ۋاز كېچىشنىمۇ ئۈگىنىۋېلىڭ

ئەنـۋەر

	ۋاز كېچىشنىمۇ ئۈگىنىۋېلىڭ                                    ( نامانجان ياسىن)         يېڭى ئېچىلغان تاغ گۈلىگە ئېرىشىش ئۈچۈن راھەتبەخش سەھەردىن ۋاز كېچىشىڭىزگە،  تاغقا ياماشقۇچى ئەزىمەت بولۇش ئۈچۈن يۇمران-ئاپپاق تېرىڭىزدىن ۋاز كېچىشىڭىزگە،  مەڭگۈلۈك ئالقىشقا ئېرىشىش ئۈچۈن ئابرۇيپەرەسلىكتىن ۋاز كېچىشىڭىزگە توغرا كېلىدۇ.        تۇرمۇش گاھىدا سىزنى ھوقۇقىڭىزنى ئۆتكۈزۈپ بېرىشكە،  پۇرسەتنى قولدىن بېرىشكە،  ھەتتا مۇھەببەتتىنمۇ ۋاز  كېچىشكە مەجبۇرلايدۇ.  ئېرىشىمەن  دېگەن نەرسىڭىزنىڭ ھەممىسىگىلا ئېرىشەلىشىڭىز ناتايىن.  شۇڭا،  تۇرمۇشتا ۋاز كېچىشنىمۇ ئۆگىنىپ قويىشىڭىز كېرەك.        كەچكى شەپەق ياتمىسۇن دېيىش ساراڭلىق،  كەچكىچە ياشلىق باھارىدىن ئاھ ئۇرۇپ يۈرۈش ئەخمەقلىق.  ھەممە نەرسىگە ئېسىلىۋالىدىغان ئادەم ھەمىشە تېخىمۇ قىممەتلىك نەرسىسىدىن ئايرىلىپ قالىدۇ.  ئائىلىنىڭ ئىللىقلىقىدىن قىيالمىسىڭىز،  باشلىماقچى بولغان سەپىرىڭىزنى كىشەنلەپ قويىسىز.  بىر ئىشقىلا ھېرىسمەن بوپ كەتسىڭىز،  گۈزەل ياشلىق باھارىڭىزغا دەخلى يەتكۈزۈپ قويىسىز.        بۈگۈنكى ۋاز كېچىش ئەتىكى ئېرىشىش ئۈچۈندۇر.  چوڭ ئىشلارنى قىلىدىغانلار ۋاقىتلىق ئېرىشىش ۋە يوقۇتۇپ قويۇشلارغا پىسەنت قىلىپ كەتمەيدۇ.  نېمىدىن ۋاز كېچىشنى بىلىدۇ.  ۋاز كەچسىڭىز ئالغا باسىسىز. نۇرغۇن باش ئاغرىقلاردىن قۇتۇلىسىز.        ۋاز كېچىش سىزنى كەڭ قوساق ۋە خۇشخۇي كۆرسىتىدۇ.  ۋاز كەچسىڭىز كۆپلىگەن كىشىلەرنىڭ ئىشەنچىسىگە ئېرىشىسىز،  تەشەببۇسكار بولىسىز.  ۋاز كەچسىڭىز تېخىمۇ زېرەك،  تېخىمۇ قابىل،  تېخىمۇ بەردەم بولىسىز.        دوستۇم،  ۋاز كېچىشنىمۇ ئۈگىنىپ قويۇڭ.  مۇھەببەتتىكى مەغلۇبىيىتىڭىزدىن قايغۇرۇشتىن،  ھاقارەتلىنىشتىن شەكىللەنگەن ئاداۋەتتىن،  ئېيتقىلى بولمىغان كۆڭۈل ئاغرىقلىرىدىن ۋاز كېچىڭ.  روھىڭىزنى خورىتىدىغان تۈگىمەس ماجىرالاردىن ۋاز كېچىڭ.  ھوقۇق ئۈچۈن ئېلىشىش،  پۇلپەرەسلىكتىن،  قۇرۇق نام ئۈچۈن بولىدىغان تالاش-تارتىشلاردىن ۋاز كېچىڭ.  ئەرزىمەس،  ئەھمىيەتسىز،  ئارتۇقچە نەرسىلەردىن،  ۋاز كېچىشكە تېگىشلىك نەرسىلەرنىڭ ھەممىسىدىن ۋاز كېچىڭ.          مەنبە: قايسى ژورنالدىن كۆچۈرۈپ خاتىرەمگە پۈتۈپ قويغۇنۇم ئېنىق ئېسىمدە قالماپتۇ.

ئۆل

	ماقۇل .بىراق ۋاز كېچىش ئالىدا قولغا كەلتۈرۈش ئۈچۈن ئۇرۇنۇپ بېقىڭ ..بولمسا پۇشايماندا قالسىز

mahatjan

	ماقۇلدىن ،ياقنىڭ تەپەككۇرنى ئىجادى تەرەققى قىلدۇرۇشتا رولى چوڭ.شۇڭا ياق دىيىشنىمۇ ئۈگۈنىۋىلىش كىرەك.

ibrahimjan4815

	ئىرشەلمىگەن نەرسىنىڭ ھەممىسى قىممەتلىك بولۇشى ناتايىن. بىرسىدىن ۋاز كېچىش ئارقىلىق بەلكىم، ئۇنىڭدىنمۇ ياخشىسىغا ئىرىشەلىشىڭىز مۇمكىن.

kaqvr

	كونىلارنىڭ بىر گېپى بار ، بىر تال قۇشقاچ تۇتۇش ئۈچۈن بىر سىقىم داننىڭ مەرىدىن كەچمەي بولمايدۇ . ھازىرغۇ قۇشقاچ دىگەننى دان تاشلىماي توزاق بىلەنلا تۇتۇدىغان بۇلۇپ كېتىپتۇ .

korkam3633

eternal

	ۋاز كېچىىش بەك مۇھىمكەن ، ۋاز كېچىش مەرتلىك ،باتۇرلۇق ، ۋاز كېچىشنى بىلمىگەن ۋاقىىتتا ئۆمۈرلۈك پۇشايمانغا قالىدىغان گەپ

SAYIBA

	ۋاز كىچىشمۇ بىر خىل بەخت جۇمۇ ،

xahzada517

	ئېرىشمەكچى بولسىڭىز ئاۋال يوقۇتۇپ بېقىڭ.

تۈركيار

	ئەسلەش شېرىن ، ئۇنتۇش قېيىن ..............