكۈزمەڭ،مەكتەپ پۈتتۈرگەن زامان يەنە ئوقۇغۇچىلىق ھاتىڭىزغا قايتقىڭىز كىلىدۇ.شۇڭا ۋاقىتنى قەدىرلەڭ

فائزە

	ئۆل يوللىغان ۋاقتى  2013-4-1 09:10 PM ئەگەر شۇنداق بولسا مەن كەسپىمىنى ئالماشتۇرغان بولاتتم ... راستىنى دىسەم مەنمۇ ئۆزەم ياقتۇرمايدىغان كەسىپنى ئۆگىنىۋاتىمەن...ئالمىشاي دىسەم مەكتەپتە سانائەت،بىناكارلىق كەسپلىرى ئاساس بولغاچقا مەكتەپتىكى كەسىپلەر بىر-بىرىدىن تەس.قىزىقمىساممۇ ھازىرقى كەسپىمدىمۇ تىرىشىپ ئەلا ئوقۇپ، باشقا ئۇنۋېرستىتنىڭ ئۆزەم ياقتۇردىغان كەسپىنى ئىككىنچى كەسىپكە تاللاپ ئوقۇدۇم.

فائزە

	anatil33 يوللىغان ۋاقتى  2013-4-1 09:11 PM ئىككىمىز ئاساسەن تەڭتۇشكەنمىز 20ياشقا كىردىم،مەنمۇ يۇ ... ھازىرمۇ كېچىكمەيسىز،مەن قايسى بىر ژۇرنالدىن 60 ياشقا كىرگەن بوۋاينىڭ ئالىي مەكتەپكە ئوقۇشقا كىرگەنلىكىنى ئوقۇغان.بۇ بىلىم ئۆگىنىشنىڭ ياش بىلەن مۇناسىۋەتسىز بولغانلىقىنىڭ جانلىق مىسالى. ئالىي مەكتەپتە ئوقۇدۇق دىگەن بىلەن،بەزىلىرىمىزنىڭ ئازراقمۇ ئەمەلىي بىلىمىمىز بولماسلىقى مۇمكىن.دىمەكچى بولغىنىم،ھۈنىرىڭىزنى ئوبدان ئىشلىتىشتىن سىرت يەنە  قىزىققان نەرسىلىرىڭىزنى ئۆزلىكىڭىزدىن ئۆگەنسىڭىزمۇ بولىدىغۇ.

فائزە

	يۇلغۇن520 يوللىغان ۋاقتى  2013-4-1 09:25 PM ماڭا ئالى مەكتەپتە ئوقۇش نىسىپ بولماپتىكەن ئەگەر شۇند ... ئالىي مەكتەپتە ئوقۇش نىسىپ بولماي قالغان بىلەن،ئاللاھ خالىسا سىزگە تېخىمۇ زور ئىلىم ئاتا قىلىدۇ،ئەپسۇسلانماڭ.

فائزە

	durdan يوللىغان ۋاقتى  2013-4-1 10:36 PM ئالىي مەكتەپنى پۈتتۈرگىنىمگە ئانچە ئۇزۇن بولمىغان بول ... دەسلەپتە ئالتە يىللىق ئوقۇش ھاياتى بەك ئۇزۇن بىلىنگەن،ھازىر بولسا،ۋاقىت ئەجەپ تېز ئۆتۈپتۇ دەپ قېلىۋاتىمەن.ئالىي مەكتەپ ھاياتىدىن قۇتۇلىدىغان كۈنلەر ئاز قالغانسىرى قىيماي قېلىۋاتىمەن.ئاللاھ خالىسا،كېيىنمۇ ئالىي مەكتەپ ھاياتىمنى ئەسلەپ تۇرىمەن.تەكلىپىڭىزگە رەھمەت. ^-^

arislanzada

	مەن ماڭا ئالى مەكتەپتە ئوقۇش پۇرسىتىنىڭ قايتا كەلمەسلىكىنى ئۈمىد قىلمەن،مەن ئالى مەكتەپتىكى ئاز بىر قىسىم بىلىمگە ساختىلىق قىلىش، يول مېڭىىپ ،ئوقۇتقۇچىلارغا پارا بىرىپ ئىمتىھاندىن ئوتكەن،ئىمتىھان سۇئالىنى چىقىرىپ جاۋابىنى تەكرار قىپ ئىمتىھاندىن ئوتكەن.....ئىشقىىپ شۇلارنى ئويلىسام ئىچىم ئاچچىق بولدۇ،ئاشۇ مىھرىبان،پەقەت بىزگە بىلىم بىرىش ئۈچۈن جاپا تارتىۋاتقان ئوقۇتقۇچىلار مەن ئۈچۈن ئەڭ ھۆرمەتكە سازاۋەر ئىنسانلاردۇر..