گۆش باھاسى نىمە ئۇچۇن ئۆرلەپ كېتىدۇ
(ئاپتۇرى:تىلماچ13)
ھەممىزگە مەلۇمكى،گۆش يېمەكلىكى تەركىۋېدە ئاقسىل ماددىسى مولغان قوشۇمچە يېمەكلىك بولۇپ،ئادەم بەنىگە زۆرۇر بولغان ئېنىرگىيە ۋە ھاياتلىق مەنبەسى بىلەن تەمىن ئېتىدۇ.گۆشنى مۇۋاپىق ئىستىمال قىلغاندا بەدەن ئۆرگانىزىمىنى كۈچلەدۇرۇپ ۋە ساغلاشتۇرۇپ،ئۆمۇرنى ئۇزارتىدۇ. گۆش تۈرلىرى كۆپ خىل بولۇپ،ئادەم بەدىنىگە بولغان قۇۋۋىتى ۋە شىپالىق رولىمۇ ئوخشىمايدۇ.ئىنسانلار جەمىيتى پەيدا بولغاندىن تارتىپ،ئوخشىمىغان دەۋېرلەردە ئاساسى يېمەكلىك ياكى قوشۇمچە يېمەكلىك بۇلۇشتەك رولىمۇ ئوخشاش بولمىدى.ھازىرقى دەۋېردە رايۇنلارنىڭ شوغۇللىنىدىغان كەسىپنىڭ ئوخشماسلىقىغا ئاساسەن گۆش يېمەكلىكىنىڭ ئاساسى يېمەكلىك بولۇش ياكى قوشۇمچە يېمەلىك بۇلۇشمۇ ئوخىشاش ئەمەس.كەسەپلەشكەن چارۋېچىلىق رايۇنلىرىدا ئاساسى يېمەكلىك بولسىمۇ،ئەمما يېزائېگىلىك رايۇنلىرىدا يەنىلا قوشۇمچە يېمەكلىك بولۇپ ھېساپلىنىدۇ.شىنجاڭ رايونىغا نىسپەتەن ئېلىپ ئېيىتقاندا شىمالى شىنجاڭنىڭ ھارۋېچىلىق رايۇنلىرى گۆش يېمەكلىكىنى ئاساسىي يېمەلىك قىلسىمۇ،جەنۇبى شىنجاڭنىڭ كۆپ قىسىم رايۇنلىرى قوشۇمچە يېمەكلىك قىلىدۇ.ئومۇمەن گۆش باھاسىنىڭ ئۆرلەپ كېتىشىنى تۆۋەندىكى بىر قانچە نۇقتىدىن تەھلىلى قىلىشقا بولىدۇ:
1.كىشىلەرنىڭ تۇرمۇش ۋە ئىستىمال سەۋېيسى ۋە ئىستىمال قارىشى يۇقۇرى كۆتىرىلدى.دۆلەتنىڭ ئۇنۋېرسال كۈچى،كىشىلەرنىڭ تۇرمۇش، مەدەنىيەت سەۋېيسى ۋە ئىستىمال قارشىشىنىڭ ئۈزلۇكسىز ئېشىشىغا ئەگىشىپ،گوش ئىستىمال قىلىشنىڭ ئومۇملىششى ۋە دائىملىشىش سالمىقى زورايدى؛شۇنداقلا ئىشچى-خىزمەتچىلەرنىڭ مۇئاش تەمىناتى ۋە دېھقان-چارۋىچىلارنىڭ يېزا ئېگىلىك ۋە باشقا چارۋېچىلىق مەھسۇلاتلىرى باھاسىنىڭ ئېشىشىغا ئەگىشىپ ماس قەدەمدە گۆش باھاسىنىڭ ئۆسۇشى بارلىققا كەلدى.
2.جەنۇبى شىنجاڭدا بۇرۇنقى چارۋىچىلىق ئۇچۇن ئىشلىتىلىدىغان يايلاقارغا كۆپلەپ بوز يەر ئېچىلىپ،چارۋا ماللارنىڭ تەبئى كۆپىيىشىگە يېتەرلىك بولغان يايلىتىپ باقىدىغان يايلاقلار ئازلاپ كەتتى.گەرچە تولۇقلىما مەبلەغ چۇشۇرۇپ،چارۋېچىلىقنى كۆلەملەشتۇرۇش ۋە كەسىپلەشتۈرۈش يولىغا يېتەكلەپ،دىھقانچلىق رايۇنلىرىدا باقمىچىلىق ئارقىلىق ئالدىن بېيىشقا يېتەكلىگەن بولسىمۇ،پاختا باھاسىنىڭ ئۆسۇشىگە ئەگىشىپ،چارۋىلارنى يايلىتىپ باقىدىغان كۆپ قېسىم يايلاقلاردا بوز يەر ئېچىلىپ،يايلاق كۆلىمى ئازىيىپ،ئېغىل-قوتانغا سولاپ باقىدىغان ۋەزىيەت شەكىللىنىپ،بوداپ بازارغا سالىدىغان مال-چارۋىنىڭ تەننەرقى ئېشىپ كەتتى.مال-چارۋىلارنىڭ تەبئىلىك خارەكتىرى ئاجىزلاپ تۆللەش قېتىم سانى ئازلاپ كەتتى.
3.گۆش سېتىۋالىدىغان قولنىڭ سانى كۆپەيدى.دۆلەتنىڭ پىلانلىق تۇغۇت سىياسىتى ئارقىلىق نوپۇسنىڭ كۆپىيىشى چەكلەپ تۇرۇلسىمۇ،ئىسلاھات-ئېچىۋېتىش قەدىمنىڭ چۇڭقۇرلىششى ۋە كۆچمە نوپۇسلارنىڭ كۆپلەپ ئېقىپ كىرىشىگە ئەگىشىپ،رايۇنىمىزدا گوش ئىستىمال قىلغۇچىلارنىڭ سانى ئاشتى.
4.گۆش بازىرى قۇيىۋېتىلدى.گۆش باھاسىنىڭ قويىۋېتىلىشى گوش سودىسى بىلەن شۇغۇللىنىدىغانلارنىڭ مەلۇم كۆلەمدە ئوز ئالدىغا باھا بېېكىتىپ سېتىش پۇرسىتى بىلەن تەمىن ئەتتى.
5.گۆش ئىشلىتىلىدىغان ئاشخانىلارنىڭ ئىش تەقسىماتى تېخىمۇ ئىنچىكە ھالدا كونكىرىتلاشتۇرۇلدى.ئىشقا ئورۇنلاشتۇرۇش قەدىمنىڭ تىزلىششىغا ئەگىشىپ،ئاشخانا مۇلازىمىتى بىلەن شۇغۇللىنىدىغان ئورۇنلارنىڭ ئىش تەخسىماتى تېخمۇ كونكىرىت ۋە ئىنچىكىلىشىپ،بۇرۇنقى بىر ئادەم قىلىدىغان مۇلازىمەتنى بىر قانچە ئادەم قىلىدىغان ھالەت شەكىللىنىشى ۋە پىششق تاماق تەننەرقىنىڭ ئۆرلەپ كېتىشىگە ئەگىشىپ،گۆش باھاسىنىڭ تەتۇر ئىنكاسلىق ئۆسۇشىنى كەلتۇرۇپ چىقاردى.
6.گۆش ئارلاشتۇرىدىغان مىللىچە تائاملارنىڭ دۆلەت ئىچى ۋە سىرتىغا قارتىتا داڭلىق بولىشىمۇ يەنە بىر مۇھىم سەۋەپلەرنىڭ بىرى.رايۇنىمىزنىڭ مىللىچە تائاملىرى قەدىمدىن تارتىپلا جۇڭگۇ ۋە چەتئەللەرگە داڭلىق بولۇپ كەلگەن؛ھازىرقى خەلىقئارالىق بېرىش-كېلىشنىڭ قويۇقلىششىغا ئەگىشىپ،دۆلەت ئىچى ۋە سىرتىدىن كەلگەن ساياھاتچىلەر رايۇنىمىزنىڭ مىللىچە تائاملىرىنى پۇلنىڭ كۆزىگە قارىماي ئىسىمال قىلىدۇ.
7.ئېكولوگىيەلىك تەڭپۇڭلۇق مەلۇم دەرىجىدە بۇزۇلۇپ،ئوزۇقلۇق زەنجىرى تەسىرگە ئۇچرىدى.تەبئى ئورمانلىقلار ۋە يايلاقلارنىڭ بۇزغۇنچىلىققا ئۇچرىشىغا ئەگىشىپ،يېپىنچا ئۆكسۇملۇكلەر ئازلاپ تەبئى كۆللەر قۇرۇپ كەتتى،شۇنداقلا ياۋايى ھايۋانلار تەبئى كۆپىيىش پۇرسۇتىدىن مەھرۇم بولۇپ،ئوۋچىلىقتىن كېلىدىغان گۆشنىڭ مىقدارى ئازلاپ كەتتى.دۆلەتمۇ ياۋايى ھايۋانلارنى قوغداش قانۇنىنى تېخمۇ مۇكەممەللەشتۇرۇپ،جانلىق ئىجرا قىلدى.
مەنبە:ئۆز قەلەم
بۇ يازمىنى ئاخىرىدا تىلماچ13 تەھرىرلىگەن. ۋاقتى 2013-4-1 05:05 PM
يوللىغان ۋاقتى 2013-4-1 05:03:47 PM
.gif)
.gif)
