ھىدايەت قەسىدىسى (شېئىر )

uqkun420

	ھىدايەت قەسىدىسى (شېئىر ) بەخىت قوينىغا ئىنتىلسەڭ ، ئىلىم ئىرپان يۈلەك بولسۇن ، سەپەرداش بولما جاھىلغا ، يۈرەر مەنزىل بۆلەك بولسۇن . ياساپ كەتسەڭمۇ گەر ئۇچقۇ ، پەلەكلەردە كېزىپ يۈرگەن ، ياراتقان زاتقا يۈزلەنگىن ، ئەقىل ئىدراك تىرەك بولسۇن . غەنىمەت بىل قانائەتنى ، ئېسىل تۇرمۇشقا كۆزتىكمە ، ئىماندىن ئۆزگە راھەتنى ، بولۇر دەپ ھىچ ئۇمۈت كۈتمە . دىنىڭ كۈلگەندە سەن كۈلگىن ، مۇسىيبەتلەنسەقان يىغلا ، پىشانەڭ سەجدىگە بارماي ، بىرەركۈن بىۋاپا ئۆتمە . بىراۋ كەلتۇرسە پەردازلاپ ، ئىمانسىزلىقنى پەرمايىش ، تېپىلماس زەررىچە بۇرھان ، ئۇنىڭ دەسمايىسى خاھىش . تەپەككۇرنى يۈلەك قىلغىن ، ھىدايەتنى سورا ھەقتىن ، ئىجابەت ئەيلىسە رەببىم ، باھارغا ئايلىنار جۇت قىش . تۈمەن رەڭلىك يىمەكلىكتىن ، قىزىل قان بولغاننى ئويلاپ باق ، ئانا رەھمىدە چىشلەم گۆش ،ئاڭا جان بولغاننى ئويلاپ باق . باھار كەلسە قۇرۇق شاختىن ، ھايات ياشناپ بېرەر مىۋە ، ئۇنى زاۋۇتتا ئىشلەشكە ، نە ئىمكان بولغاننى ئويلاپ باق . ئۈژۈم ياپراقىدىن "پىلقۇرۇت" يىپەك قىلغانىنى ئەسلە ، ئۇنى زاۋۇتتا ئىشلەش ھەم ، مۇھال بولغانىنى ئەسلە . ئەشۇ ياپراقنى قوي ياكى ، كالاڭغا بىر ئۆمۈر بەرسەڭ ، ئېغىلدا نە غوزەك بولسۇن ، ماياق تولغانىنى ئەسلە . دېڭىزدىن پارلىغان بۇژغۇن ، شامالدا ئۆرلىدى كۆككە ، ئىتائەت ئەيلەبان ھەرچاغ ، ئۇلۇغ قادىرۇ-قۇدرەتكە . قۇيۇلماستىن بىراق كۆكتىن ، زىمىنغا چۈشتى زەر تامچە ، ئەقىل لال بولمىسا كاشكى ، ئۇنىڭدەك كاتتا ھىكمەتكە . كۆرەلمەستىن تۇرۇپ جانسىز ، تىزىلدى شۇنچە ئۇز رەتلىك ، ئۇنىڭسىز بولمىغاچ تەسۋىر ، گۈزەل ھۆسنىڭگە قاش كىرپىك . بولالامتى ئانا ھەمدەم ، ئۇزۇق بەرمەككە پەرزەنتكە ، ئىلاھى كۈچ قۇۋەت ئىيلە ، ئەگەر ئۇلانمىسا كىندىك . تۇخۇمدىن سىرتقا چىقماستىن ، قانات تەخ بولدى قۇشلارغا ، مەگەر بولغاندا شۇ پەيسىز ، نىچۈك ئۆرلەيتى ھاۋاغا . بېرىلگەن بولسا گەر تاللاش ، ياساشقا خالىغان ئەزا ، قەيەردىن بىلدى ئۇچماقنى ، تۇغۇلغان چاغدا دۇنياغا . ھەرە قارنىدا گۈل بەرگى ، ھەسەلگە ئايلىنار تىزدىن ، تېپىلمايدۇ ئەشۇ خىسلەت ، يولۋاس ۋەياكى يىلپىزدىن . دىمەك خالىق ئاتا قىلغان ، ياراتقان ھەرنىگە خاسلىق ، ئەقىل بابىدا ھەر جانزات ، تۆۋەن تۇرغان كەبى بىزدىن . يېزىشتى قانچىلاپ داستان ، كېلىپ دەۋرانغا كۆپ ئاقىل ، ئىرىشتى ئۇشبۇ ھۆرمەتكە ، تۇتۇپ ئۇستاز ئوقۇپ كۆپ يىل . بىراۋدىن ھېچ ئىلىم ئالماي ، مىسىلسىز بولدى پەيغەمبەر ، ئېلىپ كەلمەس ئۇنىڭدەك يول ، ئەگەر بىرلەشسە مىڭ پازىل . دەلىل بولغاندا بىر ئوكيان ، مىنىڭ كەلتۈر گىنىم تامچە ، سۈپەتلەشكە تىلىم ئاجىز ، ئورۇنسام بۇ ھەقتە ھەر قانچە . بېسىپ ئون-نەچچە دەۋراننى ، ھەرىپ ئۆزگەرمىدى قۇرئان ، ئۇنىڭ دۈشمەنلىرى ھەرچاغ ، تىرىشقان بولسىمۇ شۇنچە . ھىدايەت تاپسا بىر ئىنسان ، مىنىڭ ئۇشبۇ قەسىدەمدىن ، يېنىك بولغاننى ھىس قىلسام ، مۇسۇلمانلىق ۋەزىپەمدىن . ياشاپ ئۆتسەم پۈتۈن ئۆمرۈم ، بولۇپ ھەق دىنغا دەۋەتچى ، يېراقلاشماي بىرەر لەھزە ، سۈزۈك تەۋھىد ئەقىدەمدىن . فارۇق571 2013-3-12

mahatjan

	تۇخۇمدىن سىرتقا چىقماستىن ، قانات تەخ بولدى قۇشلارغا ، مەگەر بولغاندا شۇ پەيسىز ، نىچۈك ئۆرلەيتى ھاۋاغ بېرىلگەن بولسا گەر تاللاش ، ياساشقا خالىغان ئەزا ، قەيەردىن بىلدى ئۇچماقنى ، تۇغۇلغان چاغدا دۇنياغا . ئالماشقاچقا ئىتەك بىلەن ياقىلار، ئۇچىمەن دەپ خەقىش قىلار پاقىلار.   كىم بىلىدۇ مۇشۇنداق كىتىۋەرسە،   ئالمىشامدۇ تېخى تۇماق بىلەن تاقىلار. مەزمۇننى بەك ياخشى ئىپادىلەپسىز،

kokboraa

	بەك ياخشى يىزىپسىز .(ئاللاھ ئەجرىڭىزنى بەرسۇن)

Janbar

	مىسرانىمدا مانا مۇشۇنداق ئىسىل تىمىلارغا ئىنكاس تولىمۇ ئاز بولۇۋاتىدۇ . قىرىنداشلىرىمىز شۇ قالايمىقان مۇنازىرە بولسىلا بولدى . شىئىرىڭىزنى شۇنداق ياقتۇرۇپ ئوقۇدۇم ،ھەم كۆچۈرۈپ ئىلىپلا كەتتىم(ئاپتۇرىنى ئەسكەرتىپ)خاپا بولمىغانسىز.

uqkun420

	Janbar يوللىغان ۋاقتى  2013-3-17 02:20 PM مىسرانىمدا مانا مۇشۇنداق ئىسىل تىمىلارغا ئىنكاس تولىم ... ئەسسالامۇ ئەلەيكۇم .ياقتۇرغان بولسىڭىز ، كۆچىرۋاسىڭىز بولىۋىردۇ ، بىرەر قىرىندىشمىزنى ، ھاياتنىڭ ھەقىقىتى ئۈستىدە ئويلىنىشقا ، ۋە رۇھى ئۇزۇق بېرىشكە مۇيەسسەر بولالىسام ، ئەجىرنى ئىگسدىن كۈتمەن .

qaraxani

	ئاللاھ خالىغان بەندىنى ھىدايەتكە ئېرىشتۈرىدۇ،خالىغان بەندىنى غەپلەتتە قالدۇرىدۇ...قەلىمىڭىز بەرىكەتلىك بولسۇن...

intikam

	ئەسسالامۇ ئەلەيكۇم قېرىندىشىم،  اللە رەھمەت قىلسۇن!  بەك ياخشى يېزىپسىز،  قولىڭىزغا دەرت  كەلمىسۇن.

fahri15

	217156520 چ چ  توپ  كومپىيوتېر  تېل فۇن مەسىللىرى بول سا سوراڭ

owchi.

	دەششەت ئىسىل يېزىلىپتۇ ئادەم بولساڭ بولغىن ئۆتكۈر شەمشەر قىلىچتەك ، بولمىغىن ھەرگىز ئىچى كاۋاك قۇمۇشتەك .