ئەقىل يامانمۇ كۆڭۈلمۇ؟

يازغۇچى

	ئۇ: _ بولدى قىلايلى، بەرىبىر ئىشىمىز باشقا چىقمايدۇ، _ دېدى. مەن ئۇنىڭ بۇنداق دېيىشىنى بىلەتتىم. لېكىن بۇنداق تېز دەپ قېلىشىنى ئويلىمىغان ئىكەنمەن. ئادەم ئىشنىڭ ياخشى تەرىپىنىمۇ يامان تەرىپىنىمۇ ئويلىشى كېرەك. شۇڭا مەن ئەقىل بىلەن ھېسسىيات يەنى كۆڭۈل ئارىسىدا تەمتىرەپ قالدىم. ھامان ئىشلارنى ئەقىل بىلەن ئويلاپ كېلەتتىم كۆڭلۈم بۇ جەھەتتە ماڭا 200 پىرسەنت قايىل ئىدى شۇنداقلا ماڭا قول قوياتتى. ھەر دائىم بېشىنى ئېگىپ قوللىرىنى جۈپلەپ ماڭا تازىم بېجا كەلتۈرۈپ بۇيرۇقۇمنى كۈتەتتى. مەن ئەقىلنى قايرىپ قويۇپ كۆڭۈلنىڭ كەينىگە كىرىپ كەتكەنلەرنىڭ ئالدىدا ئىنتايىن مەغرۇر ئىدىم. گوياكى تىيانشان تاغلىرىدەك. لېكىن... شۇ چاغدا مەن ئىككىلىنىپ قالدىم. زادى ئەقىلگە بويسۇنۇش كېرەكمۇ ياكى كۆڭۈلگىمۇ؟ مەن ئەقىلنىڭ قېشىغا باردىم. ئۇنىڭدىن ياخشى مەسلىھەت ئېلىشقا كۆزۈم يېتەتتى. بارسەم ئۇ تاماكا چېكىپ بېشىنى تۆۋەن سېلىپ ئولتۇرۇپتۇ. سورىدىم: _ قىماردا ئۇتتۇردۇڭما؟ _ ھەئە، _ دېدى ئۇ. مەن كىمگە ئۇتتۇرغانلىقىنى پەرەز قىپ بولدۇم. بۇ ئىنتايىن ئاسان چۈنكى ئەقىلنىڭ كۆڭۈلدىن باشقا قىمارغا  يارىغۇدەك بۇرادىرى يوق. _ بۇنداق دېمە! _ دېدىم مەن زەردە بىلەن، _ سەن تالاي يىللاردىن بېرى مېنى غەم - ئەندىشىدىن، چۈشكۈنلۈكتىن، ئۈمىدسىزلىكتىن، يالغۇزلۇقتىن...قۇتۇلدۇرۇپ كەلگەن تۇرۇقلۇق ئەمدى ئاشۇ قىز بالىغا ئۇتتۇردۇڭما؟ _ ياق، ئۇتتۇرغىنى سەن! _ دېدى ئۇ بېشىنىمۇ كۆتۈرمەي، _ ئىقرار بولغىن! سەن ئۇ قىزنى كۆرگەن چاغدىن باشلاپ مېنى تاشلىۋەتتىڭ! مەن ساڭا نەسىھەت قىلاي دېسەم ئۆزۈڭ ‹‹سەن تېخى كىچىك، نۇرغۇن ئىشلارنى چۈشەنمەيسەن...›› دەپ مېنى قوغلىۋەتتىڭ. ئەمدىلىكتە مېنى نېمە قىلسۇن دەيسەن؟ مەن ئويلىنىپ قالدىم. ھەقىقەتەن ئۇ قىزنى كۆرگەندىن باشلاپ مەن ئەقىلنى قايرىپ قويغان ئىدىم. ئەقىل ماڭا ھەردائىم ھەمرا قاچان چاقىرسەم شۇ چاغدا كېلىدۇ دەپ ئويلايتتىم. شۇئان كۆڭۈلنىڭ قېشىغا باردىم. ئۇ گاڭنام ستايلىغا چۈشۈپتۇ. _ ھەجەپ خوشالغۇ سەن؟ _ ھە... سەنمۇ كەلمەمسەن؟ بىرگە ئوينايلى! _ سەن بىلەن مەسلىھەتلىشەي دەپ كەلدىم. ئۇ قىز بىلەن ئىشقا باشقا چىقمىغۇدەك لېكىن ۋاز كېچەلمەيۋاتىمەن، _ دېدىم مەن بېشىمنى سېلىپ خۇددى ئۇنىڭغا يۈز كېلەلمەيدىغان ئىش قىلىپ قويغاندەك. _ ياخشىغۇ؟ مەن قاچانغىچە ساڭا ئۇتتۇرىمەن. غەلبە تىرىشقانلارغا مەنسۇن! ئوپپا گاڭنام ستا! ئۇ يەنە ئۇسۇلغا چۈشۈپ كەتتى. ... قانچىلىك ۋاقىت ئۆتتىكىن بىلمەيمەن. مەن ئۇنىڭغا يالۋۇردۇم، ياقىسغا ئېسىلدىم، يىغلاپ باقتىم، ئۇرۇپ باقتىم، تىللاپ باقتىم...ئۇ جىڭ بىر دۆشىكەن... ھېچنېمە ئۆتمىدى. ئاخىرىدا ئۇ ماڭا ئىچ ئاغرىتىپ قالدىمۇ مۇنداق بىر ئېغىز گەپ قىلىپ قالدى: _ مەن ساڭا دەي، مەيلى ئەقىل بولسۇن ياكى مەن بولاي بىز سېنىڭ ئىككى ۋەزىرىڭ، ساڭا بويسۇنىمىز لېكىن قايسىمىزغا يېقىن بولسا شۇنىڭ گېپىنى ئاڭلىشىڭ كېرەك. _ بىلىمەن، _ دېدىم مەن ۋارقىراپ تۇرۇپ. _ ئەمسە سەن گېپىمنى ئاڭلا! ھېچكىم ئەقىل بىلەن مۇھەببەتلىشىپ بەختلىك بولغان ئەمەس. سەن ئۇتتۇردۇم دەپ چۈشكۈنلەشمە! نەچچە يىلدىن بېرى بۇرۇقتۇرما بوپ ئۆتكەن كۆڭۈلنى ئاخىرى ئازاد قىلدىڭ! ياخشى كۆرسەڭ يامان كۆرسەڭ بىز ساڭا بويسۇنىمىز! لېكىن ئىقرار بولغىنكى سەن ئۇنى ياخشى كۆرۈپ قالدىڭ. ئەقلىڭ بىلەن ھەم كۆڭلۈڭ بىلەن بۇنى ئەقىلمۇ چۇشىنىدۇ شۇڭا ئۇ سەن ئۇنى ئىزدەپ بېرىشتىن بۇرۇنلا سەندىنمۇ بەك ئازاپلىنىپ بولدى. چۈنكى ئۇ دېگەن ئەقىل، باشقا چىقمايدىغانلىقىنى بۇرۇنلا بىلىپ بولغان. سەن ئۇنىڭ بىلەن مەۋجۇت مەن بىلەن ئۇلۇغدۇرسەن! مەن ئارقامغا قايتتىم. قانداقلا ئىش بولسا ئەقىل بىلەن كۆڭۈل ماڭا ھەمرا! جېنىم، سېنى ياخشى كۆرىدىغانلىقىمنى ھەممە بىلىدۇ. مەيلى نېمە دېسەڭ..مەيلى نېمە ئويلىساڭ...لېكىن ئۇنتۇپ قالمىغىنكى قەلپ گوياكى بىر قۇلۇپكەن. ئۇنىڭ ئاچقۇچى كىمدە بولسا كىرىدىكەن. بەزىلەر 10 يىلدىمۇ كىرىپ بولالمايدىكەن ھەتتا توي قىلىپ بالىلىق بولسىمۇ چۈنكى ئاچقۇچ يوقتە؟! بىزگە ئىنتايىن قىسقا ۋاقىت بولدى. لېكىن قەلبىمنىڭ ئاچقۇچى سەندىكەن. شۇڭا سەن ئىنتايىن تېزلا كىرىپ بوپسەن. ئەمدى كىرگەن ئىكەنسەن چىقىپ كەتكۈچە قەلبىمنى قۇلۇپلاپ قويۇپ چىقىپ كەت! بولمىسا مەن يەنە كۆڭۈلگە خار بولۇپ ياشاشنى خالىمايمەن. ئادەمدە قانچە كۆڭۈل بار دەيسەن؟ پەقەت شۇ بىرلىغۇ؟

篮球美女

	ئەسلىدە ئەقىل يامان بولسا توغرا بولاتتى ...لېكىن ھازىرقى جەمىيتىمىزدە كۆڭۈل ۋە ھېسىيات مۇھىم بولۇپ قىلىۋاتقان ئشىلار بەك كۆپىيىپ كېتىۋاتىدۇ . ئەقلىمىز ئات مىنىگۈچى بولسۇن دەيمەن . ھەرگىزمۇ كۆڭۈل ، ھېسىيات دىگەنلەر ئات مىنگۈچى بولىۋىلىپ ، ئەقىلىنى ئات قىلىپ  مىنىپ يۈرمىسۇن . ئەقىل كۆزىمىز بىلەن كۆرىدىغان بولايلى ~

0000bahar

	ئەقىل بىلەن ھىسسىيات ئوتتۇرىسىدا نۇرغۇن ئادەملەرنىڭ گاڭگىرىغان، ئىككىلەنگەن ۋاقتلىرى بولغان بولىشى مۇمكىن، لېكىن يەنىلا ئەقىل ھىسساتقا  قۇل بولۇپ قالماسلىقى كېرەك دەپ قارايمەن.

tapalmidim

	ئەقىل بىلەن كۆڭۈلنىڭ توقۇنۇشىنى ناھايىتى ياخشى ئىپادىلەپ بېرىپسىز ! ئەقىل دەيدۇ :بولدى قىل ، ئۇنىڭ بىلەن مۇمكىن بولمايدۇ ،ئاخىرى چىقمايدۇ ،تەلتۈكۈس ئۇنۇت دەپ .. كۆڭۈل دەيدۇ: شۇنداقلا بەل قويۋىتەمسەن ؟ ئۆمرۈڭدە نەچچىسىگە كۆڭۈل بېرىشكە رازىسەن؟... ئەقىل بىلەن تاڭ ئاتىدۇ ،ھېسيات بىلەن تۈن كېلىدۇ ! باشلاردا ئۆز-ئۆزەڭ بىلەن تىركىشىپ كۆپ چارچايسەن ، كېيىن  كۆنۈپمۇ قالىسەن ، بىر كۈنلىرى ئادەمنىڭ ياشلىق دىگەن چاغلىرىدا بولدىغان ئىشلاركەنغۇ دەپ مېيىقىڭدا كۈلۈپ قۇيۇپ ،ئاۋالقى ناخشاڭغا غىڭشىپ كارۋانىڭنى داۋاملاشتۇرسەن !

篮球美女

	مۇشۇ تېمىغا خىلى يېقىن كېلىدىغان بىر مىكرو ئىتوت بار ئىدى . ھېلىقى رېھىم قان ئورۇنلاپ چىققان . مەزمۇنى ئايالى بار لېكىن بىر يامغۇرلۇق كۈندە بىر قىز بىلەن تونۇشۇپ قىلىپ ، ئارىىدا خىلى جىق تۇرمۇش ھىكايسى بار . كىيىن ئۇنىڭ ئايالى بىلىپ قىلىپ ... شۇنداق سەۋىرچانلىق بىلەن مۇئامىلە قىلغاندا ، ھېلىقى ئازغان قىز ئايالدىن سىز بۇنداق سەۋىرنى قەيەردىن ئۆگەندىڭىز دەپ سورايدۇ . ئايال بولسا مۇقەددەس كىتابتىن دەپ جاۋاپ بىرىدۇ . شۇ مىكرو ئىتۇتنىڭ ئىسمى نىمە بولغىيتى ، كىم ياردەم قىلىپ دەپ بىرىدۇ ماڭا ...؟

يازغۇچى

	شۇنداق. ئەقىل بىلەن ئىش قىلغان ياخشى. لېكىن ھەردائىم ئەقىل قوماندانلىق قىلىپ كېتەلمەيدىكەن. كۆڭۈل ئالدىغا ئۆتۈۋالدىمۇ بولدى ... يا تاغدىن يا باغدىن دەيدىغان گەپكەن...

يازغۇچى

	篮球美女 يوللىغان ۋاقتى  2013-3-29 12:54 PM مۇشۇ تېمىغا خىلى يېقىن كېلىدىغان بىر مىكرو ئىتوت بار ئ ... ئۇ ئىتوتنىڭ ئىسمى ‹‹نىكاھنىڭ تەمى››. لېكىن مەزمۇنى بۇ تېما بىلەن ئوخشاشمايدۇ. ئۇ ئىتوتتا ئوتتۇرىغا قويۇلغىنى ئادەمنىڭ ياخشى يامان ئىككى تەرىپى. بۇ تېمىدا بولسا ئەقلى بىلەن ھېسسىياتى.

urann

	篮球美女 يوللىغان ۋاقتى  2013-3-29 12:54 PM مۇشۇ تېمىغا خىلى يېقىن كېلىدىغان بىر مىكرو ئىتوت بار ئ ... نىكاھنىڭ تەمىيۇكۇدىكى ئادىرسى

篮球美女

	يازغۇچى يوللىغان ۋاقتى  2013-3-29 01:12 PM ئۇ ئىتوتنىڭ ئىسمى ‹‹نىكاھنىڭ تەمى››. لېكىن مەزمۇنى بۇ ... لېكىن يەنىلا خۇلاسە قىلىدىغان بولسىڭىز بىر فورمىلادىن چىقىدۇ .

ئۆل

	نىمە دەيدىغاندۇ