تۇرپاندا قالغان بىر ھەپتە [يارغول ]

yargol

	تۇرپاندا قالغان بىر ھەپتە                                                  1                                       يوچۇن بىر ئاۋاز مېنى يېمەكتە،                                     قىزىرىپ پىشقان بۇ دۈشەنبىدە.                                                  2                                     ياشاۋاتىمەن چۈشلەردىكىدەك،                                     ياكى ياشاشنى چۈشەۋاتىمەن.                                     رىئاللىقىمدا بىر قورام تاش بار،                                     ئەلھەمدۇلىللا، كۈچەۋاتىمەن.                                                 3                                     تۇرمۇش تونۇرى كۆيەر يالقۇنلاپ،                                     سويۇپ ئالماق تەس ئىسسىق بىر ناننى.                                     مەن ئاشۇ رايىش،سوزۇلغان جۈپ قول،                                     تىلىدىم ئاخىر گۈزەل ئىماننى.                                                 4                                     تالاي ئادەملەر ئۆتتى زىمىندىن،                                     مەڭگۈلۈك ۋەتەن قىلغىنى قەبرە.                                     بىز قۇش ئەمەسمىز،ياكى گۈل ئەمەس،                                     بەلكى سىناققا يارالغان بەندە.                                                5                                     ھەر ھەپتىدە بىر جۈمئەدىن چىقىپ،                                     كاتتا دېڭىزغا كىرىمىز ئېقىپ.                                     بىر تال ئۇچقۇنمىز،بىز ۋاقىتتىكى،                                     ئۆچۈرەر بىر كۈن پەرىشتە كېلىپ.                                                6                                    يالماپ تۈگەتتۇق باھارنى،يازنى،                                    يورۇتۇپ بولدۇق تۈندەك بۇ چاچنى.                                    بىر قەدەھ كەلتۈر تىمتاس شەنبىدە،                                    بىزگە كېرىكى ۋەھدەت شارابى.                                                7                                    ھەپتە ياشىدىم يۇرتۇم قوينىدا،                                    مۇساپىر بولۇپ تۇيغۇلىرىمغا.                                    يامغۇر چۈشمەكتە،يامغۇر چۈشمەكتە،                                    دالدىسىز تۇرغان ئويغۇرلىرىمغا.     -يارغول

XERHAN

	بۇ شىئىرڭىزدىن سىزنىڭ تۇرپانلىق ئىكەنلىكىنى ھىس قىلدىم ، ئانا يۇرت سېغىنىشىغا ، يۇرت باغرىغا ئادەم قانداقمۇ قانسۇن ؟!

0908220

rasim

	مۇنبەردە بولسىمۇ باركەن ھە مېنىڭ يۇرتىشىم````خېلى ياخشى يېزىپسىز ماڭا ھەمىدىن يارىغىنى ئەڭ ئاخىرقى ئىككى مىسرا`````  يامغۇر چۈشمەكتە،يامغۇر چۈشمەكتە،                                                  دالدىسىز تۇرغان ئويغۇرلىرىمغا.

alenur

	باشقا كەلمىگەن ئادەم يۇرت مۇھەبببىتىنى ھىس قىلالمايدۇ ھەققەتەن ياخشى يېزىپسىز

umudi

	ئانا يۇرتىنى شۇنداق ياخشى مەدىھلەپسىز ، مەن تىخى بۇنى بىر ھىكەيە چىغى دىسەم يۇرىتقا بولغان سىغىنىش ئىكەن !

xomtak

	تۇرپان   ..............بەك سىخىندىم.

326ayixa

	بىزنىڭ تۇرپاننىڭ ئىسسىقى 72 خىل كېسەلگە داۋا ....... قوللىرىڭىز ھارمىغاي قېرىندىشىم .

alkamjan0991

	گۈزەل تۇرپان !گۈل -گۈل تۇرپان !مەڭگۈ ئۆرلە جىنىم تۇرپان !!بەك بەلەن يېزىپسىز ،مەنمۇ بەك سېغىندىم!!!!