ئەڭ سۆيۇملۇك بىرىنجى خوتۇن

muslim11

	بىر باينىڭ تۆت خوتۇنى بار ئىكەن . ئۇ تۆتىنچى خوتۇنىنى ئەڭ ياخشى كۆرىدىكەن . ئۇنىڭغا ئىېسىل كىيىملەرنى كىيدۈرۈپ ، ياخشى نازۇ نېمەتلەرنى يېگۈزىدىكەن . ئۇنى ئىنتايىن ئاسرايدىكەن، ھەمىشە ئۇنىڭغا ئەڭ ياخشى نەرسىلەرنى ئېلىپ بېرىدىكەن.   ئۇ ئۈچىنچى خوتۇننى ناھايىتى ياخشى كۆرىدىكەن. ئۇنىڭدىن پەخىرلىنىدىكەن ، ھەمىشە دوسلىرىنىڭ ئالدىدا ئۇنى كۆز - كۆز قىلىدىكەن. ئەمما ئۇنىڭ باشقا ئەرلەر بىلەنقېچىپ كېتىشىدىن ئەنسىرەپ ، دەككە - دۇككىدىلا يۈرىدىكەن.   ئۇ ئىككىنچى خوتۇننىمۇ ياخشى كۆرىدىكەن. ئۇ ناھايىتى كۆيۈمچان ، سەۋرىچان ئىكەن، ئەمەلىيەتتە باينىڭ سىردىشى ئىكەن . باي قانداق ۋاقىتتا مەسىلىگەيولۇقسا ئىككىنجى خوتۇننى ئىزدەيدىكەن ، ئىككىنجى خوتۇنىمۇ ئۇنىڭ قىيىنچىلىقتىنقۇتۇلۇشىغا ، ئۆتكەلدىن ئۆتۈۋىلىشىغا يارىدەم بېرىدىكەن .   باينىڭ بىرنچى خوتۇنى ناھايىتى ساداقەتمەن مەزلۇم ئىكەن ، باينىڭ بايلىقى ۋە تىجارىتىنى باشقۇرۇش ، پۈتۈن ئۆي ئىشلىرىنى قىلىش ئۈچۈنناھايىتى زور كۈچ چىقىرىدىكەن .ئەمما ، بىرنچى خوتۇنى باينى ناھايىتى ياخشى كۆرسىمۇ، بايئۇنى ئازراقمۇ ياخشى كۆرمەيدىكەن.   بىر كۈنى باي ئاغرىپ قاپتۇ . ئۇزۇن ئۆتمەي، ئۇ ئۆزنىڭ پاتئاردا بۇ دۇنيا بىلەن خوشلىشىدىغانلىقىنى بىلىپتۇ .   ئۇ ئوزنىڭ راھەت - پاراغەتلىك تۇرمۇشنى ئويلاپ ئۆز - ئۆزىگە : << ھازىريېنىمدا تۆت خوتۇنۇم بار ، ئەمما مەن ئۆلگەندىن كېيىن يالغۇز قالىمەن . مەن نېمىدىگەن بىچارە - ھە >> دەپتۇ. شۇنىڭ بىلەن ئۇ تۆتىنچى خوتۇنىنى چاقىرىپ :   - سېنى ھەممىدىن بەك ياخشى كۆرىمەن ، ساڭا ئېسىل كىيىملەرنىئېلىپ بەردىم ، ھەممىدىن ياخشى باقتىم . ھازىر مەن ئۆلۈپ كېتىش ئالدىدا تۇرىمەن، مەنبىلەن كېتەمسەن ؟ - دەپتۇ.   - جۆيلىمىسلە ، - تۆتىنچى خوتۇنى شۇنداق دەپلا بىر ئىېغىزمۇ گەپ - سۆز قىلماي كېتىپقاپتۇ .   ئۇنىڭ جاۋابى باينىڭ يۈرىكىگە خەنجەر تىققاندەك بىلنىپتۇ : بايقاتتىق ئازاپلانغان ھالدا ئۈچىنچى خوتۇنىدىن سوراپتۇ :   - بۇ ئۆمرۈمدە سېنى شۇنداق ياخشى كۆرۈپ كەلدىم . ھازىر مەن ئۆلۈپ كېتىشئالدىدا تۇرىمەن ، مەن بىلەن كېتەمسەن ؟   - ياق ، - دەپتۇ ئۈچىنچى خوتۇنى ، بۇ يەردىكى تۇرۇمۇش نېمىدىگەن گۈزەل ، سىلى ئۆلگەندىن كېيىن مەن قايتىدىن توي قىلىمەن .   باينىڭ يۈرىكى ئىېغىپ مۇزلاپ كېتىپتۇ . شۇنىڭ بىلەن ئۇئىككىنچى خوتۇندىنسوراپتۇ :   - مەن ھەمىشە سەندىن يارىدەم سورايتىم ، سەنمۇ مېنىڭ قىيىنچىلىقىتىنقۇتۇلۇشىمغا يارىدەم بېرەتتىڭ . مەن ھازىر سىنىڭ ياردىمىڭگە موھتاج . مەنئۆلگەندىن كېيىن ماڭا ھەمراھ بولالامسەن ؟   - كەچۈرسىلە ، بۇ قېتىم سىلىگە ياردەم قىلالمايمەن ، - دەپتۇ ئىككىچى خوتۇنى ، - ئەڭ بولغاندىمۇ سىلىنى قەبرىستانلىققىچە ئۇزۇتۇپ بارالايمەن .   بۇ جاۋاپ خۇددى چاقماق سوققاندەك بايغا قاتتىق زەربە بوپتۇ .   بۇ چاغدا بىر ئاۋاز جاراڭلاپتۇ :   - مەن سىلى بىلەن كېتىمەن . نەگە بارسىلا سىلىگە ھەمراھ بولىمەن .   باي بېشىنى كۆتۇرۇپ قارسا بىرنچى خوتۇنى ئىكەن . ئۇ ئورۇقلاپ قاقشال بولۇپقالغان ، قارىماققا ئۇزۇن مۇددەت ئاش - تاماق يېمىگەندەك كۆرۈنىدىكەن . باي قاتتىقئازاپ بىلەن :   - ئەسلىدە سىنىڭ ھالىڭدىن ئوبدان خەۋەر ئالسام بوپتىكەن ، - دەپتۇ .   ئەمەلىيەتتە بىزنىڭ تۇرمۇشمىزدا تۆت خوتۇن بار :   ئا . تۆتىنچى خوتۇن بىزنىڭ بەدىنىمىز .   مەيلى بىز قانچىلىك ۋاقتىمىزنى ۋە زىھنى قۇۋۋىتىمىزنىسەرىپ قىلىپ ، ئۇنى ياخشى باقايلى ، بىز ئۆلگەن ۋاقىتتا ئۇ بىزدىن ئايرىلىپ كېتىدۇ .   ب . ئۈچىنچى خوتۇن بىزنىڭ ئورنىمىز ۋە مال - دۇنيايىمىز .   بىز ئۆلگەندىن كېيىن ئۇلار باشقىلارغا مەنسۇپ بولۇپ كېتىدۇ .   س . ئىككىنچى خوتۇن ئۆيىمىزدىكىلەر ۋە دوستىلىرىمز . ھايات ۋاقتىمىزدائۇلار بىلەن قانچىلىك يېقىن بولايلى ، ئۇلار ئەڭ بولغاندىمۇ بىزگە قەبرستانلىققىچەھەمراھ بولالايدۇ .   د . بىرنچى خوتۇن ئەمەلىيەتتە بىزنىڭ روھىمىز .   بىز مال - دۇنيا ۋە جىسمانىي جەھەتتىكى لەززەتنى قوغلاشقانۋاقتىمىزدا ، ئۇ ھەمىشە سەل قارىلىدۇ .   ئويلاپ باققانمىدىڭىز ؟ مەيلى نەگىلا بارايلى ، بىزگە مەڭگۇ ھەمراھبولدىغىنى روھ . شۇڭا ، سەكراتقا چۈشۈپ قالغاندا پۇشايمان قىلىپ ھەسرەتچەككەندىن كۆرە ، ھازىر روھىمىزنى تەربىيلىسەك، ئۇنىڭغا كۈچ بەرسەك زىينى بولماس . مەنبە؛ شىنجاڭ ئاياللار ژورنىلى

zular

	بۇ تېمنى بەك ياخشى يوللاپسىز جۇمۇ

musilina

	مەنىسى چوڭقۇر،ئەھمىيەتلىك تېمىكەن.....

AYGUZAL007

	ئۇھ توۋا  .. ما تېمىنى ئوقۇپ ئەجەپ بىر بوپ قالدىم دېسە .......     مەنىسىنى    چوڭقۇر تېمىكەن .   رەھمەت قولىڭىىزغا    دەت بەمىسۇن

urhunbaturi

	ئاجايىپ چوڭقۇر مەنىلىك ئوخشۇتۇشكەن، كاللىمىزنى بىر سىلكىۋىتىپ ئويلىنىپ باقساق بۇلىدىكەن جۇمۇ.

apisi502

	ئويلنىشقا تىگىشلىك مەسلە!

ئۆزگىچە

	راسلا ياىشى تىما ئىكەن ،ئادەمنى  سەگەكلەشتۇرگىدەك.تىما ئىگسىگە  رەھمەت.