ھەقىقىي ئەپۇ قىلىش

edirlik

	بىر قېتىم كەشپىيات ئاتسى دەپ نام ئالغان ئېدىسۇن ۋە ئۇنىڭ ياردەمچىلىرى بىر لامپۇچكا ياساپ چىقىپتۇ . ئۇلار بىر كېچە- كۈندۇز جاپالىق ئىشلەپ پۈتتۈرگەنىكەن .    ئېدىسون بىر ياش شاگىرتىنى بۇ لامپۇچكىنى ئۈستۈنكى قەۋەتتىكى يەنە بىر تەجرىبىخانىغا ئېلىپ چىقىشقا بۇيرۇپتۇ . بۇ شاگىرىت ئېدىسوننىڭ قولىدىن لامپۇچكىنى ئېلىپ ، چېقىلىپ كەتمەسلىكى ئۈچۈن ئېھتىياتچانلىق بىلەن پەلەمپەيگە قاراپ مېڭىپتۇ . بىراق كاللىسىغا لامپۇچكىنى چېقىۋەتمەسلىك خىيالى كىرۋالغاچقا ، جىددىيلىشىپ ، قوللىرى قولاشمايلا قاپتۇ . ئۇ مېڭىپ پەلەمپەينىڭ ئۈستىگە چىقىشىغىلا ، لامپۇچكا يەرگە چۈشۈپ چېقىلىپ كېتىپتۇ . بۇ چاغدا ئېدىسون بۇ شاگىرتىنى قىلچە ئەيىپلىمەپتۇ . بىر قانچە كۈن ئۆتكەندىن كېيىن ئېدىسون ياردەمچىلىرى بىلەن يەنە بىر كېچە - كۈندۈز جاپالىق ئىشلەپ ، يەنە بىر لامپۇچكىنى ياساپ چىقىپتۇ . لامپۇچكىنى پۈتتۇرگەندىن كېيىن ، ئېدىسون ئويلىنىپ ئولتۇرمايلا ، لامپۇچكىنى ھېلقى شاگىرتىغا تۇتقۇزۇپ ، يەنە ئۈستىگە ئاچىقىشقا بۇيرۇپتۇ . بۇ قېتىم ھېلقى شاگىرتى خاتىرجەم ھالدا لامپۇچكىنى ئۈستۈنكى قەۋەتكە ئېلىپ چىقىپتۇ . بۇ ئىشتىن كېيىن بىر ئادەم ئېدىسوندىن : ___ سىز ئۇنى ئەپۇ قىلغاندىن كېيىن بولدىغۇ ، يەنە ئۇنىڭغا لامپۇچكىنى يەنە ئۈستىگەئاچىقىشقا بەرگىنىڭىز نېمىسى ؟ ناۋادا يەنە يىقىلغان بولسا قانداق قىلاتتىڭىز ؟ - دەپ سوراپتۇ . ئېدىسون : ___ ھەقىقىي ئەپۇ قىلىش ئېغىزدا دەپ قويۇش بىلەنلا كۇپايىلەنمەيدۇ .بەلكى ئۇنى ئۆز ھەركىتىمىز ئارقىلىق ئىپادىلىشىمىز كېرەك ، - دەپ جاۋاپ بېرىپتۇ .          مەنبە : خەنزۇچە << ئوقۇرمەن >> ژورنىلىدىن تەرجىمە قىلىندى .

!UYGHURJAN

	بۇنى تىلى بىلەن دىلى بىردەك ئەمەس ئادەملەر كۆرسە بولىدىكەن ، ياراپمۇ قالىدۇ يولۋاسقا تۈلكە ، بولغاچقا يۈزىدە خۇشامەت كۈلكە . ھەزەر قىل ئاشۇنداق تىلى شىكەردىن ، چاپىدۇ بىر كۈنى پۇتۇڭغا كەكە .

kaqvr

	خاتالىق ئۆتكۈزمەيدىغان ئادەم بولمىسا كېرەك . ياخشى تېمىكەن .

kokboraa

	راس ،ئەپۇقىلىشنى بىلگەن ئادەم ئاندىن باشقىلارنىڭ قوللىشىغا ئىرىشەلەيدۇ.

0999uyghurkizi

	ئېبرەتلىك ھېكايىكەن . چىن يۈرەكتىن كەچۇرمەك  ھەقىقەتەن ئاسان ئەمەس !

1710771680

	بىز بىر قېتىم خاتالىق ئۆتكۈزسەك ،باشلىقلار ھەر قېتىملىق يىغىندا بىر قېتىم ئەيىپلەيدۇ.