ئانا تىلىم (قۇتلۇق ھاجى شەۋقى)

yulghunjan

	ئانا تىلىم قۇتلۇق ھاجى شەۋقى(1876- 1937) ئانا تىل بىلگەن كىشىنىڭ ئىززىتىنى قىلغۇم كېلۇر. ئانا تىلنى ئاغزىدىن ئالتۇن بېرىپ ئالغۇم كېلۇر. بۇ ئانا تىل بولسا گەر ئامېرىكايۇ، ئافرىقىدا، سەرپ ئېتىپ مىڭلارچە تىللار ، ئاندا مەن بارغۇم كېلۇر . ئەي ئانا تىل ، بىزگە سەن ئۆتكەن ئۇلۇغلاردىن نىشان. سەن بىلەن روھى زېمىندا ئىپتىخارلانغۇم كېلۇر قوي مۇ سەن قوزىمۇ سەن ياكى ھەسەل بىلەن قېمىز ، بۇ مەسەللىك نەرسىنىڭ بىرسىگە ئوخشاتقۇم كىلۇر ، ئۆز ئاتاسى ئۆز ئاناسى ئۆز يۇرتىدىن تانغانلارنى ، راسا قاتتىق چەملىك كەشىم بىلەن ئۇرغۇم كىلۇر ، بىر قىلىچ بەرسە خۇدا،<<كەس!>>دەپ ئۇنىڭغا بۇيرۇسام، ئۈزسە خەلىقنىڭ بوينىدىن خارلىق كىشەن-زەنجىرىنى. گەر خارابكەن ئەل-ۋەتەن،كاللامنى ئۈزسۇن ئۇ قىلىچ، كۆرمىسۇن شەۋقى كۆزى قۇللۇقتا ئەل تەقدىرىنى. ياتۇر كۆرمىگىل قەشقەرنى كەم بۇ جايدا مەردانلار ياتۇر، ھەزرىتى سۇلتان ساتۇق بۇغرايى خاقانلار ياتۇر. خەلق ئۈچۈن قۇربان بولۇپ، دۈشمەن بىلەن قىلغان كۈرەش، ئول شەھىدۇ قەھرىمان ئالىپ ئارسىلانلار ياتۇر. نۇر چېچىپ «قۇتادغۇبىلىك» خەلقنى قىلغان بەختىيار، خاس يۈسۈپ ھاجىپقا ئوخشاش ئەھلى ئىرپانلار ياتۇر. يادىكار ئەيلەپ جەھانغا يازدى «دىۋانى لۇغەت»، مەھمۇدىل قەشقىرى كەبى ئەھلى شەرەپشانلار ياتۇر. ئەيلىگەن شەۋقىنى مەپتۇن ئەل ئۈچۈن نۇرلار چېچىپ، بۇ شەھەردە كۆپلىگەن خەلق ئوغلى ئىنسانلار ياتۇر.

hrustal

	ئەسسالامۇ ئەلەيكۇم، مەن مۇشۇ قۇتلۇق ھاجى شەۋقى ئاكىمىزنىڭ مۇشۇ شېئېرلىرنى ئىزدەپ يۈرەتتىم ، تىلى ئىخچام، مەنىسى دېڭىزدەك چوڭقۇر،   ئادەمنىڭ قەلبىنى چەكسىز ھاياجان ۋە لەرزىگە سالىدىغان شېئرلا......شۇ ۋاقىتلاردا ئوقۇۋاتقان ئوقۇغۇچىلارنىڭ بىرى بوپ قالسامچۇ.... ھەممە شېئىرى مۇشۇمىدۇ؟ داۋامى ياكى بېشى يوقما؟  ھېچ بولمىسا مۇشۇلا بولسىمۇ بىزگە يېتىپ كەپتۇ، كۆمۈلۈپ قاممىغاي، تېما ئىگىىسگە كۆپ تەشەككۈر

hrustal

	يەنىمۇ باشقا شېئرلىرى بولسا يوللاپ قويسىڭز بەكمۇ ياخشى بولاتتى ۋە ياكى شۇنىڭغا ئائىت ئۇچۇرلا بولسا ماڭا ئادرىسىنى يوللاپ بەرسىڭز

ھۆكما

	ئانا تىلىمىزنى قوغداش ھەربىر ئۇيغۇرنىڭ باش تاتىپ بولماس مەجبۇرىيىتى. شۇڭا ھەممىمىز ئۆز ئائىلىمىزدىن باشلاپ تىلىمىزنىڭ ساپلىقىنى قوغدايلى.    رەھمەت!

yulghunjan

	hrustal يوللىغان ۋاقتى  2013-3-25 04:12 PM ئەسسالامۇ ئەلەيكۇم، مەن مۇشۇ قۇتلۇق ھاجى شەۋقى ئاكىمى ... باشقا شېئىرلىرىمۇ بولۇشى مۇمكىن. بىراق مەن مۇشۇ ئىككى پارچە شېئىرىنى تاپقان ئىدىم. مۇنبەرگە يوللاپ قويدۇم.

hrustal

	yulghunjan يوللىغان ۋاقتى  2013-3-25 05:07 PM باشقا شېئىرلىرىمۇ بولۇشى مۇمكىن. بىراق مەن مۇشۇ ئىككى ... ھە..،  رەخمەت مەنمۇ شۇ ياتۇر دىگەن بىر شېئرنىلا ئوقۇغانتىم، بەكلا ئىزگۈ شېئرلاكەن ، چوقۇم باش ئاخىرى با توپلام بولۇشى مۇمكىن دەپ ئويلىغان ، ئابدۇقادىر داموللام ھەققىدە قىسسە دىگەن كىتابتا شۇ بىر نەچچە كۇبلىتىلا باكەن ، -بالىلارنىڭ جاراڭلىق ئاۋازدا ئوقۇۋاتقان ئاۋازى پۈتۈن مەكتەپنى لەرزىگە سالغان ھالىتى، بەك ھاياجانلانغانتىم ، تېپىلىپ قالا

qut

	anatil33 يوللىغان ۋاقتى  2013-3-25 04:36 PM مەنمۇ ئەتراپىمدا ساپ ئانا تىلدا پاراڭلاشقان كىشىلەرنى ... مىنىڭ ئالدىمغا خېرىدا  كىلىپ بىر ئېغىز خەنزۇچە سۆزلىسە 10 كويغا ساتىدىغان نەرسىنى 15 كويغا ساتىمەن  شۇنداق ئارلاشما تىلا سۆزلەيدىغان ئادەمگە بەك ئۆچ مەن

abaytarim

	ئۇيغۇر شېئىرىيىتىمىزدىكى ئەڭ نادىر شېئىرلاردۇر ...

ewahxi

	بۇ كىم ئەمدى مەن ئەجەپ بىلمەيدىكەنمە لىكىن بۇ شىئىر بەك ياخشى يىزىلىپتۇ جۇمۇ