مەرھابا 30يىل

زۇمرت

	(قەدىردان ئاتا-ئانامنىڭ 30يىللق توي خاتىرە كۈنىگە بىغىشلايمەن) بۇندىن 30 يىل مۇقەددەم يەنى 1983-يىلى3-ئاينىڭ26-كۈنى دەل مھرىبانلىرىمنىڭ قۇتلۇق توي مەرىكىسى ئۆتكۈزۈلگەن ئىكەن. ئەنە شۇ كۈندىن باشلاپ ئانامنىڭ 40تال ئۆرۈمە چېچى بىر تال قىلىپ ئۆرۈلۈپ رەسمى ھالدا ئاياللىق بوسۇغىسىغا قەدەم قويغان ئىكەن. دادامنىڭ ئەسلەپ بېرىشىچە ئەينى ۋاقىتتائەمدىلا 19 ياشنىڭ قارىسىنى ئالغان ئانامنىڭ چىھرىدىن نۇر يېغىپ بەخىت ،خۇشاللىق ئىچىدە شاتلىنىپ كۈلگەن ئىكەن. يەنە دەل شۇ كۈنى قەدىردان دادامنىڭ يەلكىسىگە ئائىلىدىن ئىبارەت مۇستەھكەم قورغاننىڭ ئېغىر يۈكلىرى يۈكلىنىپ رەسمى ھالدا تۈرۈكلۈك ۋەزىپىسىنى ئۈستىگە ئالغان ئىكەن. "شۇ كۇنى مەن ئۆزۈمنى دۇنيادىكى ئەڭ بەخىتلىك قىزدەك ھېس قىلغان ئېدىم .چۇنكى داداڭلار ماڭا ئۆزىنڭ اللاھ ئۆز ئامانىتىنى ئالغانغا قەدەر ۋاپادار بولۇپ مىنى بەخىتلىك قىلىدىغانلىقى توغرىسىدا قەسەم قىلغان ئىدى.... "دەيتتى ئانام زوقمەنلىك بىلەن دادامغا قاراپ قويۇپ. .... 30يىللىق جاپا -مۇشەققەت،30يىللىق بەخىت-سائادەت،30يىللىق مېھرى -مۇھەببەت.... مانا بۇ يىل دەل بۈگۈن 30يىل بوپتۇ،بۇ 30يىللىق مۇساپە دادام بىلەن ئانامنى گاھ خۇشال قىلسا گاھ قايغۇرتۇپ،گاھ كۈلدۈرسە گاھ يىغلىتىپ ئۇلارغا ئۆزلىرى ئويلىغان ھەم بەزىدە ئويلاپ باقمىغان بەخىتلەرنى،خۇشاللىق ھەم خاپىلىقلارنى ئەكىلىپ بەردى... مانا بىز 4پەرزەنىت دەل ئۇلارنىڭ 30يىللىق شانلىق مۇساپىسىنىڭ گۇۋاھچىسى .ھالا بۈگۈنگە كەلگەندە بىز 4پەرزەنىت خۇددى بىر تۈپ كۆچەتتىن كۆكلەپ چىققان 4تال شاخقا ئوخشاش ئىمانلىق ،ئىنساپلىق ،ساغلام ۋە ئەقىللىق چوڭ بولدۇق. ئەنە شۇ مىھرىىبانلىرىمىزنڭ كۆيۈنۈپ پەرۋىش قىلىشى بىلەن بىزمۇ چىچەكلەپ مېۋە بېرىش ئالدىدا تۇرۇپتىمىز،جاپاكەشلىرىمىزنىڭ كىچە-كۈندۈز تىرىشىپ-تىرمىششى بەدىلىگە بىز 4پەرزەنىت دۆلەت ئىچىدىكى داڭلىق ئۇنىۋىرستىتلارغىچە ئۇزىتىلىپ ئالي بىلىم يۇرتلىرىدا خاتىرجەم بلىم ئېلىش پۇرسىتىگە ئىگە بولدۇق،ھەم ئۆزىمىزگە تىگىشلىك بولغان يوللارغا ئات سالماقتىمىز. ..... دانىش سۈپەت دادام بىزگە قەيسەر ،چىدامچان،يىڭىلمەس،غەيرەتلىك بولۇشنى،باشقىلارغا تىز پۈكمەسلىكنى ئۆگەتتى.... پەرىشتە سۈپەت ئانام بولسا كۆيۈمچان،ۋاپادار،ئاق كۆڭۈل،ئەپۇچان،سەۋىرچان بولۇشنى،ئېسىل خىسلەتلىك بولۇشنى ئۆگەتتى....                            مەرھابا30يىلىڭ جۈپ قەدىردانلار،                           مەرھابا سەن پۈتكەن ئېسىل داستانلار.                            مەرھابا30يىللىق شانلىق تارىخىڭ،                           مەرھابا پورەكلەپ ئېچىلغان گۈلۈڭ. ۋاپادارلىق ،ئىشەنچ،ۋە مىھرىبانلىق بىلەن باغلانغان رىشتە..... مەرھابا 30يىللىق قۇتلۇق كۇنۇڭلار،مەرھابا مەرۋايىت تويۇڭلار،مىھىر مۇھەببىتىڭلارنىڭ تامچىلىرى بولغان بىز پەرزەنتلىرىڭلار قادىر اللاھ ئىگەمدىن سىلەرگە بىر ئومۈرلۇك خۇشاللىق ،ئىناقلىق،بەخىت-سائادەت،ئۆمرۈڭلارغا بەركەت تىلەيمىز،ئلاھىم مەرۋايىت تويۇڭلار ئالتۇن تويلارغا ،ئالتۇن تويۇڭلار بىر ئۆمۈرلۈك ئالماس تويلارغا ئۇلاشقاي....                                2013-يىلى3-ئاينىڭ26-كۈنى                                                                           ئايمنىسا تۇرسۇن.(چاڭچۈن)

AYGUZAL007

	30يىللىق جاپا -مۇشەققەت،30يىللىق بەخىت-سائادەت،30يىللىق مېھرى -مۇھەببەت....

سەفەر

	ئاتا -ئانىڭىزنىڭ  30 يىللىق توي مەرىكىسىنى قىزغىن تەبرىكلەيمەن ، بۇنىڭدىن كېيىنكى ئۆمرىگە ،بەخت  تىلەيمەن ، اللاھ قەلبىگە ئىماننى ھەمرا قىلسۇن .

XERHAN

	yamgurluk يوللىغان ۋاقتى  2013-3-26 11:52 PM ناھايتى تىما بىلەن پەقەتلا مۇناسىۋىتى يوق گەپتىن بىرن ... سائىتىگە 900 تال چۆچۈر تۈگسە تەخمىنەن مىنۇتىغا 15 نى تۈگىدىكەن . ھەرقاچان تەييار كەسلەگلىك خىمىرنى ۋە تەييار قىيمىنى سالسا ئاندىن تۈگىدىغاندۇ ، بۇنداق بولغاندا قولدا تۈگگەن بىلەن ۋاقىت پەرقى ئانچە چوڭ بولمايدىكەن . يەنى تەييار جىلتە ۋە قىيمىنى ئالدىغا ئەكىىلپ قويۇپ قولىدا تۈگسىمۇ تەخمىنەن مىنۇتىغا 15 نى تۈگگىلى بولىدۇ ، قولى چاققان ئادەم بولسا ئۇنىڭدىنمۇ ئاشۇرۋىتىشى مومكىن . ئۇنىڭ ئۈستىگە ئۇ ماشىنىنى بىر ئادەم باشقۇرۇپ تۇرمىسا بولماس ، يەنە ئۇنىڭغا كەتكەن توك سەرپىياتىنى ھىساپلاپ كۆرگەندە يەنىلا قولىدا تۈككەن ئەۋزەل ھەم ئەرزان توختىغىدەك .... يۇقارقىسى مىنىڭ شەخىسى كۆز قارشىم ، ئەمدىكى سۇئالىڭىزغا قارىتا پاتېنىت ھوقۇقى تەلەپ قىلىدىغان مەھسۇلات چوقۇم ئىجاتچانلىققا ئىگە بولىشى ، ئۇنى ۋە ئۇنىڭغا ئوخشاپ قالغان مەھسۇلاتلار بۇرۇن بارلىققا كەلمىگەن بولىشى كىرەك . ئەڭ ھالقىلىق يېرى شۇ خىلى مەھسۇلاتنى كەڭ خەلق ئاممىسى قوبۇل قىلالىشى ۋە ئارتۇقچىلىقىنى ھىس قىلالىشى كىرەك . مۇشۇنداق بولغاندىلا ئۇ خىلى مەھسۇلات پاتېنىتقا ئىرىشپ ، زاۋۇتلاردا ئىشلەپچىقىرلىشى مومكىن . بۇ چۆچۈرنى بىزنىڭ دىيارىمىزدا كەڭ ئىستىمال قىلىمىز ، ئەگەر پۈتكۈل جۇڭگۇ ئىلىنىڭ تامىقى بولۇپ قالغان بولسا يەنە ئۇ ئوي تېخىمۇ ئاسانغا توختىغان بولاتتى . مەن پاتېنىتنى قانداق تەلەپ قىلىشنى بىلمەيدىكەنمەن ، شۇڭا مەسلىھەت بىرەلمەيمەن . ئەمما مەزكۇر مەھسۇلاتقا يەنىمۇ ئىش قوشۇپ تېخىمۇ ئارتۇقچىلقىنى ئاشۇرىڭىزنى ئۈمىد قىلىمەن .

گۈلچۈشى

	ئاتا ئانىڭىزنىڭ 30 يىللىق توي مەرىكىسىنى قىزغىن تەبرىكلەيمەن !

زۇمرت

	سەفەر يوللىغان ۋاقتى  2013-3-27 02:17 AM ئاتا -ئانىڭىزنىڭ  30 يىللىق توي مەرىكىسىنى قىزغىن تەبرى ... تىلىگەن ياخشى تىلەكلىرىڭىزگە كۆپ رەخمەت.اللاھ ھەممەيلەننىڭ ئاتا -ئانىلارىنى سالامەت قىلغاي....

زۇمرت

	گۈلچۈشى يوللىغان ۋاقتى  2013-3-27 10:40 AM ئاتا ئانىڭىزنىڭ 30 يىللىق توي مەرىكىسىنى قىزغىن تەبرىك ... سىزگە كۆپ رەھمەت....

زۇمرت

	AYGUZAL007 يوللىغان ۋاقتى  2013-3-27 12:51 AM 30يىللىق جاپا -مۇشەققەت،30يىللىق بەخىت-سائادەت،30يىللىق  ...