قىيامەت ئالامەتلىرى ھەققىدە

shepereng

	قىيامەت ئالامەتلىرى ھەققىدە ھەدىسلەردىكى دەلىللەرگە كۆرە قىيامەتتىن بۇرۇن يۈز بىرىدىغان ئىشلار تۆۋەندىكىچە: -1ئاسماننىڭ ھەممە ئادەم ئىنىق كۆرىدىغان تۈتۈن كەلتۈرۈشى. (بۇ ھەقتە  قۇرئاندا ۋە ھەدىستە دەلىل بار.( بۇ ھادىسە 1820-يىلىدىن كىيىنكى توكنىڭ قوللۇنۇلىشى بىلەن كەڭ-كۆلەمدە سانائەتلىشى سەۋەبىدە رىياللىققا ئايلىنىپ بولغاندۇر،سۈرە دۇخان (تۈتۈن) نىڭ 10-ئايىتىدە مۇنداق دىيلىدۇ: (ئى مۇھەممەد!) سەن ئاسمان (ھەممە ئادەم) ئوچۇق (كۆرۈدىغان ) تۈتۈننى كەلتۈرىدىغان كۈندە (ئۇلارغا بولىدىغان ئازابنى) كۈتكىن [10]. يۇقارقى ئايەتتىن باشلاپ  قۇرئانى كەرىمنىڭ ئاخىرىغىچە 1820 ئايەت باردۇر.1820-يىلىدا  ئىنسانىيەت توكنىڭ قانۇنىيىتىنى بايقاپ سانائەتتە ئىشلەتتى، شۇندىن باشلاپ ئىنسانىيەت دۇخان(تۈتۈن) دەۋرىگە كىردى ، 150 يىلدىن بىرىقى ئىنسانىيەت دۇنيا تەۋەسىدە ھەرخىل ھاۋا بۇلغۇنۇشتىن بولغان تۈرلۈك كىسەللىكلەرنىڭ ئازابىدا قىينالغاچ ئاسماننى قاپلىغان تۈتۈن ئىچىدە ياشاۋاتىدۇ. -2دەججالنىڭ چىقىشى . (بۇ ھەقتە ھەدىستە دەلىل بار) . بۈگۈنكى دەۋرنى Digital World (-دىجىتال ۋەرلد-رەقەملەشكەن دۇنيا)دەپ ئاتاش مودىدۇر، ھەدىسلەردە «دەججال يەھۇدىيلەر بىلەن ھەركەتلىنىدۇ »دەپ قارالغان جايلاردا بۈگۈن يەھۇدىي ئەسكەرلىرى بىلەن ئامىرىكا ئەسكەرلىرى ھەركەتلەنمەكتە .ھالبۇكى ئۇلارنىڭ ئەڭ ئىلغار قوراللىرى بۇ يەردە مۇسۇلمانلارنىڭ زىيىنى ئۈچۈن ئىشلىتىلمەكتە، ئۇلارنىڭ ئۆتكۈر قوراللىرىنىڭ جەۋھىرى  «Digital Technology-رەقەم تىخنىكىسى» دۇر،ئۇلارنىڭ ئەسكەرلىرى سۈنئىي ھەمراھنىڭ ياردىمىدە دۈشمەنلىرىدىن ھەر زامان ئۈستۈن ئورۇندا تۇرماقتا، ئۇ ئەسكەرلەرنىڭ تۆمۈر قالپىقىدا بىر كۆزلۈك كامىرا ئورۇنلاشتۇرۇلغان بولۇپ بۇ كۆزنى ئامىرىكا تىلىدا (Digital Camera-رەقەملىك كۆز) دەيدۇ، ھەدەستە دىيىلگەن « دەججال بىر كۆزلۈك، ئۇنىڭ كۆزىدە ك،ف.ر ھەرپلىرى بار» دىگەن بايانغا بۇ ئالامەت دەل ئۇدۇل كىلىدۇ، « Digital»  سۆزى بىلەن «دەججال» سۆزى تەلەپپۇز جەھەتتىن بەكمۇ يېقىندۇر،بۈگۈنكى ھەممە يەرگە ئورنىتىۋىتىلگەن كامىرالارنىڭ ئىنگىلىزچە نامى «Camera» سۆزىنى ئەرەپچە يازساق «كمر» بولىدۇ. «كمر» سۆزى 1400 يىل بۇرۇن دىيىلگەن «كپر» سۆزى بىلەن بىرلا ھەرپ پەرقلىنىدۇ. ھەمدە «كومپىيۇتىر-Computer » سۆزىنىڭ ئەرەپچە يىزىلىشى بولغان «كمپتر» سۆزىدىن «م،ت» ھەرپلىرىنى چىقىرىۋەتسەكلا ئەرەپچىدە «كپر» ھەرپى قالىدۇ،ھالبۇكى «كپر» ھەرپى دەججالنىڭ بىر ئالامىتى سۈپىتىدە 1400يىل بۇرۇنلا ھەدىسلەردە بايان قىلىنغاندۇر. جانابى ئاللاھ بۇ ھەقتە مۇنداق دەيدۇ: ئۇ قەلەم بىلەن (خەت يېزىشنى) ئۆگەتتى [4]. ئىنسانغا بىلمىگەن نەرسىلەرنى بىلدۈردى [5]. 96-سۈرە ئەلەق . شۇنىسى ئەمىلىيەتكى، جانابى ئاللاھ يەر يۈزىدە پەقەت ئىنسانغىلا يىزىشنى ئۈگەتكەندۇر،ئۇنداق ئىكەن يەر يۈزىدە پەقەت ئىنسانلارلا قەلەم بىلەن يازغۇچىدۇر،دەججالنىڭ كۆزىدە «كپر» خەتلىرىنىڭ بولۇشى ، دەججالنىڭ ئادەمنىڭ قولىدە ياسىلىدىغان نەرسىلىگىگە دالالەت قىلىدۇ،مەنچە «دەججال»  دىمەك دەل« Digital» دىمەككى، بۇ ئاتالغۇ 1400 يىل بۇرۇنلا بىزگە بۈگۈنكى كومپىيۇتىرنىڭ جېنى بولغان ياكى رەقەم تىخنىكىسى بىلەن قوراللانغان ئىسلامنىڭ قارشىسىدىكى ئەڭ ئاكتىپ كۈچنىڭ ئاساسلىق ئالاھىدىلىكلىرىنى ئەينى زامان ئۈممىيلەرنىڭ چۈشەنچىسىگە لايىق بايان قىلىپ بەرگەندۇر. ئۇنداقتا يەر شارىنىڭ رەقەم تىخنىكىسى دەۋرىگە قەدەم قويۇشى بىلەن ئىنسانىيەتمۇ ئاللىقاچاندا دەججال دەۋرىگە قەدەم ئالغان بولۇشى مۈمكىندۇر، بۈگۈنكى دەمەشق،باغدات،قۇددۇس ۋەزىيىتى...ھەمدە پات-پات يۈز بىرىۋاتقان ئۇچقۇچىسىز ئايرۇپىلانلارنىڭ بومباردىمانچىلىقىمۇ...دەججال قوپقاننىڭ بىشارەتلىرىگە كۈچلۈك دالالەت قىلماقتا!... بىر مۇخبىر 7-8 يىل بۇرۇن ئىسرائىلىيە باش ۋەزىرى نىتانياھودىن : قىيامەت يىقىنلاشقاندا مۇسۇلمانلار يەھۇدىيلەر بىلەن ئۇرۇش قىلىپ سىلەرنى ھالاك قىلىدىكەن، سىز بۇ ھەدىسكە قانداق قارايسىز؟...دەپ سورىغان، باش ۋەزىرى نىتانياھودىن : «ئۇ يەھۇدىيلەر بىز ئەمەس، ئۇ ئەرەپلەمۇ بۈگۈنكى ئەرەپلەر ئەمەس» دەپ جاۋاپ بەرگەن.جانابى ئاللاھ بىلىدۇكى ، باش ۋەزىرى نىتانياھو بۈگۈنكى سالاھىيىتى بىلەن ئۆزى كەسكىن ئىنكار قىلغان ئىسا ئەلەيھىسسالام باش بولىدىغان ئاشۇ ئەرەپلەرگە يېقىندا ئۇچرۇشۇپ قىلىشىمۇ مۈمكىندۇر. -3يەجۇجى-مەجۇجىنىڭ دۇنياغا تارقىلىشى . (بۇ ھەقتە  قۇرئاندا ۋە ھەدىستە دەلىل بار ) . ئالاقىدار ھەدىسلەردىكى بايانلارغا قارىغاندا يەجۇجى-مەجۈجىلەر ئادەم نەسلىدىن كىلىدىغان سانى ئەڭ كۆپ بولغان 2 مىللەت بولۇپ، ئۇلار قىيامەت يىقىنلاشقاندا، دەججال قوپقاندا «يەر يۈزىگە كەڭ كۆلەمدە تارقىلىپ بۇزغۇنچۇلۇق قىلىدۇ، ئۇلار قەدىمى تەككەن يەرلەرنى يەپ، بۇلغاپ، سىسىتىپ» ماڭىدۇ . يەجۇجى-مەجۇجىگە قارشى ئىسكەندەر زۇلقەرنەيىننىڭ تۆمۈردە سىپىل سوققانلىقىنى ئاللاھ تەئەلا قۇرئانى كەرىمدە مۇنداق بايان قىلىنغان: زۇلقەرنەين ئىككى تاغ ئارىسىغا يېتىپ بارغاندا، ئىككى تاغ ئالدىدا ھېچقانداق سۆزنى چۈشەنمەيدىغان (يەنى ئۆزىنىڭ تىلىدىن غەيرى تىلنى بىلمەيدىغان) بىر قەۋمنى ئۇچراتتى [93]. ئۇلار: «ئى زۇلقەرنەين! يەجۇج بىلەن مەجۇجى يەر يۈزىدە ھەقىقەتەن بۇزغۇنچىلىق قىلغۇچىلاردۇر، بىز بىلەن ئۇلارنىڭ ئارىسىغا بىر توسما سېلىپ بېرىشىڭ ئۈچۈن، ساڭا بىر قىسىم مېلىمىزنى (باجغا ئوخشاش تۆلىسەك بولامدۇ؟» دېدى [94]. زۇلقەرنەين ئېيتتى: «اﷲ نىڭ ماڭا بەرگەن نەرسىلىرى (يەنى كۈچ - قۇۋۋەت ۋە پادىشاھلىق سىلەرنىڭ ماڭا بېرىدىغان مېلىڭلاردىن) ئارتۇقتۇر، ماڭا ئادەم كۈچى ياردەم قىلىڭلار، ئۇلار بىلەن سىلەرنىڭ ئاراڭلارغا مۇستەھكەم بىر توسما سېلىپ بېرەي [95]. ماڭا تۆمۈر پارچىلىرىنى ئېلىپ كېلىڭلار، (تۆمۈر پارچىلىرى دۆۋىلىنىپ) ئىككى تاغنىڭ ئارىسى تەكشى بولغاندا، كۆيۈكلەرنى بېسىڭلار». تۆمۈر پارچىلىرى (قىزىپ) ئوتتەك بولغاندا، ئۇ: «ماڭا (ئېرىتىلگەن مىسنى) بېرىڭلار، ئۈستىگە تۆكەي» دېدى [96]. ئۇلار (يەنى يەجۇج - مەجۇجى) ئۇنىڭ ئۈستىگە چىقىشقىمۇ، ئۇنى تېشىشكىمۇ قادىر بولالمىدى [97]. زۇلقەرنەين ئېيتتى: «بۇ (يەنى توسمىنىڭ بەرپا قىلىنىشى) پەرۋەردىگارىمنىڭ نېمىتىدۇر، پەرۋەردىگارىمنىڭ ۋەدىسى ئىشقا ئاشقاندا، ئۇ ئۇنى تۈپتۈز قىلىۋېتىدۇ، پەرۋەردىگارىمنىڭ ۋەدىسى ھەقتۇر» [98]. ئۇ كۈندە (يەنى قىيامەت كۈنىدە، قىستاڭچىلىقتىن) كىشىلەرنى بىر - بىرىگە گىرەلەشتۈرۈۋېتىمىز، سۇر چېلىنىدۇ، ئۇلارنى (ھېساب ئۈچۈن) يېغىمىز [99]. ئۇ كۈندە كاپىرلارغا جەھەننەمنى ئاشكارا كۆرسىتىمىز [100].18-سۈرە كەھف. يۇقارقى 96-97-ئايەتتە يەجۇج-مەجۇجنىڭ توسما ئۈستىگە چىقىشقا قادىر بولالمىغانلىقى سۆزلەنسە ، تۆۋەندىكى 21-سۈرىنىڭ 96-97-ئايەتتە يەجۇج-مەجۇجنىڭ تارقالغانلىقى بايان قىلىنماقتا : يەجۇج - مەجۈج (توسمىسى) ئېچىۋېتىلگەندە، ئۇلار زېمىننىڭ ھەر بىر تۆپىلىكلىرىدىن ئالدىراپ چىقىپ كېلىدۇ [96]. راست ۋەدە (يەنى قىيامەتنىڭ ۋاقتى) يېقىنلاشتى، ئۇ كۈندە كاپىرلارنىڭ كۆزلىرى چەكچىيىپ قالىدۇ، (ئۇلار) «ۋاي ئىسىت! بۇنىڭدىن بىز غەپلەتتە قېلىپتۇق، بەلكى بىز ئۆزىمىزگە زۇلۇم قىلىپتۇق» (دېيىشىدۇ) [97]. 21-سۈرەدە يەجۇجى-مەجۇجى بايان قىلىنغاندەك، بىزمۇ 21-ئەسىردە ياشاۋاتىمىز!...يەجۇج - مەجۈج توسمىسى تارىختا «تۆمۈر قاپقا» نامىدا يازمىلىرىمىزدا خاتىرلەنگەن بولۇپ، بۈگۈنكى تاجىكىستان بىلەن ئاپغانىستان ئارىسىدىكى «بوز قەلئە» دىگەن يەردەدۇر، ئوغۇز قاغانمۇ بۇندىن 2260 يىل بۇرۇن ئۇ جاينى(تۆمۈر ئۆي) ئاچالماي بىر ئۇيغۇر قەبىلىسىنى شۇ جايدا قالدۇرۇپ قويغان بولۇپ،بۇ قەبىلەنى شۇ سەۋەپتىن «قال ئاچ» دەپ ئاتىغان ئىكەن، ئۇلار بۈگۈنگىچە «خالاج» دەپ تەلەپپۇز قىلىنماقتا، ھەدىسلەردىكى بايانلارغا قارىغاندا  يەجۇج - مەجۈجلەر مۇشۇ ۋادىغا قىيامەت يىقىنلاشقاندا زور تەھدىت شەكىللەندۈرىدىغان سانى ناھايىتى كۆپ ئىككى مىللەتتۇر،ھالبۇكى بۈگۈنكى ئاپغانىستان-تاجىكىستان ئەتراپلىرىدا كۈنسىرى شىددەت بىلەن ئىشىۋاتقان ئۆز ئىھتىياجلىرىنى ئىنىرگىيە ۋە ماددىي بايلىق كاپالىتى بىلەن تەمىنلەش ئۈچۈن ھەركەت قىلىۋاتقان نوپۇسى دۇنيا بويىچە مىليارتتىن ئاشىدىغان، ئاھالىسى ئوخشاشلا بۇددا دىنىغا ئېتىقات قىلىدىغان 2 دۆلەت بار،مەيلى ئوتتۇرا شەرقتە، مەيلى ئوتتۇرا ئاسىيادا بولمىسۇن مۇسۇلمان رايونلىرى ماددىي بايلىققا زور دەرىجىدە تايىنىدىغان كۈچلەر تەرىپىدىن ھەرخىل دىپلوماتىك ھىلىلەر بىلەن ئۇرۇش قاينىمىغا ئىتتىرىلمەكتە،مۇسۇلمانلارمۇ ئۇلار قۇتراتقۇلۇق قىلىۋاتقان مەزھەب كۈرىشىگە چوڭقۇر پىتىپ ئىككى تەرەپ بولۇپ بىر-بىرى بىلەن سوقۇشماقتا، شۇنىسى ئايانكى « ئىككى قوچقار سوقۇشسا بۆرىگە پايدا».تۈركىيەنى ئىسلام ئۈممىتىگە باش بولۇپ چۈشەپ قالدىم، ئاللاھ خالىسا يىقىلغان ئوسمانلىلار قوپقان ئەردۇغانلىلارغا ئايلانغۇسى!... ھەيران قالارلىقى،18-سۈرە توكنىڭ تونۇلۇشى سەۋەبىدە ئۇچۇر دەۋرىگە ئۇل سىلىنغان سانائەتلىشىشنىڭ باشلىنىش يىلى 1820-يىلىغا ئىشارەت قىلسا،21-سۈرە بۈگۈنكى 21-ئەسىردىكى رەقەم دەۋرىگە ئىشارەت قىلماقتا!..18-سۈرىنىڭ 96—97-ئايىتىدە سەددى ئىسكەندەرنى يەجۇج-مەجۇجلەرنىڭ بۆسۈپ ئۆتەلمىگەنلىكى بايان قىلىنسا،21-سۈرىنىڭ 96-97-ئايەتلىرىدە سەددى ئىسكەندەرنى يەجۇج-مەجۇجلەرنىڭ بۆسۈپ ئۆتۈپ كەتكەنلىكى بايان قىلىنىش بىلەن بىرگە مۇنداق دىيىلگەن: يەجۇج - مەجۈج (توسمىسى) ئېچىۋېتىلگەندە، ئۇلار زېمىننىڭ ھەر بىر تۆپىلىكلىرىدىن ئالدىراپ چىقىپ كېلىدۇ [96]. راست ۋەدە (يەنى قىيامەتنىڭ ۋاقتى) يېقىنلاشتى، ئۇ كۈندە كاپىرلارنىڭ كۆزلىرى چەكچىيىپ قالىدۇ، (ئۇلار) «ۋاي ئىسىت! بۇنىڭدىن بىز غەپلەتتە قېلىپتۇق، بەلكى بىز ئۆزىمىزگە زۇلۇم قىلىپتۇق» (دېيىشىدۇ) [97]. (ئى مۇشرىكلار!) ھەقىقەتەن سىلەر اﷲ نى قويۇپ ئىبادەت قىلغان نەرسەڭلار بىلەن دوزاخقا يېقىلغۇ بولىسىلەر، سىلەر دوزاخقا كىرىسىلەر [98]. قىيامەت يەجۇج-مەجۇجلەر تارقىلىپ ئۇزۇن ئۆتمەي يۈز بەرگۈسىدۇر!... سەددىچىن سىپىلىنى ئەڭ دەسلەپتە خەنزۇلار تەرىپىدىن «قىزىل دى» دەپ ئاتالغان شەرىقى ئۇيغۇرلارنىڭ 2-قەبىلىسىنىڭ ۋەتىنى بولغان خەنزۇچە «جوڭشانگو» دەپ ئاتالغان بەگلىكتە ياشىغۇچى قەۋم «قىزىل دى-شەرىقى دولان»لار ئۇرۇشقاق بەگلىكلەر دەۋرىدە چىن بەگلىكىنىڭ تاجاۋۇزچىلىقىدىن قوغدۇنۇش ئۈچۈن ياسىغان، مۇشۇ دەۋر ئىسكەندەر زۇلقەرنەيىننىڭ سەددى ئىسكەندەرنى ياسىغان دەۋرى مىلادىدىن بۇرۇنقى 330 يىللار بىلەن بىر ۋاقىتقا توغرا كىلىدۇ، مىلادىدىن بۇرۇنقى 176-يىللىرىدىن كىيىنكى ھون سەلتىنىتىنىڭ يىمىرىلىشى بىلەن خەنزۇلار قەدىم ئۇيغۇرلارنىڭ شەرىقى زېمىنلىرىنى ئىگەلەپ ئاھالە كۆچۈرۈپ سىپىل سوقۇپ مۇداپە قىلغاندۇر . شىنجاڭ دىكى جاڭ(疆) خىتىمۇ رەسىم ئاساسىدا ئەينى زامان تۇرانىيلەر بىلەن خەنلەرنىڭ زېمىنىنىڭ ئەينى تەسۋىرىدۇر،شۇ زاماندىمۇ بۈگۈنمۇ خۇاڭخې دەرياسى چاڭجاڭ دەرياسى ۋە جۇجاڭ دەرياسى ۋادىسى ئارىسىغا جايلاشقان 2 قۇرۇقلۇق خەنزۇلارنىڭ زېمىنى سۈپىتىدە سەددىچىننىڭ جەنۇبىدا تەسۋىرلەنسە، سەددىچىننىڭ شىمالىغا قارىسىڭىز ئەگرى-بۈگرى سەددىچىن سىپىلىنىڭ سىرتىدا كىچىككىنا بىر قىسىلچاقتا تۇرانلارنىڭ تەسۋىرى «تۇ» دىگەن خەتنىڭ كەمسىتىلگەن كىچىك تەسۋىرىنى كۆرىسىز. [96]. ئۇلار (يەنى يەجۇج - مەجۇجى) ئۇنىڭ ئۈستىگە چىقىشقىمۇ، ئۇنى تېشىشكىمۇ قادىر بولالمىدى [97]. زۇلقەرنەين ئېيتتى: «بۇ (يەنى توسمىنىڭ بەرپا قىلىنىشى) پەرۋەردىگارىمنىڭ نېمىتىدۇر، پەرۋەردىگارىمنىڭ ۋەدىسى ئىشقا ئاشقاندا، ئۇ ئۇنى تۈپتۈز قىلىۋېتىدۇ، پەرۋەردىگارىمنىڭ ۋەدىسى ھەقتۇر» [98]. ئۇ كۈندە (يەنى قىيامەت كۈنىدە، قىستاڭچىلىقتىن) كىشىلەرنى بىر - بىرىگە گىرەلەشتۈرۈۋېتىمىز، سۇر چېلىنىدۇ، ئۇلارنى (ھېساب ئۈچۈن) يېغىمىز [99]. ئۇ كۈندە كاپىرلارغا جەھەننەمنى ئاشكارا كۆرسىتىمىز [100].18-سۈرە كەھف . 99-ئايەتتىكى بايانغا دىققەت قىلىڭ، «ئۇ كۈندە كىشىلەرنى بىر - بىرىگە گىرەلەشتۈرۈۋېتىمىز،» بۈگۈنكى دۇنيادا كىشىلەر نوپۇسنىڭ شىددەت بىلەن كۆپىيىشى ۋە ئېنتىرنېت تورنىڭ مۈمكىنچىلىك بىرىشى بىلەن شەكىللەنگەن تۈرلۈك مەۋھۇم مۇناسىۋەتلەر سەۋەبىدە بىر-بىرىگە گىرەلىشىپ كەتتى!... 18-سۈرە قۇرئانى كەرىم تەرتىۋىدە ئاياغدىن باشقا سانىغاندا 96-سۈرىدۇر،ھالبۇكى قىيامەتنىڭ زور ئالامىتى بولغان يەجۇج-مەجۇجلەرنىڭ تارقىلىشى ھەققىدىكى بايانلارمۇ 96-97-ئايەتلەردە بايان قىلىنماقتا، ئىچكىرىدىن چىققۇچىلارغا يۇرتىمىزغا كىرىدىغان تۇنجى دەرۋازا «جايۈگەن»دۇر،بۇ جايدا شىنجاڭغا چىقىدىغان تۆمۈر يول،تاش يول، ۋە ھاۋا يوللىرىنىڭ لىنىيەسى بىر-بىرىگە قوشۇلىدۇ،ھالبۇكى مۇشۇ جاي يەر شارى جۇغراپىيەسىدە شىمالىي كەڭلىك 96-97-گىرادۇسلارغا جايلاشقاندۇر!!!...ئەمدى جوڭگو خەرىتىسىدىن قارىسىڭىز سەددىچىن سىپىلىنىڭ دەل مۇشۇ يەردە ئۈزۈلگەنلىكىنى كۆرىسىز!... جايۈگەن پويىز ئىستانسىسىنىڭ ئالدىدىلا بىر خاتىرە ھەيكىلى بار، ھەيكەلدە ئاتقا مىنگەن بىر خەنزۇ سانغۇننىڭ بىر قولىدا نەيزە تۇتقان،يەنە بىر قولىدا قىلىچنى شىنجاڭغا شىلتىپ ئات چاپتۇرۇپ بىر توپ ئەسكەرلەر بىلەن باستۇرۇپ كىلىۋاتقان خەنزۇچە ۋەتەنپەرۋەرلىك تەسۋىرى ئويۇلغان. شۇنىسى تارىخىي رىياللىقكى، 1979-يىلىدىكى ئىسلاھات-ئىچىۋىتىش سەۋەبىدە خەنزۇ ئاكىلىرىمىزمۇ دۇنياغا تارقالدى ، ئۇنىڭدىن بۇرۇن بۇلار «خورىزىنىڭ چىللىغان ئاۋازىنى ئاڭلاشسىمۇ ئىشىكنى تاقاپ بىر-بىرى بىلەن يوقلاشماسلىق» ئادەتلىرىدە بىكىنمە ياشىغان ئىدى . 1979-يىلىدىكى ئىسلاھات-ئىچىۋىتىش سەۋەبىدە خەنزۇلار دۇنياغا تارقالدى . 1979-يىلى سەۋىت ئىتتىپاقى ئاپغانىستانغا تاجاۋۇز قىلدى. 1979-يىلى ئامىرىكا ئىراندىن قوغلاندى. 1979-يىلى ئىراندا ئىسلامىي ھاكىمىيەت قۇرۇلدى. 1979-يىلى سادام ھۈسەيىن ئىراقنىڭ ئەڭ ئالىي ھوقۇقىنى قولىغا ئالدى. 1979-يىلى ئەل قائىدە تەشكىلاتى قۇرۇلدى. ئەجەبا سىزچە يۇقارقى ئىشلاردا بىر-بىرى بىلەن بىرەر سەۋەپ-نەتىجىلىك باغلىنىش يوقمىدۇر؟.... بىر تەرىپىدە تاجاۋۇزچىلىققا ئۇچرىغان مۇسۇلمان دۆلەتلىرى ئىران،ئىراق،ئاپغانىستان تۇرۇپتۇ، بىر تەرىپىدە ئاشقۇن سانائىتىنىڭ ئىھتىياجىنى كۆزلەپ يىڭى بايلىق ئىزلەۋاتقان ئامىرىكا،رۇسىيە،جوڭگودىن ئىبارەت ئىسلامغا قارشى دۆلەتلىرى تۇرۇپتۇ .ئۇلارنىڭ ھەممىسىنىڭ بىر-بىرىگە قارشى ھەركىتى 1979-يىلىنى باشلىنىش نۇقتىسى قىلغاندۇر، جانابى ئاللاھ مۇنداق دەيدۇ: ئۇلار بىر ئىشنى قارار قىلغان بولسا، بىز  ياردەم بېرىشتە بىر ئىشنى قارار قىلىمىز [79]. 43-سۈرە زۇخرۇف . قاراڭ، يۇقارقى ئايەتمۇ دەل  79-ئايەتتۇر. ئى غاپىل كۆزلەر!...جانابى ئاللاھنىڭ سىزلەردىن ھەر زامان ئايرىلمىغانلىقىنى بىلگەيسىزلەر!... -4غەلىتە ھايۋان-دەببەتۇل ئەرزنىڭ چىقىشى. (بۇ ھەقتە  قۇرئاندا ۋە ھەدىستە دەلىل بار ). جانابى ئاللاھ مۇنداق دەيدۇ: ئۇلار (يەنى كۇففارلار) غا ئالدىنئالا ئېيتىلغان سۆز ئىشقا ئاشقاندا (يەنى ئازاب ۋە قىيامەت يېقىنلاشقاندا)، ئۇلارغا زېمىندىن بىر تۈرلۈك ھايۋاننى چىقىرىمىزكى، ئۇ ئۇلارغا ئىنسانلارنىڭ بىزنىڭ ئايەتلىرىمىزگە ئىشەنمىگەنلىكىنى سۆزلەيدۇ [82]. ئۇ كۈندە ھەر ئۈممەتنىڭ ئىچىدىن بىزنىڭ ئايەتلىرىمىزنى ئىنكار قىلغانلاردىن بىر توپ ئادەمنى(ھېساب ئېلىش ۋە جازالاش ئۈچۈن) يىغىمىز (ئالدى - كەينى يىغىلغۇچە) ئۇلار توختىتىپ تۇرۇلىدۇ [83]. 27 - سۈرە نەمل «دەببەتۇل ئەرز » دىمەك «ھەركەتلەنگەن يەر» دىمەكتۇر،ئەرەپچدىكى «داببە» سۆزى ئۇيغۇرچىدىكى «دەۋرەش» سۆزىدىكى «دەۋ» بىلەن تاۋۇشتاش ۋە مەنىداشتۇر،«دەۋ» دىمەك «ھەركەتلىنىش» دىمەكتۇر. ھالبۇكى «دەببەتۇل ئەرز »نىڭ چىقىشى قىيامەتنىڭ زور ئالىمىتىدىن بىرسىدۇر، مەنچە «ھەركەتلەنگەن يەر» بۈگۈنكى كومپۇتىر تىخنىكىسى بىلەن ياسىلىۋاتقان ماشىنا ئادەملەر شۇمىكىن دەيمەن؟....چۈنكى ھەرقانداق بىر نەرسىنى ياسىساق ماددىدىن ياسايمىز، ماددا بولسا يەردىن چىقىدۇ، ئۇنداقتا ماشىنا ئادەممۇ يەردىن چىقىدۇ. يېقىندا ئەنگىلىيە (Welcome Fund) ۋەلكام فۇندنىڭ ياردىمى بىلەن (Rex) رىكىس ناملىق بئىونىكىلىق ئادەمنى ياساپ چىققان، رىكىسنىڭ بويى 2 مىتىر بولۇپ دۇنيادىكى ئەڭ ئىلغار سۈنئى تەن تىخنىكىسى قوللۇنۇلغان، رىكىستا ئاشقازان ئاستى بىزى،بۆرەك، تال قاتارلىق سۈنئى ئەزالار بار بولۇپ، ئۇنىڭدا يەنە سۈنئى قان ئايلىنىش سىستىمىسى، پۇت-قول گەۋدىسى بار، چىرايى شىۋىتسارىيەلىڭ پىسخىلوگ بىرتولت مىيېر (Bertolt Meyer)غا تەقلىت قىلىنغان بولۇپ راس ئادەمگىلا ئوخشايدۇ. ھەزرىتى ئۆمەر رەزىياللاھۇ ئەنھۇنىڭ زامانلىرىدا كىشىلەر داببەتۇل ئەرز ھەققىدە تۈرلۈك قىياسلاردا بولۇشقاندا ، ھەزرىتى ئۆمەر رەزىياللاھۇ ئەنھۇ ئۇلارغا داببەتۇل ئەرز توغرۇلۇق مۇنداق چۈشەنچە بەرگەن ئىدى : «ئۇ داببە قۇيرۇقى بار داببە ئەمەس، بەلكى ساقىلى بار داببە دۇر» . ھەزرىتى ئۆمەر رەزىياللاھۇ ئەنھۇنىڭ يۇقارقى سۈپەتلىشى بىزگە داببەتۇل ئەرزنىڭ ھايۋان سىياقىدىكى ھەركەتلەنگۈچى نەرسە بولۇشتىنمۇ ئادەم سىياقىدىكى ھەركەتلەنگۈچى نەرسە بولۇش ئىھتىماللىقىنىڭ يۇقۇرىلىقىدىن بىشارەت بەرمەكتە. مۇنداقچە ئەيتقاندا ئۆمەر رەزىياللاھۇ ئەنھۇ «ساقىلى بار داببە»دەپ سۈپەتلىگىنى ئۈچۈن داببەتۇل ئەرز سۈنئىي ئادەمدۇر. ئۇنداقتا ماشىنا ئادەملەرمۇ يەرنىڭ مىدىرلىشىدىن ئىبارەتتۇر،ھالبۇكى بۈگۈنكى غەرپ جەمىيىتىنىڭ سەركىلىرى ھەرقانداق بىر پەن-تىخنىكا مۇۋاپىقىيىتىنى ئىلاھىيەتكە قارشى ، ئېلىمنىڭ غەلىبىسى سۈپىتىدە تەشۋىق قىلىدۇ،غەرپنىڭ سەركىسى ئەنگىلىيەدە ئىشلەنگەن ماشىنا ئادەم  رىكىسنىڭمۇ تۇنجى سۆزىنىڭ خۇددى قۇرئانى كەرىمدە ئالدىن بايان قىلىنغاندەكلا « مېنى ئاللاھ ئەمەس، ئېلىم-پەن ياراتتى » دىيىشىدىن ئەجەپلەنمەيمەن!...يېقىنغىچە دەھرىيلىكنىڭ تۇتقان يولى شۇكى ؛ يۇقۇرى ئىلىم-پەن تىخنىكىسىنى ئىگىلىگەنلەر بۇ ئارتۇقچىلىقى ئارقىلىق جانابى ئاللاھقا قارشى ئىلىم-پەننىڭ كۈچىنى كۆز-كۆز قىلىپ دېنسىزلىق تەشۋىقاتى قىلىشماقتا. جانابى ئاللاھ مۇنداق دەيدۇ : ئۇلارغا ئالدىنئالا ئېيتىلغان سۆز ئىشقا ئاشقاندا (يەنى ئازاب ۋە قىيامەت يېقىنلاشقاندا)، ئۇلارغا زېمىندىن بىر تۈرلۈك ھايۋاننى چىقىرىمىزكى، ئۇ ئۇلارغا ئىنسانلارنىڭ بىزنىڭ ئايەتلىرىمىزگە ئىشەنمىگەنلىكىنى سۆزلەيدۇ [82]. ئەگەر دەلىلىمىزدە خاتالاشمىغان بولساق ئىنسانىيەت «داببەتۇل ئەرز» دەۋرىگىمۇ كىرىپ بولغان بولۇشى مۈمكىن!... -5شەرقتە بولىدىغان زور يەر يۇتۇش-يەر تەۋرەش بالاسى. (بۇ ھەقتە ھەدىستە دەلىل بار ). يەر يۇتۇش بالاسىنىڭ بىر قىسمى يۈز بىرىپ بولغان بولۇشى مۈمكىن.ۋىنچۇەندىكى يەر تەۋرەش شۇ جۈملىدىنمىكىن دەيمەن؟... -6 غەرپتە بولىدىغان زور يەر يۇتۇش-يەر تەۋرەش بالاسى. (بۇ ھەقتە ھەدىستە دەلىل بار ) چوقۇمكى بۇ يەر تەۋرەش ئافرىقىدا ياكى ئامىرىكىدا يۈز بىرىشى مۈمكىن، چۈنكى ئەرەپ يىرىم ئارىلىنىڭ غەربى شۇ يەرلەرنى كۆرسەتمەكتە، ۋە بەلكى بۇ ۋەقەمۇ يۈز بىرىپ بولغاندۇ؟... -7ئەرەپ يىرىم ئارىلىدا بولىدىغان  زور يەر يۇتۇش-يەر تەۋرەش بالاسى. (بۇ ھەقتە ھەدىستە دەلىل بار ) . -8 بۈگۈنگى يەمەن دۆلىتىگە تەۋە بولغان ئادەن شەھرىدىن بىر ئوتنىڭ چىقىپ ئىنسانلار نەدە قونسا ۋە نەدە چۈشلۈك ئىستىراھەت ئۈچۈن قونسا شۇ يەردە توختاپ  ئۇلارنى ھەيدەپ بىر مەيدانغا توپلىشى . (بۇ ھەقتە ھەدىستە دەلىل بار) . بەلكىم بۈگۈنكى يەمەندىكى يېقىندا سابىق باش باقان سالىھنى تەختتىن چۈرۈش ئۈچۈن ئىلىپ بىرىلغان ھەركەتلەردە يۈز بەرگەن زور پارتىلاشلار شۇدۇر؟...بىلگۈچى جانابى ئاللاھتۇر. -9مەريەمنىڭ ئوغلى ئېسا ئەلەيھىسسالامنىڭ چۈشۈشى . (بۇ ھەقتە قۇرئاندا ۋە ھەدىستە دەلىل بار ). ھەيران قالارلىقى شۇكى، ئىسا ئەلەيھىسسالام 33 يىشىدا ئاسمانغا چىقىپ كەتكەندۇر، ئۇ قايتىپ چۈشىدىغان جاي بۈگۈن ئۇرۇش ئوتى ئىچىدە قالغان سۈرىيەنىڭ پايتەختى دەمەشىقتۇر، دەمەشىق شەھرى بولسا شىمالىي كەڭلىك 33 گىرادۇسقا جايلاشقاندۇر .قۇرئانى كەرىمدە مۇھەممەد ئەلەيھىسسالامغا ئىشارەت قىلىدىغان سۈرە تاھا 20-سۈرىدۇر، ئىسا ئەلەيھىسسالامغا ئىشارەت قىلىدىغان سۈرە مەريەم 19-سۈرىدۇر، 20 بىلەن 19نى جۈپلىسىڭىز 2019 دۇر!.... 1986-يىلىدا ھاللەي قۇيرۇقلۇق يۇلتۇزى يەر شارىغا كىلىپ كەتتى، 2019-يىلى شۇ ۋەقەگە دەل 33 يىل بولىدۇ،ھالبۇكى ئىسا ئەلەيھىسسالام ھاللەي قۇيرۇقلۇق يۇلتۇزى يەر شارىغا كەلگەندە تۇغۇلغان ئىكەن ۋە بۇ يۇلتۇز يەر شارىدىن يىراقلىشىپ 33 يىل ئۆتكەندە يەر شارىدىن ئاسمانغا چىقىپ كەتكەن ئىكەنلەر .ھەممە سىرلارنى تولۇق بىلگۈچى جانابى ئاللاھ تەئالادۇر. -10كۈننىڭ غەرىپتىن چىقىشى . (بۇ ھەقتە ھەدىستە دەلىل بار ) . بۇ ئالامەت كەلسە تەۋبە ئىمان ۋە ئىبادەت قوبۇل قىلىنمايدۇ، جانابى ئاللاھ مۇشۇ ئالامەتتىن بۇرۇن دۇنيا يۈزىدىكى بارلىق مۇسۇلمانلارنى قەبزى روھ قىلىدۇ، قىيامەت كاپىرلارنىڭ ئۈستىگە قايىم بولىدۇ، ھەدىستە مۇنداق دىيىلىدۇ : سىلەرنىڭ ئەسكىلىرىڭلار قىيامەت بىلەن ھايات ئۇچراشقىنىڭلاردۇر. جانابى ئاللاھ ئۇ كۈندە بىزنى دۇنيا يۈزىدە ھايات قالغۇچىلاردىن قىلمىغاي ئامىن!... ................... .................. ھەدىسلەردىكى قىيامەت يىقىنلاشقاندا كۆرۈلىدىغان پارچە ئالامەتلەر: شەرقتە بىرسى گەپ قىلسا غەرپتە تۇرۇپ بىرسى ئاڭلايدۇ،(كۆچمە تىلىفۇن ئالاقىسى) ئاسماندىن كەلگەن ئاۋازنى ھەممە مىللەت ئۆز تىلىدا ئاڭلايدۇ.(رادىيو-تىلىۋىزىيە) ئۆزىنىڭ ئاۋازى ئۆزىگە گەپ قىلىدۇ. ( ئۈن ئالغۇ) بىر كىشى ئۆيىدىن 4-5 كۈنلۈك يىراقتا تۇرۇپمۇ يوتىسىغا ئىسىۋالغان كىسەكتەك نەرسە بىلەن ئۆيىنىڭ غەيپ خەۋەرلىرىنى ئۇقۇپ تۇرىدۇ .( يان تىلىفۇن) كىشىلەر ئىگىز بىنا سىلىشتا بەسلىشىدۇ. (دۈبەيدە ئەڭ ئىگىز بىنا بار) ئۆيلىرىڭلارنىڭ تاملىرى تاشتىن، ئىشىك-دەرىزىلىرى تۆمۈردىن بولىدۇ .( بىنالىرىمىزنى قوپۇرىۋاتقان سىمىنۇت تاشتىن ياسىلىدۇ، بىخەتەر ئىشىك ۋە دەرىزىلىرىمىز تۆمۈردىن ياسىلىۋاتىدۇ ) ۋاقىت بارغانسىرى تىز ئۆتىدۇ.(يۇقۇرى سەرپىياتلىق تۇرمۇش ئۇسۇلىدىن تۇغۇلغان تۇرمۇش بىسىمى بىزنى غالجىر ئىتتەك ئارقىمىزدىن قوغلاپ يۈرۈپ تۇرمۇش ھەلەكچىلىكىدە ئالدىراش قىلىۋەتتى،قانداق تاڭ ئېتىپ،قانداق كەچ بولغىنىنىمۇ بىلگىلى بولمايدىغاندەك ھىس قىلىمىز) مۇساپىلەر قىسقىرايدۇ.( ئايرۇپىلان قاتارلىق قاتناش قوراللىرىنىڭ ياردىمىدە بىر يىلدا يىتىپ بارالايدىغان مۇساپىلىرىمزگە بىر سائەتتىلا بارالايمىز) ئاياللار كىيىم كىيىدۇ،ئەمما كىيىم كەيمىگەندەك كىيىدۇ، چاچلىرىنى تۆگىنىڭ لوكىسىدەك جۇغلىۋالىدۇ .(بۈگۈنكى مودا خىنىملارنىڭ ھالى شۇ) . ئۇ زاماندىكى ئۈممىتىمدە سىمىزلىك باش كۆتۈرىدۇ .( تىلىۋىزورلاردىكى ئورۇقلۇتۇش دورىلىرى ۋە سىمىزلىكتىن بولۇۋاتقان تۈرلۈك كىسەللىكلەر ھەققىدىكى داۋراڭلارغا قاراڭ) بەلكىم ئەمدى ئىسا ئەلەيھىسسالامنىڭ چۈشىشىلا قالغاندۇ؟...مەيلى قانداق ئىش بىزنى كۈتۈپ تۇرغان بولۇشىدىن قەتئى نەزەر ئۆلۈم ھەر بىر ئىنساننىڭ قىيامىتىدۇر، ئۇ تۇيقىسىز كىلىدۇ،شۇنىڭدەك قىيامەت بولسا ئالەملەرنىڭ ئۆلۈم كۈنىدۇر، ئۇمۇ تۇيقىسىز كىلىدۇ!.....بىز بۇ دەۋر ئىنسانلىرى قىيامەتكە تارىختىكى ئەڭ يېقىن ئارىلىقتا تۇرۇۋاتقان بولۇشىمىز ئېنىقتۇر!... ناھايىتى شەپقەتلىك ۋە مېھرىبان اﷲ نىڭ ئىسمى بىلەن باشلايمەن. قىيامەت يېقىنلاشتى، ئاي يېرىلدى [1]. 54 - سۈرە قەمەر يۇقارقى سۈرىنىڭ سۈرە سانى 54 نى تەتۈر ئوقۇسىڭىز 45 تۇر، 45 قۇرئانى كەرىمدە قىيامەت ھەققىدە كۆپ سۆزلىنىدىغان سۈرە ۋە ئايەتلەرنىڭ سانى بولۇپ كىلىدۇ . 45 كە 54 نى قوشسىڭىز 99 دۇر، 99 سانى جانابى ئاللاھنىڭ بارلىق بىز بىلگەن ئالىي سۈپەتلىرىگە ئىشارەت قىلىدىغان ساندۇر، 99-سۈرە زېلزەلە سۈرىسىدۇر، يەنى «قاتتىق تەۋرەش» دىگەن مەنىدىكى قىيامەت ئالامىتىدىن بايان قىلىنغان سۈرىدۇر . ئاينىڭ يىرىلىشىنى بىر بۆلۈك ئالىملار «رەسۇلۇللاھ ئەلەيھىسسالام دەۋرىدە كەلگەندۇر» دەيدۇ، يەنە بىر بۆلۈكلەر بۇ ئالامەت «ئامىرىكانىڭ ئاي شارىغا چىقىپ ئاي يۈزىنى يېرىپ ئەۋرىشكە ئىلىشى»نى كۆرسىتىدۇ دەيدۇ، مەيلى قايسىسى توغرا بولسۇن ئاينىڭ يىرىلىش ئالامىتى سادىر بولۇپ بولدى، قىيامەت يېقىنلاشتى، بۇ ئايەت نازىل بولغىلى 1400 يىلچە بولدى،يەر شارىدىكى مىڭ يىل ئاللاھنىڭ ئەرشىدىكى بىر كۈنگە تەڭدۇر، ئۇنداقتا بۇ ئايەت نازىل بولغاندىن بىرى ئاللاھنىڭ ئەرشىدە 1 كۈن 10 سائەتچە ۋاقىت ئۆتكەن بولغاي، بىز قۇرئانى كەرىمنىڭ مۇناسىبەتلىك ئايىتىدىن شۇنى بىلىمىزكى ، يەر شارى قۇياشنى مىڭنى ئايلىنىپ بولغاندا قۇياش شارى جانابى ئاللاھنىڭ ئەرشىنى بىرنى ئايلىنىدۇ. قىيامەت كۈنىدە قۇياشنىڭ جانابى ئاللاھنىڭ ئەرشى ئاستىدا سەجدىگە بارىدىغانلىقى،جانابى ئاللاھنىڭ قۇياشقا «ئارقاڭغا قايت» دەيدىغانلىقى...قۇياشنىڭ تەتۈر يۆلۈنۈشتە ئايلىنىدىغانلىقى... مۇناسىبەتلىك ھەدىستە بايان قىلىنغان،شۇنىسى ئېنىقكى ھەممە نەرسە ئەسلى ھالىتىگە قايتقۇسىدۇر. 36-سۈرە ياسىننىڭ ئاخىرقى ئايىتىدىمۇ بۇنىڭغا دەلىل باردۇر: اﷲ پاكتۇركى، ھەر بىر نەرسىنىڭ ئىگىلىك ھوقوقى ئۇنىڭ قولىدىدۇر،ھەممىڭلار ئۇنىڭ دەرگاھىغا قايتۇرۇلىسىلەر [83]. جانابى ئاللاھ ھەممىمىزنى بۇ دۇنيا غېمىدىن ئاخىرەت غىمىنى بۇرۇنراق قىلىشقا ۋە ئويلاشقا مۇۋەپپەق قىلسۇن، ئامىن!... بىسمىللاھىر رەھمانىر رەھىم ئۇلار: «ئەگەر راستچىل بولساڭلار، بۇ ۋەدە قاچان ئىشقا ئاشىدۇ؟» دەيدۇ [48]. ئۇلار پەقەت بىر ئاۋازنىلا (يەنى ئىسراپىل ئەلەيھىسسالامنىڭ بىرىنچى قېتىملىق چالغان سۇرىنىلا) كۈتىدۇ، ئۇلار (دۇنيادا سودا - سېتىق ۋە شۇنىڭغا ئوخشاش ئىشلار ئۈستىدە) جاڭجاللىشىپ تۇرغان ھالەتلىرىدە، ئۇ ئاۋاز ئۇلارنى ھالاك قىلىدۇ [49]. ئۇلار بىر - بىرىگە ۋەسىيەت قالدۇرۇشقىمۇ، ئائىلىسىگە قايتىشقىمۇ قادىر بولالمايدۇ [50]. سۇر چېلىنغان ھامان ئۇلار قەبرىلىرىدىن چىقىپ پەرۋەردىگارى تەرەپكە يۈگۈرىدۇ [51]. ئۇلار: «ۋاي ئىسىت! بىزنى ئۇخلاۋاتقان يېرىمىزدىن (يەنى قەبرىمىزدىن) كىم ئويغاتتى؟» دەيدۇ (چۈنكى ئۇلار ئىككى سۇر ئارىسىدا ئۇيقۇدا بولۇپ ئازابتىن خالى بولىدۇ)، (پەرىشتىلەر يا مۆمىنلەر ئۇنىڭغا جاۋابەن) «مېھرىبان اﷲ نىڭ ۋەدە قىلغىنى مۇشۇ (كۈن)، پەيغەمبەرلەر راست ئېيتقان» دەيدۇ [52]. پەقەت بىر ئاۋاز بىلەنلا ئۇلارنىڭ ھەممىسى ھۇزۇرىمىزغا ھازىر قىلىنىدۇ [53]. ئۇ كۈندە ھېچبىر ئىنسانغا قىلچە زۇلۇم قىلىنمايدۇ، سىلەرگە پەقەت قىلمىشىڭلارغا يارىشا جازا بېرىلىدۇ [54]. شۈبھىسىزكى، ئۇ كۈندە جەننەت ئەھلىلىرى نېمەت ئىچىدىدۇر [55]. ئۇلار ۋە ئۇلارنىڭ جۈپتىلىرى (جەننەتلەرنىڭ) سايىلىرى ئاستىدا تەختلەرگە يۆلەنگەن ھالدا تۇرىدۇ [56]. ئۇلار ئۈچۈن جەننەتتە (تۈرلۈك) مېۋىلەر بار، ئۇلار ئۈچۈن جەننەتتە (ئۇلارنىڭ) كۆڭلى تارتقان نەرسىلەر بولىدۇ [57]. مېھرىبان پەرۋەردىگارى تەرىپىدىن (ئۇلارغا) سالام دېيىلىدۇ [58]. (گۇناھكارلارغا) «ئى گۇناھكارلار! بۈگۈن (بىر تەرەپكە) ئايرىلىڭلار» (دېيىلىدۇ) [59]. سىلەرگە (پەيغەمبەرلىرىم ئارقىلىق): «ئى ئادەم بالىلىرى! شەيتانغا چوقۇنماڭلار، ئۇ ھەقىقەتەن سىلەرگە ئاشكارا دۈشمەندۇر، ماڭىلا ئىبادەت قىلىڭلار، بۇ توغرا يولدۇر» دەپ تەۋسىيە قىلمىدىممۇ؟ [60ـ61] شۈبھىسىزكى، شەيتان سىلەردىن نۇرغۇن كىشىلەرنى ئازدۇردى، (بۇنى) چۈشەنمەمسىلەر؟ [62] سىلەرگە ۋەدە قىلىنغان جەھەننەم مانا شۇ [63]. سىلەر (دۇنيادىكى چېغىڭلاردا) كاپىر بولغانلىقىڭلار ئۈچۈن جەھەننەمگە كىرىڭلار [64]. شۇ كۈندە ئۇلارنىڭ ئېغىزلىرىنى پېچەتلىۋېتىمىز، ئۇلارنىڭ قىلمىشلىرىنى قوللىرى بىزگە سۆزلەپ بېرىدۇ، پۇتلىرى گۇۋاھلىق بېرىدۇ (يەنى ھەر ئەزا ئۇنىڭدىن سادىر بولغان ئىشنى سۆزلەپ بېرىدۇ) [65]. قۇرئانى كەرىم 36-سۈرە ياسىن . ئى بۈيۈك رەببىم!...ھاياتىمنى ۋە ماماتىمنى رىزالىقىڭدا قىلغايسەن، ئۆلۈم كۈنۈمنى،قەبرەمدىن چىقىش كۈنۈمنى ۋە قىيامەتتىكى ساڭا مۇلاقات بولغان كۈنۈمنى مەغپىرىتىڭدە ۋە رەھمىتىڭدە  قىلغايسەن !..يا رەھىمىم!... يا رەھمانىم!... يا ئاللاھىم!..ئامىن!. 2013-يىلى 3-ئاينىڭ 23-كۈنى . يازمامنىڭ نەشرى چەكلەنمەيدۇ .

weten520

	9مەريەمنىڭ ئوغلى ئېسا ئەلەيھىسسالامنىڭ چۈشۈشى   تىمىدا ئوتتۇرغا  قۇيۇلغان يىلغا توغرا كەلسە 6يىلدىن  كىيىن  .......................................

ئەرتۇرا

	ئاللاھ رەھمەت قىلسۇن قېرىندىشىم!  بىلىمىڭىز تېخىمۇ چوڭقۇرلاشقاي!  مۇشۇنداق نادىر تىمىللىرىڭىز نى مۇنبەردىن ئۈزمىگەيسىز!

tvmvr

	قېنى ئىنكاس يازىدىغانلار،چۈشىنەلمەۋاتامسىلەر؟ بەلكىم پەرەزلىرىڭىز توغرىدۇ؟ دەججال توغرىسىدىكى پەرەزلىرىڭىزگە قايىل بولمىدۇم. ھەدىستە دەججالنىڭ بىر ئادىمنى ئۆلتۈرۈپ تىرگۈزىدىغانلىقىنى،ئاللاھنىڭ بەندىلەرنى سىناش ئۈچۈن دەججالغا ئەشۇنداق قابىليەت بىرىدىغانلىقىنى،تىرگۈزۈلگەن ئۇ ئادەمنىڭ دەججالنى ئىنكار قىلدىغانلىقىنى،دەججالنىڭ ئۇ ئادەمنى جازالاش ئۈچۈن دۇزاخقا تاشلىدىم دەپ ئۇنى ئوتقا تاشلايدىغانلىقنى،ئاللاھنىڭ ئۇنى جەننەتكە كىرگۈزىدىغانلىقىنى بايان قىلدۇ. بۇ بايانلارنى قانداق چۈشىنىمىز؟ ئاللاھ ئەڭ توغرىسىنى بىلگۈچىدۇر.

sardor

	قىيام

Qabiljan

	بۇ ئادەمنىڭ بىلىمىمۇ بار ئىكەن،تەسەۋۋۇرغىمۇ باي ئىكەن. لېكىن ھۆكۈم چىقىرىشقا ئالدىراڭغۇلۇق قىلغىنى توغرا بولماپتۇ.

qirakpay

	...دۇنىيانىڭ ھالاكىتىنى،ئىنسانىيەتنىڭ زاۋالىنى(قىيامەت)نى ....1400يىلدىن بىرى ‹‹قۇرئان كېرىم››ئارقىلىق بايان قىلىپ،....ئەسكەرتىلگەن بولسىمۇ،...بىز بۇ زاماننىڭ غەپلەت  ئۇيقۇسىدىن ئويغۇنالىدۇقمۇ...؟ _ئاخىرەت ئۈچۈن تەييالىقىمىزنى پۈتتۈرەلىدۇقمۇ؟...

mahatjan

	كۆپ ئەجىر قىپسىز،رەھمەت سىزگە.

ata.ata

	دەججال ھىندى ئوكيان ئاراللىرىنىڭ بىرىدە تاققا كىشەنلەپ قۇيۇلغان بۇلۇپ ، جىنلار كۈزۈتۈپ تۇرىدىكەن . ئاخىرەت كۈنى ھارپىسىدا يەئجۈج ۋە مەھجۈجلەر ئۆزلىرىنى توسۇپ تۇرغان تاغنى تىشىپ ئۆتكەندە ، دەججالمۇ كىشەندىن قۇتۇلۇپ ، قۇشۇنى بىلەن يەر يۈزىنىڭ ھەممە يىرىدە ( مەككە ۋە مەدىنىدىن باشقا ) 40 كۈنلۈك ( ياكى 40 يىللىق ) ھۆكۈمرانلىقىنى ئورنىتىدىكەن . ئاقىۋەتتە ئىسا پەيغەمبەر دەججالنىڭ ھۆكۈمرانلىغىنى ئاغدۇرۇپ تاشلاپ ، ئۇنى ئۆلتۈرىدىكەن . ( قىسقىچە ئىسلام لوغىتى ) بىلگۈچى بىر ئاللاھ  ئۆزىدۇر !

HaNaFi

	ئۇلۇغ ئاللاھ ئىلىمىڭىزنى تېخىمۇ زىيادە قىلسۇن قېرىندىشىم ..ئاللاھ رەھمەت قىلسۇن ______`!!!  بۇ تېمىڭىز مېنى باشقىدىن ئويغاتتى،ئىنشائاللاھ ~~~~~~. جېنىمىز تېنىمىزدا بار ۋاقتىدا ئۇلۇغ ئاللاھقا قۇلچىلىقىمىزنى قىلىۋالايلى ،تەۋبە دەرۋازىسى تاقالمىغان ۋاقىتتا تەۋبە قىلىۋالايلى ...............`! ! !