شوخ سەنەم -ھەجۋى شېئىر

Qabiljan

	شوخ سەنەم بولمايمەن دەپ مۆڭ يۇۋاش قاشنى ئاتقان شوخ سەنەم قاش ئاتقاننى سەزمىسە تاشمۇ ئاتقان شوخ سەنەم. كۈندە سەككىز تارىنىپ،مودېللاردەك ياسىنىپ، ئالتە پاتمان ئوسمىدا قاش قارايتقان شوخ سەنەم. قىچىقى بار پۇتىنىڭ،ئۇسۇل ئوينىسام دەيدۇ، ھەر كۈن ئويناپ دىبادا،كۆز چاقناتقان شوخ سەنەم. تونۇشقان مەرت يىگىتنىڭ تەكلىپىگە ياق دېمەي، بەش يۇلتۇزلۇق بىڭگەندە، قۇچاق ئاچقان شوخ سەنەم. چاچ پاسونى ئۆزگىچە،ھەر كۈن بويار ھەر رەڭدە، يۈزىنىمۇ مايمۇندەك ،سەت بوياتقان شوخ سەنەم. ئاڭلاپ قالسا يىگىتلەر،زىلۋا قىزغا ئامراقمىش، دەپ چۆرگىلەپ بازارنى، شىم تاريتقان شوخ سەنەم. كوپتىسى تار ھەم قىسقا،ھەرگىز بەلنى ياپالماس، ئشتان ئۇزۇن كاسا چوڭ،بەك تومپايتقان شوخ سەنەم. ھايالىق قىز ئورىنىپ، يامان كۆزدىن ساقلايتتى، كۆكسى يېرىم ماراقتا،ھەۋەس ئۇلغايتقان شوخ سەنەم. ئويۇنلاردىن قالمايدۇ،ھەريان قاتراپ تالمايدۇ. ياشلىق-شاشلىق دەپ ھامان،بەس تالاشقان شوخ سەنەم. بەك ئامراقتۇر تانسىغا،چۈشۈپ تۇرار ۋالىسقا، ھەممە ئەرنى ئۆز كۆرۈپ،كۆڭۈل ياشناتقان شوخ سەنەم. ئەسلى ئەرلەر قىزلارغا، كۆڭۈل ئىزھار قىلاتتى، قايرىپ شەرمى ھايانى،ئاكتىپلاشقان شوخ سەنەم. رەت قىلىنسا يىگىتتىن،ھەرگىز بولدى قىلماستىن، كۈندە توشۇپ سوۋغاتلىق،چىراي سارغايتقان شوخ سەنەم. كۆڭۈل دېگەن پادىشا،كۆيۈپ قالسا تاتىشا، دەپ ئەيىپنى دوستلاردىن،ياپماق بولغان شوخ سەنەم. ئادەم دېگەن دۇنياغا بىرلا قېتىم كېلىدۇ، ‹‹ياشلىقىڭدا يايرىۋال››دەپ تارقاتقان شوخ سەنەم. شەيتاندىن ھېچ قېلىشماس،بىر ئەرگە قاراپ تۇرماس، ئېرى ئۆيدە يوق چاغدا،كۇسۇك ئۇلغايتقان شوخ سەنەم. ئېرى بۇنى ئۇققاندا،جۈپتى بىلەن تۇتقاندا، تىللاپ ئۇنى سالپايتىپ،نىكاھ ئاجراتقان شوخ سەنەم. ئولتۇرالماي ئۆيىدە،يەنە ئەرنىڭ غېمىدە ، سەككىز ئايدا ئالتە ئەر،ساپان قاتقان شوخ سەنەم. تىلى شېرىن شېكەردەك،ئەمما دىلى زەھەردەك، كارۋاتتا مىڭ خۇلقتا،جان قاخشاتقان شوخ سەنەم. سەككىز ئەرنى يەڭگۈشلەپ،يەنە بىرنى‹‹پەرۋىشلەپ›› يۈرگەچ خەقلە ‹‹ئەرخۇمار›› دەپ ئوخشاتقان شوخ سەنەم. چىقىپ داڭقى شۆھرىتى،ئەرلەر قاچە-قاچ بولدى. كاسات بازار،ئىمكان يوق،ياش دومىلاتقان شوخ سەنەم. مەنبەسى:ئۆز قەلىمىم.

talpak

	بۇ شىئىرنى مۇنبەردىكى شوخ سەنەمگە ئاتاپ يازدىڭىزمۇ ياكى شۇنداقلا بىر ئىلھام كەلدىمۇ سىزگە .      قابىل ئاكىنىڭ تېخى شىئىر يېزىشتىمۇ ھۈنىرى مول ئىكەن    مۇنبەردىكى شوخ سەنەم كۆرسە تىرىكىپ قالارمۇ ئەمدى

kalamiy

	بۇنداق رادىفلىق (قوش قاپىيەلىك ) غەزەللەردە قاپىيە بولۇپ كەلگەن سۆزلەر توق قاپىيەدە چىقسا شېئىرنىڭ ئاھاڭدارلىقى ئاشاتتى . مۇشۇ تەرىپىگە  سەل قارالغىنىنى ھېسابقا ئالمىغاندا غەزىلىڭىز مەزمۇنلۇق  چىقىپتۇ

xohsanam886

	بەزىلەر، بۇ ھاياتتا قايغۇدىن كۈلكە ياخشى بولسىمۇ، بىراۋ قىلسا تەبەسسۇم ئاچچىڭ يۈتەر بەزىلەر. سۇ بىرەلمەس باشقىغا سۈزۈك سۇدىن خوشى يوق، تەمە قىلىپ سايلىقتا دۇغ كۆتىرەر بەزىلەر. ئەرلىك غورۇر ۋىزداننى قايرىپ قويۇپ بىر چەتكە، كۆلچەكلەرنى لىيلىتىپ سۇدا ئۈزەر بەزىلەر. بارچە ئەيىپ نۇقساننى يۈكلەپ يۇرۇپ ئۆزىگە، ئىكككى تۆتتال مىسرادا ئادەم تۈزەر بەزىلەر. ھاياتلىقتىكى مەنالار، سۈپەتلەرنى بىلمىگەچ، ئاچچىق زەرداپ سۆزلەردە يۈرەك تىلار بەزەنلەر. ئىچى قوتۇر بولغاچقا ساپاسىزلىق دەستىدىن، ياخشى گەپ سۆز، ھايانى قانداق بىلەر بەزىلەر. كۆزلىرىنى چاڭ بىسىپ كەتكەن بولغاچ ئەزەلدىن، ياخشىنىمۇ نەزەردە يامان ئىلار بەزىلەر. تاپالمىسا كەيگىلى سالاپەتلىك تون چاپان، چوكانلارنىڭ كىيمىنى كىيىپ كىلەر بەزەنلەر

joda☠

	xohsanam886 يوللىغان ۋاقتى  2013-3-30 12:47 PM بەزىلەر، بۇ ھاياتتا قايغۇدىن كۈلكە ياخشى بولسىمۇ، ئىنكاس تەھرلىنىپ بۇپتىغۇ بىردەمدە ..

xohsanam886

	joda☠ يوللىغان ۋاقتى  2013-3-30 01:04 PM ئىنكاس تەھرلىنىپ بۇپتىغۇ بىردەمدە .. بولماپتىمۇ  سىزنىڭچە؛

XERHAN

	بۇ شىئىرغا نىمە دىيىشنى بىلمىدىم ، تۈنۈگۈن مىنىڭ تىمامدا قابىلجان بىلەن شوخسەنەم گەپ تالىشىپ قاپتىكەن .  ئەمدى قارىسام شوخسەنەم ئاتلىق ھەجۋى شىئىر يېزىپ يوللىنىپتۇ . بىر بىرىمىزگە ياقمىغان تەرەپلەر بولسا قىسقا ئۇچۇر ياكى باشقا شەكىل ئارقىلىق چۈشىنىش ھاسىل قىلىپ ، ئوتتۇردىكى زىدىيەتنى تۈگەتكەن بولساق ياخشى بولاتتى . مەنمۇ ئالدىنقى بىر كۈنى باشقىلار بىلەن ئىلمىي يۇسۇندا مۇنازىرە قىلىشقا قانچە تىرىشقان بولساممۇ ئەمما  ئامال بولمىدى ، قارشى تەرەپ توختىماي تىل ئىشلىتىپ ئارام بەرمىگەچكە مەنمۇ رەدىيە بەردىم . قابىلجاننىڭ بۇ تىمىنى مىنىڭ تىمامدا بولۇنغان كۆڭۈلسىزلىك ئۈچۈن يېزىپ ئەۋەتكەن ئەۋەتمىگەنلىكىنى بىلمىدىم ، ئەمما ئالدىراش ئىشلىرىنى تاشلاپ قويۇپ بۇ ماۋزۇدا بۇ تىمىنى يوللىشى ئېنىقلا شوخسەنەم نىڭ ئاچچىقىنى كەلتۈرۈپ قويىشى مومكىن . مىنىڭچە بۇ يۇسۇندىكى تىمىلار زىدىيەتنى تېخىمۇ ئاۋىتىپ ، كۆڭۈلسىزلىك پەيدا قىلىدۇ خالاس !

kalamiy

	XERHAN يوللىغان ۋاقتى  2013-3-30 11:14 AM بۇ شىئىرغا نىمە دىيىشنى بىلمىدىم ، تۈنۈگۈن مىنىڭ تىمام ... ئارتۇق ئويلىۋالماڭ شىرخان

XERHAN

	kalamiy يوللىغان ۋاقتى  2013-3-30 01:23 PM ئارتۇق ئويلىۋالماڭ شىرخان مەنغۇ ئارتۇق ئويلىمىدىم ، قارىسام ئۇ ھەر ئىككى ئەزانىڭ كۆڭلى نازۇك ، غورۇرلۇق ئىكەن ئۇنىڭ ئۈستىگە مۇنبەر تارىخىمۇ خىلى بار ئىكەن . بەلكىم قابىلجان ئەتتىگەندىلا شىئىرغا ئىلھامى تۇتۇپ يازغان بولىشى مومكىن ، بولدىلا مەن باشقا تىمىلارنى زىيارەت قىلاي ... مۇشۇ كۈندە مۇنبەردە توختىماي بولۇنۋاتقان بىرلىككە كىلەلمەسلىك ، تالاش تارتىشلارنىڭ ئۆزۈمگە چېتىلىپ قېلىشىنى خالىمايمەن . لىكىن تىمىغا ئازراق تەكلىپ بىرەي : بەزى مىسرالىرىنىڭ بوغۇم سانى ئىگىز پەس بولۇپ قاپتۇ ، ھەجۋى پۇراقمۇ سەل كەم ساتىرا تۈسىنىمۇ ئېلىپ قاپتۇ ( بىلەرمەنلىك قىلغىنىم ئەمەس ، ئكزۈمنىڭ چۈشەنچىسى )

Qabiljan

	XERHAN يوللىغان ۋاقتى  2013-3-30 01:32 PM مەنغۇ ئارتۇق ئويلىمىدىم ، قارىسام ئۇ ھەر ئىككى ئەزانى ... شىرخان ھەقىقەتەن ئارتۇق ئويلىۋاپسىز.سىز دېگەن ئۇ قىز بىلەن ئاىشام گەپ تالىشىپ قالغىنىم راست.لېكىن مەن بۇ تېمىنى ئۇ قىزغا قارىتىپ يازمىدىم. جەمىيىتىىزدىكى شوخلۇقنى چەكتىن ئاشۇرۇۋېتىدىغان، ھايا پەردىشەپنى قايرىپ قويۇپ ئۆزىنىڭ بىر ئۇيغۇر قىزى،مۇسۇلماننىڭ قىزى ئىكەنلىكىنى ئۇنتۇپ قالىدىغان قىلىقلىرىدىن ھەممە نەپرەتلىنىدىغان ئەكى قىزلارغا ئاتاپ يازدىم.ئىلھام مەسىلىسىگە كەلسەك مەن بۇ شېئىنىڭ ئىلھامىنى ئكز بىكىستاندا ئىشلەنگەن نۇزۇەۇم ناملىق پىلىمنى كۆرۈپ شۇنىڭدىن ئالدىم دېسەم توغرا بولىدۇ.تۈنۈگۈن سۈرىان ئۇ كىنونىڭ مەنزىلگاھىنى ئىنكاس ئارقىلىق يوللاپ قويۇپتىكەن.مەن ئۇ كىنونى كۆرگەندىن كېيىن نۇزۇەۇم بىلەن جەميىتىمىزدىكى ھازىرقى بىر قىسىم قىزلارنى سېلىشتۇرۇپ كۆرۈپ ھاياجىنىم  ئۆرلەپ شۇنىڭغا يازدىم. ئەگەر سىز ەۇمان قىلغاندەك ئىش بولغان بولسا مەن شۇ سىزنىڭ تېمىڭىزغىلا داۋاملىق ئىنكاس يېزىپ چۈشىنىشنى چوڭقۇرلاتقان بولار ئېدىم.