مەن دادامنى نەگە ئاپىرىمەن؟

Adarqiz

	ۋاقتىم يەتسىلا ئىستانبول تاللا بازىرىنىڭ ئالدىدىكى كەچلك ازارنى ئايلانغاچ شۇ يەردىكى شىنخۇا كىتابخانىسىغا كىرىپ كىتاب كۆرەتتىم،يارىسا سېتىۋىلىپ بوش ۋاقتلاردا ئوقۇيتۇم. بىر كۈنى كىتابخانىنى ئايلىنىۋىتىپ قولۇمغا " پارس خەلق لەتىپىللىرى " دىگەن كىتاب چىقىپ قالدى، چۈشلۈك ئاراملاردا ئوقۇسام دەپ سېتىۋالدىم،خالىغان بىر بەتنى ئاچسام مۇنداق بىر لەتىپە بار ئىكەن :       جەننەتكە كىرىشتە قانچە ئېشىك بار؟   ۋائىز مۇنبەرگە چىقىپ سۆزلەپتۇ: ____ئەگەر ئاللاھ بىر كىشىگە بىر قىز ئاتا قىلغان بولسا،ئول كىشىگە جەننەتنىڭ بىر ئىشىكىنى ئېچىپ بېرىدۇ، ئەگەر ئىككى قىز ئاتا قىلغان بولسا ،جەننەتنىڭ ئىككى ئىشىكىنى ئېچىپ بېرىدۇ.    بۇ چاغدا قەزۋىنلىك كىشى سوراپتۇ: ____جەننەتكە كىرىشكە قانچە ئىشىك بار؟ ____سەككىز ئىشىك بار. ____ بىراق مېنىڭ ئون ئىككى قىزىم بار،ئۇنداقتا قالغان تۆتى قەيەرگە تۇتىشىدۇ؟ ____ قالغان تۆتى دوزاخقا تۇتىشىدۇ، _دەپ جاۋاپ بېرىپتۇ ۋائىز. گەرچە بۇ بىر ئاددى لەتىپە بولسىمۇ ،ئەمما پەقەتلا خىيالىمدىن كەتمىدى،ئىلگىرى چوڭلاردىن ئۈچ قىزى بار ئادەم جەننەتكە كىرىدۇ دەپ ئاڭلايتىم. بىز ئاران ئىككى قىز، تۇيۇقسىز شۇنى ئويلاپ قالدىم :     مەن دادامنى نەگە ئاپىرىمەن؟ كىتابلاردا دىيىلىشىچە ،قىزلارنىڭ گۇناھلىرى ئۆزى بىلەنلا كەتمەيدىكەن، ئۇنىڭ ئەركەك قېرىنداشلىرىمۇ  مەسئۇل بولىدىكەن، سوراققا تارتىلىدىكەن، دىمەك مېنىڭ قىلغان -ئەتكەنلىرىم ئۈچۈن جاپاكەش داداممۇ  دەردىمنى تارتىدىكەن. ھەركۈنى نامىزىمدا " ئاللاھ،قىلغان ئەتكەنلىرىم ئۈچۈن جازاسىنى ئۆزۈمگە بەرگەيلا،دادام مەن تۈپەيلى ئالدىڭىزدا گۇناھكار بوپ قالمىسۇن، گۇناھلىرىمنى مەغپىرەت قىلغايلا، قىزلىرىنى ئۆزلىرى ھىدايەت قىلغايلا.." دەپ تىلەيدىغان بوپ قالدىم. چۈنكى دادام ئەركەكلىكتە ياشىغان ئادەم،ھېچقاچان قىزلىرىنى تەربىيەسىز قويمىغان، ئاچا-سىڭىل ئىككىمىزنى بەك چىڭ باشقۇرغان، ئالىي مەكتەپتە ئوقۇشىمىز ئۈچۈن قانچىلىك جاپالارنى  چەكمىگەن  دەيسىز؟  ئائىلىمىزدە دادام ھۆكۈمران،ھەممە قارارنى دادام چىقىرىدۇ. ئەمدىلىكتە ئۆيدىن ئايرىلىپ ،يىراق بىر يېزىدا ئوقۇتقۇچى بولدۇم، ھەركۈنى ئۆزۈمگە ئەسكەرتىش بېرىمەن، داداڭنىڭ بەرگەن تۇزىغا قارا سانىما، داداڭنىڭ يۈزىنى ئىككى ئالەمدە يورۇق قىل ، ئۆز ۋەزىپەڭنى ،ئۆز ئورنۇڭنى ئۇنتۇپ قالما دەپ تاپىلايمەن.      يەنىلا خىيالىمدا شۇ سۇئال :    مەن دادامنىڭ قىزى،مەن دادامنى نەگە ئاپىرىمەن؟ مۇنبەردىكى قىزلاردىن سورىغۇم كېلىدۇ: ___ سىز دادىڭىزنى نەگە ئاپىرىسىز؟ 2013-يىل 23-مارت كورلا مەنبە : ئۆز قەلىمىم

kakkuk11

	ئۈچ قىزى بولسىلا ئۇنداق بولمايدۇ.. مەنمۇ ئاڭلىغان شۇ ئۈچ قىزىنى ئەدەپ ئەخلەقلىق بېقىپ ، ئاتا-ئانىلىق بۇرچىنى ئادا قىلىپ قاتارغا قوشسا.............

!UYGHURJAN

	ئويلىنىشقا تىگىشلىك مەسلىكەن . قىزىنى باشقۇرمىغان ئانا گۇناھكار . خۇتۇننى باشقۇرمىغان ئەر جىنايەتچى . ئاچا-سىڭىللىرىنى باشقۇرمىغان ئاكا-ئۇكىلار خىيانەتچى .

0997tumuqi

	ئويلىنىشقا تىگىشلىك مەسلىكەن . قىزىنى باشقۇرمىغان ئانا گۇناھكار . خۇتۇننى باشقۇرمىغان ئەر جىنايەتچى . ئاچا-سىڭىللىرىنى باشقۇرمىغان ئاكا-ئۇكىلار خىيانەتچى . ناھايتى توغرا

apisi502

	بۇ ئۈچ قىزنى بېقىپ ،تەربىيلەپ قاتارغا قېتىش ،ھەقىقەتەن بىر گەپتە!ئاسان ئەمەس،

kakkuk11

	apisi502 يوللىغان ۋاقتى  2013-3-23 10:42 PM بۇ ئۈچ قىزنى بېقىپ ،تەربىيلەپ قاتارغا قېتىش ،ھەقىقەتە ... شۇڭا دەيمىزغۇ جەننەت ئانىلارنىڭ ئاياق ئاستىدا....

tapalmidim

	تۇلىمۇ ئەھمىيەتلىك تېما بوپتۇ!!! ھەركۈنى نامىزىمدا " ئاللاھ،قىلغان ئەتكەنلىرىم ئۈچۈن جازاسىنى ئۆزۈمگە بەرگەيلا،دادام مەن تۈپەيلى ئالدىڭىزدا گۇناھكار بوپ قالمىسۇن، گۇناھلىرىمنى مەغپىرەت قىلغايلا، قىزلىرىنى ئۆزلىرى ھىدايەت قىلغايلا.." دەپ تىلەيدىغان بوپ قالدىم .... ھەركۈنى ئۆزۈمگە ئەسكەرتىش بېرىمەن، داداڭنىڭ بەرگەن تۇزىغا قارا سانىما، بەك ياقتۇردۇم ،مېنىڭمۇ بىلىپ -بىلمەي ئۆتكۆزگەن گۇناھلىرمنى ماڭىلا يازسا ،ئاتام گۇناھكار بوپ قالمىسا دەيمەن

mahatjan

	يالغۇز دادىنىڭ بالىلارنى تەربىيلش مەسئۇلىيتى بولوپلا قالماستىن،بالىلارنىڭمۇ ياخشى تەربىيلىنىش مەجبۇرىيتى بار.

azrat705

	پەرزەتنىڭ سانى قانچە بۇلشىنىلا دەپ تۇرۋېلىشقا بولمايديغۇ دەيمەن، پەرزەنتلىرىنى ھايا-نۇمۇسنى بىلىدىغان، ئەخلەق -پەزىلەتلىك تەربىيلەپ چىقسا ، پەرزەنتلىرىمۇ ئاتا-ئانىسىنىڭ ھالىغا يىتىپ ئۇلارغا ۋاپادار بولسا ئاندىن جەننەتكە يول ئېلىشقا ئىمكان بار

azrat705

	پەرزەتنىڭ سانى قانچە بۇلشىنىلا دەپ تۇرۋېلىشقا بولمايديغۇ دەيمەن، پەرزەنتلىرىنى ھايا-نۇمۇسنى بىلىدىغان، ئەخلەق -پەزىلەتلىك تەربىيلەپ چىقسا ، پەرزەنتلىرىمۇ ئاتا-ئانىسىنىڭ ھالىغا يىتىپ ئۇلارغا ۋاپادار بولسا ئاندىن جەننەتكە يول ئېلىشقا ئىمكان بار