ماشىنىغا چىققاندا باش قېيىش كېسەللىكمۇ؟

13629982958

	ماشىنىغا چىققاندا باش قېيىش كېسەللىكمۇ؟ ماشىنىغا چىققاندا باش قېيىش، كۆڭۈل ئېلىشىش، باش ئېسىلىۋالغاندەك بولۇپ بىئارام بولۇش، ياندۇرۇش قاتارلىق ھادىسلەر خېلى كۆپ كىشىلەردە يۈز بېرىدۇ.      بۇنداق  ئەھۋالغا يولۇققاندا بەزىلەر كۆزىنى چىڭ يۇمىۋېلىپ ئاغزىنى ئېچىشقىمۇ پېتىنالماي  شۈكلىشىپ ئولتۇرىدۇ، ئەمما مەنزىلگە يەتكەندىن كېيىن خېلى ئۇزاققىچە يەر  چۆگىلەۋاتقاندەك ھىس قىلىپ ئارامسىزلىنىدۇ.      بەزىلەر ئاپىسلىننىڭ پوستىنى  پۇراپ ئولتۇرسا سەل ئارام بەرگەندەك بولىدۇ، لىكىن ئۇمۇ ۋاقىتلىق مەنپەئەت  قىلىدۇ. بەزىلەر مەخسۇس دورا ئېلىپ ئىچىپ ئاندىن ماشىنىدا ئولتۇرۇپ سەپەر  قىلىشقا توغرا كېلىدۇ بىراق ئۇنىڭ ئادەم بەدىنىگە بولغان زىيىنى ئىنتايىن  كۆپ.      يەنە بەزىلەر كىندىككە پىلاستىر چاپلاپ ئولتۇرۇپ سەپەرگە چىقىدۇ،  ئۇنىڭمۇ ئۈنۈمى دېگەندەك بولمايدۇ....      ئۇنداقتا بۇ خىل ئەھۋال كېسەللىك  ھېسابلىنامدۇ؟ ئۇنى قانداق داۋالاش كېرەك؟ ماشىنىغا چىققاندا بېشى قېيىپ كۆڭلى  ئېلىشىش ئۇ بىر چوڭ كېسەللىك بولمىسىمۇ ئەمما كىشىنى ئارامسىزلاندۇرىدىغان ئىش،  ئۇمۇ بىرىنچىدىن ئېرسىيەت بىلەن مۇناسىۋەتلىك بولىدۇ. ئىككىنچىدىن ئۇزاق مەزگىللىك  كەم قانلىق كېسىلىگە گىرىپتار بولغانلاردا كۆپ كۆرۈلىدىغان ئەھۋال. يەنە بىرى B  گورۇپ ۋىتامىن يىتىشمەسلىك، كالتسىي يىتىشمەسلىك،  قان ئاجىزلىق ۋە بەدەندە بەلغەم  خىلىتى ئېشىپ كېتىش شۇنداقلا بەدىنىدە كېرەكسىز نەرسىلەرنىڭ يىغىلىۋېلىشى سەۋەبلىك  بولىدۇ.      ئۇنداق كىشىلەر ماشىنىغا چىققاندا ھەر خىل چارە - تەدبىرلەرنى  ۋاقىتلىق قوللانسىمۇ بۇ خىل بىئاراملىقتىن قۇتۇلالمايدۇ، شۇڭا قان تولۇقلاشقا،  ۋىتامىن تولۇقلاشقا، كالتسىي تولۇقلاشقا قىسقىسى ئىممۇنىتىت كۈچىنى يۇقۇرلىتىشقا  ئەھمىيەت بېرىشى كېرەك. ئۇنىڭدىن باشقا بەدەندىكى كېرەكسىز نەرسىلەر تازىلاش  ئوزۇقلۇقلىرى ئىستىمال قىلىپ تەڭشەش ئېلىپ بېرىشى ۋە بەدەن ساپاسىنى يۇقۇرى  كۆتۈرۈشى لازىم. مەنبە  : شىنجاڭ گىزتى

zulfay

	مېنىڭمۇ ماشنىغا چىقسام شۇنداق بېشىم قايىدۇ. ياخشىراق بىرەر ئامالى يوقكەندە.

Zaboy

	ئامال بار. سەي كۆكتات يېمەيدىغان ئادەتلەرنى توختىتىپ، مېۋە- چىۋە يېيىش ئادىتىنى شەكىللەندۈرۈش كېرەك

AYGUZAL007

	مەنمۇ   شۇ ماشىنىغا    چىقسام  يانچۇقۇمغا   تۇت   بەش   خالتا   سەپ   چىقىمەن

kaqvr

	anatil33 يوللىغان ۋاقتى  2013-3-27 06:53 PM ماڭا ئاتاپلا يازغان تىمىكەندە ماۋۇ مەنمۇ قايسى كۈنى تا ... ماۋۇ ئىنكاسىڭىزغا قاراپ مەنمۇ ..........ھېي بولدىلا . تىل ئىشلىتىشمۇ بىر خىل سەنئەت . ئامال بار سىلىق ، ياخشى سۆزلەرنى ئىشلەتكىنىمىز تۈزۈك . ماشىنىغا چىقىشتىن ئىلگىرى ئىككى قوشۇق ئاچچىقسۇ ئىچىۋەتسىمۇ بىئارام بولمايدۇ دەپ ئاڭلىغان مەن .

Umidim

	تىمىدا ئوتتۇرىغا قويۇلغانلىردىن باشقا تەجربىدىن ئۆتكەن«مەخپى رىتسىپ »تىن بىرنى ئاشكارىلاي : 1، ماشىنىغا چىققاندىكى سەپىرىڭىز بەك ئۇزاق بولسا چوقۇم ئېغىر، ھەزىم قىلىش تەس تاماقلارنى يىمەڭ ھەم تاماقنى ئادەتتىكىدىن ئازراق يەڭ ، ئاشقازان يەڭگىل بولسۇن ؛ چاينىمۇ كۆپ ئىچىۋالماڭ . مۇمكىن بولسا يىمەكلىكلەرنى ئىلىۋىلىپ مەنزىلگە يەتكەندە ياكى يەتكۈچە ئارىلىقتا ئاز-ئازدىن تولۇقلىسىڭىز بولىدۇ . 2، ماشىنىغا چىقىشتىن بۇرۇن ئاچچىقسۇدىن بىرەر-ئىككى يۇتۇم ئىچىۋىتىڭ ياكى قارا ئۆرۈك ، دولانە دىگەندەك تەم سىزىمىڭىزنى ئۆزگەرتىدىغان چۈچۈمەل نەرسىلەردىن يانچۇققا سىلىۋىلىپ شۈمۈپ بىرىڭ (زەنجىۋىل ياكى گۈلە شۈمۈپ بەرسىمۇ بولىدىكەن ، لىكىن جىگىرىنىڭ دەردى بارلار ، ئىسسىقلىق ياقمايدىغانلار بۇنى ياخشىسى قوللانماڭ ) 3،يۇقارقى شارائىتلار بولمىغان چاغدا قولىڭىزغا رادىئو ياكى م پ 4 ، م پ 5 ۋە ياكى ئايپەدلەر بولسا تىڭشىغۇچتىن بىرنى قوشۇپ ئىلىۋالىسىز ، ماشىنىغا چىققان ھامان  تىڭشىغۇچنى قۇلاققا سىلىپ ئاۋازىنى چىڭراق قىلىپ قويۇپ تىڭشاپ ئولتۇرىسىز ---يەنى دىققىتىڭىزنى باشقا ئىشقا بۇرايسىز ، ئەلۋەتتە رادىئودىن باشقىلىرىغا ئۆزىڭىز ياقتۇرىدىغان ناخشا-مۇزىكا ، كىنو ياكى ئىپىزوتلاردىن قاچىلانغان بولىدۇ ~(بۇ ئۇسۇل ياقمىغانلار مانىڭغا پەتىۋا چىقىرىشقا ئالدىرىماڭ ، ئەگىپ ئۆتۈپ كەتسىڭىزلا كۇپايە ) شۇنىڭ بىلەن ماشىنا بىلەن بولغان ئازاپلىق سەپەر سىزنى بىئارام قىلالمايدۇ~

intikam

	رەھمەت ئەھمىيەتلىك  ياخشى تىمىكەن.

ئەلشاھ

	ئادەتتە كۆپىنچە ئەھۋاللاردا كەم قانلىق بىلەن  باش قېيىش يۈز بېرىدۇ. لېكىن ياشتا بەك چوڭ بولمىسا ئىلاڭگۇچ ئۇچۇش ئارقىلىقمۇ بۇ خىل كېسەللىكنى يوقاتقىلى بولىدۇ. مەن نەچچە يىلنىڭ ئالدىدا توردىن كۆرۈپ ھاممامغا تەۋسىيە قىلغانىدىم، 40ياشتىن ئاشقان ھاممام باشتا ئۇنىماپتىكەن، بالىلىرى زورلاپ ئۇچۇرۇپتۇ. (ھەر قېتىم بىر يەرگە بارساق بارغىلى ئۇنىمايسە دەپ)كېيىن ھەر كۈنى بەش ئون مىنۇت ئۇچۇپ بېرىپتۇ. تۆت بەش ئايدىن كېيىن ماشىنىغا ئىككىلىنىپراق چىقىپتىكەن، بۇرۇنقىغا قارىغاندا خېلىلا تۆۋەنلەپتۇ، شۇنىڭ بىلەن سەپەردىن كېلىپلا بالىلىرى زورلىمىسىمۇ ئۆزلىگىدىن ئۇچىدىغان بولۇپ، ھازىر قەشقەرگە بارغۇچىمۇ بېشى قايمايمىش (قەشقەرگە بېرىشتا ئابتوبوستا 4-5سائەت ئولتۇرىدۇ) ئەلۋەتتە بۇ خىل ئۇسۇل ھەممەيلەنگە ماس كېلىشى ناتايىن، ھەممىدىدىن مۇھىمى كۆپرەك بەدەن چېنىقتۇرۇپ بەدەن سۈپىتىنى ئۆستۈرۈش كېرەك.

salkindax

	ئەڭ ئالدى ئورۇندا ئولتۇرۋىلىپ چىكەتكىدەك يولغىلا قاراپ ئولتۇرىمەن

ئۆل

	بۇ كېسەللىك ئەمەس ..زىيادە سەزگۈرلۈك .