ۋەسلىڭسىز ئىشقىڭدا كەتسەم «شەھىد»مەن

سىراج

	ۋەسلىڭسىز ئىشقىڭدا كەتسەم "شەھىد"مەن سائىلدەك مېھرىڭگە تەلمۈرۈپ باردىم، دىل قەسرىڭ ئىشىكى ئالدىغا قانچە. زەررىچە "سەدىقە" قىلمىدىڭ پەقەت، قايتۇردۇڭ يۈرەكتىن ئاقتۇرۇپ تامچە . روھىم چۆللەردە بولدى سەرگەردان ، قەلبىمنى ئازاپلار قىلدى ھەم خاراپ . چېھرىڭنى كىبىرلەر بۇلۇتى توسقاچ   ، قەلبىمگە بىر سوغۇق ئېقىملار تاراپ . نە سەۋەپ ماڭا ھېچ سۆز قىپ بەرمىدىڭ، دىدارىڭنى كۆرسەتتىڭ -يۇ،"كۆز" قىپ بەرمىدىڭ. ھېكمەتتە-"سۆيگەننىڭ گۈلى بول" دېسە، گۈل كەبى ئېچىلىپ قۇچاق كەرمىدىڭ . ھەر كۈنى كېزەرمەن ماڭغان يولۇڭنى، خىياللار ئىلكىدە  باسقان ئىزىڭدىن. ئۈمۈتۋار ئىدىم مەن دەسلەپتە ماڭا، بەرگەن شۇ ۋەدىلەر ،قىلغان سۆزۈڭدىن. ھەيرانمەن سىرىڭنى بىلىپ بولالماي، ھەيرانمەن سېنى يا كۆرۈپ بولالماي. كەئبىدەك ئۆيۈڭنى تاۋاپ قىپ كۈندە، ھەيرانمەن ئايلىنىپ كېتىپ بولالماي . بىلمىدىم نە سەۋەپ ئېتىك ئۈن دىدار ، ئويلىنىپ تۈنلەرنى ئۆتكۈزدۈم بىدار . قاچانمۇ بال كەبى سۆزۈڭنى ئاڭلاپ ، بەخىتكە چۈمۈلۈپ كۆرىمەن دىدار ؟! بەخىتتۇر سۆيگۈمگە بولسا ئىجازەت، رازىمەن بىر ئۆمۈر چەكسەم رىيازەت. ۋەسلىڭسىز ئىشقىڭدا كەتسەم "شەھىد"مەن، قىلىمەن "بەخىت"تە جەننەت زىيارەت. خەيرى -خوش ئامان قال !سۆيۈلگەن جانان، سەن بىلەن جۆر بولۇش بولمىسۇن ئارمان . "كىبىر"لەر بۇلۇتى توسمىسۇن قۇياش، "جەننەت"سىز ھالىمىز بولمىسۇن يامان . مەنبە :ئۆز قەلىمىم

篮球美女

	ئاللاھقا بولغان مۇھەببەت يولىدا شەھىد بولۇپ كىتەي دەۋاتامسىز ياكى جانانىڭىزغا بولغان مۇھەببەت يولىدىمۇ ....؟

urann

	شەھىد دېگەن شاھىد دېگەنلىكمۇ ياكى شېھىت دېگەنلىكمۇ؟ۋە ياكى ئايرىم مەنىلىك باشقا بىر سۆزمۇ؟

AYGUZAL007

	ئاللاھقا بولغان مۇھەببەت يولىدا شەھىد بولۇپ كىتەي سۆيگەن  جانانى

guluruk

	urann يوللىغان ۋاقتى  2013-3-29 12:54 PM شەھىد دېگەن شاھىد دېگەنلىكمۇ ياكى شېھىت دېگەنلىكمۇ؟ۋە ... شېھىت دىگەن سۆزدەك قىلامدۇ؟ جانان يولىدا شېھىت بولاي دىدىمىكىن دەپ چۈشەندىم

XERHAN

	ۋەسلىڭسىز ئىشقىڭدا كەتسەم "شەھىد"مەن، قىلىمەن "بەخىت"تە جەننەت زىيارەت. بۇ مىسرالار ھەقىقەتەنمۇ سەل ئاشۇرلۇپ كەتكەندەك قىلىدۇ . مۇھەببەت دەردىدە شىھىد بولغان نەدە بار ؟ جەننەتنى زىيارەت قىلىمەن دىيىش ئەدەبىي ئەسەرلەردە تولىمۇ كەم ئۇچرايدۇ . ئاللاھ ھىدايەت ئاتا قىلغاي ، تىما ، ئىنكاس يازغاندا مەزمۇنى ئويلىشىپ ئىسلامغا مۇخالىپ كىلىدىغان سۆزلەرنى قىلىشتىن ساقلىنايلى ! .

سىراج

	ئىسلامغا مۇكەممەل كىرگەن، ئىسلامنى چوڭقۇر چۈشەنگەن ،توغرا يولغا ئەگەشكەنلەرگە ئاللاھنىڭ سالامى ۋە رەھمىتى بولسۇن،ئامىن!!! ئاللاھ بىزلەرنى قۇرئاننى بىلىشىمىز، ئۇنىڭ مەنالىرىنى چۈشىنىشىمىز ھەم ئۇنىڭغا ئەمەل قىلىشىمىزغا مۇيەسسەر قىلسۇن،يەنە بىزلەرنى رەسۇلۇللاھ(سەللەللاھۇ ئەلەيھى ۋەسەللەم )نىڭ ھەدىسلىرىنى بىلىشكە، ئۇنى كامىلراق چۈشىنىشكە ھەم ئۇنىڭغا ئەمەل قىلىشقا مۇيەسسەر قىلسۇن ئامىن!!! مەن ئالدى بىلەن ئاللاھتىن بىلىپ،بىلمەي قىلغان گۇناھلىرىم ئۈچۈن ئەفۇ-كەچۈرۈم سورايمەن! مېنىڭ «ئاقىبىتىم»گە كۆڭۈل بۆلگەن يېقىنلىرىم،سۆھبەتداشلىرىم بولغان مۇنبەرداشلىرىمغا ئاللاھ دۇنيادا كۆيۈنسۇن،ئاخىرەتتە مۇئمىنلەر قاتارىدا رەھىم قىلسۇن،ئامىن!!! قەدىرلىك مۇنبەرداشلار، نېمە دەي؟...ھەقىقەتەن تېما، ئىنكاسلارنى ئاقىبىتىنى ئويلىشىپراق يازمىساق بولمايدۇ. تېما ۋە ئىنكاسنى ئۆزىمىزنىڭ ئەقلىگىلا،خاھىشىغىلا سۆيىنىپ تۇرۇپ ئەمەس بەلكى ھەقىقەتكە يۆلىنىپ تۇرۇپ يېزىشىمىز كېرەك. بىر قىسىم تېما،ئىنكاسلار ھەقىقەتكە ۋە ياكى بىزنىڭ ئەقلىمىزگە توغرا كەلمەيۋاتقان .بىر قىسىملىرىغا بولسا بىزنىڭ ئەقلىمىز ۋە يا بىلىم-سەۋيىمىز توغرا كەلمەيۋاتقان.يەڭگىللىك، ئالدىراڭغۇلۇق ، سەۋەپلەردىن ئىناق-ئىتتىپاقلىق «دەرىخىمىز»گە«پالتا»چېپىلىۋاتقان ھالدا مۇنبەردە «جەڭ»لەر بولىۋاتىدۇ. مۇنبەرداشلارنىڭ ئەمدىلىكتە مېنىڭ بۇ تېمام ئۈستىدە "جەڭ" قىلماسلىقىنى ئۆتۈنىمەن! «ۋەسلىڭسىز ئىشقىڭدا كەتسەم ‹شەھىد›مەن» دېگەن بۇ سۆزۈمنىڭ ئىسلامىي ئاساسى بار. مەن ھەم ئىسلام دىنىمنى يوقارقى ئىنكاسلارنى يازغانلاردىن بىر قەدەر كامىلراق چۈشىنىشىم مۇمكىن دەپ ئويلايمەن. بىز ئىنسانلارنى ئەر-ئايال قىلىپ ياراتقان زات ئاللاھ، ئىنسانلار،جۈملىدىن ئەر -ئاياللار ئوتتۇرسىدا بىر- بىرىنى ياخشى كۆرىدىغان(پەقەت ئاللاھ ئۈچۈن ياخشى كۆرۈش __ ئەڭ ئالىي -ئۈستۈن ياخشى كۆرۈشتۇر)مېھرى-مۇھەببەتنى ھەم ياراتتى ...... «ئىشىق»_ مۇھەببەت ئىچىدە ئەڭ يوقۇرى پەللىگە چىققان ياخشى كۆرۈشتۇر. ئىسلامدا «بىر ئەر بىرئايالنى ياكى بىر ئايال بىر ئەرنى ياخشى كۆرۈپ ئۇنىڭغا يېتەلمەستىن ئۇنىڭ ئىشقىدا ئۆلۈپ كەتسە ‹شەھىد›كېتىدۇ» دېگەن مەزمۇن بار. ئىزاھات:ئىسلام دەۋاتقان يوقارقى «ئەر-ئايال»چۇقۇم ئىسلام ئىچىدىكى مۇسۇلمان ئەر-ئايالنى كۆرسىتىدۇ. ئىسلام دەۋاتقان «ياخشى كۆرۈش» چۇقۇم «ئاللاھ ئۈچۈن ياخشى كۆرۈش،ئاللاھ ئۈچۈن يامان كۆرۈش»تىكى ياخشى كۆرۈشنى كۆرسىتىدۇ.مانا بۇ ياخشى كۆرۈش ئىسلام بەلگىلىمىللىرى دائىرىسى ئىچىدىكى ياخشى كۆرۈشنى كۆرسىتىدۇ. شېئىرىمنىڭ  مىسرالىرىدىكى سىلەر غۇلغۇلا قىلىۋاتقان «ھەقىقەت»لەر مېنىڭ خاھىشىمدىكى شەھىدلىك مەقامى ۋە بۇ مەقامغا(ئورۇنغا) ئېرىشكەندىن كېيىنكى مېھرىبان ئاللاھنىڭ بېرىدىغا مۇكاپاتى بولغان «جەننەت زىيارىتى»بولماستىن بەلكى ئىسلام ئېيتىۋاتقان «شەھىدلىك مەقامى ۋە جەننەت زىيارىتى »دۇر. مەن ئاللاھ خالىسا بۇ مەزمۇنلارغا قىزىقىۋاتقان مۇنبەرداشلىرىمنى ،«ئىسلامدىكى ھايا،مۇھەببەت، ئىشىق» ۋە باشقا ئەر-ئاياللارغا مۇناسىۋەتلىك بولغان مەسىلىلەر توغرىسىدا مەخسۇس تېمىدا كونكىرتنى مەزمۇندا ماتىرياللاربىلەن مۇنبىرىمىز ئارقىلىق تەمىنلەيمەن. مۇنبەرداشلىرىمنىڭ سەبىرچان بولۇشىنى ئۈمۈت قىلىمەن.! پەيغەمبىرىمىز "ئىنسان بالىسى بولاركەن ھەممىسى خاتاكاردۇر، ياخشىسى خاتالىقىنى تۈزەتكەنلەر"دېگەنكەن. مەن ھەم ئىنسانمەن،پەيغەمبىرىمىزنىڭ گۇۋاھلىقى بىلەن  ،خاتادىن ئەلۋەتتە خالىي ئەمەسمەن. خاتالاشقان بولسام تۈزىتەي. بەلكىم شېئىرىمدىكى مەزمۇنلار سىلەرنىڭ ئەقلىڭلارغا توغرا كەلمىگەن بولسا كېرەك،ۋە ياكى سىلەرنىڭ ئەقلىڭلار مېنىڭ شېئىرىمدىكى مەزمۇنلارغا توغرا كەلمىگەن بولسا كېرەك.