«غەزالىيات» مۇللا بىلال بىن مۇللا يۈسۈپ(نازىمى)

tax1

	tax1 يوللىغان ۋاقتى  2013-3-27 11:46 AM ھەر كىشىنىڭكىم ئىبادەتكە دىلى مەغرۇر ئەمەس، بىخرەتد ... ھەر كىشىنىڭ كۆڭلىدە ئىشقنىڭ ئوتى پەيدا ئەمەس، بولماسا بۇلبۇل سۈفەتلىك يار ئۈچۈن شەيدا ئەمەس. يار ئۈچۈن ئۆرتەنمەسە يا كۆپ جەفالەر چەكمەسە، قىلماسا جانىن پىدا ئول ئاشىقى دىلخاھ ئەمەس. يۈرمىسە يارنى سوراغلاپ سۈبھى-شام بەلكى داۋام، ئانداغ ئەر ئابدۇلقەرىندۇر تەرك ئىزرۇ جاھ ئەمەس. دىللارى يەلدا تۈنىدۇر نە كەۋاكىپ بار ئاڭا، بىر تۈتۈننىڭ ئۇچقىنىدۇر كەۋكەبى بەيزا ئەمەس. ھەر سەدەفكە تامماسە رەخمەت سۈيى بىشەك بىلىڭ، بولغۇسى خەر مەخرە پەيدا گەۋھەرى يەكتا ئەمەس. ھەر پەرى ئولماس بەدىئى، ھەر گۇل ئوماس نەستەرىن، ھەر بەشەر بىلسەڭ مۇھەممەددەك دىل ئاگاھ ئەمەس. ھەر دەرەخت شەمشاد بولالماس، ھەر كىشى مەجنۇن سۈفەت، ھەرچە مەشۇق ئولكى مەشۇقدەك مەلەك سىيما ئەمەس. ئاشىق ئېرسەڭ ئۇشبۇ سۆزنى ئاڭلاغىل جانىڭ بىلە، ئەي مۇھىب، ئەھلى خىرەد سەن بۇ سۆزۈم بىجا ئەمەس. تەئنە قىلما ئەي غىنا ئەھلى مېنى پەقىر ئەھلى دەپ، تالىبى ياردۇر بىلالى تالىبى دۇنيا ئەمەس.

tax1

	tax1 يوللىغان ۋاقتى  2013-3-31 08:16 PM ھەر كىشىنىڭ كۆڭلىدە ئىشقنىڭ ئوتى پەيدا ئەمەس، بولماس ... بىرىگە خىزمەت ئەتمەي ھەر مۇرد ساھىب كالان ئولماس، ئانىڭ باتىن كۆزىگە سىررى ھەق ھەرگىز ئەيان ئوماس. تەرىقەتكە كىرەلمەس ئۆزلىگىچە ھەر قايۇ بەندە، خۇدانى تاپماغۇنچە ھەر كىشى ساھىب جىنان ئەمەس. ئەگەرچە مۇتتەقىدۇر رەھنەماسى بولماسا ئانىڭ، كىبىر سائەت شاياتۇن قەستىدە زەررە ئامان ئولماس. مۇرىدلەر ھالىدىن ئالغاي خەبەر پىرى ھۇدا بولسە، تۈمەن شەيتان كېلىپ قەسد قىلسە مويىغە زىيان ئولماس. مۇھەببەت شەۋقىدە ئۆرتەنمەغۇنچە ھېچ كىشى دوستلار، مىسالى كىم قىزىلگۇلدەك چىرايى زەئفىران ئولماس. ئايا مىسكىن بىلالى سەن ئۇشبۇ پەندىڭنى ئۆزۈڭغە قىل، خۇدانىڭ بەندەسى ئىچرە سېنىڭدەك بىر يامان ئولماس.

tax1

	tax1 يوللىغان ۋاقتى  2013-3-31 08:25 PM بىرىگە خىزمەت ئەتمەي ھەر مۇرد ساھىب كالان ئولماس، ئان ... فەراغەتىمگە غەمىڭ ئەي پەرى بولۇپ يولداش، قىلىپدۇربارچە ئەدۇغە بۇ نىھان سىررىمنى پاش. مېنىڭدىن خەلقى جەھان ئاڭلادى سىفاتىڭنى، يىغىلىدى چۇغلىشىپ ئەمدى ۋىسالىڭ قىلدى تالاش. ۋىسالىڭ ئىزلەبان تاپماي، بارچەسى بولۇپدۇر زار، بۇ زارىلەر ئاراسىدا زارىمە كۆتەردى باش. قەلەندەر ئۆلدى ھەمە مالىنى پىدا ئەيلەپ، قىلۇر يولۇڭ تۇپراغىن كىرپىگى بىلە فەرراش. بۇ نەۋئى خىزمەت ئېتەر بارچەسى ساڭا، ئەي جان، كى زەررە رەھىم قىلا بىلمەدىڭ ئايا دىلى تاش. قاراڭغۇ تۈندە يۈزۈڭ كۆرگەچ ئوق ساغى قايلار، كى بەزىلەر بۇ قەمەردۇر، بەزى دەر ئىمىش بۇ قۇياش. يۈزۈڭ شۇئانىنى كۆرگەچ كۆزىنى يۇمدى بىلال، كى ئارى كۆرسە قۇياشنى ئۇچالماغاي خەففاش.

tax1

	tax1 يوللىغان ۋاقتى  2013-4-3 11:25 AM فەراغەتىمگە غەمىڭ ئەي پەرى بولۇپ يولداش، قىلىپدۇربار ... بۇ نەزاكەت ئەھلىغە ئول غۇنچەۋەش سۇلتان ئىمىش، ھەم مەلاھەت كىشۋەرىغە شەھلەر ئىچرە خان ئىمىش. ھەم لەتافەت گۇلشەنىدە بارچە گۇلىنىڭ بەھتەرى، ھەم سەئادەت ئەختەرى ئىچرە ماھى تابان ئىمىش. ساچىنىڭ تارى ئېتەر ئېرمىش كۆڭۈلنى بەندتار، نۇكتەدانلىغ بابىدا گويا بەلايى جان ئىمىش. غەمزەلىك ھەم شىۋەلىك دەيدۇر ۋە لېكىن پەيلىنى، ئاڭلاسام ئول غۇنچەۋەشنى ئافەتى دەۋران ئىمىش. ئەي، دىلا يالغۇز ماڭا زۇلم ئەتدى دەپ ئىڭرانماغىل، ۋاي ئول ئاينىڭ زۇلمى بۇ ئالەم ئارا يەكسان ئىمىش. زۇلم يەتكەن ئادەملەر زار ئىكەندۇر مەن مىسال، بەلكى لوقمان ئۇشبۇ دەرتدىن ئاجىزۇ ھەيران ئىمىش. ئەي بىلال، خوپ ئاڭلادىڭ ئول مەھلىقانىڭ ۋەسفىنى، ئۆزى جەللاد، كىرپىگى نەشتەر، يۈزى خەندان ئىمىش.

tax1

	tax1 يوللىغان ۋاقتى  2013-4-4 08:47 PM بۇ نەزاكەت ئەھلىغە ئول غۇنچەۋەش سۇلتان ئىمىش، ھەم مەل ... كۆڭۈل بەرمە بۇ دۇنياغە ئىشتكىل بىبەقا ئەرمىش، فەلەكنىڭ  گەردىشى گويا قازاندەك رۇسىيا ئەرمىش. كى ئۈمىد تۇتماغىل بىر ياخشىلىق كەلگەي دىبان ئاندىن، ۋەفاسىز شۇم فەلەكنىڭ پەيلى پۇرجەفا ئەرمىش. بۇلارنى بىلدىڭ ئەرسە بارچىنى تاشلا ئىبادەت قىل، قايۇ بەندە ئىبادەت قىلسە ھەق ئاندىن رىزا ئەرمىش. ئۆزۈڭنى بارچەدىن كام تۇت، ئەگەرچە شاھى بەھرامسەن، كى مۇندا خار كۆرۈنگەن ئاندا بار پادىشاھ ئەرمىش. ئەگەر سەن ئاقىل ئېرسەڭ ئىختىيار ئەتكىل پەقىرلىقنى، غەنى ئاندا، پەقىر بۇندا، پەقىر ئاندا غەنى ئەرمىش. كى نەفسىڭنى ھەلاك ئەت پەيۋەرى نەفس بولماغىل ئەي دوست، كى ھەركىم نەفسىگە تابىئدۇر، يۈزى ئاندا قارا ئەرمىش. مەجازى ئىشقىدە زار ئولغۇنچە كۆيگىل قەھىقەتدە، مەجازى بىر خىيالدۇر ھەقىقەت كىمىيا ئەرمىش. ئايا مىسكىن بىلالى سەن ئەندى تەرك ئەت مەجازىنى، ھەقىقەت ئىشقىن كۆيگەن كۆڭۈل دائىم زىيا ئەرمىش.

tax1

	tax1 يوللىغان ۋاقتى  2013-4-4 08:59 PM كۆڭۈل بەرمە بۇ دۇنياغە ئىشتكىل بىبەقا ئەرمىش، فەلەكن ... سۈبھىدىن سوڭ بىركۈنى مەسجىد سارى قىلدىم تۇرۇش، ھەم يولۇقتى ئالدىمە بىر مەھۋەشكىم خۇلقى خۇش. بادەئى ئىشقىدىن ئىچتىم ئانچە سەرخۇش ئەيلەدى، بىخۇد ئۇلدۇم ئۇل زەماندا بۇ باشىمدىن كەتدى ھۇش. مەرغىلە ئەيلەپ كۈلۈپ ئكتدى يانىمدىن ئۇل پەرى، ھەم مۇھەببەتنىڭ مەيىدىن ئۇل زەمان قىلدۇردى نۇش. ھەم كۆزۈمدىن بولدى غايىپ كۆرمىدىم ئاندىن بېرى، يادىدە دىۋانىلىك ئەمدى قىلۇر ھەردەم خۇرۇش. كۈندۈزى ئايدەك يۈزى چىقماس خىيالىمدىن دەمى، كېچەسى چىقماس تۈشۈمدىن دىلبەرى زەيتۇنە قۇش. ئەندى تاپسام خاك پايىن سۈرمە ئەيلە كۆزۈمە، بۇل ئۈمۈتدۇركى مۇھەببەت بەھرىدىن ئالسام ئۈلۈش. گەر تاپاي دىسەڭ بىلال ئۇل ماھىرۇينىڭ ۋەسلىنى، باتىنىڭدە يىغلا ھەقغە، زاھىرىڭدە بۇل خەمۇش.

tax1

	tax1 يوللىغان ۋاقتى  2013-4-6 12:21 PM سۈبھىدىن سوڭ بىركۈنى مەسجىد سارى قىلدىم تۇرۇش، ھەم يو ... ئاھىكىم زوھد ئەھلى بىزنى قىلغۇدەك ياردىن خەلاس، تەڭرىگە قىلسۇن ئىبادەت دەفكى دىلداردىن خەلاس. ئېھتىساب ئەھلى ھەمە چۇغلاشتى مەن بىچارەگە، شۈبھەسىز قىلماق بولۇپ ئول كۆزى خۇنناردىن خەلاس. ئۆز يولۇم ئوبدان ئىدى مەن تەلبەگە زوھد ئەھلىدىن، ھېچ ھالدا بولماس ئېردىم ئەجىز ئىنكساردىن خەلاس. ئوتىدا مىسلى سەمەندەر كۆيمەك ئېردى كەسىبتىم، بولمىغاي ئېردى دەمى ئول زەۋقى دىلداردىن خەلاس. زۇلم بىرلە مۇھتەسىپ قىلدى پەرىۋەشدىن جۇدا، چۈنكى بۇلبۇل گۇل كۆرۈپ بولغايمۇ گۇلزاردىن خەلاس. شەرئىدە زاھىد سۆزى ھەقدۇر ھەقىقەتدە مېنىڭ، ئىشق ئېلى خۇشلۇقدىن ئېرسە زوھد ئېلى ناردىن خەلاس. ئىختىيار سەندە بىلال گەرخۇشلەر ئېرسەڭ ئىشقىنى، زوھددىن بولغىل خەلاس يوقسە دىلئازاردىن خەلاس.

tax1

	tax1 يوللىغان ۋاقتى  2013-4-6 12:29 PM ئاھىكىم زوھد ئەھلى بىزنى قىلغۇدەك ياردىن خەلاس، تەڭر ... بولمىدىم مەن ھېچ ھالدا دەردى كۈلفەتدىن خەلاس، يارنى ئىزلەپ ھەر زەمان تارتقان بۇ مېھنەتدىن خەلاس. يارنى ئىزلەپ ھەر زەمان خۇنابە يۇتدۇم سۇبھى-شام، يار ۋەسلىغە بەھەم بولماي بۇ ھەسرەتدىن خەلاس. يىغلاماي نەيلەي بۇگۇن ھاجەت مەقبۇل بولمىدى، بولمىدىم ھەرگىز دەمى ئاھۇ نەدامەتدىن خەلاس. بىۋەفا يارنى دىدىم دائىم بەلاغە ئۇچرادىم، بولمىغايمەن دوستلار مۇنداق مۇشەقەتدىن خەلاس. بۇ كۆڭۈل ئىشق ئوتىدىن ھەم بۇ زەبان يار ۋەسفىدىن، ھەم باشىم بولماس دەمى سەڭگى مەلاماتدىن خەلاس. ئاتەشى ھىجران باغىر بىرلە بۇ تالنى ئۆرتەدى، بۇ جەھەتدىن بۇ يۈرەك بولماس ھەرارەتدىن خەلاس. بۇ نىھان سىرنى مۇھەببەتسىز كىشىگە قىلما فاش، يوقسە بولماسسەن بىلال، تەئنە ئەھانەتدىن خەلاس.

tax1

	tax1 يوللىغان ۋاقتى  2013-4-6 12:37 PM بولمىدىم مەن ھېچ ھالدا دەردى كۈلفەتدىن خەلاس، يارنى ئ ... مېنىڭدىن بارچە دوستلارغە ئېرۇر ئەرز، خۇدانىڭ ئەمرى بىزگە بولدى بەش پەرز. ئەدا قىلغىل ئانى مۆئمىن ئېرۇرسەن، ئەگەر بىئۆزرە تەرك ئەتسەڭ بولۇر قەرز. ياماننى تاشلاغىل، بول ياخشى بىرلە، ئۇلارنىڭ سۇھبەتىدە بولغۇسى پەيز. يىڭىلغاندىن كى زەررە ھەق ئىشدىن، بولۇپدۇر ھەۋانا ساھىبى ھەيز. كى ئىسيانىڭغە تەۋبە ئەيلە ئەي دوست، كى چىقماسدىن بۇرۇن ئول دابەتىل ئەرز. بىلىپ پۇرسەتنى بۇ ۋەقىتنى ئەي بىلالى، كى ۋەقت ئۆتكۈزمەيىن قىلغىل ئەدا پەرز.