زار بولدۇم

سىراج

	زار بولدۇم (يېڭى ئادەم يېتىشتۈرۈش " ئالاھىدە مەكتىپى " دىكى بىزارلىق ۋە ئىنتىزارلىقلار) مەنبە: ئۆزقەلىمىم سۆزۈمنى ئاڭلا دوستلىرىم "قۇل"لۇقتىن بەك بىزار بولدۇم، پاك ،سەبىي _ ئۆسمۈرلۈكۈم،ئەركە چاغىمغا زار بولدۇم. "مەكتىپىم"دىن ئايرىلىپ،"قانات "لىرىم قايرىلىپ، "قەپەس"كە مەھكۇم بولۇپ،تۈمەن خارۇ-زار بولدۇم. ئەھلى نامەرت، دۆت -نادانغا ئۆزگەرتمەك بولۇپ بىزنى، "ئەمەل" بىلەن "سىياسەت"نى "باسقان"دىن بەك بىزار بولدۇم. بىلىمسىزلىك،نادانلىققا قارشى ئوت ئاچار ھەر چاغ، مەرىپەتپەرۋەر ئەمەلدار __"چاكار"لارغا زار بولدۇم. ئاتا -ئانا ،پەرزەنىت مېھرىدىن نەپ ئېلىشقا ، ئۆگەنگەن شۇ ھارامخور __ "ھازازۇل" دىن بىزار بولدۇم. ئەل ئۈچۈن خىزمەت قىلىپ، ھۆرمەت تېپىپ ياشاپ كەلگەن، نەسلى ساپ ،دىيانەتلىك نېنى پاكلارغا زار بولدۇم. شۇم نىيەت ،تۇڭگۇز-قاۋانلار جەننىتى بولدى بۇ يەر، مەن ئۈچۈن مىسلى _ دەۋزەخ بولدى بەك بىزار بولدۇم. ئاش بەرگەن قازاننى ھەم چاقماققا تەييار تۇرار       ، ئەھلى تۇزكور،ۋاپاسىزلاردىن بەك بىزار بولدۇم          . ئۆز نېپى __ نەپسى ئۈچۈن ،ئۆزگىگە تۆھمەت قىلىپ، "تۈگمە"نى "تۆگە" قىلغانلاردىن بەك بىزار بولدۇم. ساداقەت، ۋاپا بىلەن ناھەققە ھەق گۆركار بولۇپ، "ھەق"نى دوست تۇتۇپ كەلگەن دىلى پاكلارغا زار بولدۇم . ئاتا-ئانا ، قېرىنداش مېھرىگە شەك كەلتۈرۈپ، _"غەرەزلىك" ،دىگەن يۈزسىز -نۇمۇسسىزدىن بىزار بولدۇم. ۋەلېكىن شۇلارغىلا بىر ئۆمۈر جاپا قىلغان         ، بالا ئەمەس،"نەپسى بالا" _ ئىنساپسىزدىن بىزار بولدۇم. قېتىدىن خىلمۇ-خىل نەرسە چىقىپ كۆڭۈلنى ئاينىتار، "ئۆلمەسلىكنىڭ دورىسى __ھور نان"دىن بەك بىزار بولدۇم. سېلىپ ئەلگەكتە تاسقالغان،ئانام قولىدا تەم ئالغان، بەدەنگە كۈچ-مادار سالغان __ تونۇر نانلارغا زار بولدۇم.

ئىپارە

	راست دەيسىز، بىزنىڭ بىزار بولىدىغان ئىشلىرىمىز تىخى جىق، ھەر بىر ئىشىمىزدا ئاللاھ رازىلىقى ئۈچۈن دەپ قەدەم باسمىساق ھەم شۇنداق قىلمىساق! ئاللاھنى ھەر قانداق نەرسىدىن ئۈستۈن كۆرۈشىمىز كېرەككى ، كىچىككىناڭ ئىشتىمۇ !شۇنداققۇ ھە؟ ئاللاھ دىگەن سىلەر ئۆزۈڭلارنىڭ ھالىڭلارنى ئۆزگەرتمىگىچە مەن ئۆزگەرتمەيمەن! دەپ بۇ ئۆزگەرتىش دەل بىزنىڭ ئاللاھنى تونۇشىمىزنىڭ توغرا بولىشى ، ئاللاھنى ھەر قانداق نەرسىدىن يوقۇرى كۆرۈش،ئاللاھنى ھىچ نەرسىگە تەڭ قىلماسلىق ،ھەر قانداق ئىشتا ئاۋال ئاللاھنى ئويلاش! بۇ دۇنيا بىر سىناق دۇنيادۇر، بىز ئاللاھنىڭ ئارغامچىسىغا چىڭ ئىسىلساق ئاللاھمۇ بىزنى تاشلىۋەتمەيدۇ! لىكىن مەن شۇنى ھىس قىلدىمكى، تىخى بەزىلەر غەپلەت ئۇيقۇدا، ئاللاھنىمۇ توغرا تونالمىغان ، ئىچىنىشلىق ئىش! قايسى ساۋاپ، قايسى شەھۋەت ئايرىيالمىغان!ئازغۇنلۇق يولىدا مىڭىۋەرگەن !؟