ھاياتلىق سوۋغىلىرى

abaytarim

	ھاياتلىق سوۋغىلىرى       ئادەم ئۈچۈنلا ئەمەس پۈتكۈل جانلىقلار ئۈچۈن ھاياتلىقتەك قىممەتلىك سوۋغا بولمايدىكەن . باشقىلاردىن مەيلى قىممىتى قانچىلىك تۆۋەن بولسۇن مەلۇم سوۋغىغا ، ھېچ بولمىغاندىمۇ يېقىملىق بىر تەبەسسۇمغا ئېرىشىشمۇ كىشى قەلبىنى لەرزىگە سالىدىكەن . باشقىلارغا گۈل سوۋغا قىل قولۇڭدا ھىدى قالىدۇ ، دېگەن ئىبارىلەرنىڭ ھاياتلىقىمىزغا تەدبىقلىنىشى ناھايىتى مۇھىم ئىكەن . ئادەم سالامەتلىكى ياخشى بولۇپ ھاياتلىق شەربىتىدىن نېسىۋىلىنىۋاتقاندا باشقىلارغىمۇ ھاياتلىق ئاتا قىلىشى كېرەك ئىكەن . ھاياتلىقتىن ئېرىشكەن سوۋغىلىرىمىزنى ماددىي بويۇم بىلەنلا ئۆلچەش ھاياتلىقىمىزغا قىلىنغان ھاقارەت بولسا كېرەك . مەن ئاتام رەھمەتلىكنىڭ باقىي دۇنياغا سەپەر قىلىش ئالدىدىكى ھاياتلىق نەپەسلىرىگە تارتىشىپ قانچىلىك ئازابلانغىنىغا شاھىت بولغان ۋاقتىمنى ئويلىسام ھەر بىر تىنىقىمغاياراتقۇچى ئاللاغا مىڭلارچە تەشەككۈر ئېيتىمەن . ئىنسان ئاخىرىدا ھاياتلىق نەپەسلىرىگە يېتىشىپ بولالمايدىكەن . ھاياتلىقىمىز ياراتقۇچىمىزنىڭ قۇدرىتىدە چەكسىز سوۋغىلارغا تولغان بولىدىكەن . پەقەت بىز ئۇنى بىلمەي ، ھېس قىلماي ، چۈشىنىشكە تىرىشماي چاكىنلاشتۇرۋالىدىكەنمىز .  " كىمكى زەررىچىلىك ياخشى ئىش قىلىدىكەن ، ئۇنىڭ مۇكاپاتىنى كۆرىدۇ . كىمكى زەررىچىلىك يامان ئىش قىلىدىكەن ، ئۇنىڭ جازاسىنى تارتىدۇ " ( سۈرە زەلزەلە ،7-8 -ئايەت ) " ئىنسان ھەقىقەتەن پەرۋەردىگارىنىڭ ( نېمەتلىرىنى ) شەكسىز ئىنكار قىلغۇچىدۇر.  ( سۈرە ئادىيات 6 - ئايەت ) دېگىنى دەك ھاياتلىقىمىزغا بېرىلگەن بېھىساپ سوۋغىلارنىڭ قەدرىنى ، ئەجرىنى ، ھەققى - ھۆرمىتىنى تولىمۇ كېچىكتۈرۈشكە مايىلكەنمىز . راستىنلا " تاكى قەبرىلەرنى زىيارەت قىلغىنىڭلارغا ( يەنى قەبرىلەرگە كۆمۈلگىنىڭلارغا ) قەدەر ( پۇل - مال ، ياكى بالىلار بىلەن ) پەخىرلەنمەك سىلەرنى غەپلەتتە قالدۇردى ." ( سۈرە تەكاسۇر 1-2-ئايەت ) دېگىنىدەك بولۇۋېتىپتۇ .  " ئىنسان ئۈچۈن ئىككى كۆز ، بىر تىل ، ئىككى كالپۇك ياراتمىدۇقمۇ ؟ ئۇنىڭغا ياخشى يول بىلەن يامان يولنى كۆرسەتمىدۇقمۇ ؟ ( سۈرە بەلەد 8-10 -ئايەت ) دەپ ئاگاھلاندۇرۇپ تۇرسىمۇ ياراتقۇچىمىزنىڭ ئېيتقىنىدەك " سىلەر دۇنيا تىرىكچىلىكىنى ئارتۇق كۆرىسىلەر ( سۈرە ئەئلا 16 - ئايەت ) دېگىنىدەك بوپتۇق . " ئاللا ھەقىقەتەن ھەممىنى بىلگۈچىدۇر ، ھېكمەت بىلەن ئىش قىلغۇچىدۇر .( سۈرە ئىنسان 30 - ئايەت )   " ئاللا خالىغان كىشىنى توغرا يولغا باشلايدۇ ( سۈرە بەقەر 213 - ئايەت .)    ھاياتلىق سوۋغاتلىرى ئىچىدىكى ئەڭ كاتتا سوۋغا ياراتقۇچىسىنى تونۇش ، ئۇ باشلىغان يولغا مېڭىشتۇر. ئۇنىڭ ئۆلچەملىرى شۇنچىلىك يارقىن ، ئادىل ئىكەن . " قۇرئان ھەقىقەتەن ( ئاللانىڭ ) ئىززەتلىك بىر ئەلچى ( ئارقىلىق نازىل قىلىنغان ) سۆزىدۇر ." " ئۇ (ئەلچى) كۈچلۈكتۇر ، ئاللانىڭ دەرگاھىدا مەرتىۋىلىكتۇر ." " پەرىشتىلەر ئۇنىڭغا ئىتائەت قىلغۇچىدۇر . بۇ يەردە ( يەنى ئاسماندا ) ئۇ ئىشەنچىلىكتۇر . " " ئۇ ( يەنى قۇرئان ) پۈتۈن ئەھلى جاھانغا نەسىھەتتۇر . (سۈرە تەكۋىر 19-20-21- 27- ئايەتلەر ) " سەن ئۇلارغا ۋەز - نەسىھەت قىلغىن ، سەن پەقەت ( ئۇلارغا ) ۋەز - نەسىھەت قىلغۇچىسەن . "  ( سۈرە غاشىيە 21 - ئايەت ) دېمەكچى ۋەز - نەسىھەت ، ئىلاھىي ۋەز - نەسىھەت بىزگە بېرىلگەن ئەڭ بۈيۈك سوۋغىدۇر . " قۇرئان ، مۇقەررەركى شەكسىز ھەقىقەتتۇر ." ( سۈرە ھاققە 51-ئايەت )  ھاياتلىق ئالىمىدە ئالدىمىزغا زەبەردەست قەدەملەر بىلەن ماڭدۇرىدىغان ، مەڭگۈ ئازدۇرمايدىغان ، ھەر ئىككى دۇنيالىقىمىزدا بەختلىك بولۇشىمىغا كاپالەتلىك قىلالايدىغان ، زولمەتلىك قەلبىمىزنى يورۇتقۇچى ، بىزنى ، پۈتكۈل ئىنسانىيەتنى ئەڭ توغرا يولغا باشلىغۇچى ، ۋەز - نەسىھەتنىڭ يېگانىسى ، ئاخىرقىسى ، ئۇلۇغلارنىڭ ئەڭ ئۇلۇغى ، پۈتكۈل ھاياتلىقنىڭ تەڭدىشى ، ئوخشىشى يوق ياراتقۇچىسى ئاللانىڭ كالامى " قۇرئان كەرىم " قولىمىزدا  " بىزنى توغرا يولغا باشلىغىن " ( سۈرە فاتىھە 6-ئايەت ) دېگۈچىلەرگە ھەرۋاقىت تەييار تۇرۇپتۇ . بىزگە بۇنىڭدىنمۇ ئارتۇق سوۋغا يوقتۇر . بۇنىڭدىنمۇ ئارتۇق سوغىنى خىيال قىلىش كۇپۇرلۇقتۇر . " قەيەرگە بارىسىلەر ؟ " ( سۈرە تەكۋىر 26 - ئايەت ) بۇ قىممەتلىك سوۋغا ھەممىمىزگە بېرىلگەن سوۋغىدۇر.. .     مەنبە : قۇرئان كەرىم   مىللەتلەر نەشرىياتى 1986 - يىلى نەشرى . مۇھەممەد سالىھ تەرجىمىسى .   ھاياتلىق ھەققىدىكى ئويلىرىم .        2013 - يىل 3 - 18 .  ئەبەي تارىم .   شەھىرى شىخو .

ھۆكما

	ئۆزىمىزنى ھەقىقى قەدىرلەپ ، ھەر ئىككى دۇنيالىقىمىزنى سائادەتمەنلەردىن قىلىش ئۈچۈن ئەلۋەتتە ئاللاھنىڭ بىزگە بەرگەن بۇ كاتتا سوغىسىنى تىزدىن قوبۇل قىلىپ ، نىجاتلىق تىپىشىمىز زۆرۈل.        تىما ئىگىسىگە كۆپ رەخمات.

apisi502

	كىمكى زەررىچىلىك ياخشى ئىش قىلىدىكەن ، ئۇنىڭ مۇكاپاتىنى كۆرىدۇ . كىمكى زەررىچىلىك يامان ئىش قىلىدىكەن ، ئۇنىڭ جازاسىنى تارتىدۇ "

aa0998

	apisi502 يوللىغان ۋاقتى  2013-3-19 04:32 PM كىمكى زەررىچىلىك ياخشى ئىش قىلىدىكەن ، ئۇنىڭ مۇكاپاتى ... دىگنىڭىز بەرھەق

akyda007

	ئاللاھ رەھمەت قىلسۇن

xiho

	- سۈرە بەقەرە ئۆز ۋاقتىدا ئىبراھىم: «پەرۋەردىگارىم! بۇ يەرنى (يەنى مەككىنى) تېنىچ شەھەر قىلىپ بەرگىن، ئاھالىسىدىن اﷲ غا ۋە ئاخىرەت كۈنىگە ئىمان ئېيتقانلارنى تۈرلۈك مېۋىلەر بىلەن رىزىقلاندۇرغىن» دېدى. اﷲ: «كاپىر بولغان ئادەمنىمۇ (رىزىقتىن) ئازغىنا مۇددەت (يەنى ھاياتلىقىدا) بەھرىمەن قىلىمەن، ئاندىن كېيىن ئۇنى (ئاخىرەتتە) دوزاخقا ھەيدەيمەن» دېدى. (بۇ) نېمىدېگەن يامان ئاقىۋەت!.(126) - سۈرە جاسىيە يامان ئىشلارنى قىلغانلار (يەنى گۇناھكار كۇففارلار) ئۆزلىرىنى ئىمان ئېيتقان ۋە ياخشى ئەمەللەرنى قىلغانلاردەك قىلىشىمىزنى، ھاياتلىقتا، ماماتلىقتا ئۇلار بىلەن ئوخشاش قىلىشىمىزنى ئويلامدۇ؟ (يەنى ئۇلارنى ئوخشاش قىلىشىمىز مۇمكىن ئەمەس) ئۇلارنىڭ چىقارغان ھۆكمى نېمىدېگەن يامان! .(21) - سۈرە قەسەس سىلەرنى كېچىدە ئارام ئالسۇن، كۈندۈزدە ھاياتلىق يولىدا ھەرىكەتلىنىپ اﷲ نىڭ پەزلىنى تەلەپ قىلسۇن ۋەاﷲ نىڭ نېمەتلىرىگە شۈكۈر قىلسۇن دەپ، سىلەر ئۈچۈن كېچە بىلەن كۈندۈزنى يارىتىشى اﷲ نىڭ رەھمىتىدىندۇر.(73)

kadam1

	ياخشى بىر تېمىنى يوللاپسەن، مۇشۇنداق تېمىلارنى كوپرەك يوللاپ تۇرارسەن! ئاللاھ ھەممىمىزگە ھىدايەت قىلسۇن! ئامىن!

abaytarim

	kadam1 يوللىغان ۋاقتى  2013-3-20 11:38 PM ياخشى بىر تېمىنى يوللاپسەن، مۇشۇنداق تېمىلارنى كوپرەك ... سېنىڭ ئىنكاسلىرىڭ مەن ئۈچۈن زور رىغبەتتۇر ...