ياش ئىماملىرىمىزنىڭ سەۋىيىسى ۋە تۆھپىسى

Hidayet

	ئىلگىرىكى چاغلاردا ھەممە مەسجىدلەردە دىگۈدەك پىشقەدەم،ياشقا چوڭ ئىمام-ئاخۇنۇملار دىنىي پائالىيەتلەرگە رىياسەتچىلىك قىلاتتى.كېيىنچە ھۆكۈمەتنىڭ<<دىنىي خادىملارنى ياشلاشتۇرۇش>>سىياسىتىنىڭ تۈرتكىسىدە كۆپ ساندىكى مەسجىد-جامەلىرىمىز ياش دىنىي خادىملارنىڭ باشقۇرۇشىغا يۈزلەندى.بۇ ئەلبەتتە دەۋرنىڭ سىتىخىيلىك تەلىپىدۇر.تۆۋەندە ئىلگىرىكى ياشقا چوڭ دىنىي ئۆلىمالار بىلەن ھازىرقى ياش ئىماملارنىڭ ئارتۇقچىلىق ھەم يېتىشسىزلىكلىرى ئادىل ھالدا سېلىشتۇرۇلۇپ ئۇيغۇر جەمئىيىتىگە بولغان ئوخشىمىغان تەسىرلىرى مۇھاكىمە قىلىپ ئۆتۈلىدۇ:   ئىلگىرىكى چوڭ ئىماملىرىمىزنىڭ ۋاقتىداھازىرقىدەك دىندا ئىختىلاپ ياكى فىقھى مەسىلىلىرىدە بۇنچە كۆپ تالاش-تارتىشلار بولۇپ باقمىغان،خەلقىمىز سۇتۇق بۇغراخان دەۋرىدىن تارتىپ قۇبۇل قىلىنىپ كېلىۋاتقان ھەنەفىييە ئېقىمىنىڭ ئورتودوكسال يولىدا بىردەك بولۇپ،تەپرىقىچىلىك يوق دىيەرلىك ئىدى.بۇ تۆھپىلەرنى ئەلۋەتتە پىشقەدەم ئىماملىرىمىزنىڭ قاتتىققوللۇق بىلەن تۇتۇپ كەلگەن ۋاستىلىرىدىن ئايرىپ قارىيالمايمىز.ئاتالمىش<<مەدەنىيەت زور ئىنقىلابى>>نىڭ ئالدى كەينىدە يۈرگۈزۈلگەن سولچىل سىياسەتنىڭ تەسىرى بىلەن دىن دىيارىمىزدا ئەڭ ئاجىز ھالغا ھەتتا يوقۇلۇپ كېتىش گىردابىغا بېرىپ قالغان،بىراق شۇنداق خەۋپلىك چاغلاردىمۇ پىشقەدەم زاتلىرىمىز دىندىن ئىبارەت بۇ ئەڭگۈشتەرنى چوغنى تۇتقاندەك تۇتۇپ ھازىرقى دەۋرىمىزگە ساق-سالامەت يەتكۈزگەن.بولۇپمۇ 80-يىللاردىن كېيىنكى بىر مەزگىللىك دىننى قويۇۋېتىش سىياسىتىدىن دەل ۋاقتىدا ئۈنۈملۈك پايدىلىنىپ يۇقىرى تۆۋەن قاتراپ يۈرۈپ مەسجىد سېلىش ئىشلىرىنى تەستىقلىتىپ دىيارىمىزدا ساناقلىقلا قالغان جامە-مەسجىدلىرىمىزنىڭ سانىنى كۆرۈۋاتقىنىمىزدەك نەچچە ئون مىڭغا يەتكۈزۈپ ئۆزىنىڭ تارىخىي ۋەزىپىسىنى ياخشى ئادا قىلغان شۇنداقلا كېيىنكى ئەۋلادلار ئۈچۈن ئاساسنى پۇختا سېلىپ بەرگەن.    خوش ئەمدى زامانىمىزدىكى ياش ئىماملىرىمىزنىڭ ئارتۇقچىلىقىنى ئىلگىرىكى چوڭ ئىماملىرىمىزغا سېلىشتۇرۇپ باھا بېرىپ باقايلى:بىرىنچىسى،ياش ئىماملار ئاساسەن دىگۈدەك 80-يىللاردىن كېيىنكى دىننى ئوموميۈزلۈك قويۇۋەتكەن چوڭ ياخشى ۋەزىيەتتە ئۆلچەملىك سېستىمىلاشقان دىنىي بىلىم يۇرتلىرىدا ئىلىم تەھسىل قىلىش پۇرسىتىگە ئېرىشكەن بولغاچقا ئۇلارنىڭ ئۇنۋېرسال بىلىم-سەۋىيىسى يۇقىرى،نەزەر-دائىرىسى كەڭ بولۇپ ھەم زامانىۋى پەنلەردىن،ھەم دىنىي ئىلىملەردىن مۇپەسسەل خەۋەردار ئىدى.بۇ جەھەتتىن سېلىشتۇرغاندا ئىلگىرىكى چوڭ موللىلاردەك ۋەز تەبلىغنى<<يامان بولىدۇ>>غىلا يىغىنچاقلاپ قويماستىن جۈمئە خۇتبىلىرىدا يۇقىرى سەۋىيىدە ئىجتىمائىي مىساللاردىن نەقىل ئېلىپ ئىلمىي چۈشەندۈرۈپ زور كۆپ سانلىق كىشىلەر قايىل قىلىپ دىننىڭ خەلقىمىز ئىچىدە ئىلمىي راۋاجلىنىشىغا غايەت زور تۆھپە قوشماقتا.ئىككىنچىسى،مەلۇمكى،كىشى ياشىنىپ قالغاندا چىشلىرى چۈشۈپ گەپ قىلغاندا يەل قاچىدىغان بولۇپ قالىدىغان بولغاچقا،قۇرئان تىلاۋەت قىلغاندا تەجۋىت قائىدىسى بويىچە ئوقۇش مۇمكىنچىلىكى بولمايدۇ.شۇنداقلا مەزى بېزى ۋە باشقا قېرىلىق كېسەللىكلىرى سەۋەبلىك ئىشتانغا سۈيدۈك تېمىپ قېلىشتىن ساقلانمىقىمۇ تەس بولىدۇ.نەتىجىدە،ئارقىسىدىكى ئىقتىدا قىلىپ ناماز ئوقۇغان جامائەتنىڭ نامىزىغا تەسىر يېتىپ قېلىشى ئېنىق.بىراق ياش ئىماملاردا بۇ خىل كەمچىلىكلەر ئاساسەن يوق بولۇپ مەخرەجلىرىگە چۈشۈرۈپ قىلىنغان تەجۋىتلىك قىرائەتلەر جامائەتنىڭ قەلبىگە ئىمان ھوزۇرىنى بەخش ئېتىدۇ.ئۇلاردىكى ناتىقلىق،جەمئىيەتتىكى رىئال ئىشلاردىن مىسال ئېلىپ ماھىرلىق بىلەن قىلىنغان تەبلىغلەر،ھەر ساھە-ھەر كەسپتىكىلەرنىڭ ئەمەلىي ئەھۋالىنى چىقىش قىلىپ سۆزلەنگەن قايىل قىلارلىق ۋەز-نەسىھەتلەر دىنىي خىزمەت قىلىۋاتقان ئادەملىرىمىزنىڭ ساپاسىنىڭ نەقەدەر يۇقىرى ئىكەنلىكىنى نامايەن قىلىپ تۇرماقتا.جەمئىيىتمىزدىكى ياشلاردا ئىسلام قىزغىنلىقىنىڭ يۇقىرى كۆتۈرۈلىشىنىمۇ ياش ئىماملىرىمىزنىڭ يۇقارىقى ئارتۇقچىلىقلىرىدىن ھەرگىزمۇ ئايرىپ قارىغىلى بولمايدۇ.    بىراق دۇنيادا ھىچقاچان مۇتلەق ئىش بولمىغىنىدەك،بۇ ياخشى ئىشلارمۇ بەلگىلىك سەلبىي ئاقىبەتلەردىن مۇستەسنا بولالمىدى.مەسىلەن:چەتئەللەرگە ياكى باشقا مەملىكەتلەرگە بېرىپ ئىلىم تەھسىل قىلىپ كەلگەن ھەم مەلۇم مەسجىدلەردە ئىماملىق بىلەن شۇغۇللىنىۋاتقان ياشلىرىمىزنىڭ ئەينى ۋاقىتتا تۇتقان ئۇستازىنىڭ،ئەتراپىدىكى مۇھىتنىڭ،ۋە باشقا ئىدىيەلەرنىڭ تەسىرى بىلەن يۇرتلىرىمىزدا ئىلگىرىكىدىن پەرقلىق ھالدا:ۋەھھابىي،تەسەۋۋۇپ،ئەنئەنىۋى ئوتتۇرا يول...كەبى بىر-بىرلىرىدىن فىقھى مەسىلىلىرىدە قىسمەن پەرقلىنىدىغان مەزھەپ يوللىرىمۇ ماس قەدەمدە پەيدا بولدى.بۇ مەزھەپ يوللىرى چوڭ جەھەتتىن پەرقلەنمىسىمۇ ،بىراق بەزى جاھىل،بىلىمسىز كىشىلەرنىڭ قايمۇقتۇرۇشى،قۇترىتىشى بىلەن چوڭ بىلىنىپ،بىر مەھەل مۇسۇلمانلىرىمىز نەچچىگە بۆلۈنۈپ ئۆز-ئارا زىددىيەت كەسكىنلىشىپ كەتكەن ئىدى.ئەلھەمدۇلىللاھ،نۆۋەتتە نەزەر دائىرىسى كەڭ ئالىم-ئۆلىمالىرىمىزنىڭ ھىممىتى،مۇناسىۋەتلىك خادىملارنىڭ ماسلاشتۇرۇشى نەتىجىسىدە بۇ خىل ئىختىلاپلار قەدەممۇ-قەدەم ئازىيىپ،ئۆز-ئارا ھۆرمەت قىلىش ئاساسىدا يول قويۇلۇپ ئىناقلىق-ئىتتىپاقلىققا قايتىدىن ئاساس سېلىنىۋاتىدۇ.    خۇللەس كالام،دىيارىمىزدىكى مەيلى ياشانغان پىشقەدەم ئۆلىمالىرىمىز بولسۇن ۋە ياكى ھەر تەرەپلىمە بىلىم بىلەن ئۆزىنى تاكامۇللاشتۇرغان ياش ئىماملىرىمىز بولسۇن ئىلگىرىكىبىر مەھەللىك دولقۇنلاردىن تەجرىبە-ساۋاق ئېلىپ ئاخىرقى ھىساپتا تېخىمۇ ياخشى بولغان ئىجتىمائىي كەيپىيات يارىتىش،ئىمكانىيەتنىڭ بارىچە ئىختىلاپقا ھەم چېچىلاڭغۇلۇققا خاتىمە بېرىشنى نىيەت قىلغان مىللىتىمىز مۇسۇلمانلىرىدىكى ئىناق-ئىتتىپاقلىققا بولغان تەلپۈنۈشنى ئاخىرقى نىشان قىلغان ھالدا ئىجابىي تىرىشچانلىق كۆرسەتمەكتە.ھەممىمىزنىڭ بەختى ھەم خاتىرجەم-خۇرسەنچىلىكى ئۈچۈن ئاللاھ ئىگەم بارلىق ئالىم-ئۆلىمالىرىمىزنى،ياش ھەم پىشقەدەم ئىمام-دىنىي خادىملىرىمىزنى ئامان قىلغاي!ئۇلارنىڭ بىزلەر ئۈچۈن قىلغان خىزمىتى ئۈچۈن ئىككى دۇنيالىقىنى خەيرلىك قىلىپ بەرگەي-ئامىين!    مەنبە:جەمئىيەت تەكشۈرۈش خۇلاسەمدىن.2013-يىلى18-مارت.شەھرى ئۈرۈمچى.

توقماق

	بولىدىغان تېمىكەن،مۇلاھىزىلەر كىشىنى قايىل قىلىدۇ.

tarboghuz

	ئەسسالامۇ ئەلەيكۇم        تىمغا مۇناسىۋەتسىز بولسىمۇ  مۇنداق بىر ئىشنى سورۋالاي دىگەن بىلدىغانلار دەپ بەرسەڭلار بىلمەيدىغانلار چاخچاق ئارلاشتۇرماڭلار.ئادەتتتە ئەر ئاياللار قانچىلىك ۋاقىت ئايرىلىپ تۇرسا نىكانى يىڭلاش كىرەك ،چۇنكى ھازىر جەمىيتىمىزدە خىزمەت مۇناسىۋېتى بىلەن 6 ئاي بەزىدە بىر يىل بىرگە تۇرالمايدىغان .ئەھۋاللارمۇ بار .مۇشۇ نىكا يىڭلاش توغۇرسىدا ئىنىق ۋاقىت بارمۇ بار بولسا نىكا يىڭلاش شەرتلىرى قەدەم باسقۇچلىرى قانداق بولىدۇ؟

MiRul

	ئىنىق ۋاقىت بارمۇ بار بولسا بۇ چاقچاق قىلىدىغان ئىش ئەمەس دوستۇم ھېچقانداق يەردە نىكاھنى يېڭىلايدۇ دەيدىغان ئىش يوق، ئەگەر سىز باشقىلارنىڭ گېپى بويىچە نىكاھ يېڭىلايمەن دەپ توي قىلغاندا ئوقۇغان نىكاھ بىلەن جەمئى 3قېتىم نىكاھ ئوقۇلغان بولسىڭىز بۇنىكاھىڭىز ھارام بولىدۇ، بۇنىڭغا سەل قارىماڭ.

eleven

	تورداشلار ماڭا بىر نوپۇزلۇق ئىسلامى تور بەتنى تەۋسىيە قىلغان بولساڭلار، قىز-ئوغۇللار مۇھببەتلىشىش توغرىسىدا كاللامدىن ئۆتمىگەن سۇئاللار بار ئىدى...دىندا پىشقان ، بىلىمى چوڭقۇر تورداشلار ياردەم قىلساڭلارمۇ بۇلاتتى...

aktax

	eleven يوللىغان ۋاقتى  2013-3-18 06:19 PM تورداشلار ماڭا بىر نوپۇزلۇق ئىسلامى تور بەتنى تەۋسىيە  ... ئەركىن مۇھەببەتلىشىش ئىسلام دىنىمىزدا ھارام..سىزگە مەرىپەت يولى مۇنبىرىنى تەۋسىيە قىلىمەن... http://bbs.meripetyoli.com/forum.php

ihsanjan

	eleven يوللىغان ۋاقتى  2013-3-18 06:19 PM تورداشلار ماڭا بىر نوپۇزلۇق ئىسلامى تور بەتنى تەۋسىيە  ... http://www.musulmanlar.com/?p=1653

sabak

	http://takwalar.com/

yamgurluk

	tarboghuz يوللىغان ۋاقتى  2013-3-18 05:55 PM ئەسسالامۇ ئەلەيكۇم        تىمغا مۇناسىۋەتسىز بولسىمۇ   ... ئەسسالامۇ ئەلەيكۇم،،ئىسلام دىنىدا نىكاھ توغۇرلۇق  نىكاھ  كونىرايدۇ دەيدىغان گەپ يوق ،نىكاھ دىگەن ئاللا تاالانىڭ بىز ئىنسانلارغا بەرگەن ئۇلۇغ نىھمىتى ،،،نىكاھ مىڭ يىلدىمۇ كونىرمايدۇ ،،نىكاھنى يىڭىلاش ھاجەتسىز ،نىكاھ دىگەن ئەسكى كىگىز ئەمەس پات پات يىلىلاپ تۇردىغان ،ئۇلۇغ ئىسلام دىنىدا پەقەت نىكاھتىن چىقىش دەيدىغان گەپ بار،سىز پەقەت نىكاھتىن چىقىدىغان سۆز ھەركەتلەرنى قىلمىسىڭىزلا   قانچىلىق ۋاقىت بولسۇن سىزنىڭ نىكاھىڭىز يىڭى پىتى تۇردۇ ..ئەلىھەمدۇ لىللا سىز  مۇسۇلمان بولسىڭزلا،

tarboghuz

	قىرىنداشلىرىمنىڭ سەمىمى جاۋاپ بەرگىنىگە رەخمەت