مۇھەممەدجان ئەبەيدۇللا شەپقەت ئۇيغۇر خەتتاتلىق سەنئىتى كۆرگەزمىس

xapqat

	مۇھەممەدجان ئەبەيدۇللا شەپقەت ئۇيغۇر خەتتاتلىق سەنئىتى ئەسەرلىرى كۆرگەزمىسى ئۆتكۈزۈلدى         2013-يىلى 3-ئاينىڭ 23- كۈنى بارچۇق دىيارى مارالبېشىدا  مۇھەممەدجان ئەبەيدۇللا شەپقەت ئۇيغۇر خەتتاتلىق سەنئىتى ئەسەرلىرى كۆرگەزمىسى  غەلىبىلىك ئۆتكۈزۈلدى.  كۆرگەزمىگە مارالبېىشىدىكى كەڭ خەلق ئاممىسى ۋە ئوقۇتقۇچى، ئوقۇغۇچىلار ھەرقايسى جايلاردىن كەلگەن خەتتات ۋە ھەۋەسكارلار بولۇپ 300  گە يېقىن ئادەم قاتناشتى. كۆرگەزمىنىڭ ئېچىلىش مۇراسىمىدا جۇڭگو خەتتاتلار جەمئىيىتىنىڭ ئەزاسى، ئاپتونوم رايونلۇق خەتتاتلار جەمئىيتىنىڭ باش كاتىپى، قەشقەر ۋىلايەتلىك خەتتاتلار جەمئىيىتىنىڭ رەئىسى قۇربانجان روزى شەيدائى سۆز قىلدى. ئۇ سۆزىدە ئۇيغۇر خەتتاتلىقنىڭ ھازىرقى تەرەققىياتى ئۈستىدە قىسقىچە توختىلىپ ئۆتتى ۋە مۇھەممەدجان ئەبەيدۇللا شەپقەتنىڭ قولغا كەلتۈرگەن نەتىجىلىرىنى مۇئەييەنلەشتۈرۈپ كەڭ خەتتاتلارغا ۋە ھەۋەسكارلارغا رىغبەت بېرىپ تېخىمۇ تىرىشىشىنى ئۈمىد قىلىدىغانلىقىنى بىلدۈردى.    كۆرگەزمە ئاخىرىدا نەق مەيداندا ماھارەت كۆرسىتىپ خەت يېزىش پائالىيىتى ئېلىپ بېرىلدى . قۇربانجان روزى شەيدائى، ئۆمەرجان ئوسمان سەبرى، يۇنۇس قۇددۇس تەبرىزى، غۇلامجان قادىرى قۇتبىلىگ ۋە بىر قىسىم خەتتاتلار ماھارەت كۆرسەتتى.بىر قىسىم ئەسەرلەر كىم ئارتۇق قىلىپ يۇقىرى باھادا سېتىلدى.    ياش تېۋىپ ،شائىر،خەتتات -مۇھەممەدجان ئەبەيدۇللا 1975-يىلى پىچان ناھىيەسىنىڭ لەمجىن بازىرىغا قاراشلىق خاندو رايونىدا مەرىپەتپەرۋەر دىنىي زات ئەبەيدۇللا داموللا ھاجىم ئائىلىسىدە تۇغۇلغان. 1993-يىلى شىنجاڭ ئۇنىۋېرىستېتىنىڭ تىل-ئەدەبىيات فاكۇلتېتىغا ئوقۇشقا قۇبۇل قىلىنىپ ئۇقۇش پۈتتۈرگەندىن كېيىن ئوقۇتقۇچىلىق خىزمىتى بىلەن شۇغۇللانغان.1999-يىلى شىنجاڭ رادىيو-تېلېۋىزىيە ئۇنىۋېرىستېتى تارمىقىدا بىر يىل ئىنگىلىز تىلى ئۆگەنگەن. 1999-يىلدىن 2001-يىلغىچە يەنە ئوقۇتقۇچىلىق قىلغان.2001-يىلىدىن 2003-يىلغىچە ئائىلىسىدە دادىسى ئەبەيدۇللا  داموللا ھاجىمدىن تېبابەتچىلىك بىلىملىرىنى ئۆگەنگەچ ئەرەب تىلى ئاساسىنى پۇختىلىغان 2003-يىلدىن 2006-يىلى يازغىچە خوتەن ئۇيغۇر تېبابەت ئالىي تېخىنىكومىدا ئۇيغۇر تېبابىتى دورىگەرلىك كەسپى بويىچە  بىلىم ئاشۇرۇپ ھازىرغىچە سېرىقبۇيا بازىرىدا شەخسىي تېبابەتچىلىك بىلەن شۇغۇللىنىپ كېلىۋاتىدۇ. مۇھەممەدجان ئەبەيدۇللا 1993-يىلدىن باشلاپ شەپقەت تەخەللۇسى بىلەن  رەسىمىي ئىجادىيەتكە كىرىشىپ ، ھازىرغا قەدەر ئاپتونوم رايونىمىزدىكى ھەرقايسى مەتبۇئاتلاردا 200 پارچىدىن ئارتۇق شېئىر،  20پارچىدىن ئارتۇق تەرجىمە ئەسەر، 100پارچىغا يېقىن ھۆسنخەت ئەسىرى ئېلان قىلىنغان. ئۇ ھازىر ئاپتونوم رايونلۇق خەتتاتلار جەمئىيىتىنىڭ ، قەشقەر ۋىلايەتلىك خەتتاتلار جەمئيتىنىڭ ئەزاسى، مارالبېشى ناھىيە سېرىقبۇيا بازىرى ‹‹شەپقەت ئۇيغۇر تېبابەت ئامبۇلاتورىيەسى›› نىڭ مەسئۇلى.

tax1

	رەھمەت. بەزى خەتلەر بەك ئېسىل چىقىپتۇ.

qaharibag

	مۇھەممەدجان ئەبەيدۇللا (شەپقەت ) نىڭ خەتتاتلىق كۆرگەزمىسىنىڭ مۇۋاپىقىيەتلىك ئۆتكۈزۈلگەنلىكىنى  چىن كۆڭلۈمدىن تەبرىكلەيمەن . گەرچە كۆرگەزمىگە بارالمىغان بولساممۇ ،شەپقەت ئاكىمىزنىڭ ئۇزاقتىن بۇيان تىرىشىش نەتىجىسىدە قولغا كەلتۈرگەن نەتىجىللىرىنى كۆرگەندەك بولدۇم .كۆرگەزمە ناھايىتتى ئەھمىيەتلىك مول - ھوسۇللۇق بوپتۇ . ئۇستازلىرىمىزنىڭ قۇمۇش قەلەم تۇتقان قوللىرىغا بەرىكەت ھەم بۇندىن كىيىنكى خەتتاتلىق ئىجادىيەتلىرىگە زور ئۇتۇقلار تىلەيمەن .

abaytarim

	نادىر ھۆسىنخەتلەردىن قالتىس ھوزۇرلاندىم ...

abuzar786

	مەن بەك يەقتۇرىمەن ھۆسۈنخەتنى ...بەك ئېسىلكەن......

xapqat

	كۆرگەزمەمنى قوللاپ بەرگەن ئۇستازلار،دوستلارغا چىن كۆڭلۈمدىن رەھمەت ئېيتىمەن! (ما تېما مېنىڭ نامىمدا يوللنىپ قالدى ،تۇغرا چۈشەنگەيسىزلار )ئەسلى تېىمىنى خەتتات ئىنىمىز ئوكيان يوللىدى.

torjan

	تورلاش تورى تور دۇنياسىدىكى سەرخىل مەزمۇنلاردىن تېخىمۇ كۆپ تورداشلارنى بەھرلەندۈرۈش مەقسىتىدە قۇرۇلغان بولۇپ ، مەيلى كۆرۈرمەن ، توربەت قۇرغۇچى ۋە ياكى بىلوگېر بولۇڭ، سىزنى ئۈنۈملۈك بولغان ھەمبەھرلىنىش ئۇلىنىش سۇپىسى بىلەن تەمىنلەيدۇ. سەرخىل مەزمۇنلارنى تورلاش تورى ئارقىلىق تورداشلار بىلەن ھەمبەھرلىنىڭ. http://www.torlax.com

barstekin

	ئەزىز قېرىندىشىمىز مۇھەممەتجان قولغا كەلتۈرگەن نەتىجىلەرنى كۆرۈپ چەكسىز ھاياجانلاندۇق،يەنىمۇ تىرىشىڭ قېرىندىشىم ،نەتىجە ھامان تىرىشقانلارغا مەنسۇپتۇر!

jmgur

	ئەپسۇس  نەخ شۇ كۈنى زۈرۈر بىر ئىش چىقىپ قېلىپ بارالماي قالدىم كىين يەنە كىلەر بۇنداق پۇرسەتلەر