رىزقىڭىز بىكاردىن كەلمەيدۇ

A.A

	رىزقىڭىز بىكارغا كەلمەيدۇ.       تۇرمۇشتا نۇرغۇن كىشىلەرنىڭ كۆڭلىگە تىرىشماي نەتىجە قازىنىش، لاتارىيە مۇكاپاتىغا ئېرىشىش، نۇرغۇن پۇل تېپىۋېلىش، تۇيۇقسىز ئەمىلى ئۆسۈپ كېتىش...قاتارلىق ئۈمىدلەر يوشۇرۇنغان بولىدىكەن.دېمىسىمۇ نۇرغۇن كىشىلەر مۇشۇنداق خام خىياللارنى سۈرۈشكە ئامراق كېلىدىكەن. لېكىن نەدىمۇ دۇنيادا ئۇنداق رىسقىڭىز ئاسماندىن چۈشىدىغان ياخشى ئىش بولىدۇ دەيسىز.     شۇنىڭ ئۈچۈن، مۇۋەپپەقىيەت قازىنىش ياكى بەختلىك بولۇشنى قانچىلىك ئۈمىد قىلىشىڭىزدىن قەتئىينەزەر، ھەممىسى پەقەت ئۆزىڭىزنىڭ تىرىشچانلىقى ئارقىلىقلا قولغا كېلىدۇ.     بىر كۈنى بىر موماي شەھەرگە بېرىپ، كېلىنىنى كۆرۈپ كېلىش ئۈچۈن يولدا كېتىۋاتسا چىرايلىق بىر زىننەت بۇيۇمىنىڭ قېپى دومىلاپ كېلىپ، موماينىڭ پۇتىنىڭ يېنىغا كېلىپ توختاپتۇ. يول بويىدا كېتىۋاتقان بىر بالا ناھايىتى تېزلىكتە زىننەت بۇيۇمى قېپىنى قولىغا ئېلىپ شۇنداق ئېچىپ قارىسا، ئىچىدە بىر تىزىق ئالتۇن مارجان ۋە تالون بار ئىكەن. تالون ئۈستىدە مەلۇم بىر زىننەت بۇيۇمى دۇكىنى تۈزگەن، باھاسى 2800 يۈەن دېگەن خەتلەر يېزىلغان بولۇپ، بۇنى كۆرۈپ موماي ئۇ بالىنى تېپىۋالغان نەرسىنى ئىگىسىگە قايتۇرۇپ بېرىشكە دەۋەت قىپتۇ.     شۇنىڭ بىلەن موماي ئىككىسى مارجاننىڭ ئىگىسىنى ساقلاپ ئولتۇرۇپتۇ. بىراق خېلى ۋاقىت ساقلىغان بولسىمۇ بىرەرسى ئۇ زىننەت بۇيۇمىنى ئىزدەپ كەلمەپتۇ. بۇ ۋاقىتتا ھېلىقى يىگىت مومايغا: «ماڭا مىڭ يۈەن بەرسەڭ، مارجاننى ساڭا بېرەي» دېگەن تەكلىپنى بېرىپتۇ. موماي «بۇ قانداقمۇ مۇمكىن بولسۇن» دەپتۇ. بىراق ئۇنىڭ كۆڭلى بارا-بارا ئېغىشقا باشلاپتۇ. موماي كۆڭلىدە «مەن بۇ مارجاننى سېتىۋېلىپ كېلىنىمگە سوۋغا قىلسام بولىدىغۇ؟ ئەينى ۋاقىتتا كېلىنىم بىزنىڭ ئۆيگە يېڭى كىرگەندە، ئۇنىڭغا ھېچ نەرسە ئېلىپ بېرەلمىگەن ئىدۇق. بۇ قېتىم ئۇلارنى كۆرگىلى بارغاندا، بۇ مارجاننى سوۋغا قىلسام، ئۇ چوقۇم بەك خۇشال بولىدۇ، ئەمەسمۇ؟» دەپ ئويلاپتۇ. شۇنىڭ بىلەن موماي ئۇ بالىغا «مەن شەھەرگە ئوغلۇم بىلەن كېلىنىمنى كۆرگىلى ماڭغان، شۇڭا يېنىمدا كۆپ پۇل يوق، پەقەت مۇشۇ 800 يۈەنلا بار، مۇشۇنىڭغا سېتىپ بەرسەڭ بۇلامدۇ؟» دەپ سوراپتۇ. بالا مەرتلىك قىلغان قىياپەتتە تولىمۇ خۇشال ھالدا «ئۇنداق بولسا بوپتۇ، مەن ئازراق زىيان تارتساممۇ ھېچقىسى يوق، كىم سىزنى مەندىن چوڭ بولۇپ قالسۇن دەپتىكەن» دەپتۇ.     شۇنىڭ بىلەن موماي 800 يۈەننى بالىغا بېرىپ ئاسانلا ھېلىقى ئالتۇن مارجانغا ئېرىشىپ ئۆز يولىغا راۋان بوپتۇ. موماي ئوغلىنىڭ ئۆيىگە كېلىپلا يولدا بولغان ئىشنىڭ بارلىق جەريانىنى ئەر-ئايال ئىككىسىگە سۆزلەپ بېرىپتۇ ۋە مارجاننى چىقىرىپ كېلىنىگە بېرىپتۇ. ئەر-ئايال ئىككىسى بۇنىڭدىن سەل گۇمانلىنىپتۇ، نەتىجىدە ھېلىقى ئالتۇن مارجان دېگەندەك ساختا چىقىپ قاپتۇ. ئەسلىدە بۇ موماي باشقىلارنىڭ كولىغان ئورىكىگە ئاسانلا چۈشۈپ كەتكەن ئىكەن.     دېمەك، بىر ئۈلۈش تىرىشسىڭىز بىر ئۈلۈش نەتىجە قازىنىسىز، بۇ دۇنيادا ئىشلىمەي ئېرىشىدىغان ھېچقانداق نەرسە يوق. تۇيۇقسىز كەلگەن پايدىنىڭ ياكى ئامەتنىڭ سىزنى ئېزىقتۇرۇشىغا ھەرگىزمۇ يوق قويماڭ. ئەمەلىيەتتە، سىزنىڭ رېسقىڭىز ئاسماندىن چۈشمەيدۇ، ئەمەلىي تۇرمۇشتا قىلتاق ھەقىقەتەنمۇ كۆپ، مەسىلەن، پۇل، ئابروي، مەرتىۋە، گۈزەل قىز، پۇرسەت قاتارلىقلار. ئەمەلىيەتتە، ھەممە قىلتاقنىڭ ئورتاق بىر ئالاھىدىلىكى بار، ئۇ بولسىمۇ، قىزىقىشتىن ئىبارەت پىسخىكىڭىزنى دەستەك قىلىۋېلىپ، ئۆزىڭىزگە مەنسۈپ بولمىغان نەرسىگە قىزىقتۇرۇشتىن ئىبارەت. بەزى ۋاقىتتا، كىچىككىنە پايدىنى دەپ بىر قىسىم «ئەقىللىق كىشىلەر» ھاماقەتلەرگە ئايلىنىپ قالىدۇ، تۇرمۇش مۇشۇنداق ئېزىتقۇلارغا تولغان بۇ دەۋردە، سەگەكلىكىڭىزنى ھەسسىلەپ ئاشۇرسىڭىز، ئاندىن قىلتاققا چۈشۈشنىڭ ئالدىنى ئالالايسىز. مەنبەسى:  خەلق تورى

akyda007

kaLGundi

	شۇنداق رىسىق ئاسماندىن چۇشمەيدۇ بىز تىرىشىپ ئۆز رىسقىمىزنى ئۆزىمىز تېپىپ يىيىشىمىز  كېرەك                                                                                                                 ھەي خۇدا بېرەرسەن بۇدا دەپ ئولتارساق ئاسماندىن ھىچنىمە چۇشمەيدۇ

aygul517

yattaasman

	ھەي خۇدا بېرەرسەن بۇدا دەپ ئولتارساق ئاسماندىن ھىچنىمە چۇشمەيدۇ قېرىنداش، خۇدا كادىر بوممىغان ئۇچار قۇشقىمۇ، دىبوچى بوممىغان چۈمۈلە قۇرۇتلارغىمۇ، سودىگەر بوممىغان ھايۋان جانلارغىمۇ رېسقىنى بېرىپ كېلىۋاتمامدۇ. مەسىلىگە ئىككى نۇقتىدىن قاراش زۆرۈر

ئەنسارى.

	تەلەپ قىل، سەۋەپ قىل.

ANSWER

	تىتىملىق تىما ، تىرشىش ئارقىلىق سەۋەبىنى بىز قىلىمىز ، ئاللاھ ئۆز ھىكمىتى بىلەن بىزلەرگە رىزىق ئاتا قىلغۇچىدۇر ، ئاللاھىمنىڭ سۈپەتلىرىدە رەززاق دەل رىزىق بەرگۈچى دىگەنلىك بولىدۇ !

oychan

	51- سۈرە زارىيات ئاسماندا سىلەرنىڭ رىزقىڭلار بار، سىلەرگە ۋەدە قىلىنغان ساۋاب بار.(22) 67- سۈرە مۈلك ئەگەر اﷲ رىزقىنى تۇتۇپ قالسا، سىلەرگە كىم رىزىق بېرىدۇ، ئۇلار تەكەببۇرلۇقتا، ھەقتىن يىراقلىشىشتا ئەزۋەيلەپ كەتكەندۇر.(21) 15- سۈرە ھىجىر يەر يۈزىدە سىلەر ئۈچۈن ۋە سىلەر رىزقىنى بېرەلمەيدىغانلار (يەنى خادىملار ۋە ھايۋانلار) ئۈچۈن تۇرمۇش لازىمەتلىكلىرىنى ياراتتۇق (ئۇلارنىڭ يېمەك-ئىچمەكلىرىنى سىلەر ئەمەس، بىز يارىتىمىز) .(20) 17- سۈرە بەنى ئىسرائىل كەمبەغەللىكتىن قورقۇپ بالىلىرىڭلارنى ئۆلتۈرمەڭلار*. ئۇلارنىڭ ۋە سىلەرنىڭ رىزقىڭلارنى بىز بېرىمىز، ئۇلارنى ئۆلتۈرۈش ھەقىقەتەن چوڭ گۇناھتۇر.(31) 29- سۈرە ئەنكەبۇت نۇرغۇن ھايۋانلار ئۆز رىزقىنى ئۈستىگە ئالالمايدۇ)يەنى ئۆز رىزقىنى تېپىپ يېيىشتىن ئاجىزدۇر)، ئۇلارنى ۋە سىلەرنى اﷲ رىزىقلاندۇرىدۇ، اﷲ)سۆزۈڭلارنى)ئاڭلاپ تۇرغۇچىدۇر،)ئەھۋالىڭلارنى) بىلىپ تۇرغۇچىدۇر.(60) اﷲ بەندىلىرىدىن قايسى ئادەمنىڭ رىزقىنى كەڭ قىلماقچى بولىدىكەن، ئۇنى كەڭ قىلىدۇ،)قايسى بەندىسىنىڭ رىزقىنى تار قىلماقچى بولىدىكەن) ئۇنى تار قىلىدۇ، اﷲ ھەقىقەتەن ھەممە نەرسىنى بىلىپ تۇرغۇچىدۇر.(62) 34- سۈرە سەبەئ ئېيتقىنكى، «ھەقىقەتەن، پەرۋەردىگارىم كىمنىڭ رىزقىنى كەڭ قىلىشنى خالىسا ئۇنى كەڭ قىلىدۇ، (كىمنىڭ رىزقىنى تار قىلىشنى خالىسا ئۇنى) تار قىلىدۇ، لېكىن كىشىلەرنىڭ تولىسى (بۇنى) ئۇقمايدۇ».(36) 44- سۈرە دۇخان ئۇ كېچىدە ھەر بىر ھېكمەتلىك (يەنى ھېكمەتنىڭ تەقەززاسى بويىچە قىلىنغان) ئىش (يەنى بەندىلەرنىڭ رىزقى، ئەجىلى ۋە باشقا ئەھۋالى) ئايرىلىدۇ.(4)

ئەلشاھ

	ئەسسەلامۇ ئەلەيكۇم. تېما يوللىغۇچى ئاپتورنىڭ ماۋزۇسىدا مەسىلە بار دەپ قارالغان پىكىرنىڭ كۆپ بولغانلىقى سەۋەبلىك مۇۋاپىق دەپ قارىغان سۆزگە ئالماشتۇرۇلدى. ماۋزۇ ھەققىدە پىكىر بەرگەن تورداشلارغا كۆپ تەشەككۈر. تورداشلارغا بىلدۈرگۈ: مۇنازىرە كىشىنى قايىل قىلىدىغان بولىشى كېرەك. مۇنازىرە ئىنكاسى شۇ كىشىنىڭ مۇناسىۋەتلىك تېمىغا بولغان كۆز قارشىنى ئىپادىلەيدۇ. شۇڭا باشقىلارنىڭ ئىنكاسىنى نەقىل ئالماي، تېما يوللاپ مۇنازىرە تەلەپ قىلغۇچى بىلەن مۇنازىرە قىلىشىڭلارنى تەۋسىيە قىلىمىز. چۈنكى مۇنازىرە تەلەپ قىلغۇچى ئىنكاس يوللىغۇچى ئەمەس تېما يوللىغۇچى. سىلەرگە ئېيتسام 2013-يىلى ئەڭ چوڭ ئەخلاقسىزلىق بولسا ، تېمىغا يازغان ئىنكاسقا  مۇنازىرە قىلغۇچىلار ھېسابلىنىدۇ. شۇڭا تورداشلارنىڭ قوللاپ بېرىشىنى ئۈمىد قىلىمىز.

太阳

	ھەرىكەت بىزدىن، بەرىكەت ئاللاھتىن .......