تىنىقلاردىن تەرمىلەر ( 2 )

شىرئەلى

	بىر مىللەت ئۆز تارىخىنى ، مەدەنىيەت تارىخىنى يوقاتسا ھەمدە ئىلغار ئەنئەنىسىنى ئۇنتۇسا ، ئىتائەتمەن قۇلغا ۋە ئىتائەتمەن ماشىنىغا ئايلىنىپ قالىدۇ . __ چىڭگىز ئايتماتوف تۈنۈگۈن بۈگۈن ئۈچۈن بىر ئەينەك ، ئۇ كىشىلەرگە قىممەتلىك ئەسلىمە قالدۇرىدۇ . تۈنۈگۈن بۈگۈن ئۈچۈن ياخشى دەرىسلىك ، ئۇ كىشىلەرگە بۈگۈنكى ئىشنى ئەتىگە قويماسلىقنى ، ئەتىنى ئۆز ئەمگىكى ئارقىلىق تىرىشىپ يارىتىشنى ئۆگىتىدۇ . __ رەھىم يۈسۈپ تارىخنى ئۆچۈرۈپ تاشلاپ ، ئۆزىنىڭ ئېسىل ئەدەب - ئەخلاق ئەنئەنىلىرىنى يېزىش ، ئۆزىنىڭ كىم ئىكەنلىكىنى ، ئاتا - بوۋىسىنىڭ شانلىق تارىخىنى ئۇنتۇش ، ھەتتا ئۆز ئانا تىلىدا سۆزلىشىشنى خالىماسلىق - ئەخلاق جەھەتتە بۇزۇلغانلىقنىڭ ئىپادىسى . __ چىڭگىز ئايتماتوف تارىخنىڭ كالېندارى رەھىمسىزلىك چۇقانلىرى بىلەن تولغان ، ئۇ يىراقلاشقانسىرى ھېكايىلەردەك ئۆزىنى لىرىكا بىلەن بېزەيدۇ . __ ئابدۇشۈكۈر مۇھەممەدئىمىن ئىنسانىيەتنىڭ مەدەنىيەت تارىخى - ئەمەلىيەتتە ئادەمنىڭ مۇشۇ خۇسۇسىيىتى بىلەن قىلغان ئىجادىيەتلىرىدىن بولغان تارىخ بولۇپ ، بۇ تارىخ ئادەملەرنىڭ ئەجدادلىرىدىن ئۆگىنىش ئاساسىدىكى بىلىملىرى بىلەن يېڭى غايىلەرنى قوغلىشىش ، ئىجادىي پائالىيەتلەر بىلەن تۇرمۇش سەھىپىلىرىنى ئېچىش ، ئۆزلىرىنىڭ دەۋرلەر ئېتىبارىدىكى قىممىتىنى يارىتىش ئارقىسىدا پەيدا بولغان . شۇنىڭ بىلەن ھەرقانداق بىر خەلق ئەجدادلارنىڭ ئەۋلادى ئىكەنلىكىنى ئىسپاتلايدىغان ئۇلۇغ ئىجادىيەت پۇرسەتلىرىنى قولغا كەلتۈرۈش شەرت بولۇپ قالغان . __ ئىسلامجان شېرىپ ( بەشكېرەمى ) ئىنسانىيەت تارىخىنى بىرەر زامان ، بىرەر ئەل ياكى بىرەر كىشى خۇلاسىلەيدۇ دېيىشتىنمۇ ئارتۇق ھاماقەتلىك يوق . چۈنكى ، پايانى يوق تارىخ ئۆز خۇلاسچىلىرىنى خۇلاسىلەپ ئىلگىرلەپ بارىدۇ . __ ئابدۇشۈكۈر مۇھەممەدئىمىن ئاتقا مىنىش ئالدىدا زېمىننى ۋە ئۇنىڭ تارىخىنى ئەقىل بىلەن چۈشەندۈرۈش كېرەك . __ ئابدۇشۈكۈر مۇھەممەدئىمىن ئۆتمۈش ئادىللىق نۇرى بىلەن يورۇتۇلمىغان جايدا نۇرانە كەلگۈسىنىڭ بولۇشى مۇمكىن ئەمەس . __ ئابدۇشۈكۈر مۇھەممەدئىمىن تارىخنى غالىبلار مەغلۇپ بولغۇچىنىڭ دۈمبىسىگە يازىدۇ ، ئەمما دۈمبىسىنى تۇتۇپ بەرمىگەنلەر مەغلۇپ بولغۇچىلار ئەمەس . __ ئابدۇقادىر جالالىدىن ئۆزى ھەققىدە ھۆكۈم چىقىرىشنى ئۆگەنمىگەن ئادەم باشقىلار ھەققىدە ھۆكۈم چىقىرالمايدۇ . __ گىيوتى تارىختىن ساۋاق شۇكى ، قانۇنى تۈزگۈچىلەر تەرىپىدىن ئاياغ - ئاستى قىلىنىشى _ ھاكىمىيەتنىڭ گۇمران بولۇشىنىڭ مۇقەددىمىسى . __ توختى ناسىر تارىختىن مەلۇمكى ، دۇنيا سەھنىسىدە غالىب ئورۇنغا ئېرىشكۈچىلەرنىڭ مەغلۇبىيەتچىلەرگە سۆزلەيدىغان تۇنچى دەرىسى << بويسۇندۇرۇشنىڭ يولىنى تاپالمىغانىكەنسەن ، بويسۇنۇشۇڭ كېرەك >> دېگەن تېمىدا بولغان . __ تۇردى ھاجىم ئابدۇباقى تارىختىن مەلۇمكى ، ھۆكۈمدارلار ئويغاق ھېسلاردىن بەك قورقىدۇ ، چۈنكى ئۇ ئەقىل تۇغىدۇ ئەمەسمۇ ؟ ! __ ئەيسا ئىمىننىياز ئىسلام دىنىنىڭ قوبۇل قىلىنىشى - خەلقىمىز ئۈچۈن ئاجايىپ بۈيۈك ئىش بولدى . دۇنيا قارىشى ، ئىجتىمائى تۈزۈلمە ، كىشىلىك مۇناسىۋەت ۋە تۇرمۇش ئۇسۇلى قالتىس سىستېمىلاشتى . بولۇپمۇ 12 - ئەسىردە ئىسلام دىنىنىڭ ھەقىقى مەنىدە خەلقىمىزنىڭ قان - قېنىغا سىڭىشى بىلەن ، مىللىتىمىز تارىخىدىكى ئەڭ ئۇلۇغ دەۋىرگە قەدەم قويدى . ئەپسۇس ، كىشىنى ئېچىندۇرىدىغىنى شۇكى ، دەل ئاشۇ ئۇلۇغ دەۋرنىڭ پەرزەنتلىرى سۈپەت ئۆزگەرتىشكە باشلاپ ، ناكەسلىك تارىخىمۇ شۇنىڭدىن باشلاندى . __ داۋۇت ئوبۇلقاسىم بىر مىللەتنىڭ بۈيۈك تاللاشقا دۇچ كەلگەن دەقىقىلىرى ھامان شۇ مىللەت تارىخىنىڭ بۇرۇلۇش نۇقتىسى بولۇپ قالىدۇ . ئەسئەد سۇلايمان

zular

	تارختا ياشاپ ئۆتكەن ھەم بىز پەخىرلىندغان مەشھۇرلىرمىزنى يەنە بىر قېتىم ئەسلىتپ ئۆتكننڭزگە رەھمەت.....

شىرئەلى

	zular يوللىغان ۋاقتى  2013-3-31 07:58 PM تارختا ياشاپ ئۆتكەن ھەم بىز پەخىرلىندغان مەشھۇرلىرمىز ... زۇلارنىڭ ئىنكاسىغا تەشەككۈر ...

مىژگان

	ئابدۇشۈكۈر مۇھەممەدئىمىن ئەپەندىنىڭ ھېكىمەتلىرىگە ئادەم قايىل بولماي تۇرالمايدۇ. شۇنداقلا چىڭغىز ئايتىماتوفنىڭ ئەسەرلىرىنىمۇ بەك ياقتۇراتتىم.

sustum

	ئەجرىڭىزگە رەخمەت

qirakpay

	مەشھۇرلىرىمىزنىڭ تەپەككۇر..تىنىقلىرىدىن سەرخىل تەرمىلەرنى يوللاپ،بىزنى بەھىرلەن- دۈرگىنىڭىزگە رەخمەت!

mahatjan

	تاتلىق تەرمىلىللىرىڭىزنى تەبرىكلەيمەن،توختىماي تارقىتىشىڭىزغا تىلەكداشمەن.

umut47

	ئالامەت مەزمۇنلۇق ھىكمەتلەر....................