11 ماددىلىق تىنچلىق بىتىمى

kuktulpar

	«11 ماددىلىق تىنچلىق بىتىمى»نىڭ تولۇق ئاتىلىشى «مەركىزىي ھۆكۈمەت ۋەكىلى بىلەن ئۈچ ۋىلايەت ۋەكىللىرى ئوتتۇرىسىدا تۈزۈلگەن قوراللىق توقۇنۇشنى تىنچ يول بىلەن ھەل قىلىش توغرىسىدىكى بىتىم». 1944- يىلى كۈزدە ئۈچ ۋىلايەت ئىنقىلابى پارتلىغان. 1945- يىلى 10- ئايدا ئۈچ ۋىلايەت ھۆكۈمىتى ۋەكىللىرىدىن رەھىمجان سابىرھاجى، ئوبۇلخەيرى تۆرە، ئەخمەتجان قاسىمى قاتارلىقلار گومىنداڭ مەركىزىي ھۆكۈمىتىنىڭ ۋەكىلى جاڭ جىجۇڭ بىلەن دىخۇادا (بۈگۈنكى ئۈرۈمچىدە) تىنچلىق سۆھبىتى ئۆتكۈزگەن. 1946- يىل 1- ئاينىڭ 2- كۈنى ئىككى تەرەپ 11 ماددىلىق تىنچلىق بىتىمىنىڭ تېكىستىنى ۋە بىرىنچى قوشۇمچە ھۆججىتىنى ئىمزالىغان؛ 6- ئايدا ئىككىنچى قوشۇمچە ھۆجججىتىنى ئىمزالىغان. ئاساسلىق مەزمۇنى شىنجاڭدىكى ھەر مىللەت خەلقى مەمۇرىي ئەمەلدارلارنى سايلاش ھوقۇقىغا ئىگە؛ دىنىي ئېتىقاد ئەركىنلىكىگە ئىگە؛ شىنجاڭدىكى مەمۇرىي ئورگان ۋە ئەدلىيە ئورگانلىرىنىڭ ھۆججەتلىرىدە خەنزۇ يېزىقى ۋە ئۇيغۇر يېزىقى تەڭ قوللىنىدۇ. خەلقنىڭ ھۆكۈمەت ئورگانلىرىغا سۇنغان ھۆججەتلىرىدە ئۆز مىللىتىنىڭ تىل - يېزىقىنىلا قوللىنىشقىمۇ بولىدۇ؛ ئۆز مىللىتىنىڭ تىل - يېزىقىدا ئوقۇتۇش ئېلىپ بېرىلىدۇ؛ مىللىي مەدەنىيەت ۋە سەنئەتنىڭ ئەركىن تەرەققىياتى، خەلقنىڭ نەشىر قىلىش، يىغىلىش ئۆتكۈزۈش؛ پىكىر ئەركىنلىكىگە كاپالەتلىك قىلىنىدۇ؛ باج نىسبىتى، تاشقى سودا جەھەتلەردىمۇ مۇناسىپ بەلگىلىمىلەر چىقىرىلىدۇ دېگەنلەردىن ئىبارەت ئىدى. بىرىنچى قوشۇمچە ھۆججەت ئۆلكىلىك ھۆكۈمەتنىڭ تەشكىللىنىشىگە ئائىت بەلگىلىمىلەر بولۇپ،  مەركىزىي ھۆكۈمەت 25 نەپەر ئۆلكىلىك ھۆكۈمەت ھەيئەت ئەزاسىنى تەيىنلەيدۇ. بۇنىڭ ئىچىدە 10 كىشىنى مەركەز بىۋاستە ئەۋەتىدۇ (ئەمەلىيەتتە ھۆكۈمەت تەشكىللەنگەندە يەتتە كىشى ئەۋەتكەن)، رەئىس ۋە باش كاتىپنىمۇ ئۆز ئىچىگە ئالىدۇ؛ ئۈچ ۋىلايەت ئالتە نامزات كۆرسىتىدۇ (ئەمەلىيەتتە سەككىز نامزات كۆرسەتكەن)، مۇئاۋىن رەئىس ۋە مۇئاۋىن باش كاتىپنىمۇ ئۆز ئىچىگە ئالىدۇ؛ قالغان يەتتە ۋىلايەت توققۇز نامزات كۆرسىتىلىدۇ (ئەمەلىيەتتە 10 نامزات كۆرسەتكەن)، مۇئاۋىن رەئىسنىمۇ ئۆز ئىچىگە ئالىدۇ، دېيىلگەن. ئىككىنچى قوشۇمچە ھۆججەت ئۈچ ۋىلايەت مىللىي ئارمىيىسىنى ئۆزگەرتىشكە ئائىت بەلگىلىمىلەر بولۇپ، ئۇنىڭدا ئۈچ ۋىلايەت قىسىملىرىنى دۆلەت ئارمىيىسىنىڭ شىتاتى بويىچە ئۈچ ئاتلىق تۇەن، ئۈچ پىيادە تۇەن قىلىپ تۈزۈش؛ ئەسكەرلەرنىڭ ئومۇمىي سانى 12 مىڭدىن ئاشماسلىق؛ ئىلى، تارباغاتاي، ئالتايدىن ئىبارەت ئۈچ ۋىلايەتتە تۇرۇش؛ غۇلجا تەرەپ بىر باش قوماندان قويۇش ھەم ئۈچ ۋىلايەتنىڭ بىخەتەرلىكىگە مەسئۇل بولۇش، دەپ بەلگىلەنگەن. 7- ئاينىڭ 1- كۈنى ئۆلكىلىك ھۆكۈمەت رەسمىي تەشكىللەنگەن. جاڭ جىجۇڭ رەئىس، ئەخمەتجان قاسىمى، بۇرھان شەھىدى مۇئاۋىن رەئىس بولغان. شۇ ۋاقىتتا گومىنداڭ ئەكسىيەتچىلىرى كومپارتىيىگە، خەلققە قارشى ئىچكى ئۇرۇش قوزغىغان، شىنجاڭدا تىنچلىق بىتىمىنىڭ يولغا قويۇلۇشىغا قەستەن بۇزغۇنچىلىق قىلغان. ۋەقە تۇغدۇرۇپ، ئۈچ ۋىلايەت كادىرلىرىنىڭ خىزمىتىگە توسقۇنلۇق قىلغان ۋە ھەر مىللەت دېموكراتىك كۈچلىرىگە زەربە بەرگەن، ئاخىرىدا مەسئۇدنى يۆلەپ ئۆلكە رەئىسى قىلغان، شۇنىڭ بىلەن ئۈچ ۋىلايەت كادىرلىرى غۇلجىغا چېكىنگەن؛ بىرلەشمە ھۆكۈمەت ئۈزۈل - كېسىل يىمىرىلگەن. مەنبەسى: «شىنجاڭدا يۈز بەرگەن ھەقىقىي ئىشلار ئەسەر خاتىرىسى» 2- قىسىم

!UYGHURJAN

	ئۇلار ھەرقانچە قان تۈكۈپ جەڭ قىلغان بىلەن ئازاتلىققا ئىرىشەلمەيدىغىننى بىلمەيتتىدە !

ئەرتۇرا

	بۇتىمىدىكى مەزمۇنلار جاللات سىتالىننىڭ تەقدىرىمىزنى ئويۇنچۇق قىلىپ ئوينىغان ئويۇنلىرى!

HaNaFi

	سەۋېر قېرىنداشلىرىم

kahazyolwas

	بۇ ئۇرۇشلارنىڭ تىرىك شاھىدى ، بوۋام ھازىرمۇ با ، دائىم سوراپ تۇرىمە ، جەڭلەرنى سۆزلەپ بىرىدۇ.

babur-7

	kahazyolwas يوللىغان ۋاقتى  2013-3-17 03:15 AM بۇ ئۇرۇشلارنىڭ تىرىك شاھىدى ، بوۋام ھازىرمۇ با ، دائىم  ... بۇۋىڭىز كىمۇ  ئاڭلاپ باقايلى  قىرىندىشىم

kahazyolwas

	تۇر*******

nul

qaraxani

	11ماددا ئەمەس ،بەلكى 11‹‹مادا››.............ئۇنىڭ نومۇسىنى قايسى بىر ‹‹ھاڭگا›› بۇلغىدى..........