يېڭى ئوقۇغۇچىلارغا« مۇھەببەتلەشمەسلىك كاپالەتنامىسى» ....

xajarim

	يېڭى ئوقۇغۇچىلارغا« مۇھەببەتلەشمەسلىك كاپالەتنامىسى» يازدۇرغان ئالىي مەكتەپ ۋۇخەن كەچلىك گېزىتى مۇخبىرنىڭ خەۋىرىگە ئاساسلانغاندا، 10-ئاينىڭ 24-كۈنى چۈشتىن كېيىن، ۋۇخەن تاشقى سودا ئۇنىۋېرسىتېتى ئاخبارات ئېلان قىلىپ 2012-يىلى ئالىي مەكتەپكە قەدەم قويغان ئوقۇغۇچىلارنىڭ ئالىي مەكتەپتىكى قىممەتلىك ۋاقتىنى ئۆگىنىشكە سەرپ قىلىپ، بالدۇر مۇھەببەتلىشىپ ياشلىق باھارىنى نابۇت قىلىشىنىڭ ئالدىنى ئېلىش ئۈچۈن، ئۇلارغا «ئىككى يىلغىچە مۇھەببەتلەشمەيدىغان ئوقۇغۇچىلارنىڭ كاپالەتنامە يېزىشى تەلەپ قىلىندى...» 10-ئاينىڭ 24-كۈنى ۋۇخەن تاشقى سودا ئۇنىۋېرسىتېتىنىڭ ئالىي مەكتەپ ئوقۇغۇچىلىرىدىن تەشكىللەنگەن مۇخبىرلار ئۆمىكى تۇنجى قېتىم ئاخبارات ئېلان قىلىش يىغىنى ئېچىپ ، يېڭىدىن ئالىي مەكتەپكە قوبۇل قىلىنغان ئوقۇغۇچىلارنىڭ مۇھەببەتلەشمەسلىك كاپالەتنامىسى يېزىشىنى تەلەپ قىلغان. ئۇلارنىڭ بۇنداق قىلىشتىكى بىردىنبىر مەقسىتى ئالىي مەكتەپكە يېڭىدىن قوبۇل قىلىنغان ئوقۇغۇچىلارنىڭ قانداق قىلىش،قايسى يولدا مېڭىش ۋە قانداق مېڭىش قاتارلىق بىرقاتار مەسىلىلەردە ئۆزلىرى ئېنىق قارار چىقىرالماي خاتا يولغا مېڭىپ قالىدىغان، ئۆزىنىڭ قىممەتلىك ياشلىق باھارىنى ئويۇن ۋە مۇھەببەتلىشىشنىڭ قۇربانى قىلىۋېتىدىغان بۇنداق پاجىئەلەردىن ساقلاپ قېلىشتىن ئىبارەت ئىكەن. بۇ ئىش ئېلان قىلىنغاندىن كېيىن نۇرغۇنلىغان ئوقۇغۇچىلار بۇ يېڭى ئىشقا قارىتا ئۆزلىرىنىڭ پىكىرلىرىنى ئوتتۇرىغا قويۇپ مۇنداق دېگەن، مۇشۇ مەكتەپكە يېڭىدىن قوبۇل قىلىنغان ئالىي مەكتەپ ئوقۇغۇچىسى چېڭ مېڭ لېي بۇ خىلدىكى كاپالەتنامىنىڭ ئوقۇغۇچىلارغا بولغان پايدىسىنىڭ ناھايىتى كۆپلۈكىنى، يېڭىدىن ئالىي مەكتەپكە قوبۇل قىلىنغان ئوقۇغۇچىلارنىڭ مۇستەقىل تۇرمۇش كەچۈرۈش ئېڭىنىڭ تۆۋەن ئىكەنلىكىنى، بىردىنبىر ئىقتىسادى كىرىم مەنبەسىنىڭ ئاتا-ئانىسىنىڭ جاپادا ئىشلەپ تاپقان پۇلى ئىكەنلىكىنى، شۇڭا ئالىي مەكتەپكە كىرگەن ھەربىر ئوقۇغۇچى چوقۇم ئۆزىنىڭ بۇ قىممەتلىك ئەمما قىسقا ئوقۇش پۇرسىتىدە ئۆزى ۋە ئاتا-ئانىسى رازى بولغۇدەك نەتىجىلەر بىلەن ئوقۇش پۈتتۈرۈشى كېرەكلىكىنى ئېيتقان، ئەگەر مەكتەپنىڭ مۇشۇنداق قائىدە-تۈزۈمى بولمىسا نۇرغۇنلىغان ئوقۇغۇچىلار ئۆزلىرى ئېغىزىدا ئېيتىپ قويغان بىلەن، بىراق ئىككى-ئۈچ كۈن ئۆتكەندىن كېيىن سىرتقى مۇھىتنىڭ تەسىرىدە يەنىلا ئۆزى بىلمىگەن باشقا قايمۇقتۇرۇشلارنىڭ ئارىسىغا كىرىپ قالىدىغانلىقىنى ئېيتتى. يەنە بىر قىسىم ئوقۇغۇچىلار ئوقۇغۇچىلارنىڭ ئوتتۇرا مەكتەپتە مۇھەببەتلىشىشى بالدۇر مۇھەببەتلىشىشكە كىرىدىغانلىقىنى، بىراق ئالىي مەكتەپكە چىققاندىن كېيىن 18ياشتىن ئاشقان ئوقۇغۇچىلارنىڭ مۇھەببەتلىشىش ئەركىنلىكىنىڭ بارلىقىنى، شۇڭا ئوقۇتقۇچىلار چوقۇم ئوقۇغۇچىلارغا بۇ خىل ئەركىنلىكىنى بېرىشى ، ئەكسىچە بوغۇپ قويماسلىقى كېرەكلىكىنى، ياشلىقنىڭ گۈزەل مىنۇتلىرىدا ئۆگىنىش، ئۆگىنىش، يەنە ئۆگىنىش ئۈچۈن ۋاقىت سەرپ قىلىدىغان ئوقۇغۇچىلارنىڭ چوقۇم بەختلىك بولۇپ كېتىشىنىڭ ناتايىن ئىكەنلىكىنى، بىر قولىدا ئۆگىنىشنى يەنە بىر قولىدا مۇھەببەتنى تەڭ ئېلىپ ماڭالايدىغان ئوقۇغۇچىلارلا ھەقىقىي غالىبلاردىن ئىكەنلىكىنى، مۇھەببەتلىشىشنىڭ ھەرگىزمۇ ئوقۇتقۇچىلىرى ئېيتقاندەك يامان ئىش ئەمەسلىكىنى، ئۆگىنىشتە ياخشى ئىككى ئوقۇغۇچىنىڭ يۈرۈپ بىر-بىرگە ھەمدە بولۇپ، بىللە تەكرار قىلىپ تېخىمۇ ياخشى ئۆگىنىش قىلالايدىغانلىقىنى ئېيتقان مەنبە : ئۇلار تورى

rahmansaykin

	ناۋادا بۇ گەپ  بۇيەردە بولسا مەكتەپتىكىلەرنىڭ ھەممىسى ھەيدىلىپ كىتەتتىكە

Umidim

	يەسلى بالىلىرىغا توي مۇراسىمى قىلىپ بىرىپ ، ئالىي مەكتەپ بالىلىرىنى « مۇھەببەتلەشمەسلىك كاپالەتنامىسى » يازدۇرۇپ ، نىمە بولغاندۇ بۇ خەقكە . بۇنىڭدىن كۆرە جەمىيەتتىكى  ئىجتىمائىي ئەخلاق كىرىزىسلىرىغا بەكرەك كۆڭۈل بۆلسە ، شۇنى تىزگىنلىسە بولىدۇ . ئۆزى دورىسىنى قىلماي ، ئۇياقتىن تام ئېتىپ بۇياقتىن ئۆرۈسە بۇ ئىشلىرىدىن نەتىجە چىقارمۇ ؟

sardor

	ھىسيات ئىشىغا نە كاپالەت كىرەك ؟

ONLY212

	شۇنى دەيمە ، ھىسياتقا قانداقمۇ كاپالەت بەرگىلى بولىدۇ .. ئادەم قاتارىدا كۆرمىگەنلىكىمۇ يابۇ ؟؟

kulgunqak

	قىلدىغىننى قىلىۋردۇ.ئۇنداق يازدۇرغان بىلەن

mahatjan

	قىلدىغىننى قىلىۋردۇ.ئۇنداق يازدۇرغان بىلەن ئۇنداق دىسەك بولماسمىكى،ئالى مەكتەپ ئوقوغۇچىسى يۈز پىرسەن دىققىتىنى ئۈگۈنىشكە مەرگەزلەشتۈرۈشى زۆرۈر.

ONLY212

	بۇ تىما ئۆز تەۋەلىكىدە ئەمەسمۇ قانداق ؟؟

xajarim

	بۇ تىما ئۆز تەۋەلىكىدە ئەمەسمۇ قانداق مەسلىھەتڭىزنى ئايمىغايسىز.   بۇ مەن مىسرانىمغا ئەزا بولغاندىن بىرى يوللىغان تۇنجى تىمام ئىدى.   خاتا يوللىنىپ قالغان بولسا تەكلىپ -پىكىرڭىزنى ئايمىغايسىز.

lawa0998

	ONLY212 يوللىغان ۋاقتى  2013-3-21 09:27 PM شۇنى دەيمە ، ھىسياتقا قانداقمۇ كاپالەت بەرگىلى بولىدۇ  ... ئەقىل ھىسياتنى باشقۇرۇالىغاندا- پۇشايمان كوچىسىدا تەمتىراشنىڭ ھاجىتى يوقتۇر، ھىسيات ئەقىلنى بوي سۇندۇرغاندا- خۇشاللىق كوچىسىدا ئەقىلنىڭ كۆزى يوقتۇر.....