ئۈرۈمچىدە يامغۇر يېغىپتۇ....

ئەجەل

	بۈگۈن يامغۇر يېغىپتۇ، يولدا تاماكامنى قاتتىق قاتتىق شوراپ كېتىۋاتىمەن...پۇتلىرىم خۇددى گەۋدەمگە ئېسىۋالغان مۇنۇ ئەقىلسىز بېشىمدەكلا ئېغىر.چۈشكۈنلۈك قاپلىغان جىسممىم باھار يامغۇرىدىن سەگىيدىغاندەك ئەمەس يەنە غەمگە چۈشتۈم! ئۈرۈمچىدە يامغۇر يېغىپتۇ، يۈرەكلىرىم ئاغدى ئىشەنسەڭ... كەلدى يەنە يېڭى بىر مەۋسۇم، نېمە تېرىپ نېمە ئورارمەن؟ گويا يۈرىكىمنى پايانداز قىلىپ ماڭغاندەك،ھەربىر قەدىمىم نەپسىمنى بوغماقتا.ئىنساننىڭ روھى چۈشسە، ئۇنىڭ مىنگەن ئېتىمۇ چاپالمايدۇ دېگەن گەپنى كىم دېگەنلىكى ئېسىمدە يوق،لېكىن راسىتلىقىغا چوقۇم گۇۋاھلىق بېرىمەن!شۇ تاپتا مېنىڭ ئېتىم ئەمەس،مېڭەممۇ ئىشلەشتىن توختىغان بۇنداق ئەھۋالدا پۇتۇمنىڭ ھەرىكەن قىلىۋاتقىنىمۇ مەن ئۈچۈن چوڭ ئىش ئەلۋەتتە! خۇش بولمدىم يېڭى پەسىلدىن، يۈرەكلىرىم سىقىلدى ھەيھات. باھار ئىشقى قالدى نەلەردە؟ ئۆلگەن روھلار توۋلايدۇ پەرياد. بىر نەرسىلەرنى ئويلاپ باقاي دەيمەن لېكىن ئويلاشتىن قورقىمەن.ئاللىقانداق چىگىش پىتلىشىپ كەتكەن خىياللارنى قىلىشتىنمۇ ئارتۇق ئازاب بولمىسا كېرەك.كاشكى بۇخىياللاردا زەررىچە ئۈمىدنىڭ نۇرى بولسا نېمە دەي! شۇنچىلىك ھوزۇرلۇق باھارنىڭ مەيىن شامىلىغىمۇ زوقۇم يوق.روھى ئۆلگەن ئادەمگە قەھرىتاننىڭ شىۋىرغىنى بولامدۇ باھارنىڭ مەيىن شامىلى بولامدۇ ئوخشاش بولسا كېرەك!شۇنچىلىك تىتىرەپ تۇرىمەن سوغۇقتىنمۇ ياكى قورقۇنۇچتىنمۇ بىلمەيمەن! مەيىن شامال تىلىپ يۈزۈمنى، دەرەخلەرگە ئۈنمەكتە بىخلار... قەيەرلەردىن كەلگەندۇ كۆچۈپ؟ غاجىلىماقتا كۆڭلۈمنى ھېسلار!    يامغۇر...مەن زارىقىپ كۈتكەن يامغۇر قاچانمۇ ياغار؟بوغۇلغان روھ ،بۇلغانغان روھ... زىددىيەتكە تولغان ھايات.ئاخىرى چىقماس خىياللار...ماڭا جۈرئەت كېرەك،جاسارەت كېرەك...قايتا ئورنۇمدىن دەس تۇرالىغۇدەك،جىسمىمنى چەمبەرچەس قاماللىۋالغان كىشەنلەرنى چېقىپ تاشلىغۇدەك...ماڭا ئۈمىد كېرەك... ھاياتلىقىمنى ،يوللىرىمنى قايتا يورۇتقۇدەك!ئەڭ ئالدى بىلەن ماڭا بىر بازغان كېرەك...ئايىغى چىقماس خياللارنى تولا قىلىدىغان،مېنى چۈشكۈنلۈك پاتقىقىغا باشچىلاپ ئەكىرىپ كېتىۋاتقان قاپاق كاللامنى چېقىپ تاشلىغۇدەك... ماڭا نۇرغۇن نەرسە كېرك.................................................................................................                                                          مەنبە:ئۆزەم

eternal

	رەخمەت .ئوبدان يېزىپسىز ،روھى چۈشكۈنلۈكتىن قۇتۇلۇش ئۈچۈن بىزگە غەيرەت ،شىجائەت كېرەك.

326ayixa

	يېكى مەۋسۇمنى يىڭىچە كۈتىۋالغايسىز  . ئىشەنچ ، نىيەت بولغاندىلا تىلىكىڭىز ئەمەلگە ئاشىدۇ . سىزگە ئۇتۇق تىلەيمەن .

gulbelik

	خۇددى منىڭ ھازىرىقى روھى ھالتىمنى يازغاندەكلا ، ئادەم بەزدە ئەنە شۇنداق روھيەت بىلەن ئەقىل ئارسدا تېڭرقاپ قالدىكەن.ماڭغان يولڭىز توغرا ،ئەمما بۇ يولنىڭ ئاخىرى قەيەر ؟ ئەتراپڭىزدكى ھەربىر ئادەمنىڭ كۆزدىن نە بىر مھر -مۇھەببەت ،نە بىر ئادمگەرچلىكىنىڭ نۇرى يوق..سىز ئۆلۋاتامسىز يا تىرلۋاتامسىز ھچبىر ئادەمنىڭ سىز بىلەن كارى يوق..ئۆزڭزنىڭ روھى دۇنياسدا ئۆزڭىز بىلەن تىلسىز كۈرەش قىلپ ئۆتدكەنسز...ھەي بەلكىم بۇمۇ ياشلىقتىكى قېچپ قۇتۇلغىلى بولمايدغان كەيپيات بولسا كېرەك ..مەيلى نېملا بولمسۇن يېڭى بىر باھاردا ،يېڭى ياغقان ئاشۇ يامغۇردا ،قەلبڭىزدىكى بارلىق چۈشكۈنلۈك ۋە يالغۇزلۇقنى يىراققا چۆرۈپ تاشلاپ ..ئۆزڭىز ئۈچۈن يېىڭى بىر قەدەمنى بېسڭزنى ئۈمۈد قىلمەن..

qizilpachaq

	يامغۇردا تاماكا چەككىلى بۇلامدۇ؟ئۈچۈپ كىتەر ھەقىچان. ئۇستا بەڭگى بولسىڭىز كېرەك

akyda007

	ياخشى تېما ئىكەن

ئەجەل

	ماۋۇ نېمە ئىش دەيمەن؟ئىملانى شۇنداق توغرا يازغاندەك قىلغان يەنە ھارغۇچە ئىملا خاتالىقى بارغۇ بۇ لەنىتى تېمىدا!

مىژگان

	مېنىڭ كۈندىلىك خاتىرەمدىكى گەپلەرنى كۆتۈرۈپلا ئەكەلدىڭىزمۇ نېمە؟ لېكىن مېنىڭكىدە «تاماكا» دېگەن گەپ يوق ئىدى. چاقچاق ھە، جىلە بولاپ كەتمەڭ ئەمدى!    توغرا دەپسىز نەسىرىڭىزدە، چۈشكۈنلەشكەن چاغدا كۆپىنچىسى ئادەم يەنىلا ئۆزىگە تاينىش كېرەك.   ئوبدان يېزىلىپتۇ،   يەنە بولسا  مانداق يۈتتۈرۋەتمەي ئۇدۇل مۇنبەرگە يوللاسىز!

qayan444

	1+1+1+1+11+1+1+1+1+1........

otmux020

	تاماكا چىكىش سالامەتلىككە زىيانلىق، ئەمما ما نەسىرنى ئاۋازلىق قىلىپ ئىشلىسە ناھايتى ھىسياتلىق چىققۇدەك جــــــــــــــــــــــــــــــــــــــــۇ مــــــــــــــــــــــــــــــــــــــــــــــــــــــــــا